ᑖᓂᐁᓬ 5
5
1ᐯᓬᓵᓴᕒ ᑭᐦᒋ ᐅᑭᒫᐤ ᑭ ᑭᐦᒋᐃᐧᐦᑯᒣᐤ ᑭᐦᒋ ᒥᑖᑕᐦᑐᒥᑕᓇᐤ ᐅᐟ ᐅᑭᒫᒪ, ᒥᓇ ᑭ ᒥᓂᑫᐧᐤ ᓱᒥᓈᐳ ᐅᐦᑎᐢᑲᐤ ᐊᓂᐦᐃ ᑭᐦᒋ ᒥᑖᑕᐦᑐᒥᑕᓇᐤ. 2ᐯᓬᓵᓴᕒ ᐁ ᒣᑳᐧ ᑯᒋᐢᑕᕽ ᓱᒥᓈᐳ, ᑭ ᐃᑕᓱᐁᐧᐤ ᑭᑕ ᐯᑖᐃᐧᐦᐟ ᐊᓂᐦᐃ ᐅᓵᐃᐧᓱᓂᔮᐤ ᒥᓇ ᐋᐧᐱᐢᑭᓱᓂᔮᐤ ᐊᓯᐊᐧᒋᑲᓇ ᓀᑊᔪᑳᐟᓀᓴᕒᐊ ᐅᑖᐃᐧᔭ ᑳ ᑭ ᐅᑎᓇᒥᔨᐟ ᑭᐦᒋᐊᔭᒥᐦᐁᐃᐧᑲᒥᑯᕽ ᐅᐦᒋ ᒉᕒᐅᓴᓬᐊᒥᕽ ᑳ ᑭ ᐊᔮᐠ; ᑭᐦᒋ ᐅᑭᒫᐤ, ᒥᓇ ᐅᑭᒫᒪ, ᒥᓇ ᐃᐧᐊᐧ, ᒥᓇ ᐅ ᑲᓇᐃᐧᐢᑫᐧᐊᐧᓇ, ᑭᑕ ᒥᓂᑳᐧᑫᒋᐠ. 3ᐁᑲᐧ ᑭ ᐯᑖᐊᐧᐠ ᐊᓂᐦᐃ ᐅᓵᐃᐧᓱᓂᔮᐃᐧ ᐊᓯᐊᐧᒋᑲᓇ ᑳ ᑭ ᐅᑎᓂᑳᑌᑭ ᑭᐦᒋᐊᔭᒥᐦᐁᐃᐧᑲᒥᑯᕽ ᐅᐦᒋ ᐅ ᐋᐧᐢᑳᐦᐃᑲᓂᕽ ᑭᓭᒪᓂᑐ ᒉᕒᐅᓴᓬᐊᒥᕽ ᑳ ᑭ ᐊᔮᐠ; ᐁᑯᓯ ᑭᐦᒋ ᐅᑭᒫᐤ ᒥᓇ ᐅᐟ ᐅᑭᒫᒪ, ᐃᐧᐊᐧ ᒥᓇ ᐅ ᑲᓇᐃᐧᐢᑫᐧᐋᐧᓇ, ᑭ ᒥᓂᑳᐧᑫᐊᐧᐠ. 4ᑭ ᒥᓂᐦᑫᐧᐊᐧᐠ ᓱᒥᓈᐳ, ᒥᓇ ᑭ ᒪᒥᐦᒋᒣᐊᐧᐠ ᐅᓵᐃᐧᓱᓂᔮᐤ ᒪᓂᑐᑳᓇ, ᒥᓇ ᐋᐧᐱᐢᑭᓱᓂᔮᐤ, ᒥᓇ ᐅᓵᐋᐧᐱᐢᐠ, ᒥᓇ ᐱᐋᐧᐱᐢᐠ, ᒥᓇ ᒥᐢᑎᐠ, ᒥᓇ ᐊᓯᓂ.
5ᐁᐊᐧᑳᐧᓂᒪ ᑎᐸᐃᑲᐣ ᑭ ᐯ ᓄᑲᐧᐣ ᔨᔨᑭᒋᐦᒑᓇ ᐊᔨᓯᔨᓂᐃᐧ ᒥᒋᐦᒋ, ᑭ ᒪᓯᓇᐦᐃᑫᒪᑲᐣ ᑎᐱᐢᑯᐨ ᐋᐧᓴᐢᑯᑌᓂᑲᓈᑎᐠ ᓯᓱᐃᑲᓂᕽ ᑭᐦᒋ ᐅᑭᒫᐃᐧᑲᒥᑯᕽ; ᑭᐦᒋ ᐅᑭᒫᐤ ᒫᑲ ᐋᐧᐸᐦᑕᒼ ᐊᓂᒪ ᐸᐦᑭ ᒥᒋᐦᒋ ᑳ ᒪᓯᓇᐦᐃᑫᒪᑲᕽ. 6ᐁᑲᐧ ᑭᐦᒋ ᐅᑭᒫᐤ ᑭ ᐱᑐᓯᓈᑯᓯᐤ, ᒥᓇ ᑭ ᒥᑯᐢᑳᑌᔨᑕᒼ; ᑭ ᓭᓭᒥᑲᓀᐸᔨᐤ ᒫᑲ, ᒥᓇ ᑭ ᓇᓇᒥᐦᒋᑲᐧᓀᐸᔨᐤ. 7ᑭᐦᒋ ᐅᑭᒫᐤ ᑭ ᑌᐯᐧᐤ ᑭᑕ ᐱᐦᑐᑲᐦᐃᒥᐦᐟ ᑳ ᒪᒫᑖᐃᐧᓯᔨᐟ, ᑳᓬᑎᔭᓇ, ᒥᓇ ᐅᐃᐧᑕᒫᑫᐊᐧ. ᑭᐦᒋ ᐅᑭᒫᐤ ᑭ ᐱᑭᐢᑫᐧᐤ ᒥᓇ ᑭ ᐃᑌᐤ ᑳ ᐃᔨᓂᓯᔨᐟ ᐊᔨᓯᔨᓂᐊᐧ ᐹᐱᓬᐊᓂᕽ, ᐊᐃᐧᔭᐠ ᑫ ᐊᔭᒥᑖᑫᐧ ᐅᒪ ᒪᓯᓇᐦᐃᑫᐃᐧᐣ, ᒥᓇ ᑫ ᐋᐧᐸᐦᑕᐦᐃᐁᐧᑫᐧ ᐁᑌᐧᒪᑲᕽ, ᑭᑕ ᑭᑭᐢᑲᒼ ᒋᐯᑕᑯᒥᑫᐧᑭᐣ, ᒥᓇ ᐅᓵᐃᐧᓱᓂᔮᐋᐧᐱᐢᐠ ᑭᑕ ᑖᐱᐢᑲᒼ, ᒥᓇ ᐁᐊᐧᑯ ᓂᓱ ᑭᑕ ᓈᐊᐧᔪᐢᑲᐁᐧᐤ ᐁ ᐅᔭᓱᐁᐧᐃᐧᔨᓂᐃᐧᐟ ᑭᐦᒋ ᐅᑭᒫᐃᐧᐃᐧᓂᕽ.
8ᐁᑲᐧ ᑭ ᐯ ᐱᐦᑐᑫᔨᐊᐧ ᑲᐦᑭᔭᐤ ᑳ ᐃᔨᓂᓯᔨᐟ ᑭᐦᒋ ᐅᑭᒫᐤ ᐅᐟ ᐊᔨᓯᔨᓂᒪ; ᒫᑲ ᓇᒪᐃᐧᔭ ᑭ ᐊᔭᒥᑖᐊᐧᐠ ᐊᓂᒪ ᑳ ᒪᓯᓇᐃᑳᑌᔨᐠ, ᒥᓇ ᓇᒪᐃᐧᔭ ᑭ ᑭᐢᑫᔨᑕᒧᐁᐊᐧᐠ ᑭᐦᒋ ᐅᑭᒫᐊᐧ ᐁᑌᐧᒪᑲᓂᔨᐠ. 9ᐁᑲᐧ ᑭᐦᒋ ᐅᑭᒫᐤ ᐯᓬᓵᓴᕒ ᒥᐢᑕᐦᐃ ᑭ ᒥᑯᐢᑳᑌᔨᑕᒼ, ᒥᓇ ᑭ ᐱᑐᓯᓈᑯᓯᐤ, ᒥᓇ ᑭ ᐊᐧᐋᐧᓀᔨᑕᒥᔨᐊᐧ ᐅᑭᒫᒪ.
10ᑭᐦᒋ ᐅᑭᒫᐢᑫᐧᐤ ᒫᑲ ᐁ ᐯᐦᑕᕽ ᐅᐟ ᐃᑌᐧᐃᐧᓂᔨᐊᐧ ᑭᐦᒋ ᐅᑭᒫᐊᐧ ᒥᓇ ᐅᑭᒫᒥᔨᐊᐧ ᑭ ᐯ ᐱᐦᑐᑫᐤ ᐃᐧᑯᐦᑐᐃᐧᑲᒥᑯᕽ; ᑭᐦᒋ ᐅᑭᒫᐢᑫᐧᐤ ᒫᑲ ᑭ ᐱᑭᐢᑫᐧᐤ ᒥᓇ ᑭ ᐃᑌᐧᐤ, ᑭᐦᒋ ᐅᑭᒫᐤ, ᑳᑭᑫ ᑭ ᑲ ᐃᐧ ᐱᒫᑎᓯᐣ; ᐁᑳᐃᐧᔭ ᒥᑯᐢᑳᑌᔨᑕ, ᒥᓇ ᐁᑳᐃᐧᔭ ᐱᑐᓯᑫᐧᓈᑯᓯ; 11ᐃᐦᑖᐤ ᓈᐯᐤ ᑭ ᑭᐦᒋ ᐅᑭᒫᐃᐧᐃᐧᓂᕽ, ᑳ ᑭᑭᐢᑳᑯᐟ ᐅᐟ ᐊᐦᒑᐦᑯᔨᐊᐧ ᑳ ᑲᓈᑎᓯᔨᐟ ᒪᓂᑐᐊᐧ; ᐁᑯᓯ ᒣᑳᐧᐨ ᑯᑖᐃᐧ ᐁ ᐱᒫᑎᓯᐟ ᐋᐧᐢᑌᐃᐧᐣ ᒥᓇ ᓂᓯᑐᐦᑕᒧᐃᐧᐣ ᒥᓇ ᐃᔨᓂᓯᐃᐧᐣ, ᑖᐱᐢᑯᐨ ᐅᐟ ᐃᔨᓂᓯᐃᐧᓂᐋᐧᐤ ᒪᓂᑐᐊᐧᐠ ᑭ ᒥᐢᑳᒫᐧᐣ ᐁ ᑭᑭᐢᑳᑯᐟ; ᐁᑯᓯ ᑭᐦᒋ ᐅᑭᒫᐤ ᓀᑊᔪᑳᐟᓀᓴᕒ ᑯᑖᐃᐧ, ᑭᐦᒋ ᐅᑭᒫᐤ, ᓂᐟ ᐃᑖᐧᐣ, ᑯᑖᐃᐧ, ᑭ ᑎᐯᔨᐦᑕᒧᐁᐤ ᐅᑯᓵᐸᑕᒧᐊᐧ, ᑳ ᒪᒫᑖᐃᐧᓯᔨᐟ, ᑳᓬᑎᔭᓇ, ᒥᓇ ᐅᐃᐧᑕᒫᑫᐊᐧ; 12ᒋᑫᒫ ᐁ ᐊᔨᐋᐧᑫᔨᑖᑯᓯᔨᐟ ᐊᐦᒑᐦᑲᐧ ᒥᓇ ᑭᐢᑫᔨᑕᒧᐃᐧᐣ, ᒥᓇ ᓂᓯᑐᐦᑕᒧᐃᐧᐣ, ᒥᓇ ᐁ ᓂᓯᑐᐦᑕᒧᐃᐁᐧᐟ ᐸᐋᐧᒥᐃᐧᓇ, ᒥᓇ ᐁ ᐋᐧᐸᐦᑕᐦᐃᐁᐧᐟ ᑳ ᐋᔨᒪᓂᔨᑭ ᐃᑌᐧᐃᐧᓇ, ᒥᓇ ᐁ ᐸᔭᑌᐢᑖᐟ ᐊᐧᐋᐧᓀᔨᑕᒧᐃᐧᓇ, ᑭ ᒥᐢᑲᒫᐧᐣ ᐁ ᑭᑭᐢᑳᑯᐟ ᐊᐊᐧ ᑖᓂᐁᓬ, ᑭᐦᒋ ᐅᑭᒫᐤ ᑳ ᑭ ᐃᓯᔨᐦᑳᑖᐟ ᐯᓬᑎᓵᓴᕒ. ᐁᑲᐧ ᒫᑲ ᑭᔮᒼ ᑭᑕ ᓇᑐᒫᐤ ᑖᓂᐁᓬ, ᑭ ᑲ ᐋᐧᐸᐦᑕᐦᐃᐠ ᒫᑲ ᐁᑌᐧᒪᑲᕽ.
13ᐁᑲᐧ ᐊᐊᐧ ᑖᓂᐁᓬ ᑭ ᐱᑐᑲᐋᐤ ᐅᐦᑎᐢᑲᐤ ᑭᐦᒋ ᐅᑭᒫᐊᐧ. ᑭᐦᒋ ᐅᑭᒫᐤ ᑭ ᐱᑭᐢᑫᐧᐤ ᑭ ᐃᑌᐤ ᑖᓂᐁᓬᐊ, ᑭᔭ ᒋ ᐊᓇ ᑖᓂᐁᓬ, ᑳ ᐅᐦᒋᐟ ᐅᐟ ᐊᐋᐧᓯᒥᓯᐋᐧᐊᐧ ᑳ ᐊᐊᐧᑳᑎᐦᒋᐠ ᒍᑕ, ᑭᐦᒋ ᐅᑭᒫᐤ ᓄᑖᐃᐧ ᑳ ᑭ ᐯᓯᐋᐧᐟ ᒍᑕ ᐅᐦᒋ? 14ᓂ ᑭ ᐯᐦᑌᐣ ᐁ ᐋᒋᒥᑲᐃᐧᔭᐣ, ᐅᐟ ᐊᐦᒑᐦᑯᐋᐧᐊᐧ ᒪᓂᑐᐊᐧᐠ ᐁ ᑭᑭᐢᑳᑯᐊᐧᐟ, ᒥᓇ ᐋᐧᐢᑌᐤ ᒥᓇ ᓂᓯᑐᐦᑕᒧᐃᐧᐣ ᒥᓇ ᐁ ᐊᔨᐋᐧᑫᔨᑖᑲᐧᕽ ᐃᔨᓂᓯᐃᐧᐣ ᐁ ᑭᑭᐢᑳᑯᔭᐣ. 15ᐁᑲᐧ ᒫᑲ ᑳ ᐃᔨᓂᓯᒋᐠ ᓈᐯᐊᐧᐠ, ᑳ ᒪᒫᑖᐃᐧᓯᒋᐠ, ᑭ ᐯ ᐱᑐᑲᐋᐊᐧᐠ ᐅᑕ, ᑭᑕ ᐊᔭᒥᑖᒋᐠ ᐅᒪ ᒪᓯᓇᐦᐃᑫᐃᐧᐣ, ᒥᓇ ᑭᑕ ᑭᐢᑫᔨᑕᒧᐃᒋᐠ ᐁᑌᐧᒪᑲᕽ ᐁᐊᐧᑯ; ᒫᑲ ᓇᒪᐃᐧᔭ ᑭ ᐋᐧᐸᐦᑕᐦᐃᐁᐧᐊᐧᐠ ᐁᑌᐧᒪᑲᕽ ᐁᐊᐧᑯ. 16ᒫᑲ ᓂ ᑭ ᐯᐦᑌᐣ ᑭᔭ ᐁ ᐋᒋᒥᑲᐃᐧᔭᐣ ᑭᑕ ᑭ ᐃᑌᐧᐢᑕᒫᑫᔭᐣ, ᒥᓇ ᑭᑕ ᐸᔭᑌᐢᑖᔭᐣ ᐊᐧᐋᐧᓀᔨᑕᒧᐃᐧᓇ; ᐁᑲᐧ ᑭᐢᐱᐣ ᑲᐢᑭᑖᔭᓂ ᑭᑕ ᐊᔭᒥᑖᔭᐣ ᐊᓂᒪ ᑳ ᒪᓯᓇᐃᑳᑌᐠ, ᒥᓇ ᑭᑕ ᑭᐢᑫᔨᑕᒧᐃᔭᐣ ᐁᑌᐧᒪᑲᕽ ᐁᐊᐧᑯ, ᑭ ᑲ ᐳᐢᑕᓵᑲᐦᐃᑲᐃᐧᐣ ᒋᐯᑕᑯᒥᑫᐧᑭᐣ, ᒥᓇ ᐅᓵᐃᐧᓱᓂᔮᐤ ᑭ ᑲ ᑖᐱᐢᑲᐋᐧᐤ, ᒥᓇ ᑭᔭ ᓂᓱ ᑭ ᑲ ᓈᐊᐧᔪᐢᑲᐋᐧᐊᐧᐠ ᐁ ᐅᔭᓱᐁᐧᐃᐧᔨᓂᐃᐧᔭᐣ ᑭᐦᒋ ᐅᑭᒫᐃᐧᐃᐧᓂᕽ.
17ᐁᑲᐧ ᑖᓂᐁᓬ ᑭ ᓇᐢᑫᐧᐊᐧᓯᒣᐤ ᒥᓇ ᑭ ᐃᑌᐤ ᑭᐦᒋ ᐅᑭᒫᐊᐧ, ᑭᔮᒼ ᐊᔮ ᑭ ᒣᑭᐃᐧᓇ, ᒥᓇ ᑯᑕᐠ ᒥᔮᑲᐣ ᑭ ᑎᐸᐦᐊᒫᑫᐃᐧᓇ; ᐁᔨᐁᐧᕽ ᒫᑲ ᓂ ᑲ ᐊᔭᒥᑐᐋᐧᐤ ᑭᐦᒋ ᐅᑭᒫᐤ ᐊᓂᒪ ᑳ ᒪᓯᓇᐃᑳᑌᐠ, ᒥᓇ ᓂ ᑲ ᑭᐢᑫᔨᑕᒧᐦᐋᐤ ᐁᑌᐧᒪᑲᕽ. 18ᑭᔭ ᑭᐦᒋ ᐅᑭᒫᐤ ᒫᒪᐁᐧᔭᐢ ᑳ ᐃᐢᐯᔨᑖᑯᓯᐟ ᑭᓭᒪᓂᑐ ᑭ ᒥᔦᐤ ᓀᑊᔪᑳᐟᓀᓴᕒᐊ ᑯᑖᐃᐧᔭ ᑭᐦᒋ ᐅᑭᒫᐃᐧᐃᐧᐣ, ᒥᓇ ᑭᐦᒑᔨᐃᐧᐃᐧᐣ, ᒥᓇ ᑭᐢᑌᔨᑖᑯᓯᐃᐧᐣ, ᒥᓇ ᑭᐦᒉᔨᑖᑯᓯᐃᐧᐣ; 19ᐁᑯᓯ ᐊᓂᒪ ᐅᐦᒋ ᑭᐦᒑᔨᐃᐧᐃᐧᐣ ᑳ ᑭ ᒥᔨᑯᐟ, ᑲᐦᑭᔭᐤ ᐊᔨᓯᔨᓂᐊᐧ, ᓇᓈᑐᑯᐢᑳᐣ ᒥᓇ ᓇᓈᑐᕽ ᑳ ᐃᓯ ᐱᑭᐢᑫᐧᔨᐟ ᑭ ᓇᓇᒥᐸᔨᔨᐊᐧ ᒥᓇ ᑭ ᓭᑭᓯᔨᐊᐧ ᐁ ᐅᐦᑎᐢᑲᐃᐧᐢᑳᑯᐟ; ᐊᓂᐦᐃ ᑳ ᐃᑌᔨᑕᕽ ᑭ ᓂᐸᐁᐤ, ᒥᓇ ᐊᓂᐦᐃ ᑳ ᐃᑌᔨᑕᕽ ᑭ ᐱᒫᒋᐦᐁᐤ; ᒥᓇ ᐊᓂᐦᐃ ᑳ ᐃᑌᔨᑕᕽ ᑭ ᐅᐦᐱᓀᐤ, ᒥᓇ ᐊᓂᐦᐃ ᑳ ᐃᑌᔨᑕᕽ ᑭ ᑕᐸᑎᓀᐤ.
20ᒫᑲ ᐃᐢᐱ ᐁᑎ ᐃᐢᐯᔨᒥᓱᐟ, ᒥᓇ ᐁᑎ ᒪᐢᑲᐃᐧ ᒥᑐᓀᔨᒋᑲᓀᐟ ᐁᑯᓯ ᐁ ᑭᐢᑌᔨᒧᐃᐧ ᐊᔨᑎᐟ, ᑭ ᓂᑎᓈᐤ ᐅ ᑭᐦᒋ ᐅᑭᒫᐊᐧᐱᐃᐧᓂᕽ ᐅᐦᒋ, ᒥᓇ ᑭ ᒪᐢᑲᒫᐤ ᐅ ᑭᐢᑌᔨᑖᑯᓯᐃᐧᐣ; 21ᑭ ᓯᐯᐧᑎᓴᐋᐧᐤ ᒫᑲ ᐊᔨᓯᔨᓂᐃᐧᑯᓯᓵᓂᓈᕽ ᐅᐦᒋ; ᐅᑌᐦ ᒫᑲ ᑭ ᐃᓯᑖᐋᐧᐣ ᑖᐱᐢᑯᐨ ᐱᓯᐢᑭᐊᐧᐠ, ᒥᓇ ᑭ ᐃᐧᒋᐊᔮᒣᐤ ᐱᑲᐧᒋ ᓱᓱᐃᐧᒥᐢᑕᑎᒪᐧ; ᑭ ᐊᓴᒫᐤ ᒪᐢᑯᓯᔭ ᑖᐱᐢᑯᐨ ᒧᐢᑐᓴᐧᐠ, ᒥᓇ ᐃᐧᔭᐤ ᑭ ᓵᐳᐯᔨᐤ ᐁ ᓂᐱᐊᐧᐢᑳᐠ ᑭᓯᑯᕽ ᐅᐦᒋ; ᐱᔨᐢ ᐁ ᑭᐢᑫᔨᑕᕽ ᒫᒪᐁᐧᔭᐢ ᑳ ᐃᐢᐯᔨᑖᑯᓯᔨᐟ ᑭᓭᒪᓂᑐᐊᐧ ᐁ ᑎᐯᔨᐦᑕᒥᔨᐟ ᐅ ᑭᐦᒋᐅᑭᒪᐃᐧᐃᐧᓂᔨᕽ ᐊᔨᓯᔨᓂᐊᐧ, ᒥᓇ ᐁ ᑎᐯᔨᐦᑕᒧᐋᐟ ᐱᑯ ᐊᐃᐧᔭ ᐁ ᐃᑌᔨᑕᕽ. 22ᑭᔭ ᒫᑲ ᐅᑯᓯᓴ, ᐯᓬᓵᓴᕒ, ᓇᒪᐃᐧᔭ ᑭ ᑭ ᑕᐸᐦᑌᔨᒧᐣ ᑭᑌᐦᐃᕽ, ᐋᑕ ᐅᒪ ᑲᐦᑭᔭᐤ ᐁ ᑭᐢᑫᔨᑕᒪᐣ; 23ᒫᑲ ᑭ ᑭ ᐸᓯᑯᐢᑕᐋᐧᐤ ᑳ ᑎᐯᔨᐦᑕᕽ ᑭᐦᒋᑭᓯᐠ; ᐁᑯᓯ ᑭ ᑭ ᐯᑕᒫᑲᐧᐠ ᐊᓯᐊᐧᒋᑲᓇ ᐅ ᐋᐧᐢᑳᐦᐃᑲᓂᕽ ᐅᐦᒋ, ᒥᓇ ᑭᔭ ᒥᓇ ᑭᐟ ᐅᑭᒫᒪᐠ, ᑭᐊᐧᐠ ᒥᓇ ᑭ ᑲᓇᐃᐧᐢᑫᐧᐋᐧᓇᐠ, ᑭ ᑭ ᐋᐸᒋᐦᑖᓈᐋᐧᐤ ᐁ ᒥᓂᐦᑫᐧᔦᐠ ᓱᒥᓈᐳ; ᒥᓇ ᑭ ᑭ ᒪᒥᐦᒋᒫᐊᐧᐠ ᐋᐧᐱᐢᑭᓱᓂᔮᐤ ᒪᓂᑐᑳᓇᐠ, ᒥᓇ ᐅᓵᐃᐧᓱᓂᔮᐤ, ᐅᓵᐋᐧᐱᐢᐠ, ᐱᐋᐧᐱᐢᐠ, ᒥᐢᑎᐠ, ᒥᓇ ᐊᓯᓂ, ᐁᑳ ᑳ ᐋᐧᐱᒋᐠ, ᐊᐦᐳ ᐁᑳ ᑳ ᐯᐦᑕᐦᑭᐠ, ᐊᐦᐳ ᐁᑳ ᑳ ᑭᐢᑫᔨᑕᐦᑭᐠ; ᐁᑯᓯ ᐊᓇ ᑭᓭᒪᓂᑐ ᐅᒋᐦᒋᕽ ᑭ ᔦᔦᐃᐧᐣ ᑳ ᐊᔮᐠ, ᒥᓇ ᑳ ᑎᐯᔨᐦᑕᕽ ᑲᐦᑭᔭᐤ ᑭᐟ ᐊᔨᑎᐃᐧᓇ, ᓇᒪᐃᐧᔭ ᐁᐊᐧᑯ ᑭ ᑭᐢᑌᔨᑖᑯᐦᐋᐤ. 24ᐁᑲᐧ ᐊᓂᒪ ᐸᐦᑭ ᒥᒋᐦᒋ ᑭ ᓯᐯᐧᐸᔨᐤ; ᐅᒪ ᒫᑲ ᒪᓯᓇᐦᐃᑫᐃᐧᐣ ᑭ ᒪᓯᓇᐦᐃᑳᑌᐤ.
25ᐁᐊᐧᑯ ᒫᑲ ᐅᒪ ᒪᓯᓇᐦᐃᑫᐃᐧᐣ ᑳ ᑭ ᒪᓯᓇᐃᑳᑌᐠ, ᒥᓀ, ᒥᓀ, ᑎᑫᓬ, ᔪᐸᕒᓯᐣ. 26ᐁᑯᓯ ᐅᒪ ᐁᑌᐧᒪᑲᕽ ᐁᐊᐧᑯ; ᒥᓀ; ᑭᓭᒪᓂᑐ ᑭ ᐊᑭᐦᑕᒼ ᑭ ᑭᐦᒋ ᐅᑭᒫᐃᐧᐃᐧᐣ ᒥᓇ ᑭ ᑭᓯᐱᐸᔨᑖᐤ. 27ᑎᑫᓬ; ᑭ ᑭ ᑎᐹᐯᐢᑯᔨᑲᐃᐧᐣ ᑎᐹᐯᐢᑯᒋᑲᓂᕽ, ᐁᑯᓯ ᐳᑎ ᑭ ᓄᐦᑌᐸᔨᐣ. 28ᐱᕒᐁᐢ; ᑭ ᑭᐦᒋ ᐅᑭᒫᐃᐧᐃᐧᐣ ᓇᓈᓂᐢᒋᐦᑖᓂᐊᐧᐣ ᒥᓇ ᒥᔮᐊᐧᐠ ᒥᑕᐠ ᒥᓇ ᐸᕒᓯᔭᓇᐠ. 29ᐁᑲᐧ ᑭ ᐃᑕᓱᐁᐧᐤ ᐯᓬᓵᓴᕒ, ᑭ ᐳᐢᑕᓵᑲᐁᐊᐧᐠ ᒫᑲ ᑖᓂᐁᓬᐊ ᒋᐯᑕᑯᒥᑫᐧᑭᐣ, ᒥᓇ ᐅᓵᐃᐧᓱᓂᔮᐋᐧᐱᐢᐠ ᑭ ᑖᐱᐢᑲᒧᑕᔦᐊᐧᐠ, ᒥᓇ ᑭ ᑌᐹᐧᑕᒪᐁᐧᐊᐧᐠ ᐁᐊᐧᑯ ᓂᓱ ᑭᑕ ᐊᐢᑯᐋᐧᐟ ᐁ ᐅᔭᓱᐁᐧᐃᐧᔨᓂᐃᐧᐟ ᑭᐦᒋ ᐅᑭᒫᐃᐧᐃᐧᓂᕽ.
30ᐁᐊᐧᑳᐧᓂᒪ ᐁ ