ᑖᓂᐁᓬ 3
3
1ᓀᑊᔪᑳᐟᓀᓴᕒ ᑭ ᐅᓯᐦᐁᐤ ᐅᓵᐃᐧᓱᓂᔮᐤ ᓇᐢᐱᓯᒋᑲᓇ, ᓂᑯᑖᐧᓱᒥᑕᓇᐤ ᑯᐱᑕ ᐁ ᐃᐢᑯᑳᐸᐃᐧᔨᐟ, ᐁᑯᓯ ᓂᑯᑖᐧᓯᐠ ᑯᐱᑕ ᐁ ᐃᐢᐱᑕᔭᑲᐢᑭᓯᔨᐟ; ᑭ ᒋᒪᔦᐤ ᒫᑲ ᑐᕒᐊ ᒪᐢᑯᑌᕽ ᐹᐱᓬᐊᐣ ᐁ ᐱᐢᑭᑕᑭᑌᐠ ᐊᐢᑭ. 2ᐁᑲᐧ ᓀᑊᔪᑳᐟᓀᓴᕒ ᑭᐦᒋ ᐅᑭᒫᐤ ᑭ ᐃᓯᑎᓴᐦᐅᐁᐧᐤ ᑭᑕ ᒫᒪᐃᐧ ᒫᐊᐧᒋᐦᐃᐦᒋᐠ ᑭᐦᒋ ᐅᑭᒫᑳᓇᐠ, ᐅᑎᐯᔨᐦᑕᒫᑫᐊᐧᐠ ᐅᑭᒫᐊᐧᐠ, ᐅᔭᓱᐁᐧᐃᐧᑭᒫᐊᐧᐠ, ᐅᑲᓇᐃᐧᓱᓂᔮᐁᐧᐊᐧᐠ, ᐅᔭᓱᐁᐧᐃᐧᔨᓂᐊᐧᐠ, ᐅᑎᓂᐁᐧᐊᐧᐠ, ᒥᓇ ᑲᐦᑭᔭᐤ ᑳ ᑎᐯᔨᐦᑕᑭᐠ ᐁ ᐸᐯᐢᑭᑕᑭᑌᐠ ᐊᐢᑭ ᑭᑕ ᐯ ᐃᑐᐦᑌᒋᐠ ᐊᓂᒪ ᐁ ᐃᐧ ᑭᐢᑕᑭᒋᑳᑎᐦᐟ ᐊᓇ ᓇᐢᐱᓯᒋᑲᐣ ᓀᑊᔪᑲᐟᓀᓴᕒ ᑭᐦᒋ ᐅᑭᒫᐤ ᑳ ᑭ ᒋᒪᔮᐟ. 3ᐁᑲᐧ ᐊᓂᑭ ᑭᐦᒋ ᐅᑭᒫᑳᓇᐠ, ᐅᑎᐯᔨᐦᑕᒫᑫᐊᐧᐠ, ᐅᑭᒫᐊᐧᐠ, ᐅᔭᓱᐁᐧᐃᐧᑭᒫᐊᐧᐠ, ᐅᑲᓇᐃᐧᓱᓂᔮᐁᐧᐊᐧ, ᐅᔭᓱᐁᐧᐃᐧᔨᓂᐊᐧᐠ, ᐅᑎᓂᐁᐧᐊᐧᐠ, ᒥᓇ ᑲᐦᑭᔭᐤ ᑳ ᑎᐯᔨᐦᑕᑭᐠ ᐁ ᐸᐯᐢᑭᑕᑭᑌᐠ ᐊᐢᑭ, ᑭ ᒫᐊᐧᒋᐦᐃᑐᐊᐧᐠ ᐊᓂᒪ ᑭᑕ ᑭᐢᑕᑭᒋᑳᑎᐦᐟ ᐊᓇ ᓇᐢᐱᓯᒋᑲᐣ ᓀᑊᔪᑳᐟᓀᓴᕒ ᑭᐦᒋ ᐅᑭᒫᐤ ᑳ ᑭ ᒋᒪᔮᐟ; ᑭ ᐅᐦᑎᐢᑲᐃᐧᑳᐸᐃᐧᐢᑕᐁᐧᐊᐧᐠ ᒫᑲ ᐊᓂᐦᐃ ᓇᐢᐱᓯᒋᑲᓇ ᓀᑊᔪᑳᐟᓀᓴᕒ ᑳ ᑭ ᒋᒪᔮᐟ. 4ᐁᑲᐧ ᒫᑲ ᐅᓵᑭᑌᐧᐤ ᑭ ᐃᑌᐧᐤ ᓱᐦᑭ ᐁ ᑌᐯᐧᐟ, ᑭᔭᐋᐧᐤ ᑭᐟ ᐃᑕᓱᐋᐧᑎᑲᐃᐧᓈᐋᐧᐤ, ᐊᔨᓯᔨᓂᑎᐠ, ᓇᓈᑐᑯᐢᑳᐣ ᒥᓇ ᓇᓈᑐᕽ ᑳ ᐃᓯ ᐱᑭᐢᑫᐧᔦᐠ, 5ᐃᐢᐱ ᐯᐦᑕᒣᑯ ᐁ ᐯᑖᑲᐧᕽ ᐊᓂᒪ ᑳᕒᓂᐟ, ᐱᐱᑲᐧᐣ, ᐦᐋᕒᑊ, ᓵᐠᐸᐟ, ᓵᓬᑕᕒᐃ, ᑕᓬᓯᒪᕒ, ᒥᓇ ᑲᐦᑭᔭᐤ ᑐᐃᐧ ᑭᑐᒋᑲᓇ, ᑭ ᑲ ᐸᑕᐱᐸᔨᐅᓈᐋᐧᐤ ᒥᓇ ᑭ ᑲ ᐊᔭᒥᐦᐋᐃᐧ ᐊᑐᐢᑲᐋᐧᐋᐧᐤ ᐊᓇ ᐅᓵᐃᐧᓱᓂᔮᐤ ᓇᐢᐱᓯᒋᑲᐣ ᑭᐦᒋ ᐅᑭᒫᐤ ᑳ ᑭ ᒋᒪᔮᐟ; 6ᐊᐃᐧᔭᐠ ᒫᑲ ᐁᑳ ᐸᑕᐱᐸᔨᐅᒋ ᑭᑕ ᐊᔭᒥᐦᐋᐃᐧ ᐊᑐᐢᑲᐋᐧᐟ, ᐁᐊᐧᑳᐧᓂᒪ ᑎᐸᐃᑲᐣ ᑭᑕ ᐃᓯᐁᐧᐱᓈᐤ ᒣᑳᐧᐨ ᐁ ᑳᐧᑯᑌᐠ ᑎᑳᐱᐢᑭᓯᑲᐣ. 7ᐁᑯᓯ ᒫᑲ ᐁᑯᐢᐱ, ᐃᐢᐱ ᑲᐦᑭᔭᐤ ᐊᔨᓯᔨᓂᐊᐧᐠ ᐱᔦᐦᑕᐦᑭᐠ ᐁ ᐯᑖᑲᐧᕽ ᑳᕒᓂᐟ, ᐱᐱᑲᐧᐣ, ᐦᐋᕒᑊ, ᓵᐠᐸᐟ, ᓵᓬᑕᕒᐃ, ᒥᓇ ᑲᐦᑭᔭᐤ ᓇᓈᑐᕽ ᑭᑐᒋᑲᓇ, ᑲᐦᑭᔭᐤ ᐊᔨᓯᔨᓂᐊᐧᐠ, ᓇᓈᑐᑯᐢᑳᐣ, ᒥᓇ ᓇᓈᑐᕽ ᐁ ᐃᓯ ᐱᑭᐢᑫᐧᒋᐠ, ᑭ ᐸᑕᐱᐸᔨᐦᐅᐊᐧᐠ ᒥᓇ ᑭ ᐊᔭᒥᐦᐋᐃᐧ ᐊᑐᐢᑲᐁᐧᐊᐧᐠ ᐊᓂᐦᐃ ᐅᓵᐃᐧᓱᓂᔮᐤ ᓇᐢᐱᓯᒋᑲᓇ ᓀᑊᔪᑳᐟᓀᓴᕒ ᑭᐦᒋ ᐅᑭᒫᐤ ᑳ ᑭ ᒋᒪᔮᐟ.
