ᑖᓂᐁᓬ 4
4
1ᓀᑊᔪᑳᐟᓀᓴᕒ ᑭᐦᒋ ᐅᑭᒫᐤ, ᐁ ᐃᑖᐟ ᑲᐦᑭᔭᐤ ᐊᔨᓯᔨᓂᐊᐧ, ᓇᓈᑐᑯᐢᑳᐣ, ᒥᓇ ᓇᓈᑐᕽ ᐁ ᐃᓯ ᐱᑭᐢᑫᐧᒋᐠ, ᐊᐢᑭᕽ ᑳ ᐊᔮᒋᐠ; ᐯᔭᐦᑕᑫᔨᒧᐃᐧᐣ ᑭ ᑲ ᐃᐧ ᔭᑯᑖᐧᑲᐃᐧᓈᐋᐧᐤ. 2ᒥᔮᐧᓯᐣ ᓂᐟ ᐃᑌᔨᑌᐣ ᑭᑕ ᐋᐧᐸᐦᑕᐦᐃᐁᐧᔮᐣ ᐊᓂᐦᐃ ᑭᐢᑭᓇᐋᐧᒋ ᐃᓯᐦᒋᑫᐃᐧᓇ ᒥᓇ ᒪᒫᑕᐃᐧ ᐃᓯᐦᒋᑫᐃᐧᓇ ᐊᓇ ᒫᒪᐁᐧᔭᐢ ᑳ ᐃᐢᐯᔨᑖᑯᓯᐟ ᑭᓭᒪᓂᑐ ᑳ ᑭ ᐃᓯᒋᑳᓯᐟ. 3ᑖᓂᔨᑯᕽ ᑭᐦᒑᔨᐊᐧᓂᔨᐊᐧ ᐅ ᑭᐢᑭᓇᐋᐧᒋ ᐃᓯᐦᒋᑫᐃᐧᓇ! ᒥᓇ ᑖᓂᔨᑯᕽ ᓱᑫᔨᑖᑲᐧᓂᔨᐊᐧ ᐅ ᒪᒫᑖᐃᐧ ᐃᓯᐦᒋᑫᐃᐧᓇ! ᐅ ᑭᐦᒋ ᐅᑭᒫᐃᐧᐃᐧᐣ ᑳᑭᑫ ᑭᐦᒋ ᐅᑭᒫᐃᐧᐃᐧᐣ, ᒥᓇ ᐅ ᑎᐯᔨᐦᒋᑫᐃᐧᐣ ᐊᔮᔨᐤ ᐁ ᐊᑎ ᐋᓂᐢᑫᐱᒫᑎᓯᕽ.
4ᓂᔭ ᓀᑊᔪᑳᐟᓀᓴᕒ ᐁ ᐯᔭᑕᑭ ᐊᔮᔮᐣ ᓂ ᐋᐧᐢᑳᐦᐃᑲᓂᕽ, ᒥᓇ ᐁ ᒪᒥᔦᐧᐃᐧᐅᔮᐣ ᓂ ᑭᐦᒋ ᐅᑭᒫᐃᐧᑲᒥᑯᕽ. 5ᓂ ᑭ ᐋᐧᐸᐦᑌᐣ ᐸᐋᐧᒥᐃᐧᐣ ᑳ ᑭ ᓭᑭᐃᑯᔮᐣ; ᒥᓇ ᒫᒥᑐᓀᔨᒋᑲᓇ ᓂ ᓂᐯᐃᐧᓂᕽ ᒥᓇ ᐃᓯᓇᒧᐃᐧᓇ ᓂᐢᑎᑳᐧᓂᕽ ᓂ ᑭ ᒥᑯᐢᑳᒋᐦᐃᑯᐣ. 6ᐁᑯᓯ ᒫᑲ ᓂ ᑭ ᐃᑕᓱᐋᐧᐣ ᑭᑕ ᐯ ᐱᐦᑐᑲᐦᐃᐦᒋᐠ ᐃᑕ ᐁ ᐊᔮᔮᐣ ᑲᐦᑭᔭᐤ ᑳ ᐃᔨᓂᓯᒋᐠ ᐊᔨᓯᔨᓂᐊᐧᐠ ᐹᐱᓬᐊᓂᕽ, ᑭᑕ ᑭᐢᑫᔨᑕᒧᐃᒋᐠ ᐁᑌᐧᒪᑲᕽ ᐊᓂᒪ ᐸᐋᐧᒥᐃᐧᐣ. 7ᐁᑲᐧ ᑭ ᐯ ᐱᐦᑐᑫᐊᐧᐠ ᐅᑯᓵᐸᑕᒧᐊᐧᐠ, ᑳ ᒪᒫᑖᐃᐧᓯᒋᐠ, ᑳᓬᑎᔭᓇᐠ, ᒥᓇ ᐅᐃᐧᑕᒫᑫᐊᐧᐠ; ᐁᑯᓯ ᓂ ᑭ ᐃᐧᐦᑕᒪᐋᐧᐊᐧᐠ ᐊᓂᒪ ᐸᐋᐧᒥᐃᐧᐣ; ᒫᑲ ᓇᒪᐃᐧᔭ ᓂ ᑭ ᑭᐢᑫᔨᑕᒧᐃᑲᐧᐠ ᐁᑌᐧᒪᑲᕽ.
8ᒫᑲ ᐱᔨᐢ ᑖᓂᐁᓬ ᓂ ᑭ ᐯ ᐱᑐᑳᐠ, ᐊᓇ ᐯᓬᑎᓵᓴᕒ ᑳ ᐃᓯᔨᐦᑳᓱᐟ, ᐁ ᐃᓯ ᐃᐧᔨᐦᐟ ᓂ ᒪᓂᑐᒼ, ᒥᓇ ᑳ ᑭᑭᐢᑳᑯᐟ ᐅᐟ ᐊᐦᒑᐦᑯᔨᐊᐧ ᑳ ᑲᓈᑎᓯᔨᐟ ᒪᓂᑐᐊᐧ; ᓂ ᑭ ᐃᐧᐦᑕᒪᐋᐧᐤ ᒫᑲ ᐊᓂᒪ ᐸᐋᐧᒥᐃᐧᐣ, ᐁ ᐃᑕᐠ, 9ᑭᔭ ᐯᓬᑎᓵᓴᕒ, ᑳ ᑎᐯᔨᒪᒋᐠ ᐅᑯᓵᐸᑕᒧᐊᐧᐠ, ᒋᑫᒫ ᐁ ᑭᐢᑫᔨᑕᒫᐣ ᐁ ᑭᑭᐢᑳᑯᐊᐧᐟ ᐅᐟ ᐊᐦᒑᐦᑯᐋᐧᐊᐧ ᑳ ᑲᓈᑎᓯᒋᐠ ᒪᓂᑐᐊᐧᐠ, ᒥᓇ ᐁᑳ ᑫᑲᐧᐩ ᑳ ᐊᐧᓂᒧᑕᕽ ᐁ ᒥᑯᐢᑳᑌᔨᑕᒥᐃᑯᔭᐣ, ᐃᐧᐦᑕᒪᐃᐧᐣ ᑳ ᑭ ᐃᓯᓇᒫᐣ ᐁ ᐸᐋᐧᒥᔮᐣ ᑳ ᑭ ᐋᐧᐸᐦᑕᒫᐣ, ᐁᑯᓯ ᐁ ᐃᑌᐧᒪᑲᕽ ᐁᐊᐧᑯ. 10ᐁᑯᓯ ᐅᒪ ᑳ ᑭ ᐃᓯᓇᒫᐣ ᓂᐢᑎᑳᐧᓂᕽ ᓂ ᓂᐯᐃᐧᓂᕽ; ᓂ ᐋᐧᐸᐦᑌᐣ, ᐁᑯᓯ ᐳᑎ ᒥᐢᑎᐠ ᑖᐋᐧᔨᕽ ᐊᐢᑭᕽ, ᒥᐢᑕᐦᐃ ᒫᑲ ᐁ ᑭᓈᐧᐢᑯᓯᐟ. 11ᐊᓇ ᒥᐢᑎᐠ ᑭ ᔭᑭᑭᐤ ᒥᓇ ᑭ ᓱᑳᐢᑯᓯᐤ, ᑭᓯᑯᕽ ᑭ ᐅᑎᐦᑖᐢᑯᒧ, ᒥᓇ ᑭ ᓄᑯᓯᐤ ᐁ ᑭᓯᐸᐢᑲᒥᑳᐠ ᒥᓯᐁᐧ ᐊᐢᑭ ᐅᐦᒋ. 12ᓂᐱᔭ ᐁᑯᑕ ᑭ ᒥᔮᐧᓯᓇᐧ, ᒥᓇ ᒥᐢᑕᐦᐃ ᑭ ᒥᓂᓯᐃᐧᐤ ᐁᑯᑕ ᒫᑲ ᑭ ᐊᔮᔨᐤ ᑭᑕ ᐅ ᒥᒋᐃᐧᓂᒋᐠ ᑲᐦᑭᔭᐤ; ᐱᑲᐧᒋ ᐱᓯᐢᑭᐊᐧᐠ ᑭ ᐋᑲᐋᐧᐢᑌᓯᒧᐊᐧᐠ, ᒥᓇ ᐱᔦᓯᐊᐧᐠ ᑳ ᐸᐹᒥᔮᒋᐠ ᑭ ᐊᔮᐊᐧᐠ ᐁ ᐸᐢᑫᑎᑲᐧᓇᑭᓯᐟ, ᒥᓇ ᑲᐦᑭᔭᐤ ᑳ ᐅ ᐃᐧᔮᓯᐟ ᐁᑯᑕ ᑭ ᐅᐦᒋ ᒥᒋᓱ. 13ᓂ ᑭ ᐋᐧᐸᐦᑌᐣ ᐁ ᐃᓯᓇᒫᐣ ᓂᐢᑎᑳᐧᓂᕽ ᐁ ᐱᒥᓯᓂᔮᐣ ᓂ ᓂᐯᐃᐧᓂᕽ, ᐳᑎ ᒫᑲ, ᐅᑕᓴᐋᐧᐱᐤ ᒥᓇ ᐅᑲᓈᑎᓯᐤ ᑭᐦᒋᑭᓯᑯᕽ ᑭ ᐯ ᐅᐦᒋ ᔮᓯᐤ. 14ᑭ ᑌᐯᐧᐤ ᒫᑲ ᐁ ᑭᓯᐁᐧᐟ, ᐅᒥᓯ ᒫᑲ ᐁ ᑭ ᐃᑌᐧᐟ, ᑲᐊᐧᐅᕽ ᐊᓇ ᒥᐢᑎᐠ, ᒥᓇ ᒧᓴᐊᐧᐅᕽ ᐅ ᐊᐧᑎᑲᐧᓇ, ᐅ ᓂᐱᔭ ᐸᐸᐃᐧᐸᔨᑖᐋᐧᕽ, ᒥᓇ ᐊᐧᓭᐧᐁᐧᐱᓇᒫᐧᕽ ᐅ ᒥᓂᓴ; ᑭᔮᒼ ᐱᓯᐢᑭᐊᐧᐠ ᑭᑕ ᓯᐯᐧᑌᐊᐧᐠ ᑳ ᑭ ᐋᑲᐋᐧᐢᑌᓯᒧᒋᐠ, ᒥᓇ ᐱᔦᓯᐊᐧᐠ ᑭᑕ ᓇᑲᑕᒪᐧᐠ ᐁ ᐊᐧᑎᑲᐧᓂᐃᐧᔨᐟ. 15ᒫᑲ ᐃᐧᔭ ᑭᐢᑲᑕᐃᑲᐣ ᐁ ᐅᒉᐱᑭᐃᐧᐟ ᓇᑲᑕᒧᐠ ᐊᐢᑭᕽ, ᐁ ᑕᐦᑯᐱᑌᐠ ᐱᐋᐧᐱᐢᐠ ᒥᓇ ᐅᓵᐋᐧᐱᐢᐠ ᐅᐦᒋ, ᐅᐢᑲᐢᑯᓯᐊᐧᑳᕽ ᐱᑲᐧᒑᔨᕽ; ᑭᔮᒼ ᑭᑕ ᓵᐳᐯᐤ ᐁ ᓂᐱᐊᐧᐢᑳᐠ ᑭᓯᑯᕽ ᐅᐦᒋ, ᒥᓇ ᑭᑕ ᐃᐧᒋᐊᔮᒣᐤ ᐱᓯᐢᑭᐊᐧ ᒪᐢᑯᓯᐢᑳᕽ ᐊᐢᑭᕽ; 16ᑭᔮᒼ ᐅᑌᐦ ᑭᑕ ᑫᐧᐢᑭᓇᒫᐧᐣ ᐊᔨᓯᔨᓂᕽ ᐅᐦᒋ, ᒥᓇ ᐱᓯᐢᑭᐃᐧ ᒥᑌᐦ ᑭᑕ ᒥᔮᐤ; ᒥᓇ ᑭᔮᒼ ᑌᐸᑯᑊ ᑕᐦᑖᐧᐤ ᑭᑕ ᒪᔮᐢᑲᒼ. 17ᐁᐊᐧᑯᒪ ᐁᑕᓱᐁᐧᒋᐠ ᐅᑕᓴᐋᐧᐱᐊᐧᐠ, ᐁᑯᓯ ᒥᓇ ᐃᓯ ᓇᑕᐁᐧᔨᑕᒪᐧᐠ ᑳ ᑲᓈᑎᓯᒋᐠ; ᑭᑕ ᐃᓯ ᑭᐢᑫᔨᑕᐦᑭᐠ ᑳ ᐱᒫᑎᓯᒋᐠ ᐊᓇ ᒫᒪᐁᐧᔭᐢ ᑳ ᐃᐢᐯᔨᑖᑯᓯᐟ ᐁ ᑎᐯᔨᐦᑕᒫᐧ ᐅ ᑭᐦᒋ ᐅᑭᒫᐃᐧᐃᐧᓂᔨᐤ ᐊᔨᓯᔨᓂᐊᐧ, ᒥᓇ ᐁ ᒥᔮᐟ ᐊᐃᐧᔭ ᐁᑎᔨᒫᒋ, ᒥᓇ ᐁ ᑎᐯᔨᐦᑕᒧᐋ ᒫᐊᐧᐨ ᐁ ᒪᒉᔨᑖᑯᓯᔨᐟ ᐊᔨᓯᔨᓂᐊᐧ. 18ᐅᒪ ᐸᐋᐧᒥᐃᐧᐣ ᓂᔭ ᑭᐦᒋ ᐅᑭᒫᐤ ᓀᑊᔪᑳᐟᓀᓴᕒ ᓂ ᑭ ᐋᐧᐸᐦᑌᐣ; ᑭᔭ ᒫᑲ ᐯᓬᑎᓵᓴᕒ ᐃᐧᐦᑕᒪᐃᐧᐣ ᐁᑌᐧᒪᑲᕽ, ᐊᔨᐢ ᑲᐦᑭᔭᐤ ᑳ ᐃᔨᓂᓯᒋᐠ ᐊᔨᓯᔨᓂᐊᐧᐠ ᓂ ᑭᐦᒋ ᐅᑭᒫᐃᐧᐃᐧᓂᕽ ᓇᒪᐃᐧᔭ ᑲᐢᑭᑖᐊᐧᐠ ᑭᑕ ᑭᐢᑫᔨᑕᒧᐃᒋᐠ ᐁᑌᐧᒪᑲᕽ; ᒫᑲ ᐃᐧᔭ ᑭᔭ ᑭ ᑲᐢᑭᑖᐣ, ᒋᑫᒫ ᐅᐟ ᐊᐦᒑᐦᑯᐋᐧᐊᐧ ᑳ ᑲᓈᑎᓯᒋᐠ ᒪᓂᑐᐊᐧᐠ ᑭ ᑭᑭᐢᑳᑯᔨᐊᐧ.
19ᐁᑲᐧ ᑖᓂᐁᓬ, ᐯᓬᑎᓵᓴᕒ ᑳ ᐃᓯᔨᐦᑳᓱᐟ, ᑭ ᐃᐦᑕᓯ ᒫᒪᐢᑳᑕᒼ, ᒥᓇ ᑭ ᒥᑯᐢᑳᑌᔨᑕᒼ. ᑭᐦᒋ ᐅᑭᒫᐤ ᒫᑲ ᑭ ᓇᐢᑫᐧᐊᐧᓯᒣᐤ ᒥᓇ ᑭ ᐃᑌᐧᐤ, ᐯᓬᑎᓵᓴᕒ, ᐁᑳᐃᐧᔭ ᐊᓂᒪ ᐸᐋᐧᒥᐃᐧᐣ ᐊᐦᐳ ᐁ ᐃᑌᐧᒪᑲᕽ ᑭ ᑲ ᒥᑯᐢᑳᑌᔨᑕᒥᐃᑯᐣ. ᐯᓬᑎᓴᓴᕒ ᑭ ᓇᐢᑫᐧᐊᐧᓯᒣᐤ ᒥᓇ ᑭ ᐃᑌᐤ, ᓂᐟ ᐅᑭᒫᒼ, ᐊᓂᒪ ᐸᐋᐧᒥᐃᐧᐣ ᑭᑕ ᐃᐧ ᐊᔮᐊᐧᐠ ᐊᓂᑭ ᑳ ᐸᑳᐧᑎᐢᑭᐠ, ᒥᓇ ᐁᑌᐧᒪᑲᕽ ᐊᓂᑭ ᑳ ᐃᐧ ᓂᓯᐊᐧᓈᒋᐃᐢᑭᐠ. 20ᐊᓇ ᒥᐢᑎᐠ ᑳ ᑭ ᐋᐧᐸᒪᐟ, ᑳ ᑭ ᐱᒥᑭᐟ, ᒥᓇ ᑳ ᑭ ᓱᑳᐢᑯᓯᐟ, ᑭᓯᑯᕽ ᑳ ᑭ ᐅᑎᐦᑖᐢᑯᒧᐟ, ᒥᓇ ᑳ ᑭ ᐅᑎᓯᓈᑯᓯᐟ ᒥᓯᐁᐧᐢᑲᒥᐠ ᐅᐦᒋ; 21ᓂᐱᔭ ᐁᑯᑕ ᑳ ᑭ ᒥᔮᐧᓯᑭ, ᒥᓇ ᒥᐢᑕᐦᐃ ᑳ ᑭ ᒥᓂᓯᐃᐧᐟ, ᐁᑯᑕ ᒫᑲ ᑳ ᑭ ᐊᔮᐠ ᑭᑕ ᐅ ᒥᒋᐃᐧᓂᒋᐠ ᑲᐦᑭᔭᐤ; ᓯᐹ ᐁᑯᑕ ᐱᑲᐧᒋ ᐱᓯᐢᑭᐊᐧᐠ ᑳ ᑭ ᐊᔮᒋᐠ, ᒥᓇ ᐁ ᐸᐢᑫᑎᑲᐧᓇᑭᓯᐟ ᐱᔦᓯᐊᐧᐠ ᑳ ᐸᐹᒥᔮᒋᐠ ᑳ ᑭ ᐅᐟ ᐃᐦᑖᐃᐧᓂᒋᐠ; 22ᑭᔭ ᐁᐊᐧᑯ, ᑭᐦᒋ ᐅᑭᒫᐤ, ᑳ ᐱᒥᑭᔭᐣ ᒥᓇ ᑳ ᐊᑎ ᓱᐦᑭᓯᔭᐣ; ᒋᑫᒫ ᑭ ᑭᐢᑌᔨᑖᑯᓯᐃᐧᐣ ᔭᑭᑭᐣ, ᒥᓇ ᐅᑎᐦᒋᐊᔮᐤ ᑭᓯᑯᕽ, ᒥᓇ ᑭ ᑎᐯᔨᐦᒋᑫᐃᐧᐣ ᐁ ᑭᓯᐸᐢᑲᒥᑳᐠ ᐊᐢᑭ. 23ᐁᑯᓯ ᒫᑲ ᑭᐦᒋ ᐅᑭᒫᐤ ᑳ ᑭ ᐋᐧᐸᒫᐟ ᐅᑕᓴᐋᐧᐱᐊᐧ ᒥᓇ ᐅᑲᓈᑎᓯᐊᐧ ᐁ ᐯ ᔮᓯᔨᐟ ᑭᓯᑯᕽ ᐅᐦᒋ, ᒥᓇ ᐁ ᐃᑌᐧᔨᐟ, ᑲᐊᐧᐅᕽ ᐊᓇ ᒥᐢᑎᐠ ᒥᓇ ᓂᓯᐊᐧᓈᒋᐃᕽ; ᒫᑲ ᐃᐧᔭ ᑭᐢᑲᑕᐃᑲᐣ ᐁ ᐅᒉᐱᑭᐃᐧᐟ ᓇᑲᑕᒧᐠ ᐊᐢᑭᕽ, ᐁ ᑕᐦᑯᐱᑌᐠ ᐱᐋᐧᐱᐢᐠ ᒥᓇ ᐅᓵᐋᐧᐱᐢᐠ ᐅᐦᒋ, ᐅᐢᑲᐢᑯᓯᐊᐧᑳᕽ ᐱᑲᐧᒑᔨᕽ; ᒥᓇ ᑭᔮᒼ ᑭᑕ ᓵᐳᐯᐤ ᐁ ᓂᐱᐊᐧᐢᑳᐠ ᑭᓯᑯᕽ ᐅᐦᒋ, ᒥᓇ ᑭᔮᒼ ᑭᑕ ᐃᐧᒉᐁᐧᐤ ᐱᓯᐢᑭᐊᐧ ᐱᑲᐧᒑᔨᕽ, ᐃᐢᑯ ᑌᐸᑯᑊ ᑕᐦᑖᐧᐤ ᑭᑕ ᒪᔮᐢᑲᕽ; 24ᐁᐊᐧᑯ ᐅᒪ ᐁᑌᐧᒪᑲᕽ, ᑭᐦᒋ ᐅᑭᒫᐤ, ᒥᓇ ᐁᐊᐧᑫᐧᔨᐤ ᐅᐟ ᐃᑕᓱᐁᐧᐃᐧᐣ ᒫᒪᐁᐧᔭᐢ ᑳ ᐃᐢᐯᔨᑖᑯᓯᐟ, ᑳ ᐅᑎᐦᑎᑯᐟ ᓂᐟ ᐅᑭᒫᒼ ᑭᐦᒋ ᐅᑭᒫᐤ; 25ᐊᔨᓯᔨᓂᓈᕽ ᑭᑕ ᐅᐦᒋ ᓯᐯᐧᑎᓴᐅᑲᐃᐧᔭᐣ, ᒥᓇ ᑭᑕ ᐃᐧᒋᐊᔮᒪᒋᐠ ᐱᓯᐢᑭᐊᐧᐠ ᐱᑲᐧᒑᔨᕽ, ᑭ ᑲ ᒥᒋᐣ ᒫᑲ ᒪᐢᑯᓯᔭ ᑖᐱᐢᑯᐨ ᒧᐢᑐᓴᐧᐠ, ᒥᓇ ᑭ ᑲ ᓵᐳᐸᐣ ᐁ ᓂᐱᐊᐧᐢᑳᐠ ᑭᓯᑯᕽ ᐅᐦᒋ, ᑌᐸᑯᑊ ᑕᐦᑖᐧᐤ ᒫᑲ ᑭ ᑲ ᒪᔮᐢᑳᑯᐣ; ᐱᔨᐢ ᑭᑕ ᑭᐢᑫᔨᑕᒪᐣ ᒫᒪᐁᐧᔭᐢ ᑳ ᐃᐢᐯᔨᑖᑯᓯᐟ ᐁ ᑎᐯᔨᐦᑕᒫᐧᐟ ᐅ ᑭᐦᒋ ᐅᑭᒫᐃᐧᐃᐧᓂᔨᐤ ᐊᔨᓯᔨᓂᐊᐧ, ᒥᓇ ᐁ ᒥᔮᐟ ᐊᐃᐧᔭ ᐄᐧ ᒥᔮᒋ. 26ᒫᑲ ᐊᓂᒪ ᑳ ᐃᑕᓱᐁᐧᒋᐠ ᑭᐢᑲᑕᐃᑲᐣ ᐁ ᐅᒉᐱᑭᐃᐧᐟ ᑭᑕ ᓇᑲᑕᒥᕽ: ᑭ ᑭᐦᒋ ᐅᑭᒫᐃᐧᐃᐧᐣ ᑭ ᑲ ᑫᒋᓈᑎᓇᒫᑲᐃᐧᐣ, ᐃᐢᐱ ᑭ ᑭᐢᑫᔨᑕᒪᓂ ᑭᓯᑯᕽ ᐁ ᐅᐦᒋ ᐅᔭᓱᐁᐧᕽ. 27ᐁᑯᓯ ᒫᑲ ᑭᐦᒋ ᐅᑭᒫᐤ, ᑭᔮᒼ ᓂ ᑲᑫᐢᑫᐧᐃᐧᐣ ᑭ ᑲ ᐃᐧ ᒥᔪᐢᑳᑯᐣ, ᒥᓇ ᐳᓂᑖ ᑭ ᒪᒋᑐᑕᒧᐃᐧᓇ ᑲᐧᔭᐢᑭᑖᑎᓯᐃᐧᓂᕽ, ᒥᓇ ᑭ ᒪᒋᐃᑎᐃᐧᓇ ᐁ ᑭᑎᒫᑭᓇᐊᐧᒋᐠ ᐅᑭᑎᒫᑭᓯᐊᐧᐠ; ᒫᐢᑯᐨ ᐁᐊᐧᑯ ᐅᐦᒋ ᑭᓀᐧᐢ ᑭᑕ ᐃᐢᐸᔨᐤ ᑭ ᐯᔭᐦᑕᑫᔨᒧᐃᐧᐣ.
28ᑲᐦᑭᔭᐤ ᐅᒪ ᑭ ᐅᑎᐦᑎᐠ ᑭᐦᒋ ᐅᑭᒫᐤ ᓀᑊᔪᑳᐟᓀᓴᕒ. 29ᐁ ᐊᑎ ᐳᓂᐸᔨᐠ ᒥᑖᑕᐦᐟ ᓂᓱᓵᑊ ᑕᐦᑐᐱᓯᒼ ᑭ ᐸᐹᒧᑌᐤ ᑭᐦᒋ ᐅᑭᒫᐃᐧᑲᒥᑯᕽ ᐹᐱᓬᐊᓂᕽ. 30ᑭᐦᒋ ᐅᑭᒫᐤ ᑭ ᐱᑭᐢᑫᐧᐤ ᒥᓇ ᑭ ᐃᑌᐧᐤ, ᓇᒪ ᒋ ᐅᒪ ᑭᐦᒋ ᐹᐱᓬᐊᐣ ᑳ ᑭ ᐅᓯᐦᑖᔮᐣ ᑭᐦᒋ ᐅᑭᒫᐤ ᑭᑕ ᐅᐟ ᐃᐦᑖᐃᐧᓂᐟ, ᐁ ᐃᓯ ᓱᑳᔭᐋᐧᕽ ᓂ ᒪᐢᑲᐃᐧᓯᐃᐧᐣ ᒥᓇ ᑭᑕ ᑭᐢᑌᔨᑖᑲᐧᕽ ᓂ ᑭᐦᒋ ᐅᑭᒫᐃᐧᐃᐧᐣ? 31ᒣᑳᐧᐨ ᒫᑲ ᐅᒥᓯ ᐁ ᐊᔨᑌᐧᐟ ᑭᐦᒋ ᐅᑭᒫᐤ ᑭᓯᑯᕽ ᑭ ᐯ ᐅᐦᒋᐸᔨᐤ ᐃᑌᐧᐃᐧᐣ, ᑭᔭ ᑭᐦᒋ ᐅᑭᒫᐤ ᓀᑊᔪᑳᐟᓀᓴᕒ, ᑭᔭ ᑳ ᐃᑎᑲᐃᐧᔭᐣ; ᑭᐦᒋ ᐅᑭᒫᐃᐧᐃᐧᐣ ᑭ ᓇᑲᑎᑯᐣ. 32ᐊᔨᓯᔨᓂᓈᕽ ᒫᑲ ᑭ ᑲ ᐅᐦᒋ ᓯᐯᐧᑎᓴᐅᑲᐃᐧᐣ, ᒥᓇ ᑭ ᑲ ᐃᐧᒋᐊᔮᒫᐊᐧᐠ ᐱᓯᐢᑭᐊᐧᐠ ᐱᑲᐧᒑᔨᕽ; ᑭ ᑲ ᒥᒋᐣ ᒪᐢᑯᓯᔭ ᑖᐱᐢᑯᐨ ᒧᐢᑐᓴᐧᐠ, ᒥᓇ ᑌᐸᑯᑊ ᑕᐦᑖᐧᐤ ᑭ ᑲ ᒪᔮᐢᑳᑯᐣ; ᐱᔨᐢ ᑭᑕ ᑭᐢᑫᔨᑕᒪᐣ ᒫᒪᐁᐧᔭᐢ ᑳ ᐃᐢᐯᔨᑖᑯᓯᐟ ᐁ ᑎᐯᔨᐦᑕᒫᐧᐟ ᐅ ᑭᐦᒋ ᐅᑭᒫᐃᐧᐃᐧᓂᔨᐤ ᐊᔨᓯᔨᓂᐊᐧ, ᒥᓇ ᐁ ᒥᔮᐟ ᐊᐃᐧᔭ ᐋᐧ ᒥᔮᒋ. 33ᐁᐊᐧᑳᐧᓂᒪ ᑎᐸᐃᑲᐣ ᐁᐊᐧᑫᐧᔨᐤ ᑭ ᑎᐱᑐᑕᐋᐧᐤ ᓀᑊᔪᑳᐟᓀᓴᕒ; ᐊᔨᓯᔨᓂᓈᕽ ᑭ ᐅᐦᒋ ᓯᐯᐧᑎᓴᐋᐧᐤ, ᒥᓇ ᑭ ᒥᒋᐤ ᒪᐢᑯᓯᔭ ᑖᐱᐢᑯᐨ ᒧᐢᑐᓴᐧᐠ, ᒥᓇ ᐃᐧᔭᐤ ᑭ ᓵᐳᐯᔨᐤ ᐁ ᓂᐱᐊᐧᐢᑳᐠ ᑭᓯᑯᕽ ᐅᐦᒋ, ᐱᔨᐢ ᐃᐧᐢᑕᑲᔭ ᐁ ᓂᐦᑖᐃᐧᑭᓂᔨᑭ ᑖᐱᐢᑯᐨ ᒥᑭᓯᐃᐧᐱᐊᐧᔭ, ᒥᓇ ᐊᐧᐢᑲᓯᔭ ᑖᐱᐢᑯᐨ ᐱᔦᓯᐊᐧᐠ ᐊᐧᐢᑲᓯᐋᐧᐊᐧ.
34ᐃᐢᐱ ᒫᑲ ᐁ ᐳᓂᐸᔨᑭ ᑭᓯᑳᐊᐧ ᓂᔭ ᓀᑊᔪᑳᐟᓀᓴᕒ ᑭᓯᑯᕽ ᓂ ᑭ ᐃᑖᐱᐣ ᒥᓇ ᓂ ᓂᓯᑐᐦᑕᒧᐃᐧᐣ ᑳᐃᐧ ᓂ ᑭ ᓈᑎᑯᐣ, ᓂ ᑭ ᓇᓈᐢᑯᒫᐤ ᒫᑲ ᒫᒪᐁᐧᔭᐢ ᑳ ᐃᐢᐯᔨᑖᑯᓯᐟ, ᒥᓇ ᓂ ᑭ ᒪᒥᐦᒋᒫᐤ ᒥᓇ ᓂ ᑭ ᑭᐢᑕᑭᒫᐤ ᐊᓇ ᑳ ᐱᒫᑎᓯᐟ ᑳᑭᑫ; ᒋᑫᒫ ᐅ ᑎᐯᔨᐦᒋᑫᐃᐧᐣ ᐁᐊᐧᑯ ᑳᑭᑫ ᑎᐯᔨᐦᒋᑫᐃᐧᐣ, ᒥᓇ ᐅ ᑭᐦᒋ ᐅᑭᒫᐃᐧᐃᐧᐣ ᐁ ᐊᑎ ᐋᔮᓂᐢᑫ ᐱᒫᑎᓯᕽ; 35ᐁᑯᓯ ᑲᐦᑭᔭᐤ ᐊᐢᑭᕽ ᑳ ᐅᐟ ᐃᐦᑖᐃᐧᓂᒋᐠ ᑖᐱᐢᑯᐨ ᓇᒪ ᑫᑲᐧᐩ ᐃᑕᑭᒫᐊᐧᐠ; ᒥᓇ ᐃᐦᑐᑕᒼ ᐃᐧᔭ ᐁ ᐃᑌᔨᑕᕽ ᒣᑳᐧᐨ ᑭᐦᒋᑭᓯᑯᕽ ᑳ ᐊᔮᒋᐠ, ᒥᓇ ᐊᐢᑭᕽ ᑳ ᐅᐟ ᐃᐦᑖᐃᐧᓂᒋᐠ; ᓇᒪᐃᐧᔭ ᒫᑲ ᐊᐃᐧᔭ ᑭᑕ ᑭ ᑭᐱᑎᓇᒥᔨᐊᐧ ᐅᒋᐦᒋ, ᐊᐦᐳ ᑭᑕ ᑭ ᐃᑎᐠ, ᑫᑲᐧᐩ ᐅᒪ ᑳ ᐃᑐᑕᒪᐣ? 36ᐁᑯᐢᐱ ᒫᑲ ᓂ ᓂᓯᑐᐦᑕᒧᐃᐧᐣ ᑳᐃᐧ ᓂ ᑭ ᓈᑎᑯᐣ; ᒥᓇ ᑭᑕ ᑭᐢᑌᔨᑖᑲᐧᕽ ᓂ ᑭᐦᒋ ᐅᑭᒫᐃᐧᐃᐧᐣ, ᓄᑭᒫᐁᐧᔨᑖᑯᓯᐃᐧᐣ ᒥᓇ ᓂ ᑭᐦᒋᓈᑯᓯᐃᐧᐣ ᑳᐃᐧ ᓂ ᑭ ᓈᑎᑯᐣ; ᒥᓇ ᓄᔭᓱᐁᐧᐃᐧᔨᓂᒪᐠ ᒥᓇ ᓄᑭᒫᒪᐠ ᓂ ᑭ ᐯ ᓈᑎᑲᐧᐠ; ᐁᑯᓯ ᓂ ᑭ ᐋᔮᑕᔨᑲᐃᐧᐣ ᓂ ᑭᐦᒋ ᐅᑭᒫᐃᐧᐃᐧᓂᕽ, ᒥᓇ ᐊᔨᐋᐧᐠ ᑭᐢᑌᔨᑖᑯᓯᐃᐧᐣ ᓂ ᑭ ᑕᑯᓇᒫᑲᐃᐧᐣ. 37ᐁᑲᐧ ᓂᔭ ᓀᑊᔪᑳᐟᓀᓴᕒ ᓂ ᒪᒥᐦᒋᒫᐤ ᒥᓇ ᓂ ᑭᐢᑕᑭᒫᐤ ᑳ ᑭᐦᒋ ᐅᑭᒫᑲᑕᕽ ᑭᐦᒋᑭᓯᐠ; ᒋᑫᒫ ᑲᐦᑭᔭᐤ ᐅᐟ ᐊᑐᐢᑫᐃᐧᓇ ᑖᐯᐧᐃᐧᓂᐊᐧᓂᔨᐊᐧ, ᒥᓇ ᐅᐟ ᐃᓯᑖᐧᐃᐧᓇ ᐅᔭᓱᐋᐧᓯᐁᐧᐃᐧᓂᐊᐧᓇᐧ; ᒥᓇ ᐊᓂᐦᐃ ᑭᐢᑌᔨᒥᓱᐃᐧᓂᕽ ᑳ ᐱᒧᐦᑌᔨᐟ ᑲᐢᑭᑖᐤ ᑭᑕ ᑕᐸᐦᑎᓈᐟ.
Iliyochaguliwa sasa
ᑖᓂᐁᓬ 4: KKMs
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.
ᑖᓂᐁᓬ 4
4
1ᓀᑊᔪᑳᐟᓀᓴᕒ ᑭᐦᒋ ᐅᑭᒫᐤ, ᐁ ᐃᑖᐟ ᑲᐦᑭᔭᐤ ᐊᔨᓯᔨᓂᐊᐧ, ᓇᓈᑐᑯᐢᑳᐣ, ᒥᓇ ᓇᓈᑐᕽ ᐁ ᐃᓯ ᐱᑭᐢᑫᐧᒋᐠ, ᐊᐢᑭᕽ ᑳ ᐊᔮᒋᐠ; ᐯᔭᐦᑕᑫᔨᒧᐃᐧᐣ ᑭ ᑲ ᐃᐧ ᔭᑯᑖᐧᑲᐃᐧᓈᐋᐧᐤ. 2ᒥᔮᐧᓯᐣ ᓂᐟ ᐃᑌᔨᑌᐣ ᑭᑕ ᐋᐧᐸᐦᑕᐦᐃᐁᐧᔮᐣ ᐊᓂᐦᐃ ᑭᐢᑭᓇᐋᐧᒋ ᐃᓯᐦᒋᑫᐃᐧᓇ ᒥᓇ ᒪᒫᑕᐃᐧ ᐃᓯᐦᒋᑫᐃᐧᓇ ᐊᓇ ᒫᒪᐁᐧᔭᐢ ᑳ ᐃᐢᐯᔨᑖᑯᓯᐟ ᑭᓭᒪᓂᑐ ᑳ ᑭ ᐃᓯᒋᑳᓯᐟ. 3ᑖᓂᔨᑯᕽ ᑭᐦᒑᔨᐊᐧᓂᔨᐊᐧ ᐅ ᑭᐢᑭᓇᐋᐧᒋ ᐃᓯᐦᒋᑫᐃᐧᓇ! ᒥᓇ ᑖᓂᔨᑯᕽ ᓱᑫᔨᑖᑲᐧᓂᔨᐊᐧ ᐅ ᒪᒫᑖᐃᐧ ᐃᓯᐦᒋᑫᐃᐧᓇ! ᐅ ᑭᐦᒋ ᐅᑭᒫᐃᐧᐃᐧᐣ ᑳᑭᑫ ᑭᐦᒋ ᐅᑭᒫᐃᐧᐃᐧᐣ, ᒥᓇ ᐅ ᑎᐯᔨᐦᒋᑫᐃᐧᐣ ᐊᔮᔨᐤ ᐁ ᐊᑎ ᐋᓂᐢᑫᐱᒫᑎᓯᕽ.
4ᓂᔭ ᓀᑊᔪᑳᐟᓀᓴᕒ ᐁ ᐯᔭᑕᑭ ᐊᔮᔮᐣ ᓂ ᐋᐧᐢᑳᐦᐃᑲᓂᕽ, ᒥᓇ ᐁ ᒪᒥᔦᐧᐃᐧᐅᔮᐣ ᓂ ᑭᐦᒋ ᐅᑭᒫᐃᐧᑲᒥᑯᕽ. 5ᓂ ᑭ ᐋᐧᐸᐦᑌᐣ ᐸᐋᐧᒥᐃᐧᐣ ᑳ ᑭ ᓭᑭᐃᑯᔮᐣ; ᒥᓇ ᒫᒥᑐᓀᔨᒋᑲᓇ ᓂ ᓂᐯᐃᐧᓂᕽ ᒥᓇ ᐃᓯᓇᒧᐃᐧᓇ ᓂᐢᑎᑳᐧᓂᕽ ᓂ ᑭ ᒥᑯᐢᑳᒋᐦᐃᑯᐣ. 6ᐁᑯᓯ ᒫᑲ ᓂ ᑭ ᐃᑕᓱᐋᐧᐣ ᑭᑕ ᐯ ᐱᐦᑐᑲᐦᐃᐦᒋᐠ ᐃᑕ ᐁ ᐊᔮᔮᐣ ᑲᐦᑭᔭᐤ ᑳ ᐃᔨᓂᓯᒋᐠ ᐊᔨᓯᔨᓂᐊᐧᐠ ᐹᐱᓬᐊᓂᕽ, ᑭᑕ ᑭᐢᑫᔨᑕᒧᐃᒋᐠ ᐁᑌᐧᒪᑲᕽ ᐊᓂᒪ ᐸᐋᐧᒥᐃᐧᐣ. 7ᐁᑲᐧ ᑭ ᐯ ᐱᐦᑐᑫᐊᐧᐠ ᐅᑯᓵᐸᑕᒧᐊᐧᐠ, ᑳ ᒪᒫᑖᐃᐧᓯᒋᐠ, ᑳᓬᑎᔭᓇᐠ, ᒥᓇ ᐅᐃᐧᑕᒫᑫᐊᐧᐠ; ᐁᑯᓯ ᓂ ᑭ ᐃᐧᐦᑕᒪᐋᐧᐊᐧᐠ ᐊᓂᒪ ᐸᐋᐧᒥᐃᐧᐣ; ᒫᑲ ᓇᒪᐃᐧᔭ ᓂ ᑭ ᑭᐢᑫᔨᑕᒧᐃᑲᐧᐠ ᐁᑌᐧᒪᑲᕽ.
8ᒫᑲ ᐱᔨᐢ ᑖᓂᐁᓬ ᓂ ᑭ ᐯ ᐱᑐᑳᐠ, ᐊᓇ ᐯᓬᑎᓵᓴᕒ ᑳ ᐃᓯᔨᐦᑳᓱᐟ, ᐁ ᐃᓯ ᐃᐧᔨᐦᐟ ᓂ ᒪᓂᑐᒼ, ᒥᓇ ᑳ ᑭᑭᐢᑳᑯᐟ ᐅᐟ ᐊᐦᒑᐦᑯᔨᐊᐧ ᑳ ᑲᓈᑎᓯᔨᐟ ᒪᓂᑐᐊᐧ; ᓂ ᑭ ᐃᐧᐦᑕᒪᐋᐧᐤ ᒫᑲ ᐊᓂᒪ ᐸᐋᐧᒥᐃᐧᐣ, ᐁ ᐃᑕᐠ, 9ᑭᔭ ᐯᓬᑎᓵᓴᕒ, ᑳ ᑎᐯᔨᒪᒋᐠ ᐅᑯᓵᐸᑕᒧᐊᐧᐠ, ᒋᑫᒫ ᐁ ᑭᐢᑫᔨᑕᒫᐣ ᐁ ᑭᑭᐢᑳᑯᐊᐧᐟ ᐅᐟ ᐊᐦᒑᐦᑯᐋᐧᐊᐧ ᑳ ᑲᓈᑎᓯᒋᐠ ᒪᓂᑐᐊᐧᐠ, ᒥᓇ ᐁᑳ ᑫᑲᐧᐩ ᑳ ᐊᐧᓂᒧᑕᕽ ᐁ ᒥᑯᐢᑳᑌᔨᑕᒥᐃᑯᔭᐣ, ᐃᐧᐦᑕᒪᐃᐧᐣ ᑳ ᑭ ᐃᓯᓇᒫᐣ ᐁ ᐸᐋᐧᒥᔮᐣ ᑳ ᑭ ᐋᐧᐸᐦᑕᒫᐣ, ᐁᑯᓯ ᐁ ᐃᑌᐧᒪᑲᕽ ᐁᐊᐧᑯ. 10ᐁᑯᓯ ᐅᒪ ᑳ ᑭ ᐃᓯᓇᒫᐣ ᓂᐢᑎᑳᐧᓂᕽ ᓂ ᓂᐯᐃᐧᓂᕽ; ᓂ ᐋᐧᐸᐦᑌᐣ, ᐁᑯᓯ ᐳᑎ ᒥᐢᑎᐠ ᑖᐋᐧᔨᕽ ᐊᐢᑭᕽ, ᒥᐢᑕᐦᐃ ᒫᑲ ᐁ ᑭᓈᐧᐢᑯᓯᐟ. 11ᐊᓇ ᒥᐢᑎᐠ ᑭ ᔭᑭᑭᐤ ᒥᓇ ᑭ ᓱᑳᐢᑯᓯᐤ, ᑭᓯᑯᕽ ᑭ ᐅᑎᐦᑖᐢᑯᒧ, ᒥᓇ ᑭ ᓄᑯᓯᐤ ᐁ ᑭᓯᐸᐢᑲᒥᑳᐠ ᒥᓯᐁᐧ ᐊᐢᑭ ᐅᐦᒋ. 12ᓂᐱᔭ ᐁᑯᑕ ᑭ ᒥᔮᐧᓯᓇᐧ, ᒥᓇ ᒥᐢᑕᐦᐃ ᑭ ᒥᓂᓯᐃᐧᐤ ᐁᑯᑕ ᒫᑲ ᑭ ᐊᔮᔨᐤ ᑭᑕ ᐅ ᒥᒋᐃᐧᓂᒋᐠ ᑲᐦᑭᔭᐤ; ᐱᑲᐧᒋ ᐱᓯᐢᑭᐊᐧᐠ ᑭ ᐋᑲᐋᐧᐢᑌᓯᒧᐊᐧᐠ, ᒥᓇ ᐱᔦᓯᐊᐧᐠ ᑳ ᐸᐹᒥᔮᒋᐠ ᑭ ᐊᔮᐊᐧᐠ ᐁ ᐸᐢᑫᑎᑲᐧᓇᑭᓯᐟ, ᒥᓇ ᑲᐦᑭᔭᐤ ᑳ ᐅ ᐃᐧᔮᓯᐟ ᐁᑯᑕ ᑭ ᐅᐦᒋ ᒥᒋᓱ. 13ᓂ ᑭ ᐋᐧᐸᐦᑌᐣ ᐁ ᐃᓯᓇᒫᐣ ᓂᐢᑎᑳᐧᓂᕽ ᐁ ᐱᒥᓯᓂᔮᐣ ᓂ ᓂᐯᐃᐧᓂᕽ, ᐳᑎ ᒫᑲ, ᐅᑕᓴᐋᐧᐱᐤ ᒥᓇ ᐅᑲᓈᑎᓯᐤ ᑭᐦᒋᑭᓯᑯᕽ ᑭ ᐯ ᐅᐦᒋ ᔮᓯᐤ. 14ᑭ ᑌᐯᐧᐤ ᒫᑲ ᐁ ᑭᓯᐁᐧᐟ, ᐅᒥᓯ ᒫᑲ ᐁ ᑭ ᐃᑌᐧᐟ, ᑲᐊᐧᐅᕽ ᐊᓇ ᒥᐢᑎᐠ, ᒥᓇ ᒧᓴᐊᐧᐅᕽ ᐅ ᐊᐧᑎᑲᐧᓇ, ᐅ ᓂᐱᔭ ᐸᐸᐃᐧᐸᔨᑖᐋᐧᕽ, ᒥᓇ ᐊᐧᓭᐧᐁᐧᐱᓇᒫᐧᕽ ᐅ ᒥᓂᓴ; ᑭᔮᒼ ᐱᓯᐢᑭᐊᐧᐠ ᑭᑕ ᓯᐯᐧᑌᐊᐧᐠ ᑳ ᑭ ᐋᑲᐋᐧᐢᑌᓯᒧᒋᐠ, ᒥᓇ ᐱᔦᓯᐊᐧᐠ ᑭᑕ ᓇᑲᑕᒪᐧᐠ ᐁ ᐊᐧᑎᑲᐧᓂᐃᐧᔨᐟ. 15ᒫᑲ ᐃᐧᔭ ᑭᐢᑲᑕᐃᑲᐣ ᐁ ᐅᒉᐱᑭᐃᐧᐟ ᓇᑲᑕᒧᐠ ᐊᐢᑭᕽ, ᐁ ᑕᐦᑯᐱᑌᐠ ᐱᐋᐧᐱᐢᐠ ᒥᓇ ᐅᓵᐋᐧᐱᐢᐠ ᐅᐦᒋ, ᐅᐢᑲᐢᑯᓯᐊᐧᑳᕽ ᐱᑲᐧᒑᔨᕽ; ᑭᔮᒼ ᑭᑕ ᓵᐳᐯᐤ ᐁ ᓂᐱᐊᐧᐢᑳᐠ ᑭᓯᑯᕽ ᐅᐦᒋ, ᒥᓇ ᑭᑕ ᐃᐧᒋᐊᔮᒣᐤ ᐱᓯᐢᑭᐊᐧ ᒪᐢᑯᓯᐢᑳᕽ ᐊᐢᑭᕽ; 16ᑭᔮᒼ ᐅᑌᐦ ᑭᑕ ᑫᐧᐢᑭᓇᒫᐧᐣ ᐊᔨᓯᔨᓂᕽ ᐅᐦᒋ, ᒥᓇ ᐱᓯᐢᑭᐃᐧ ᒥᑌᐦ ᑭᑕ ᒥᔮᐤ; ᒥᓇ ᑭᔮᒼ ᑌᐸᑯᑊ ᑕᐦᑖᐧᐤ ᑭᑕ ᒪᔮᐢᑲᒼ. 17ᐁᐊᐧᑯᒪ ᐁᑕᓱᐁᐧᒋᐠ ᐅᑕᓴᐋᐧᐱᐊᐧᐠ, ᐁᑯᓯ ᒥᓇ ᐃᓯ ᓇᑕᐁᐧᔨᑕᒪᐧᐠ ᑳ ᑲᓈᑎᓯᒋᐠ; ᑭᑕ ᐃᓯ ᑭᐢᑫᔨᑕᐦᑭᐠ ᑳ ᐱᒫᑎᓯᒋᐠ ᐊᓇ ᒫᒪᐁᐧᔭᐢ ᑳ ᐃᐢᐯᔨᑖᑯᓯᐟ ᐁ ᑎᐯᔨᐦᑕᒫᐧ ᐅ ᑭᐦᒋ ᐅᑭᒫᐃᐧᐃᐧᓂᔨᐤ ᐊᔨᓯᔨᓂᐊᐧ, ᒥᓇ ᐁ ᒥᔮᐟ ᐊᐃᐧᔭ ᐁᑎᔨᒫᒋ, ᒥᓇ ᐁ ᑎᐯᔨᐦᑕᒧᐋ ᒫᐊᐧᐨ ᐁ ᒪᒉᔨᑖᑯᓯᔨᐟ ᐊᔨᓯᔨᓂᐊᐧ. 18ᐅᒪ ᐸᐋᐧᒥᐃᐧᐣ ᓂᔭ ᑭᐦᒋ ᐅᑭᒫᐤ ᓀᑊᔪᑳᐟᓀᓴᕒ ᓂ ᑭ ᐋᐧᐸᐦᑌᐣ; ᑭᔭ ᒫᑲ ᐯᓬᑎᓵᓴᕒ ᐃᐧᐦᑕᒪᐃᐧᐣ ᐁᑌᐧᒪᑲᕽ, ᐊᔨᐢ ᑲᐦᑭᔭᐤ ᑳ ᐃᔨᓂᓯᒋᐠ ᐊᔨᓯᔨᓂᐊᐧᐠ ᓂ ᑭᐦᒋ ᐅᑭᒫᐃᐧᐃᐧᓂᕽ ᓇᒪᐃᐧᔭ ᑲᐢᑭᑖᐊᐧᐠ ᑭᑕ ᑭᐢᑫᔨᑕᒧᐃᒋᐠ ᐁᑌᐧᒪᑲᕽ; ᒫᑲ ᐃᐧᔭ ᑭᔭ ᑭ ᑲᐢᑭᑖᐣ, ᒋᑫᒫ ᐅᐟ ᐊᐦᒑᐦᑯᐋᐧᐊᐧ ᑳ ᑲᓈᑎᓯᒋᐠ ᒪᓂᑐᐊᐧᐠ ᑭ ᑭᑭᐢᑳᑯᔨᐊᐧ.
19ᐁᑲᐧ ᑖᓂᐁᓬ, ᐯᓬᑎᓵᓴᕒ ᑳ ᐃᓯᔨᐦᑳᓱᐟ, ᑭ ᐃᐦᑕᓯ ᒫᒪᐢᑳᑕᒼ, ᒥᓇ ᑭ ᒥᑯᐢᑳᑌᔨᑕᒼ. ᑭᐦᒋ ᐅᑭᒫᐤ ᒫᑲ ᑭ ᓇᐢᑫᐧᐊᐧᓯᒣᐤ ᒥᓇ ᑭ ᐃᑌᐧᐤ, ᐯᓬᑎᓵᓴᕒ, ᐁᑳᐃᐧᔭ ᐊᓂᒪ ᐸᐋᐧᒥᐃᐧᐣ ᐊᐦᐳ ᐁ ᐃᑌᐧᒪᑲᕽ ᑭ ᑲ ᒥᑯᐢᑳᑌᔨᑕᒥᐃᑯᐣ. ᐯᓬᑎᓴᓴᕒ ᑭ ᓇᐢᑫᐧᐊᐧᓯᒣᐤ ᒥᓇ ᑭ ᐃᑌᐤ, ᓂᐟ ᐅᑭᒫᒼ, ᐊᓂᒪ ᐸᐋᐧᒥᐃᐧᐣ ᑭᑕ ᐃᐧ ᐊᔮᐊᐧᐠ ᐊᓂᑭ ᑳ ᐸᑳᐧᑎᐢᑭᐠ, ᒥᓇ ᐁᑌᐧᒪᑲᕽ ᐊᓂᑭ ᑳ ᐃᐧ ᓂᓯᐊᐧᓈᒋᐃᐢᑭᐠ. 20ᐊᓇ ᒥᐢᑎᐠ ᑳ ᑭ ᐋᐧᐸᒪᐟ, ᑳ ᑭ ᐱᒥᑭᐟ, ᒥᓇ ᑳ ᑭ ᓱᑳᐢᑯᓯᐟ, ᑭᓯᑯᕽ ᑳ ᑭ ᐅᑎᐦᑖᐢᑯᒧᐟ, ᒥᓇ ᑳ ᑭ ᐅᑎᓯᓈᑯᓯᐟ ᒥᓯᐁᐧᐢᑲᒥᐠ ᐅᐦᒋ; 21ᓂᐱᔭ ᐁᑯᑕ ᑳ ᑭ ᒥᔮᐧᓯᑭ, ᒥᓇ ᒥᐢᑕᐦᐃ ᑳ ᑭ ᒥᓂᓯᐃᐧᐟ, ᐁᑯᑕ ᒫᑲ ᑳ ᑭ ᐊᔮᐠ ᑭᑕ ᐅ ᒥᒋᐃᐧᓂᒋᐠ ᑲᐦᑭᔭᐤ; ᓯᐹ ᐁᑯᑕ ᐱᑲᐧᒋ ᐱᓯᐢᑭᐊᐧᐠ ᑳ ᑭ ᐊᔮᒋᐠ, ᒥᓇ ᐁ ᐸᐢᑫᑎᑲᐧᓇᑭᓯᐟ ᐱᔦᓯᐊᐧᐠ ᑳ ᐸᐹᒥᔮᒋᐠ ᑳ ᑭ ᐅᐟ ᐃᐦᑖᐃᐧᓂᒋᐠ; 22ᑭᔭ ᐁᐊᐧᑯ, ᑭᐦᒋ ᐅᑭᒫᐤ, ᑳ ᐱᒥᑭᔭᐣ ᒥᓇ ᑳ ᐊᑎ ᓱᐦᑭᓯᔭᐣ; ᒋᑫᒫ ᑭ ᑭᐢᑌᔨᑖᑯᓯᐃᐧᐣ ᔭᑭᑭᐣ, ᒥᓇ ᐅᑎᐦᒋᐊᔮᐤ ᑭᓯᑯᕽ, ᒥᓇ ᑭ ᑎᐯᔨᐦᒋᑫᐃᐧᐣ ᐁ ᑭᓯᐸᐢᑲᒥᑳᐠ ᐊᐢᑭ. 23ᐁᑯᓯ ᒫᑲ ᑭᐦᒋ ᐅᑭᒫᐤ ᑳ ᑭ ᐋᐧᐸᒫᐟ ᐅᑕᓴᐋᐧᐱᐊᐧ ᒥᓇ ᐅᑲᓈᑎᓯᐊᐧ ᐁ ᐯ ᔮᓯᔨᐟ ᑭᓯᑯᕽ ᐅᐦᒋ, ᒥᓇ ᐁ ᐃᑌᐧᔨᐟ, ᑲᐊᐧᐅᕽ ᐊᓇ ᒥᐢᑎᐠ ᒥᓇ ᓂᓯᐊᐧᓈᒋᐃᕽ; ᒫᑲ ᐃᐧᔭ ᑭᐢᑲᑕᐃᑲᐣ ᐁ ᐅᒉᐱᑭᐃᐧᐟ ᓇᑲᑕᒧᐠ ᐊᐢᑭᕽ, ᐁ ᑕᐦᑯᐱᑌᐠ ᐱᐋᐧᐱᐢᐠ ᒥᓇ ᐅᓵᐋᐧᐱᐢᐠ ᐅᐦᒋ, ᐅᐢᑲᐢᑯᓯᐊᐧᑳᕽ ᐱᑲᐧᒑᔨᕽ; ᒥᓇ ᑭᔮᒼ ᑭᑕ ᓵᐳᐯᐤ ᐁ ᓂᐱᐊᐧᐢᑳᐠ ᑭᓯᑯᕽ ᐅᐦᒋ, ᒥᓇ ᑭᔮᒼ ᑭᑕ ᐃᐧᒉᐁᐧᐤ ᐱᓯᐢᑭᐊᐧ ᐱᑲᐧᒑᔨᕽ, ᐃᐢᑯ ᑌᐸᑯᑊ ᑕᐦᑖᐧᐤ ᑭᑕ ᒪᔮᐢᑲᕽ; 24ᐁᐊᐧᑯ ᐅᒪ ᐁᑌᐧᒪᑲᕽ, ᑭᐦᒋ ᐅᑭᒫᐤ, ᒥᓇ ᐁᐊᐧᑫᐧᔨᐤ ᐅᐟ ᐃᑕᓱᐁᐧᐃᐧᐣ ᒫᒪᐁᐧᔭᐢ ᑳ ᐃᐢᐯᔨᑖᑯᓯᐟ, ᑳ ᐅᑎᐦᑎᑯᐟ ᓂᐟ ᐅᑭᒫᒼ ᑭᐦᒋ ᐅᑭᒫᐤ; 25ᐊᔨᓯᔨᓂᓈᕽ ᑭᑕ ᐅᐦᒋ ᓯᐯᐧᑎᓴᐅᑲᐃᐧᔭᐣ, ᒥᓇ ᑭᑕ ᐃᐧᒋᐊᔮᒪᒋᐠ ᐱᓯᐢᑭᐊᐧᐠ ᐱᑲᐧᒑᔨᕽ, ᑭ ᑲ ᒥᒋᐣ ᒫᑲ ᒪᐢᑯᓯᔭ ᑖᐱᐢᑯᐨ ᒧᐢᑐᓴᐧᐠ, ᒥᓇ ᑭ ᑲ ᓵᐳᐸᐣ ᐁ ᓂᐱᐊᐧᐢᑳᐠ ᑭᓯᑯᕽ ᐅᐦᒋ, ᑌᐸᑯᑊ ᑕᐦᑖᐧᐤ ᒫᑲ ᑭ ᑲ ᒪᔮᐢᑳᑯᐣ; ᐱᔨᐢ ᑭᑕ ᑭᐢᑫᔨᑕᒪᐣ ᒫᒪᐁᐧᔭᐢ ᑳ ᐃᐢᐯᔨᑖᑯᓯᐟ ᐁ ᑎᐯᔨᐦᑕᒫᐧᐟ ᐅ ᑭᐦᒋ ᐅᑭᒫᐃᐧᐃᐧᓂᔨᐤ ᐊᔨᓯᔨᓂᐊᐧ, ᒥᓇ ᐁ ᒥᔮᐟ ᐊᐃᐧᔭ ᐄᐧ ᒥᔮᒋ. 26ᒫᑲ ᐊᓂᒪ ᑳ ᐃᑕᓱᐁᐧᒋᐠ ᑭᐢᑲᑕᐃᑲᐣ ᐁ ᐅᒉᐱᑭᐃᐧᐟ ᑭᑕ ᓇᑲᑕᒥᕽ: ᑭ ᑭᐦᒋ ᐅᑭᒫᐃᐧᐃᐧᐣ ᑭ ᑲ ᑫᒋᓈᑎᓇᒫᑲᐃᐧᐣ, ᐃᐢᐱ ᑭ ᑭᐢᑫᔨᑕᒪᓂ ᑭᓯᑯᕽ ᐁ ᐅᐦᒋ ᐅᔭᓱᐁᐧᕽ. 27ᐁᑯᓯ ᒫᑲ ᑭᐦᒋ ᐅᑭᒫᐤ, ᑭᔮᒼ ᓂ ᑲᑫᐢᑫᐧᐃᐧᐣ ᑭ ᑲ ᐃᐧ ᒥᔪᐢᑳᑯᐣ, ᒥᓇ ᐳᓂᑖ ᑭ ᒪᒋᑐᑕᒧᐃᐧᓇ ᑲᐧᔭᐢᑭᑖᑎᓯᐃᐧᓂᕽ, ᒥᓇ ᑭ ᒪᒋᐃᑎᐃᐧᓇ ᐁ ᑭᑎᒫᑭᓇᐊᐧᒋᐠ ᐅᑭᑎᒫᑭᓯᐊᐧᐠ; ᒫᐢᑯᐨ ᐁᐊᐧᑯ ᐅᐦᒋ ᑭᓀᐧᐢ ᑭᑕ ᐃᐢᐸᔨᐤ ᑭ ᐯᔭᐦᑕᑫᔨᒧᐃᐧᐣ.
28ᑲᐦᑭᔭᐤ ᐅᒪ ᑭ ᐅᑎᐦᑎᐠ ᑭᐦᒋ ᐅᑭᒫᐤ ᓀᑊᔪᑳᐟᓀᓴᕒ. 29ᐁ ᐊᑎ ᐳᓂᐸᔨᐠ ᒥᑖᑕᐦᐟ ᓂᓱᓵᑊ ᑕᐦᑐᐱᓯᒼ ᑭ ᐸᐹᒧᑌᐤ ᑭᐦᒋ ᐅᑭᒫᐃᐧᑲᒥᑯᕽ ᐹᐱᓬᐊᓂᕽ. 30ᑭᐦᒋ ᐅᑭᒫᐤ ᑭ ᐱᑭᐢᑫᐧᐤ ᒥᓇ ᑭ ᐃᑌᐧᐤ, ᓇᒪ ᒋ ᐅᒪ ᑭᐦᒋ ᐹᐱᓬᐊᐣ ᑳ ᑭ ᐅᓯᐦᑖᔮᐣ ᑭᐦᒋ ᐅᑭᒫᐤ ᑭᑕ ᐅᐟ ᐃᐦᑖᐃᐧᓂᐟ, ᐁ ᐃᓯ ᓱᑳᔭᐋᐧᕽ ᓂ ᒪᐢᑲᐃᐧᓯᐃᐧᐣ ᒥᓇ ᑭᑕ ᑭᐢᑌᔨᑖᑲᐧᕽ ᓂ ᑭᐦᒋ ᐅᑭᒫᐃᐧᐃᐧᐣ? 31ᒣᑳᐧᐨ ᒫᑲ ᐅᒥᓯ ᐁ ᐊᔨᑌᐧᐟ ᑭᐦᒋ ᐅᑭᒫᐤ ᑭᓯᑯᕽ ᑭ ᐯ ᐅᐦᒋᐸᔨᐤ ᐃᑌᐧᐃᐧᐣ, ᑭᔭ ᑭᐦᒋ ᐅᑭᒫᐤ ᓀᑊᔪᑳᐟᓀᓴᕒ, ᑭᔭ ᑳ ᐃᑎᑲᐃᐧᔭᐣ; ᑭᐦᒋ ᐅᑭᒫᐃᐧᐃᐧᐣ ᑭ ᓇᑲᑎᑯᐣ. 32ᐊᔨᓯᔨᓂᓈᕽ ᒫᑲ ᑭ ᑲ ᐅᐦᒋ ᓯᐯᐧᑎᓴᐅᑲᐃᐧᐣ, ᒥᓇ ᑭ ᑲ ᐃᐧᒋᐊᔮᒫᐊᐧᐠ ᐱᓯᐢᑭᐊᐧᐠ ᐱᑲᐧᒑᔨᕽ; ᑭ ᑲ ᒥᒋᐣ ᒪᐢᑯᓯᔭ ᑖᐱᐢᑯᐨ ᒧᐢᑐᓴᐧᐠ, ᒥᓇ ᑌᐸᑯᑊ ᑕᐦᑖᐧᐤ ᑭ ᑲ ᒪᔮᐢᑳᑯᐣ; ᐱᔨᐢ ᑭᑕ ᑭᐢᑫᔨᑕᒪᐣ ᒫᒪᐁᐧᔭᐢ ᑳ ᐃᐢᐯᔨᑖᑯᓯᐟ ᐁ ᑎᐯᔨᐦᑕᒫᐧᐟ ᐅ ᑭᐦᒋ ᐅᑭᒫᐃᐧᐃᐧᓂᔨᐤ ᐊᔨᓯᔨᓂᐊᐧ, ᒥᓇ ᐁ ᒥᔮᐟ ᐊᐃᐧᔭ ᐋᐧ ᒥᔮᒋ. 33ᐁᐊᐧᑳᐧᓂᒪ ᑎᐸᐃᑲᐣ ᐁᐊᐧᑫᐧᔨᐤ ᑭ ᑎᐱᑐᑕᐋᐧᐤ ᓀᑊᔪᑳᐟᓀᓴᕒ; ᐊᔨᓯᔨᓂᓈᕽ ᑭ ᐅᐦᒋ ᓯᐯᐧᑎᓴᐋᐧᐤ, ᒥᓇ ᑭ ᒥᒋᐤ ᒪᐢᑯᓯᔭ ᑖᐱᐢᑯᐨ ᒧᐢᑐᓴᐧᐠ, ᒥᓇ ᐃᐧᔭᐤ ᑭ ᓵᐳᐯᔨᐤ ᐁ ᓂᐱᐊᐧᐢᑳᐠ ᑭᓯᑯᕽ ᐅᐦᒋ, ᐱᔨᐢ ᐃᐧᐢᑕᑲᔭ ᐁ ᓂᐦᑖᐃᐧᑭᓂᔨᑭ ᑖᐱᐢᑯᐨ ᒥᑭᓯᐃᐧᐱᐊᐧᔭ, ᒥᓇ ᐊᐧᐢᑲᓯᔭ ᑖᐱᐢᑯᐨ ᐱᔦᓯᐊᐧᐠ ᐊᐧᐢᑲᓯᐋᐧᐊᐧ.
34ᐃᐢᐱ ᒫᑲ ᐁ ᐳᓂᐸᔨᑭ ᑭᓯᑳᐊᐧ ᓂᔭ ᓀᑊᔪᑳᐟᓀᓴᕒ ᑭᓯᑯᕽ ᓂ ᑭ ᐃᑖᐱᐣ ᒥᓇ ᓂ ᓂᓯᑐᐦᑕᒧᐃᐧᐣ ᑳᐃᐧ ᓂ ᑭ ᓈᑎᑯᐣ, ᓂ ᑭ ᓇᓈᐢᑯᒫᐤ ᒫᑲ ᒫᒪᐁᐧᔭᐢ ᑳ ᐃᐢᐯᔨᑖᑯᓯᐟ, ᒥᓇ ᓂ ᑭ ᒪᒥᐦᒋᒫᐤ ᒥᓇ ᓂ ᑭ ᑭᐢᑕᑭᒫᐤ ᐊᓇ ᑳ ᐱᒫᑎᓯᐟ ᑳᑭᑫ; ᒋᑫᒫ ᐅ ᑎᐯᔨᐦᒋᑫᐃᐧᐣ ᐁᐊᐧᑯ ᑳᑭᑫ ᑎᐯᔨᐦᒋᑫᐃᐧᐣ, ᒥᓇ ᐅ ᑭᐦᒋ ᐅᑭᒫᐃᐧᐃᐧᐣ ᐁ ᐊᑎ ᐋᔮᓂᐢᑫ ᐱᒫᑎᓯᕽ; 35ᐁᑯᓯ ᑲᐦᑭᔭᐤ ᐊᐢᑭᕽ ᑳ ᐅᐟ ᐃᐦᑖᐃᐧᓂᒋᐠ ᑖᐱᐢᑯᐨ ᓇᒪ ᑫᑲᐧᐩ ᐃᑕᑭᒫᐊᐧᐠ; ᒥᓇ ᐃᐦᑐᑕᒼ ᐃᐧᔭ ᐁ ᐃᑌᔨᑕᕽ ᒣᑳᐧᐨ ᑭᐦᒋᑭᓯᑯᕽ ᑳ ᐊᔮᒋᐠ, ᒥᓇ ᐊᐢᑭᕽ ᑳ ᐅᐟ ᐃᐦᑖᐃᐧᓂᒋᐠ; ᓇᒪᐃᐧᔭ ᒫᑲ ᐊᐃᐧᔭ ᑭᑕ ᑭ ᑭᐱᑎᓇᒥᔨᐊᐧ ᐅᒋᐦᒋ, ᐊᐦᐳ ᑭᑕ ᑭ ᐃᑎᐠ, ᑫᑲᐧᐩ ᐅᒪ ᑳ ᐃᑐᑕᒪᐣ? 36ᐁᑯᐢᐱ ᒫᑲ ᓂ ᓂᓯᑐᐦᑕᒧᐃᐧᐣ ᑳᐃᐧ ᓂ ᑭ ᓈᑎᑯᐣ; ᒥᓇ ᑭᑕ ᑭᐢᑌᔨᑖᑲᐧᕽ ᓂ ᑭᐦᒋ ᐅᑭᒫᐃᐧᐃᐧᐣ, ᓄᑭᒫᐁᐧᔨᑖᑯᓯᐃᐧᐣ ᒥᓇ ᓂ ᑭᐦᒋᓈᑯᓯᐃᐧᐣ ᑳᐃᐧ ᓂ ᑭ ᓈᑎᑯᐣ; ᒥᓇ ᓄᔭᓱᐁᐧᐃᐧᔨᓂᒪᐠ ᒥᓇ ᓄᑭᒫᒪᐠ ᓂ ᑭ ᐯ ᓈᑎᑲᐧᐠ; ᐁᑯᓯ ᓂ ᑭ ᐋᔮᑕᔨᑲᐃᐧᐣ ᓂ ᑭᐦᒋ ᐅᑭᒫᐃᐧᐃᐧᓂᕽ, ᒥᓇ ᐊᔨᐋᐧᐠ ᑭᐢᑌᔨᑖᑯᓯᐃᐧᐣ ᓂ ᑭ ᑕᑯᓇᒫᑲᐃᐧᐣ. 37ᐁᑲᐧ ᓂᔭ ᓀᑊᔪᑳᐟᓀᓴᕒ ᓂ ᒪᒥᐦᒋᒫᐤ ᒥᓇ ᓂ ᑭᐢᑕᑭᒫᐤ ᑳ ᑭᐦᒋ ᐅᑭᒫᑲᑕᕽ ᑭᐦᒋᑭᓯᐠ; ᒋᑫᒫ ᑲᐦᑭᔭᐤ ᐅᐟ ᐊᑐᐢᑫᐃᐧᓇ ᑖᐯᐧᐃᐧᓂᐊᐧᓂᔨᐊᐧ, ᒥᓇ ᐅᐟ ᐃᓯᑖᐧᐃᐧᓇ ᐅᔭᓱᐋᐧᓯᐁᐧᐃᐧᓂᐊᐧᓇᐧ; ᒥᓇ ᐊᓂᐦᐃ ᑭᐢᑌᔨᒥᓱᐃᐧᓂᕽ ᑳ ᐱᒧᐦᑌᔨᐟ ᑲᐢᑭᑖᐤ ᑭᑕ ᑕᐸᐦᑎᓈᐟ.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.