ᐃᓯᑭᐁᓬ 22
22
1ᐁᑯᓯ ᒥᓇ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᓂ ᑭ ᐅᑎᐦᑎᑯᐣ, ᐁ ᐃᑌᐧᐟ, 2ᑭᔭ ᒫᑲ ᐃᔨᓂᐃᐧᑯᓯᓵᐣ, ᑭ ᑲ ᐅᔭᓱᐊᐧᐣ ᒋ, ᑭ ᑲ ᐅᔭᓱᐋᐧᑌᐣ ᒋ ᑳ ᒥᐦᑯᐊᐧᕽ ᐅᑌᓇᐤ? ᑭᔮᒼ ᒫᑲ ᑭ ᑲ ᑭᐢᑫᔨᑕᒧᐦᐋᐤ ᑲᐦᑭᔭᐤ ᑳ ᓭᓭᐢᑫᔨᑖᑲᐧᓂᔨᑭ ᐅᐟ ᐃᓯᐦᒋᑫᐃᐧᓇ. 3ᑭ ᑲ ᐃᑖᐧᐣ ᒫᑲ, ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᐅᑌᓇᐤ ᑳ ᓯᑭᓇᒧᒪᑲᕽ ᒥᐦᑯ ᒣᑳᐧᐨ ᐁᑯᑕ, ᐅ ᑭᓯᑳᒼ ᑭᑕ ᐅᑎᐦᒋᐸᔨᔨᐠ, ᒥᓇ ᑳ ᐅᓯᐦᑕᒫᓱᐟ ᒪᓂᑐᑳᓇ ᑭᑕ ᐃᐧᓀᔨᑖᑯᐃᓱᐟ! 4ᑭᐟ ᐊᑖᒣᔨᑖᑯᓯᐣ ᑭ ᒥᐦᑯ ᑳ ᑭ ᓯᑭᓇᒪᐣ, ᒥᓇ ᑭ ᐃᐧᓀᔨᑖᑯᓯᐣ ᐊᓂᑭ ᒪᓂᑐᑳᓇᐠ ᐅᐦᒋ ᑳ ᑭ ᐅᓯᐦᐊᒋᐠ; ᒥᓇ ᑭᐟ ᐃᐦᑐᑌᐣ ᑭ ᑭᓯᑳᒪ ᑭᑕ ᐯᓱᓈᑲᐧᑭ, ᒥᓇ ᑯᑎᑌᐣ ᑭᐟ ᐃᐢᐱᑎᓯᐃᐧᐣ; ᐁᐊᐧᑯ ᐅᐦᒋ ᑭ ᑭ ᐃᓯᐦᐃᑎᐣ ᑭᑕ ᒪᒋᐃᑎᐢᑭᐠ ᓇᓈᑐᑯᐢᑳᐣ ᐊᔨᓯᔨᓂᐊᐧᐠ, ᒥᓇ ᑭᑕ ᒣᑕᐋᐧᑳᑎᑲᐃᐧᔭᐣ ᒥᓯᐁᐧ ᐹᐱᑐᐢ ᐊᐢᑭᕽ. 5ᐊᓂᑭ ᑭᓯᐋᐧᐠ ᑳ ᐊᔮᒋᐠ, ᒥᓇ ᐊᓂᑭ ᑳ ᔮᐋᐧᐸᒥᐢᑭᐠ, ᑭ ᑲ ᒣᑕᐋᐧᑳᑎᑲᐧᐠ ᑭᔭ ᑳ ᒫᔮᒋᒥᑲᐃᐧᔭᐣ ᒥᓇ ᑳ ᒥᑯᐢᑳᑕᑲᒥᑭᓯᔭᐣ.
6ᒫᑎᑲ, ᐃᐢᕒᐁᐃᓬ ᑭᐦᒋᐅᑭᒫᐃᐧᑯᓯᓵᓇᐠ, ᑲᐦᑭᔭᐤ ᐊᐃᐧᔭᐠ ᐁ ᐃᓯ ᑲᐢᑭᑖᐟ, ᐁᑯᑕ ᑭ ᐊᔮᐤ ᑭᑕ ᓯᑭᓇᕽ ᒥᐦᑯ. 7#ᐁᐠᓴᑕᐢ 20:12; ᑎᔪᑕᕒᐊᓇᒥ 5:16; ᐁᐠᓴᑕᐢ 22:21,22; ᑎᔪᑕᕒᐊᓇᒥ 24:17ᐁᑯᑕ ᑭ ᒫᔦᔨᒣᐊᐧᐠ ᐅᑖᐃᐧᐋᐊᐧ ᒥᓇ ᐅᑳᐃᐧᐋᐧᐊᐧ; ᐁᑯᑕ ᑭᔭ ᒣᑳᐧᐨ ᑭ ᑭᑎᒪᐁᐊᐧᐠ ᒫᓂᑌᐊᐧ; ᐁᑯᑕ ᑭ ᒫᔨᑐᑕᐁᐧᐊᐧᐠ ᐁᑳ ᑳ ᐅᑖᐃᐧᔨᐟ ᒥᓇ ᓯᑳᐃᐧᐢᑫᐧᐊᐧ. 8#ᓬᐃᐱᑎᑲᐢ 19:30; 26:2ᑭ ᑭ ᐋᑕᐁᐧᔨᑌᐣ ᓂ ᑲᓈᒋᐦᑖᐧᑲᓇ, ᒥᓇ ᑭ ᑭ ᐱᑯᓀᐣ ᓂᐟ ᐊᔦᐧᐱᐃᐧᑭᓯᑳᒪ. 9ᑳ ᒫᔮᒋᒥᐁᐧᐢᑭᒋᐠ ᐊᔨᓯᔨᓂᐊᐧᐠ ᑭ ᑭ ᐊᔮᐋᐧᐊᐧᐠ ᑭᑕ ᓯᑭᓇᑭᐠ ᒥᐦᑯ; ᐁᑯᑕ ᑭ ᒥᒋᓱᐊᐧᐠ ᑕᐦᑯᑖᒪᑎᐣ; ᒣᑳᐧᐨ ᑭᔭ ᑭ ᑐᑕᒪᐧᐠ ᐱᓯᑳᐧᑎᓯᐃᐧᐣ. 10#ᓬᐃᐱᑎᑲᐢ 18:7-20ᐁᑯᑕ ᑭ ᒧᓭᓇᒪᐧᐠ ᐅᑖᐃᐧᐋᐧᐊᐧ ᐅ ᒧᓭᐢᑲᑌᐃᐧᓂᔨᐤ; ᐁᑯᑕ ᑭ ᑕᐸᐦᑌᔨᒧᐁᐊᐧᐠ ᑳ ᑭ ᐱᐢᑭᑕᔨᒥᐦᐟ ᐁᑳ ᐁ ᐯᑭᓯᔨᐟ. 11ᐁᑯᓯ ᐯᔭᐠ ᑭ ᑐᑕᐁᐧᐤ ᑳ ᓭᓭᐢᑫᔨᑖᑲᐧᓂᔨᐠ ᐃᐧᒋᐊᔨᓯᔨᓂᐊᐧ ᐃᐧᐃᐧᔨᐊᐧ; ᒥᓇ ᑯᑕᐠ ᑭ ᐃᐧᓀᔨᑖᑯᐁᐤ ᐅᐢᑎᒪ; ᒥᓇ ᑯᑕᐠ ᑭ ᑕᐸᐦᑌᔨᑖᑯᐁᐤ ᐅᑕᐁᐧᒫᐊᐧ, ᐅᑖᐃᐧᔭ ᐅᑖᓂᓯᔨᐊᐧ. 12#ᐁᐠᓴᑕᐢ 23:8; ᑎᔪᑕᕒᐊᓇᒥ 16:19; ᐁᐠᓴᑕᐢ 22:25; ᓬᐃᐱᑎᑲᐢ 25:36,37; ᑎᔪᑕᕒᐊᓇᒥ 23:19ᐁᑯᑕ ᑭ ᐅᑎᓇᒪᐧᐠ ᑎᐸᐦᐊᒫᑯᐃᐧᐣ ᑭᑕ ᓯᑭᓇᑭᐠ ᒥᐦᑯ; ᑭ ᑭ ᐅᑎᓀᐣ ᐊᔨᐋᐧᑲᑭᐦᒋᑫᐃᐧᐣ ᒥᓇ ᔭᑭᒧᐃᐧᐣ, ᐁᑯᓯ ᑳᓴᑳᑎᓯᐃᐧᓂᕽ ᑭ ᑭ ᐅᐦᑎᓯᐋᐧᑳᐣ ᑭᒋᐊᔨᓯᔨᓂᐊᐧᐠ ᐁ ᑭᑎᒪᐊᒋᐠ, ᒥᓇ ᑭ ᑭ ᐊᐧᓂᑭᐢᑭᓯᑐᑕᐃᐧᐣ ᓂᔭ, ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ.
13ᒫᑎᑲ, ᐁᐊᐧᑯ ᐅᐦᒋ, ᓂ ᑭ ᐸᑲᒥᒋᐦᒉᐊᒫᐣ ᑳ ᑲᔦᓴᕽ ᑭ ᑲᐢᑭᒋᑫᐃᐧᐣ ᑳ ᑭ ᐅᓯᐦᑖᔭᐣ, ᒥᓇ ᑭ ᒥᐦᑯ ᒣᑳᐧ ᐊᔨᕽ ᑳ ᑭ ᐊᔮᔭᐣ. 14ᑭᑕ ᑭ ᓯᐯᔨᑕᒧᒪᑲᐣ ᒋ ᑭᑌᐦ, ᐊᐦᐳ ᒋ ᑭᒋᐦᒋᔭ ᑭᑕ ᑭ ᒪᐢᑲᐃᐧᓯᒪᑲᓇᐧ, ᐃᐢᐱ ᐅᑎᐦᒋᐸᔨᑳᐧᐃᐧ ᑭᓯᑳᐊᐧ ᐃᑕ ᑫ ᐅᑎᐦᑎᓂᑖᐣ? ᓂᔭ ᑳ ᑎᐯᔨᐦᒋᑫᐟ ᓂ ᑭ ᐃᑖᐧᐣ, ᒥᓇ ᓂ ᑲ ᐃᐦᑐᑌᐣ. 15ᑭ ᑲ ᓯᓭᐧᑎᓴᐦᐅᑎᐣ ᒫᑲ ᓇᓈᑐᑯᐢᑳᓀᓯᓈᕽ, ᒥᓇ ᑭ ᑲ ᐱᐁᐧᑎᓴᐦᐅᑎᐣ ᐹᐱᑐᐢ ᐊᐢᑭᕽ; ᒥᓇ ᓂ ᑲ ᒣᐢᑖᐢᑭᓭᐣ ᑭ ᐃᐧᓀᔨᑖᑯᓯᐃᐧᐣ ᑳ ᑭᑭᐢᑳᑯᔭᐣ. 16ᐁᑯᓯ ᑭ ᑲ ᒪᒉᔨᑖᑯᐃᓱᐣ, ᐁ ᐃᓯ ᐋᐧᐸᐦᑕᐦᑭᐠ ᓇᓈᑐᑯᐢᑳᐣ ᐊᔨᓯᔨᓂᐊᐧᐠ; ᑭ ᑲ ᑭᐢᑫᔨᑌᐣ ᒫᑲ ᓂᔭ ᐁᐊᐧᑯ ᑳ ᑎᐯᔨᐦᒋᑫᐟ.
17ᐅᐟ ᐃᑌᐧᐃᐧᐣ ᒫᑲ ᑳ ᑎᐯᔨᐦᒋᑫᐟ ᓂ ᑭ ᐅᑎᐦᑎᑯᐣ, ᐁ ᐃᑌᐧᐟ, 18ᐃᔨᓂᐃᐧᑯᓯᓵᐣ, ᐅ ᐋᐧᐢᑲᐦᐃᑲᐣ ᐃᐢᕒᐁᐃᓬ ᓯᑯᔮᐱᐢᑭᓯᑲᐣ ᓂᐟ ᐊᑎ ᐃᑕᑭᑌᐣ; ᑲᐦᑭᔭᐤ ᐁᐊᐧᑯᓂᐠ ᐅᓵᐋᐧᐱᐢᐠ ᒥᓇ ᐋᐧᐱᑲᐧᐠ ᒥᓇ ᐱᐋᐧᐱᐢᐠ ᒥᓇ ᒧᓱᓯᓂᐋᐧᐱᐢᐠ, ᒣᑳᐧᐨ ᑎᐦᑳᐱᐢᑭᓯᑲᓂᕽ; ᐁᐊᐧᑯᓂᐠ ᐁ ᓯᑯᔮᐱᐢᑭᓱᐟ ᐊᐧᐱᐢᑭᓱᓂᔮᐤ. 19ᐁᐊᐧᑯ ᐅᐦᒋ ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᒋᑫᒫ ᑲᐦᑭᔭᐤ ᐁ ᐊᑎ ᓯᑯᔮᐱᐢᑭᓯᑲᓂᐃᐧᔦᐠ, ᐁᐊᐧᑯ ᐅᐦᒋ ᒫᑎᑲ, ᑭ ᑲ ᒫᐊᐧᓴᑯᓂᑎᓈᐋᐧᐤ ᒣᑳᐧᐨ ᒉᕒᐅᓴᓬᐊᒥᕽ. 20ᑳ ᐃᓯ ᒫᐊᐧᓴᑯᔮᒋᐠ ᐋᐧᐱᐢᑭᓱᓂᔭᐊᐧ ᒥᓇ ᐅᓵᐋᐧᐱᐢᐠ ᒥᓇ ᐱᐊᐧᐱᐢᐠ ᒥᓇ ᒧᓱᓯᓂᐋᐧᐱᐢᐠ ᒥᓇ ᐋᐧᐱᑲᐧᐠ ᒣᑳᐧᐨ ᑎᐦᑳᐱᐢᑭᓯᑲᓂᕽ, ᑭᑕ ᐳᑖᑕᑭᐠ ᐃᐢᑯᑌᐤ ᑭᑕ ᑎᑭᓴᑭᐠ; ᐁᑯᓯ ᑫ ᐃᓯ ᒫᐊᐧᓴᑯᓂᑕᑯᐠ ᓂ ᑭᓯᐋᐧᓯᐃᐧᓂᕽ ᒥᓇ ᓂᐟ ᐋᐦᑯᔭᐁᐧᓯᐃᐧᓂᕽ, ᐁᑯᓯ ᐁᑯᑕ ᑭ ᑲ ᐊᐦᔨᑎᓈᐋᐧᐤ ᒥᓇ ᑭ ᑲ ᑎᐦᑭᓱᑎᓈᐋᐧᐤ. 21ᐁᐦᐁ, ᑭ ᑲ ᒫᐊᐧᓴᑯᓂᑎᓈᐋᐧᐤ, ᒥᓇ ᑭ ᑲ ᐳᑖᑎᑎᓈᐋᐧᐤ ᐁ ᐃᐢᑯᑌᐊᐧᕽ ᓂ ᑭᓯᐋᐧᓯᐃᐧᐣ, ᐁᑯᓯ ᑭ ᑲ ᑎᐦᑭᓱᓈᐋᐧᐤ ᒣᑳᐧᐨ ᐁᑯᑕ. 22ᑖᐱᐢᑯᐨ ᐋᐧᐱᐢᑭᓱᓂᔮᐤ ᑳ ᑎᐦᑭᓱᐟ ᑎᐦᑳᐱᐢᑭᓯᑲᓂᕽ, ᐁᑯᓯ ᑭᔭᐋᐧᐤ ᑫ ᐃᓯ ᑎᐦᑭᓱᔦᐠ ᒣᑳᐧᐨ ᐁᑯᑕ; ᑭ ᑲ ᑭᐢᑫᔨᑌᓈᐋᐧᐤ ᒫᑲ ᓂᔭ ᑳ ᑎᐯᔨᐦᒋᑫᐟ ᓂ ᑭᓯᐢᑖᑫᐃᐧᐣ ᐁ ᑭ ᑲᐧᔭᑯᓇᒫᑕᑯᐠ.
23ᒥᓇ ᒫᑲ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᓂ ᑭ ᐅᑎᐦᑎᑯᐣ, ᐁ ᐃᑌᐧᐟ, 24ᐃᔨᓂᐃᐧᑯᓯᓵᐣ, ᐅᒥᓯ ᑭ ᑲ ᐃᑖᐤ, ᑭᔭ ᐊᐢᑭ ᐁᑳ ᑳ ᐯᑭᑖᓂᐊᐧᕽ, ᒥᓇ ᐁᑳ ᑳ ᑭᒥᐊᐧᕽ ᐁ ᑭᓯᐢᑖᑫᐃᐧᑭᓯᑳᐠ. 25ᑭᒧᑕᑲᒥᑭᓯᔨᐊᐧ ᐅ ᑭᐢᑭᐁᐧᐦᐃᑫᐃᐧᔨᓂᒪ ᒣᑳᐧᐨ ᐁᑯᑕ, ᑖᐱᐢᑯᐨ ᐁ ᐱᑎᑲᐧᑖᒧᐟ ᒥᐢᑕᐦᑫᓯᐤ ᐁ ᐅᑎᐦᑎᓈᐟ ᐅ ᓂᐸᑖᑲᓇ; ᑭ ᑭᑕᒣᐧᐊᐧᐠ ᐊᐦᒑᐦᑲᐧ; ᐅᑎᓇᒪᐧᐠ ᒫᐊᐧᒋ ᓱᓂᔮᐁᐧᐃᐧᐣ ᒥᓇ ᑳ ᐋᑲᐧᑭᑌᑭ ᑫᑲᐧᔭ; ᑭ ᒥᐦᒉᑐᐃᒣᐊᐧᐠ ᐅ ᓯᑳᐃᐧᐢᑫᐧᒥᔨᐊᐧ ᐁᑯᑕ. 26#ᓬᐃᐱᑎᑲᐢ 10:10ᐅᐟ ᐊᔭᒥᐦᐁᐃᐧᔨᓂᒪ ᑭ ᐱᑯᓇᒥᔨᐊᐧ ᓄᔭᓱᐁᐧᐃᐧᐣ, ᒥᓇ ᑭ ᐱᐁᐧᔨᑖᑯᑖᐊᐧᐠ ᑳ ᑭ ᑲᓈᒋᐦᑖᔮᐣ; ᓇᒪᐋᐧᐨ ᐱᑐᐢ ᐃᑕᑭᑕᒪᐧᐠ ᑳ ᑲᓈᑕᕽ ᒥᓇ ᐱᑯᓇᑕ ᑫᑲᐧᐩ, ᒥᓇ ᓇᒪᐃᐧᔭ ᑭᐢᑭᓄᐦᐊᒪᐁᐧᐊᐧᐠ ᐊᔨᓯᔨᓂᐊᐧ ᑭᑕ ᓂᓯᑕᐃᐧᓇᒥᔨᐟ ᐊᓂᒪ ᐁᑳ ᑳ ᐯᑲᕽ ᒥᓇ ᑳ ᐯᑲᕽ, ᒥᓇ ᓇᒪᐃᐧᔭ ᑲᓇᐋᐧᐸᐦᑕᒪᐧᐠ ᓂᐟ ᐊᔦᐧᐱᐃᐧᑭᓯᑳᒪ, ᐁᑯᓯ ᓂ ᐱᐁᐧᔨᑖᑯᐃᑲᐃᐧᐣ ᐃᑕ ᐁ ᐊᔮᒋᐠ. 27ᐅᐟ ᐅᑭᒫᒪ ᑖᐱᐢᑯᐨ ᒪᐦᐃᑲᓇᐠ ᐁ ᐱᑯᐱᑖᒋᐠ ᐅ ᓂᐸᑖᑲᓂᐋᐧᐊᐧ; ᑭᑕ ᓯᑭᓇᑭᐠ ᒥᐦᑯ, ᒥᓇ ᑭᑕ ᓂᓯᐊᐧᓈᒋᐦᐋᒋᐠ ᐊᐦᒑᐦᑲᐧ, ᑭᑕ ᑭ ᐊᔮᒋᐠ ᑲᔦᓯ ᑲᐢᑭᒋᑫᐃᐧᐣ. 