8ᐁᐊᐧᑯ ᐅᐦᒋ ᐁᑯᐢᐱ ᐋᑎᐦᐟ ᑳᓬᑎᔭᓇᐠ ᑭᓯᐋᐧᐠ ᑭ ᐯ ᐃᑐᐦᑌᐊᐧᐠ ᒥᓇ ᑭ ᒪᒥᓯᒣᐊᐧᐠ ᒍᐊᐧ. 9ᑭ ᓇᐢᑫᐧᐊᐧᓯᒣᐊᐧᐠ ᒥᓇ ᑭ ᐃᑌᐊᐧᐠ ᓀᑊᔪᑳᐟᓀᓴᕒᐊ ᑭᐦᒋ ᐅᑭᒫᐊᐧ, ᑭᐦᒋ ᐅᑭᒫᐤ, ᑳᑭᑫ ᑭ ᑲ ᐃᐧ ᐱᒫᑎᓯᐣ. 10ᑭᔭ ᑭᐦᒋ ᐅᑭᒫᐤ ᑭ ᑭ ᐅᓯᐦᑖᐣ ᐅᔭᓱᐁᐧᐃᐧᐣ, ᑲᐦᑭᔭᐤ ᐊᐃᐧᔭᐠ ᐃᑕ ᐁ ᐯᐦᑕᕽ ᐁ ᑭᑐᑖᕽ ᑳᕒᓂᐟ, ᐱᐱᑲᐧᐣ, ᐦᐋᕒᑊ, ᓵᐠᐸᐟ, ᓵᓬᑕᕒᐃ, ᒥᓇ ᑕᓬᓯᒪᕒ, ᒥᓇ ᑲᐦᑭᔭᐤ ᓇᓈᑐᕽ ᑭᑐᒋᑲᓇ, ᑭᑕ ᐸᑕᐱᐸᔨᐅᐟ ᒥᓇ ᑭᑕ ᐊᔭᒥᐦᐋᐃᐧ ᐊᑐᐢᑲᐋᐧᐠ ᐊᓂᐦᐃ ᐅᓵᐃᐧᓱᓂᔮᐤ ᓇᐢᐱᓯᒋᑲᓇ; 11ᐊᐃᐧᔭᐠ ᒫᑲ ᐁᑳ ᐸᑕᐱᐸᔨᐅᒋ ᒥᓇ ᐊᔭᒥᐦᐋᐃᐧ ᐊᑐᐢᑲᐋᐧᒋ, ᑭᑕ ᐃᓯᐁᐧᐱᓂᐦᐟ ᒣᑳᐧᐨ ᐁ ᑳᐧᑯᑌᐠ ᑎᐦᑳᐱᐢᑭᓯᑲᐣ. 12ᐃᐦᑖᐊᐧᐠ ᐋᑎᐦᐟ ᒍᐊᐧᐠ ᑳ ᑭ ᐅᔭᑭᒪᒋᐠ ᑭᑕ ᐸᒥᑖᒋᐠ ᐹᐱᓬᐊᐣ ᐁ ᐱᐢᑭᑕᑭᑌᐠ ᐊᐢᑭ, ᓭᑕᕒᐋᐠ, ᒥᓵᐠ, ᒥᓇ ᐊᐯᐟᓂᑯ; ᐅᑭ ᐊᔨᓯᔨᓂᐊᐧᐠ ᑭᐦᒋ ᐅᑭᒫᐤ ᓇᒪᐃᐧᔭ ᑭ ᓈᑲᑐᑳᑎᑲᐧᐠ; ᓇᒪᐃᐧᔭ ᐊᑐᐢᑲᐁᐧᐊᐧᐠ ᑭ ᒪᓂᑐᒪ, ᓇᒪᐃᐧᔭ ᒥᓇ ᐊᔭᒥᐦᐋᐃᐧ ᐊᑐᐢᑲᐁᐧᐊᐧᐠ ᐊᓂᐦᐃ ᐅᓵᐃᐧᓱᓂᔮᐤ ᓇᐢᐱᓯᒋᑲᓇ ᑳ ᑭ ᒋᒪᔨᒪᐟ.
13ᐁᑲᐧ ᓀᑊᔪᑳᐟᓀᓴᕒ ᐅ ᑭᓯᐋᐧᓯᐃᐧᓂᕽ ᒥᓇ ᐅᐟ ᐋᑯᔭᐁᐧᓯᐃᐧᓂᕽ ᑭ ᐃᑕᓱᐁᐧᐤ ᑭᑕ ᐯᓯᒥᐦᐟ ᓭᑕᕒᐋᐠ, ᒥᓵᐠ, ᒥᓇ ᐊᐯᐟᓂᑯ. ᐁᑲᐧ ᑭ ᐯᓯᐁᐧᐊᐧᐠ ᐅᐦᐃ ᓈᐯᐊᐧ ᐅᐦᑎᐢᑲᐤ ᑭᐦᒋ ᐅᑭᒫᐊᐧ. 14ᓀᑊᔪᑳᐟᓀᓴᕒ ᒫᑲ ᑭ ᓇᐢᑫᐧᐊᐧᓯᒣᐤ ᒥᓇ ᑭ ᐃᑌᐤ, ᐅᐦᒋᑕᐤ ᒋ ᓭᑕᕒᐋᐠ, ᒥᓵᐠ ᒥᓇ ᐊᐯᐟᓂᑯ, ᐁᑳ ᐁ ᐃᐧ ᐊᑐᐢᑲᐋᐧᔦᐠ ᓂ ᒪᓂᑐᒼ, ᒥᓇ ᐁᑳ ᐁ ᐃᐧ ᐊᔭᒥᐦᐋᐃᐧ ᐊᑐᐢᑲᐋᐧᔦᐠ ᐊᓇ ᐅᓵᐃᐧᓱᓂᔮᐤ ᓇᐢᐱᓯᒋᑲᐣ ᑳ ᑭ ᒋᒪᔭᐠ? 15ᐁᑲᐧ ᒫᑲ ᑭᐢᐱᐣ ᑭ ᐊᐧᐁᐧᔨᓈᐋᐧᐤ ᐃᑕ ᐯᐦᑕᒣᑯ ᐁ ᑭᑐᑖᕽ ᐊᓂᒪ ᑳᕒᓂᐟ, ᐱᐱᑲᐧᐣ, ᐦᐋᕒᑊ, ᓵᐠᐸᐟ, ᓵᓬᑕᕒᐃ, ᒥᓇ ᑕᓬᓯᒪᕒ, ᒥᓇ ᑲᐦᑭᔭᐤ ᑐᐃᐧ ᑭᑐᒋᑲᓇ, ᑭᑕ ᐸᑕᐱᐸᔨᐅᔦᐠ ᒥᓇ ᑭᑕ ᐊᔭᒥᐦᐋᐃᐧᐊᑐᐢᑲᐋᐧᔦᐠ ᐊᓇ ᓇᐢᐱᓯᒋᑲᐣ ᑳ ᑭ ᐅᓯᐦᐊᐠ, ᐁᑯᓵᓂ; ᒫᑲ ᑭᐢᐱᐣ ᐁᑳ ᐊᔭᒥᐦᐋᐃᐧ ᐊᑐᐢᑲᐋᐧᔦᑯ, ᐁᐊᐧᑳᐧᓂᒪ ᑎᐸᐃᑲᐣ ᑭ ᑲ ᐃᓯᐁᐧᐱᓂᑲᐃᐧᓈᐋᐧᐤ ᒣᑳᐧᐨ ᐁ ᑳᐧᑯᑌᐠ ᑎᐦᑳᐱᐢᑭᓯᑲᐣ; ᑖᓈᓇ ᒫᑲ ᒪᓂᑐ ᑫ ᑭ ᐸᐢᐱᐦᐃᑯᔦᐠ ᓂᒋᐦᒋᕽ ᐅᐦᒋ?
16ᓭᑕᕒᐋᐠ, ᒥᓵᐠ, ᒥᓇ ᐊᐯᐟᓂᑯ, ᑭ ᓇᐢᑫᐧᐊᐧᓯᒣᐊᐧᐠ ᒥᓇ ᑭ ᐃᑌᐊᐧᐠ ᑭᐦᒋ ᐅᑭᒫᐊᐧ, ᑭᔭ ᓀᑊᔪᑳᐟᓀᓴᕒ, ᓇᒪᐃᐧᔭ ᑲᑖᐨ ᑭᑕ ᓇᐢᑫᐧᐊᐧᓯᒥᑖᕽ ᐅᒪ ᐅᐦᒋ. 17ᑭᐢᐱᐣ ᐃᑭᐦᑭ ᓂ ᑭᓭᒪᓂᑐᒥᓈᐣ ᑳ ᐊᑐᐢᑲᐋᐧᔮᕽ ᑲᐢᑭᑖᐤ ᑭᑕ ᐸᐢᐱᐦᐃᑯᔮᕽ ᑳ ᑳᐧᑯᑌᐠ ᑎᑳᐱᐢᑭᓯᑲᐣ ᐅᐦᒋ; ᐁᑯᓯ ᓂ ᑲ ᐸᐢᐱᐦᐃᑯᓈᐣ ᑭᒋᐦᒋᕽ ᐅᐦᒋ ᑭᔭ ᑭᐦᒋ ᐅᑭᒫᐤ. 18ᒫᑲ ᑭᐢᐱᐣ ᐁᑳ ᐃᑌᔨᑕᑭ, ᑭᐢᑫᔨᑕ ᐅᒪ ᑭᐦᒋ ᐅᑭᒫᐤ, ᓇᒪᐃᐧᔭ ᓂ ᑲ ᐊᑐᐢᑲᐋᐧᓈᓇᐠ ᑭ ᒪᓂᑐᒪᐠ, ᒥᓇ ᓇᒪᐃᐧᔭ ᓂ ᑲ ᐊᔭᒥᐦᐋᐃᐧ ᐊᑐᐢᑲᐋᐧᓈᐣ ᐊᓇ ᐅᓵᐃᐧᓱᓂᔮᐤ ᓇᐢᐱᓯᒋᑲᐣ ᑳ ᑭ ᒋᒪᔭᐟ.
19ᐁᑲᐧ ᓀᑊᔪᑳᐟᓀᓴᕒ ᒥᐢᑕᐦᐃ ᑭ ᐋᐦᑯᔭᐁᐧᓯᐤ, ᒥᓇ ᑭ ᐱᑐᓯᓈᑯᓯᐤ ᐁ ᑲᓇᐋᐧᐸᒫᐟ ᐊᓂᐦᐃ ᓭᑕᕒᐋᐠ, ᒥᓵᐠ, ᒥᓇ ᐊᐯᐟᓂᑯ; ᑭ ᐱᑭᐢᑫᐧᐤ ᒫᑲ ᐁᑯᓯ ᑭ ᐃᑕᓱᐁᐧᐤ ᑭᑕ ᑭᓯᑲᓴᑭᐠ ᐊᓂᒪ ᑎᐦᑳᐱᐢᑭᓯᑲᐣ ᑌᐸᑯᐹᐧᐤ ᐊᐊᐧᓯᒣ ᐃᔨᑯᕽ ᒫᓇ ᑳ ᑭᓯᑲᑌᐠ. 20ᑭ ᐃᑕᓱᐋᐧᑌᐤ ᒫᑲ ᐋᑎᐦᐟ ᐁ ᓱᑳᔭᐃᐧᓯᔨᐟ ᓈᐯᐊᐧ ᐊᓂᐦᐃ ᐅᓇᑐᐸᔨᐊᐧ ᐅᐦᒋ ᑭᑕ ᒪᒫᒋᑲᐧᐱᑖᔨᐟ ᐊᓂᐦᐃ ᓭᑕᕒᐋᐠ, ᒥᓵᐠ, ᒥᓇ ᐊᐯᐟᓂᑯ, ᐁᑯᓯ ᑭᑕ ᐃᓯᐁᐧᐱᓈᔨᐟ ᑳᐧᑯᑌᕽ ᑎᑳᐱᐢᑭᓯᑲᓂᕽ. 21ᐁᑲᐧ ᐅᑭ ᓈᐯᐊᐧᐠ ᑭ ᒪᒫᒋᑲᐧᐱᑖᐊᐧᐠ ᑭᑭ ᐅᐢᑯᑖᑳᐋᐧᐊᐧ, ᐅᑖᓯᐋᐧᐊᐧ ᒥᓇ ᐅᐟ ᐊᐢᑐᑎᓂᐋᐧᐊᐧ, ᒥᓇ ᑯᑕᑲ ᐅ ᑭᑭᐢᑳᒋᑲᓂᐋᐧᐊᐧ, ᑭ ᐃᓯᐁᐧᐱᓈᐊᐧᐠ ᒫᑲ ᒣᑳᐧᐨ ᐁ ᑳᐧᑯᑌᐠ ᑎᑳᐱᐢᑭᓯᑲᐣ. 22ᐁᑯᓯ ᒫᑲ ᒋᑫᒫ ᐅᐟ ᐃᑕᓱᐁᐧᐃᐧᐣ ᑭᐦᒋ ᐅᑭᒫᐤ ᐁ ᓂᓂᑭᑖᑲᐧᓂᔨᐠ, ᒥᓇ ᑎᐦᑳᐱᐢᑭᓯᑲᐣ ᐁ ᒥᐢᑕᐦᐃ ᑭᓯᑌᐠ, ᐁ ᑳᐧᑯᑌᐠ ᐃᐢᑯᑌᐤ ᑭ ᓂᐸᐃᑲᐧᐠ ᐊᓂᑭ ᓈᐯᐊᐧᐠ ᑳ ᑭ ᐅᑎᑎᓈᒋᐠ ᐊᓂᐦᐃ ᓭᑕᕒᐋᐠ, ᒥᓵᐠ, ᒥᓇ ᐊᐯᐟᓂᑯ. 23ᐅᑭ ᒫᑲ ᓂᐢᑐ ᓈᐯᐊᐧᐠ, ᓭᑕᕒᐋᐠ, ᒥᓵᐠ, ᒥᓇ ᐊᐯᐟᓂᑯ, ᑭ ᐸᐦᑭᓯᓇᐧᐠ ᐁ ᒪᒫᒋᑲᐧᐱᓱᒋᐠ ᒣᑳᐧᐨ ᐁ ᑳᐧᑯᑌᐠ ᑎᑳᐱᐢᑭᓯᑲᐣ.
24ᐁᑲᐧ ᓀᑊᔪᑳᐟᓀᓴᕒ ᑭᐦᒋ ᐅᑭᒫᐤ ᑭ ᒫᒪᐢᑳᑕᒼ, ᑭ ᐸᓯᑯᓯᐸᑖᐤ ᒫᑲ; ᑭ ᐱᑭᐢᑫᐧᐤ ᒥᓇ ᑭ ᐃᑌᐤ ᐊᓂᐦᐃ ᐅᔭᓱᐁᐧᐃᐧᔨᓂᒪ, ᓇᒪ ᒋ ᓂᐢᑐ ᓈᐯᐊᐧᐠ ᑭ ᑭ ᐃᓯᐁᐧᐱᓈᓇᐊᐧᐠ ᐁ ᒪᒫᒋᑲᐧᐱᓱᒋᐠ ᒣᑳᐧ ᐃᐢᑯᑌᕽ? ᑭ ᓇᐢᑫᐧᐊᐧᓯᒣᐊᐧᐠ ᒥᓇ ᑭ ᐃᑌᐊᐧᐠ ᑭᐦᒋ ᐅᑭᒫᐊᐧ, ᑖᐯᐧ, ᑭᐦᒋ ᐅᑭᒫᐤ. 25ᑭ ᓇᐢᑫᐧᐊᐧᓯᒣᐤ ᒥᓇ ᑭ ᐃᑌᐤ, ᒋᐢᐟ, ᓀᐤ ᓈᐯᐊᐧᐠ ᓂ ᐋᐧᐸᒫᐊᐧᐠ ᐁᑳ ᐁ ᒪᒫᒋᑲᐧᐱᓱᒋᐠ, ᐁ ᐱᒧᐦᑌᒋᐠ ᒣᑳᐧ ᐃᐢᑯᑌᕽ, ᐁᑯᓯ ᓇᒪ ᓈᐣᑕᐤ ᐃᓯ ᐊᔮᐊᐧᐠ; ᐊᓇ ᒫᑲ ᓀᐤ ᑖᐱᐢᑯᐨ ᒪᓂᑐᐃᐧᑯᓯᓵᐣ.
26ᐁᑲᐧ ᓀᑊᔪᑳᐟᓀᓴᕒ ᑭᓯᐋᐧᐠ ᐁ ᐃᐢᑳᐧᑌᒥᐊᐧᕽ ᐁ ᑳᐧᑯᑌᐠ ᑎᑳᐱᐢᑭᓯᑲᐣ ᑭ ᐯ ᐃᑐᐦᑌᐤ; ᐁᑯᓯ ᑭ ᐱᑭᐢᑫᐧᐤ ᒥᓇ ᑭ ᐃᑌᐧᐤ, ᓭᑕᕒᐋᐠ, ᒥᓵᐠ, ᒥᓇ ᐊᐯᐟᓂᑯ, ᑭᔭᐋᐧᐤ ᐅᐟ ᐊᑐᐢᑫᔮᑲᓇ ᒫᒪᐁᐧᔭᐢ ᑳ ᐃᐢᐯᔨᑖᑯᓯᐟ ᑭᓭᒪᓂᑐ, ᐯ ᐊᐧᔭᐃᐧᐠ, ᒥᓇ ᐅᑌ ᐯ ᐃᑐᐦᑌᐠ. ᐁᑲᐧ ᓭᑕᕒᐋᐧᐠ ᒥᓵᐠ, ᒥᓇ ᐊᐯᐟᓂᑯ, ᑭ ᐯ ᐊᐧᔭᐃᐧᐊᐧᐠ ᒣᑳᐧ ᐃᐢᑯᑌᕽ ᐅᐦᒋ. 27ᐊᓂᑭ ᒫᑲ ᑭᐦᒋ ᐅᑭᒫᑳᓇᐠ, ᒥᓇ ᐅᑭᒫᐊᐧᐠ, ᒥᓇ ᑭᐦᒋ ᐅᑭᒫᐤ ᐅᔭᓱᐁᐧᐃᐧᔨᓂᒪ, ᐁ ᒫᐊᐧᒋᐦᐃᑐᒋᐠ, ᑭ ᐋᐧᐸᒣᐊᐧᐠ ᐅᐦᐃ ᓈᐯᐊᐧ, ᐁᑳ ᓈᐣᑕᐤ ᐁ ᑭ ᐃᑐᑖᑯᔨᐟ ᐃᐢᑯᑌᐤ ᐃᐧᔭᐃᐧᔨᕽ, ᐊᐦᐳ ᐃᐧᐢᑕᑳᐋᐧᐊᐧ ᓇᒪᐃᐧᔭ ᓴᐋᐧᐢᑭᑌᔨᐊᐧ, ᒥᓇ ᓇᒪᐃᐧᔭ ᐱᑐᐢ ᐃᓯ ᐊᔮᔨᐊᐧ ᐅ ᑭᑭᐢᑳᒋᑲᓂᐋᐧᐊᐧ, ᐊᐦᐳ ᓇᒪᐋᐧᐨ ᐃᐢᑯᑌᐊᐧᑲᓂᔨᐊᐧ.
28ᓀᑊᔪᑳᐟᓀᓴᕒ ᑭ ᐱᑭᐢᑫᐧᐤ ᒥᓇ ᑭ ᐃᑌᐧᐤ, ᑭᑕ ᐃᐧ ᒪᒥᐦᒋᒫᐤ ᐅ ᑭᓭᒪᓂᑐᒪ ᓭᑕᕒᐋᐠ, ᒥᓵᐠ, ᒥᓇ ᐊᐯᐟᓂᑯ, ᑳ ᑭ ᐃᓯᑎᓴᐋᐧᐟ ᐅᑭᓯᑯᐊᐧ, ᒥᓇ ᑳ ᑭ ᐸᐢᐱᐦᐋᐟ ᐅᐟ ᐊᑐᐢᑫᔮᑲᓇ ᑳ ᒪᒥᓯᑐᑖᑯᐟ, ᐁᑯᓯ ᑳ ᑭ ᑫᐧᐢᑭᓇᒫᐧᐟ ᑭᐦᒋ ᐅᑭᒫᐊᐧ ᐅᐟ ᐃᑌᐧᐃᐧᓂᔨᐤ, ᒥᓇ ᑳ ᑭ ᐸᑭᑎᓇᑭᐠ ᐃᐧᔭᐃᐧᐋᐧᐊᐧ, ᐁᑳ ᑭᑕ ᐊᑐᐢᑲᐋᐧᒋᐠ ᐊᐦᐳ ᑭᑕ ᐊᔭᒥᐦᐁᐢᑕᐋᐧᒋᐠ ᓈᐣᑕᐤ ᒪᓂᑐᐊᐧ ᐱᑯ ᐃᐧᔭᐋᐧᐤ ᐅ ᑭᓭᒪᓂᑐᒥᐋᐧᐊᐧ. 29ᐁᐊᐧᑯ ᐅᐦᒋ ᓄᓯᑖᐣ ᐅᔭᓱᐁᐧᐃᐧᐣ, ᑲᐦᑭᔭᐤ ᐊᔨᓯᔨᓂᐤ, ᐁ ᐃᑕᐢᑳᓀᓯᐟ, ᒥᓇ ᐁ ᐃᓯ ᐅᐱᑭᐢᑫᐧᐃᐧᓀᐟ, ᓈᐣᑕᐤ ᑫ ᐃᓯ ᒫᔨᐃᑖᑫᐧ ᐅ ᑭᓭᒪᓂᑐᒥᔨᐊᐧ ᓭᑕᕒᐋᐠ, ᒥᓵᐠ, ᒥᓇ ᐊᐯᐟᓂᑯ, ᑭᑕ ᐱᑭᓂᓵᐋᐧᑖᐤ, ᒥᓇ ᐅ ᐋᐧᐢᑳᐦᐃᑲᓂᐋᐧᐤ ᑭᑕ ᒪᓂ ᒪᒋᑲᐧᓈᓯᐃᐧᑲᒥᑯᐊᐧᐣ; ᒋᑫᒫ ᓇᒪᐃᐧᔭ ᐃᐦᑖᐤ ᑯᑕᐠ ᒪᓂᑐ ᐁ ᑲᐢᑭᑖᐟ ᐁᑯᓯ ᑭᑕ ᐃᓯ ᐸᐢᐱᐦᐃᐁᐧᐟ. 30ᐁᑲᐧ ᑭᐦᒋ ᐅᑭᒫᐤ ᑭ ᔭᑲᑭᒣᐤ ᐊᓂᐦᐃ ᓭᑕᕒᐋᐠ ᒥᓵᐠ, ᒥᓇ ᐊᐯᐟᓂᑯ, ᐁᑯᑕ ᐹᐱᓬᐊᐣ ᐁ ᐱᐢᑭᑕᑭᑌᐠ ᐊᐢᑭ.
Iliyochaguliwa sasa
ᑖᓂᐁᓬ 3: KKMs
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.
ᑖᓂᐁᓬ 3
3
1ᓀᑊᔪᑳᐟᓀᓴᕒ ᑭ ᐅᓯᐦᐁᐤ ᐅᓵᐃᐧᓱᓂᔮᐤ ᓇᐢᐱᓯᒋᑲᓇ, ᓂᑯᑖᐧᓱᒥᑕᓇᐤ ᑯᐱᑕ ᐁ ᐃᐢᑯᑳᐸᐃᐧᔨᐟ, ᐁᑯᓯ ᓂᑯᑖᐧᓯᐠ ᑯᐱᑕ ᐁ ᐃᐢᐱᑕᔭᑲᐢᑭᓯᔨᐟ; ᑭ ᒋᒪᔦᐤ ᒫᑲ ᑐᕒᐊ ᒪᐢᑯᑌᕽ ᐹᐱᓬᐊᐣ ᐁ ᐱᐢᑭᑕᑭᑌᐠ ᐊᐢᑭ. 2ᐁᑲᐧ ᓀᑊᔪᑳᐟᓀᓴᕒ ᑭᐦᒋ ᐅᑭᒫᐤ ᑭ ᐃᓯᑎᓴᐦᐅᐁᐧᐤ ᑭᑕ ᒫᒪᐃᐧ ᒫᐊᐧᒋᐦᐃᐦᒋᐠ ᑭᐦᒋ ᐅᑭᒫᑳᓇᐠ, ᐅᑎᐯᔨᐦᑕᒫᑫᐊᐧᐠ ᐅᑭᒫᐊᐧᐠ, ᐅᔭᓱᐁᐧᐃᐧᑭᒫᐊᐧᐠ, ᐅᑲᓇᐃᐧᓱᓂᔮᐁᐧᐊᐧᐠ, ᐅᔭᓱᐁᐧᐃᐧᔨᓂᐊᐧᐠ, ᐅᑎᓂᐁᐧᐊᐧᐠ, ᒥᓇ ᑲᐦᑭᔭᐤ ᑳ ᑎᐯᔨᐦᑕᑭᐠ ᐁ ᐸᐯᐢᑭᑕᑭᑌᐠ ᐊᐢᑭ ᑭᑕ ᐯ ᐃᑐᐦᑌᒋᐠ ᐊᓂᒪ ᐁ ᐃᐧ ᑭᐢᑕᑭᒋᑳᑎᐦᐟ ᐊᓇ ᓇᐢᐱᓯᒋᑲᐣ ᓀᑊᔪᑲᐟᓀᓴᕒ ᑭᐦᒋ ᐅᑭᒫᐤ ᑳ ᑭ ᒋᒪᔮᐟ. 3ᐁᑲᐧ ᐊᓂᑭ ᑭᐦᒋ ᐅᑭᒫᑳᓇᐠ, ᐅᑎᐯᔨᐦᑕᒫᑫᐊᐧᐠ, ᐅᑭᒫᐊᐧᐠ, ᐅᔭᓱᐁᐧᐃᐧᑭᒫᐊᐧᐠ, ᐅᑲᓇᐃᐧᓱᓂᔮᐁᐧᐊᐧ, ᐅᔭᓱᐁᐧᐃᐧᔨᓂᐊᐧᐠ, ᐅᑎᓂᐁᐧᐊᐧᐠ, ᒥᓇ ᑲᐦᑭᔭᐤ ᑳ ᑎᐯᔨᐦᑕᑭᐠ ᐁ ᐸᐯᐢᑭᑕᑭᑌᐠ ᐊᐢᑭ, ᑭ ᒫᐊᐧᒋᐦᐃᑐᐊᐧᐠ ᐊᓂᒪ ᑭᑕ ᑭᐢᑕᑭᒋᑳᑎᐦᐟ ᐊᓇ ᓇᐢᐱᓯᒋᑲᐣ ᓀᑊᔪᑳᐟᓀᓴᕒ ᑭᐦᒋ ᐅᑭᒫᐤ ᑳ ᑭ ᒋᒪᔮᐟ; ᑭ ᐅᐦᑎᐢᑲᐃᐧᑳᐸᐃᐧᐢᑕᐁᐧᐊᐧᐠ ᒫᑲ ᐊᓂᐦᐃ ᓇᐢᐱᓯᒋᑲᓇ ᓀᑊᔪᑳᐟᓀᓴᕒ ᑳ ᑭ ᒋᒪᔮᐟ. 4ᐁᑲᐧ ᒫᑲ ᐅᓵᑭᑌᐧᐤ ᑭ ᐃᑌᐧᐤ ᓱᐦᑭ ᐁ ᑌᐯᐧᐟ, ᑭᔭᐋᐧᐤ ᑭᐟ ᐃᑕᓱᐋᐧᑎᑲᐃᐧᓈᐋᐧᐤ, ᐊᔨᓯᔨᓂᑎᐠ, ᓇᓈᑐᑯᐢᑳᐣ ᒥᓇ ᓇᓈᑐᕽ ᑳ ᐃᓯ ᐱᑭᐢᑫᐧᔦᐠ, 5ᐃᐢᐱ ᐯᐦᑕᒣᑯ ᐁ ᐯᑖᑲᐧᕽ ᐊᓂᒪ ᑳᕒᓂᐟ, ᐱᐱᑲᐧᐣ, ᐦᐋᕒᑊ, ᓵᐠᐸᐟ, ᓵᓬᑕᕒᐃ, ᑕᓬᓯᒪᕒ, ᒥᓇ ᑲᐦᑭᔭᐤ ᑐᐃᐧ ᑭᑐᒋᑲᓇ, ᑭ ᑲ ᐸᑕᐱᐸᔨᐅᓈᐋᐧᐤ ᒥᓇ ᑭ ᑲ ᐊᔭᒥᐦᐋᐃᐧ ᐊᑐᐢᑲᐋᐧᐋᐧᐤ ᐊᓇ ᐅᓵᐃᐧᓱᓂᔮᐤ ᓇᐢᐱᓯᒋᑲᐣ ᑭᐦᒋ ᐅᑭᒫᐤ ᑳ ᑭ ᒋᒪᔮᐟ; 6ᐊᐃᐧᔭᐠ ᒫᑲ ᐁᑳ ᐸᑕᐱᐸᔨᐅᒋ ᑭᑕ ᐊᔭᒥᐦᐋᐃᐧ ᐊᑐᐢᑲᐋᐧᐟ, ᐁᐊᐧᑳᐧᓂᒪ ᑎᐸᐃᑲᐣ ᑭᑕ ᐃᓯᐁᐧᐱᓈᐤ ᒣᑳᐧᐨ ᐁ ᑳᐧᑯᑌᐠ ᑎᑳᐱᐢᑭᓯᑲᐣ. 7ᐁᑯᓯ ᒫᑲ ᐁᑯᐢᐱ, ᐃᐢᐱ ᑲᐦᑭᔭᐤ ᐊᔨᓯᔨᓂᐊᐧᐠ ᐱᔦᐦᑕᐦᑭᐠ ᐁ ᐯᑖᑲᐧᕽ ᑳᕒᓂᐟ, ᐱᐱᑲᐧᐣ, ᐦᐋᕒᑊ, ᓵᐠᐸᐟ, ᓵᓬᑕᕒᐃ, ᒥᓇ ᑲᐦᑭᔭᐤ ᓇᓈᑐᕽ ᑭᑐᒋᑲᓇ, ᑲᐦᑭᔭᐤ ᐊᔨᓯᔨᓂᐊᐧᐠ, ᓇᓈᑐᑯᐢᑳᐣ, ᒥᓇ ᓇᓈᑐᕽ ᐁ ᐃᓯ ᐱᑭᐢᑫᐧᒋᐠ, ᑭ ᐸᑕᐱᐸᔨᐦᐅᐊᐧᐠ ᒥᓇ ᑭ ᐊᔭᒥᐦᐋᐃᐧ ᐊᑐᐢᑲᐁᐧᐊᐧᐠ ᐊᓂᐦᐃ ᐅᓵᐃᐧᓱᓂᔮᐤ ᓇᐢᐱᓯᒋᑲᓇ ᓀᑊᔪᑳᐟᓀᓴᕒ ᑭᐦᒋ ᐅᑭᒫᐤ ᑳ ᑭ ᒋᒪᔮᐟ.
8ᐁᐊᐧᑯ ᐅᐦᒋ ᐁᑯᐢᐱ ᐋᑎᐦᐟ ᑳᓬᑎᔭᓇᐠ ᑭᓯᐋᐧᐠ ᑭ ᐯ ᐃᑐᐦᑌᐊᐧᐠ ᒥᓇ ᑭ ᒪᒥᓯᒣᐊᐧᐠ ᒍᐊᐧ. 9ᑭ ᓇᐢᑫᐧᐊᐧᓯᒣᐊᐧᐠ ᒥᓇ ᑭ ᐃᑌᐊᐧᐠ ᓀᑊᔪᑳᐟᓀᓴᕒᐊ ᑭᐦᒋ ᐅᑭᒫᐊᐧ, ᑭᐦᒋ ᐅᑭᒫᐤ, ᑳᑭᑫ ᑭ ᑲ ᐃᐧ ᐱᒫᑎᓯᐣ. 10ᑭᔭ ᑭᐦᒋ ᐅᑭᒫᐤ ᑭ ᑭ ᐅᓯᐦᑖᐣ ᐅᔭᓱᐁᐧᐃᐧᐣ, ᑲᐦᑭᔭᐤ ᐊᐃᐧᔭᐠ ᐃᑕ ᐁ ᐯᐦᑕᕽ ᐁ ᑭᑐᑖᕽ ᑳᕒᓂᐟ, ᐱᐱᑲᐧᐣ, ᐦᐋᕒᑊ, ᓵᐠᐸᐟ, ᓵᓬᑕᕒᐃ, ᒥᓇ ᑕᓬᓯᒪᕒ, ᒥᓇ ᑲᐦᑭᔭᐤ ᓇᓈᑐᕽ ᑭᑐᒋᑲᓇ, ᑭᑕ ᐸᑕᐱᐸᔨᐅᐟ ᒥᓇ ᑭᑕ ᐊᔭᒥᐦᐋᐃᐧ ᐊᑐᐢᑲᐋᐧᐠ ᐊᓂᐦᐃ ᐅᓵᐃᐧᓱᓂᔮᐤ ᓇᐢᐱᓯᒋᑲᓇ; 11ᐊᐃᐧᔭᐠ ᒫᑲ ᐁᑳ ᐸᑕᐱᐸᔨᐅᒋ ᒥᓇ ᐊᔭᒥᐦᐋᐃᐧ ᐊᑐᐢᑲᐋᐧᒋ, ᑭᑕ ᐃᓯᐁᐧᐱᓂᐦᐟ ᒣᑳᐧᐨ ᐁ ᑳᐧᑯᑌᐠ ᑎᐦᑳᐱᐢᑭᓯᑲᐣ. 12ᐃᐦᑖᐊᐧᐠ ᐋᑎᐦᐟ ᒍᐊᐧᐠ ᑳ ᑭ ᐅᔭᑭᒪᒋᐠ ᑭᑕ ᐸᒥᑖᒋᐠ ᐹᐱᓬᐊᐣ ᐁ ᐱᐢᑭᑕᑭᑌᐠ ᐊᐢᑭ, ᓭᑕᕒᐋᐠ, ᒥᓵᐠ, ᒥᓇ ᐊᐯᐟᓂᑯ; ᐅᑭ ᐊᔨᓯᔨᓂᐊᐧᐠ ᑭᐦᒋ ᐅᑭᒫᐤ ᓇᒪᐃᐧᔭ ᑭ ᓈᑲᑐᑳᑎᑲᐧᐠ; ᓇᒪᐃᐧᔭ ᐊᑐᐢᑲᐁᐧᐊᐧᐠ ᑭ ᒪᓂᑐᒪ, ᓇᒪᐃᐧᔭ ᒥᓇ ᐊᔭᒥᐦᐋᐃᐧ ᐊᑐᐢᑲᐁᐧᐊᐧᐠ ᐊᓂᐦᐃ ᐅᓵᐃᐧᓱᓂᔮᐤ ᓇᐢᐱᓯᒋᑲᓇ ᑳ ᑭ ᒋᒪᔨᒪᐟ.
13ᐁᑲᐧ ᓀᑊᔪᑳᐟᓀᓴᕒ ᐅ ᑭᓯᐋᐧᓯᐃᐧᓂᕽ ᒥᓇ ᐅᐟ ᐋᑯᔭᐁᐧᓯᐃᐧᓂᕽ ᑭ ᐃᑕᓱᐁᐧᐤ ᑭᑕ ᐯᓯᒥᐦᐟ ᓭᑕᕒᐋᐠ, ᒥᓵᐠ, ᒥᓇ ᐊᐯᐟᓂᑯ. ᐁᑲᐧ ᑭ ᐯᓯᐁᐧᐊᐧᐠ ᐅᐦᐃ ᓈᐯᐊᐧ ᐅᐦᑎᐢᑲᐤ ᑭᐦᒋ ᐅᑭᒫᐊᐧ. 14ᓀᑊᔪᑳᐟᓀᓴᕒ ᒫᑲ ᑭ ᓇᐢᑫᐧᐊᐧᓯᒣᐤ ᒥᓇ ᑭ ᐃᑌᐤ, ᐅᐦᒋᑕᐤ ᒋ ᓭᑕᕒᐋᐠ, ᒥᓵᐠ ᒥᓇ ᐊᐯᐟᓂᑯ, ᐁᑳ ᐁ ᐃᐧ ᐊᑐᐢᑲᐋᐧᔦᐠ ᓂ ᒪᓂᑐᒼ, ᒥᓇ ᐁᑳ ᐁ ᐃᐧ ᐊᔭᒥᐦᐋᐃᐧ ᐊᑐᐢᑲᐋᐧᔦᐠ ᐊᓇ ᐅᓵᐃᐧᓱᓂᔮᐤ ᓇᐢᐱᓯᒋᑲᐣ ᑳ ᑭ ᒋᒪᔭᐠ? 15ᐁᑲᐧ ᒫᑲ ᑭᐢᐱᐣ ᑭ ᐊᐧᐁᐧᔨᓈᐋᐧᐤ ᐃᑕ ᐯᐦᑕᒣᑯ ᐁ ᑭᑐᑖᕽ ᐊᓂᒪ ᑳᕒᓂᐟ, ᐱᐱᑲᐧᐣ, ᐦᐋᕒᑊ, ᓵᐠᐸᐟ, ᓵᓬᑕᕒᐃ, ᒥᓇ ᑕᓬᓯᒪᕒ, ᒥᓇ ᑲᐦᑭᔭᐤ ᑐᐃᐧ ᑭᑐᒋᑲᓇ, ᑭᑕ ᐸᑕᐱᐸᔨᐅᔦᐠ ᒥᓇ ᑭᑕ ᐊᔭᒥᐦᐋᐃᐧᐊᑐᐢᑲᐋᐧᔦᐠ ᐊᓇ ᓇᐢᐱᓯᒋᑲᐣ ᑳ ᑭ ᐅᓯᐦᐊᐠ, ᐁᑯᓵᓂ; ᒫᑲ ᑭᐢᐱᐣ ᐁᑳ ᐊᔭᒥᐦᐋᐃᐧ ᐊᑐᐢᑲᐋᐧᔦᑯ, ᐁᐊᐧᑳᐧᓂᒪ ᑎᐸᐃᑲᐣ ᑭ ᑲ ᐃᓯᐁᐧᐱᓂᑲᐃᐧᓈᐋᐧᐤ ᒣᑳᐧᐨ ᐁ ᑳᐧᑯᑌᐠ ᑎᐦᑳᐱᐢᑭᓯᑲᐣ; ᑖᓈᓇ ᒫᑲ ᒪᓂᑐ ᑫ ᑭ ᐸᐢᐱᐦᐃᑯᔦᐠ ᓂᒋᐦᒋᕽ ᐅᐦᒋ?
16ᓭᑕᕒᐋᐠ, ᒥᓵᐠ, ᒥᓇ ᐊᐯᐟᓂᑯ, ᑭ ᓇᐢᑫᐧᐊᐧᓯᒣᐊᐧᐠ ᒥᓇ ᑭ ᐃᑌᐊᐧᐠ ᑭᐦᒋ ᐅᑭᒫᐊᐧ, ᑭᔭ ᓀᑊᔪᑳᐟᓀᓴᕒ, ᓇᒪᐃᐧᔭ ᑲᑖᐨ ᑭᑕ ᓇᐢᑫᐧᐊᐧᓯᒥᑖᕽ ᐅᒪ ᐅᐦᒋ. 17ᑭᐢᐱᐣ ᐃᑭᐦᑭ ᓂ ᑭᓭᒪᓂᑐᒥᓈᐣ ᑳ ᐊᑐᐢᑲᐋᐧᔮᕽ ᑲᐢᑭᑖᐤ ᑭᑕ ᐸᐢᐱᐦᐃᑯᔮᕽ ᑳ ᑳᐧᑯᑌᐠ ᑎᑳᐱᐢᑭᓯᑲᐣ ᐅᐦᒋ; ᐁᑯᓯ ᓂ ᑲ ᐸᐢᐱᐦᐃᑯᓈᐣ ᑭᒋᐦᒋᕽ ᐅᐦᒋ ᑭᔭ ᑭᐦᒋ ᐅᑭᒫᐤ. 18ᒫᑲ ᑭᐢᐱᐣ ᐁᑳ ᐃᑌᔨᑕᑭ, ᑭᐢᑫᔨᑕ ᐅᒪ ᑭᐦᒋ ᐅᑭᒫᐤ, ᓇᒪᐃᐧᔭ ᓂ ᑲ ᐊᑐᐢᑲᐋᐧᓈᓇᐠ ᑭ ᒪᓂᑐᒪᐠ, ᒥᓇ ᓇᒪᐃᐧᔭ ᓂ ᑲ ᐊᔭᒥᐦᐋᐃᐧ ᐊᑐᐢᑲᐋᐧᓈᐣ ᐊᓇ ᐅᓵᐃᐧᓱᓂᔮᐤ ᓇᐢᐱᓯᒋᑲᐣ ᑳ ᑭ ᒋᒪᔭᐟ.
19ᐁᑲᐧ ᓀᑊᔪᑳᐟᓀᓴᕒ ᒥᐢᑕᐦᐃ ᑭ ᐋᐦᑯᔭᐁᐧᓯᐤ, ᒥᓇ ᑭ ᐱᑐᓯᓈᑯᓯᐤ ᐁ ᑲᓇᐋᐧᐸᒫᐟ ᐊᓂᐦᐃ ᓭᑕᕒᐋᐠ, ᒥᓵᐠ, ᒥᓇ ᐊᐯᐟᓂᑯ; ᑭ ᐱᑭᐢᑫᐧᐤ ᒫᑲ ᐁᑯᓯ ᑭ ᐃᑕᓱᐁᐧᐤ ᑭᑕ ᑭᓯᑲᓴᑭᐠ ᐊᓂᒪ ᑎᐦᑳᐱᐢᑭᓯᑲᐣ ᑌᐸᑯᐹᐧᐤ ᐊᐊᐧᓯᒣ ᐃᔨᑯᕽ ᒫᓇ ᑳ ᑭᓯᑲᑌᐠ. 20ᑭ ᐃᑕᓱᐋᐧᑌᐤ ᒫᑲ ᐋᑎᐦᐟ ᐁ ᓱᑳᔭᐃᐧᓯᔨᐟ ᓈᐯᐊᐧ ᐊᓂᐦᐃ ᐅᓇᑐᐸᔨᐊᐧ ᐅᐦᒋ ᑭᑕ ᒪᒫᒋᑲᐧᐱᑖᔨᐟ ᐊᓂᐦᐃ ᓭᑕᕒᐋᐠ, ᒥᓵᐠ, ᒥᓇ ᐊᐯᐟᓂᑯ, ᐁᑯᓯ ᑭᑕ ᐃᓯᐁᐧᐱᓈᔨᐟ ᑳᐧᑯᑌᕽ ᑎᑳᐱᐢᑭᓯᑲᓂᕽ. 21ᐁᑲᐧ ᐅᑭ ᓈᐯᐊᐧᐠ ᑭ ᒪᒫᒋᑲᐧᐱᑖᐊᐧᐠ ᑭᑭ ᐅᐢᑯᑖᑳᐋᐧᐊᐧ, ᐅᑖᓯᐋᐧᐊᐧ ᒥᓇ ᐅᐟ ᐊᐢᑐᑎᓂᐋᐧᐊᐧ, ᒥᓇ ᑯᑕᑲ ᐅ ᑭᑭᐢᑳᒋᑲᓂᐋᐧᐊᐧ, ᑭ ᐃᓯᐁᐧᐱᓈᐊᐧᐠ ᒫᑲ ᒣᑳᐧᐨ ᐁ ᑳᐧᑯᑌᐠ ᑎᑳᐱᐢᑭᓯᑲᐣ. 22ᐁᑯᓯ ᒫᑲ ᒋᑫᒫ ᐅᐟ ᐃᑕᓱᐁᐧᐃᐧᐣ ᑭᐦᒋ ᐅᑭᒫᐤ ᐁ ᓂᓂᑭᑖᑲᐧᓂᔨᐠ, ᒥᓇ ᑎᐦᑳᐱᐢᑭᓯᑲᐣ ᐁ ᒥᐢᑕᐦᐃ ᑭᓯᑌᐠ, ᐁ ᑳᐧᑯᑌᐠ ᐃᐢᑯᑌᐤ ᑭ ᓂᐸᐃᑲᐧᐠ ᐊᓂᑭ ᓈᐯᐊᐧᐠ ᑳ ᑭ ᐅᑎᑎᓈᒋᐠ ᐊᓂᐦᐃ ᓭᑕᕒᐋᐠ, ᒥᓵᐠ, ᒥᓇ ᐊᐯᐟᓂᑯ. 23ᐅᑭ ᒫᑲ ᓂᐢᑐ ᓈᐯᐊᐧᐠ, ᓭᑕᕒᐋᐠ, ᒥᓵᐠ, ᒥᓇ ᐊᐯᐟᓂᑯ, ᑭ ᐸᐦᑭᓯᓇᐧᐠ ᐁ ᒪᒫᒋᑲᐧᐱᓱᒋᐠ ᒣᑳᐧᐨ ᐁ ᑳᐧᑯᑌᐠ ᑎᑳᐱᐢᑭᓯᑲᐣ.
24ᐁᑲᐧ ᓀᑊᔪᑳᐟᓀᓴᕒ ᑭᐦᒋ ᐅᑭᒫᐤ ᑭ ᒫᒪᐢᑳᑕᒼ, ᑭ ᐸᓯᑯᓯᐸᑖᐤ ᒫᑲ; ᑭ ᐱᑭᐢᑫᐧᐤ ᒥᓇ ᑭ ᐃᑌᐤ ᐊᓂᐦᐃ ᐅᔭᓱᐁᐧᐃᐧᔨᓂᒪ, ᓇᒪ ᒋ ᓂᐢᑐ ᓈᐯᐊᐧᐠ ᑭ ᑭ ᐃᓯᐁᐧᐱᓈᓇᐊᐧᐠ ᐁ ᒪᒫᒋᑲᐧᐱᓱᒋᐠ ᒣᑳᐧ ᐃᐢᑯᑌᕽ? ᑭ ᓇᐢᑫᐧᐊᐧᓯᒣᐊᐧᐠ ᒥᓇ ᑭ ᐃᑌᐊᐧᐠ ᑭᐦᒋ ᐅᑭᒫᐊᐧ, ᑖᐯᐧ, ᑭᐦᒋ ᐅᑭᒫᐤ. 25ᑭ ᓇᐢᑫᐧᐊᐧᓯᒣᐤ ᒥᓇ ᑭ ᐃᑌᐤ, ᒋᐢᐟ, ᓀᐤ ᓈᐯᐊᐧᐠ ᓂ ᐋᐧᐸᒫᐊᐧᐠ ᐁᑳ ᐁ ᒪᒫᒋᑲᐧᐱᓱᒋᐠ, ᐁ ᐱᒧᐦᑌᒋᐠ ᒣᑳᐧ ᐃᐢᑯᑌᕽ, ᐁᑯᓯ ᓇᒪ ᓈᐣᑕᐤ ᐃᓯ ᐊᔮᐊᐧᐠ; ᐊᓇ ᒫᑲ ᓀᐤ ᑖᐱᐢᑯᐨ ᒪᓂᑐᐃᐧᑯᓯᓵᐣ.
26ᐁᑲᐧ ᓀᑊᔪᑳᐟᓀᓴᕒ ᑭᓯᐋᐧᐠ ᐁ ᐃᐢᑳᐧᑌᒥᐊᐧᕽ ᐁ ᑳᐧᑯᑌᐠ ᑎᑳᐱᐢᑭᓯᑲᐣ ᑭ ᐯ ᐃᑐᐦᑌᐤ; ᐁᑯᓯ ᑭ ᐱᑭᐢᑫᐧᐤ ᒥᓇ ᑭ ᐃᑌᐧᐤ, ᓭᑕᕒᐋᐠ, ᒥᓵᐠ, ᒥᓇ ᐊᐯᐟᓂᑯ, ᑭᔭᐋᐧᐤ ᐅᐟ ᐊᑐᐢᑫᔮᑲᓇ ᒫᒪᐁᐧᔭᐢ ᑳ ᐃᐢᐯᔨᑖᑯᓯᐟ ᑭᓭᒪᓂᑐ, ᐯ ᐊᐧᔭᐃᐧᐠ, ᒥᓇ ᐅᑌ ᐯ ᐃᑐᐦᑌᐠ. ᐁᑲᐧ ᓭᑕᕒᐋᐧᐠ ᒥᓵᐠ, ᒥᓇ ᐊᐯᐟᓂᑯ, ᑭ ᐯ ᐊᐧᔭᐃᐧᐊᐧᐠ ᒣᑳᐧ ᐃᐢᑯᑌᕽ ᐅᐦᒋ. 27ᐊᓂᑭ ᒫᑲ ᑭᐦᒋ ᐅᑭᒫᑳᓇᐠ, ᒥᓇ ᐅᑭᒫᐊᐧᐠ, ᒥᓇ ᑭᐦᒋ ᐅᑭᒫᐤ ᐅᔭᓱᐁᐧᐃᐧᔨᓂᒪ, ᐁ ᒫᐊᐧᒋᐦᐃᑐᒋᐠ, ᑭ ᐋᐧᐸᒣᐊᐧᐠ ᐅᐦᐃ ᓈᐯᐊᐧ, ᐁᑳ ᓈᐣᑕᐤ ᐁ ᑭ ᐃᑐᑖᑯᔨᐟ ᐃᐢᑯᑌᐤ ᐃᐧᔭᐃᐧᔨᕽ, ᐊᐦᐳ ᐃᐧᐢᑕᑳᐋᐧᐊᐧ ᓇᒪᐃᐧᔭ ᓴᐋᐧᐢᑭᑌᔨᐊᐧ, ᒥᓇ ᓇᒪᐃᐧᔭ ᐱᑐᐢ ᐃᓯ ᐊᔮᔨᐊᐧ ᐅ ᑭᑭᐢᑳᒋᑲᓂᐋᐧᐊᐧ, ᐊᐦᐳ ᓇᒪᐋᐧᐨ ᐃᐢᑯᑌᐊᐧᑲᓂᔨᐊᐧ.
28ᓀᑊᔪᑳᐟᓀᓴᕒ ᑭ ᐱᑭᐢᑫᐧᐤ ᒥᓇ ᑭ ᐃᑌᐧᐤ, ᑭᑕ ᐃᐧ ᒪᒥᐦᒋᒫᐤ ᐅ ᑭᓭᒪᓂᑐᒪ ᓭᑕᕒᐋᐠ, ᒥᓵᐠ, ᒥᓇ ᐊᐯᐟᓂᑯ, ᑳ ᑭ ᐃᓯᑎᓴᐋᐧᐟ ᐅᑭᓯᑯᐊᐧ, ᒥᓇ ᑳ ᑭ ᐸᐢᐱᐦᐋᐟ ᐅᐟ ᐊᑐᐢᑫᔮᑲᓇ ᑳ ᒪᒥᓯᑐᑖᑯᐟ, ᐁᑯᓯ ᑳ ᑭ ᑫᐧᐢᑭᓇᒫᐧᐟ ᑭᐦᒋ ᐅᑭᒫᐊᐧ ᐅᐟ ᐃᑌᐧᐃᐧᓂᔨᐤ, ᒥᓇ ᑳ ᑭ ᐸᑭᑎᓇᑭᐠ ᐃᐧᔭᐃᐧᐋᐧᐊᐧ, ᐁᑳ ᑭᑕ ᐊᑐᐢᑲᐋᐧᒋᐠ ᐊᐦᐳ ᑭᑕ ᐊᔭᒥᐦᐁᐢᑕᐋᐧᒋᐠ ᓈᐣᑕᐤ ᒪᓂᑐᐊᐧ ᐱᑯ ᐃᐧᔭᐋᐧᐤ ᐅ ᑭᓭᒪᓂᑐᒥᐋᐧᐊᐧ. 29ᐁᐊᐧᑯ ᐅᐦᒋ ᓄᓯᑖᐣ ᐅᔭᓱᐁᐧᐃᐧᐣ, ᑲᐦᑭᔭᐤ ᐊᔨᓯᔨᓂᐤ, ᐁ ᐃᑕᐢᑳᓀᓯᐟ, ᒥᓇ ᐁ ᐃᓯ ᐅᐱᑭᐢᑫᐧᐃᐧᓀᐟ, ᓈᐣᑕᐤ ᑫ ᐃᓯ ᒫᔨᐃᑖᑫᐧ ᐅ ᑭᓭᒪᓂᑐᒥᔨᐊᐧ ᓭᑕᕒᐋᐠ, ᒥᓵᐠ, ᒥᓇ ᐊᐯᐟᓂᑯ, ᑭᑕ ᐱᑭᓂᓵᐋᐧᑖᐤ, ᒥᓇ ᐅ ᐋᐧᐢᑳᐦᐃᑲᓂᐋᐧᐤ ᑭᑕ ᒪᓂ ᒪᒋᑲᐧᓈᓯᐃᐧᑲᒥᑯᐊᐧᐣ; ᒋᑫᒫ ᓇᒪᐃᐧᔭ ᐃᐦᑖᐤ ᑯᑕᐠ ᒪᓂᑐ ᐁ ᑲᐢᑭᑖᐟ ᐁᑯᓯ ᑭᑕ ᐃᓯ ᐸᐢᐱᐦᐃᐁᐧᐟ. 30ᐁᑲᐧ ᑭᐦᒋ ᐅᑭᒫᐤ ᑭ ᔭᑲᑭᒣᐤ ᐊᓂᐦᐃ ᓭᑕᕒᐋᐠ ᒥᓵᐠ, ᒥᓇ ᐊᐯᐟᓂᑯ, ᐁᑯᑕ ᐹᐱᓬᐊᐣ ᐁ ᐱᐢᑭᑕᑭᑌᐠ ᐊᐢᑭ.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.