28ᐅ ᑭᐢᑭᐁᐧᐦᐃᑫᐃᐧᔨᓂᒪ ᒫᑲ ᑭ ᓯᓱᐯᑲᐊᒫᑲᐧᐠ ᐁᑳ ᐁ ᒥᑐᓂᒋᑳᑌᐠ ᐊᓯᐢᑭ, ᐁ ᐋᐧᐸᐦᑕᒥᔨᐟ ᐱᑯᓇᑕ ᑫᑲᐧᐩ, ᒥᓇ ᐁ ᑭᔮᐢᑭᑳᑯᒋᐠ ᐁ ᐸᑯᓇᐃᐧ ᑭᐢᑫᔨᑕᒧᑳᓱᔨᐟ, ᐁ ᐃᑌᐧᔨᐟ, ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ, ᐁᑯᓯ ᑳ ᑎᐯᔨᐦᒋᑫᐟ ᐁᑳ ᐁ ᑭ ᐅᐦᒋ ᐱᑭᐢᑫᐧᐟ. 29ᐊᔨᓯᔨᓂᐊᐧᐠ ᐁᑯᑕ ᐊᐢᑭᕽ ᑭ ᐋᐸᒋᐦᑖᐊᐧᐠ ᑭᑎᒪᐦᐃᐁᐧᐃᐧᐣ, ᒥᓇ ᑭ ᑐᑕᒪᐧᐠ ᒪᐢᑲᑌᐧᐃᐧᐣ; ᐁᐦᐁ, ᑭ ᐋᔨᒥᐁᐊᐧᐠ ᑳ ᑭᑎᒪᑭᓯᔨᐟ ᒥᓇ ᑳ ᑭᐧᑕᒫᔨᐟ, ᒥᓇ ᐱᑯᓇᑕ ᑭ ᑭᑎᒪᐁᐊᐧᐠ ᒫᓂᑌᐊᐧ. 30ᓂ ᑭ ᓇᑐᓇᐋᐤ ᒫᑲ ᐊᔨᓯᔨᓂᐤ ᐁᑯᑕ, ᑭᑕ ᑭ ᐅᓯᐦᑖᐟ ᒣᓂᑲᐣ, ᒥᓇ ᑭᑕ ᑭ ᑭᐳᐢᑲᒪᐃᐧᐟ ᐊᐢᑭ ᐃᑕ ᐁ ᑕᐋᐧᐠ ᐁᑳ ᑭᑕ ᓂᓯᐊᐧᓈᒋᐦᑖᔮᐣ; ᒫᑲ ᓇᒪᐃᐧᔭ ᐊᐃᐧᔭᐠ ᓂ ᑭ ᒥᐢᑲᐋᐧᐤ. 31ᐁᐊᐧᑯ ᐅᐦᒋ ᓂ ᑭ ᑲᐧᔭᑯᓇᒪᐋᐧᐊᐧᐠ ᓂ ᑭᓯᐢᑖᑫᐃᐧᐣ; ᓂ ᑭ ᒣᐢᑎᑲᓴᐧᐊᐧᐠ ᐁ ᑳᐧᑯᑌᐠ ᓂ ᑭᓯᐋᐧᓯᐃᐧᐣ; ᐃᐧᔭᐋᐧᐤ ᐅᐟ ᐃᓯᐦᒋᑫᐃᐧᓂᐋᐧᐤ ᓂ ᑭ ᐃᐢᐸᔨᑐᐋᐧᐊᐧᐠ ᐅᐢᑎᑳᐧᓂᐋᐧᕽ, ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ.
Iliyochaguliwa sasa
ᐃᓯᑭᐁᓬ 22: KKMs
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.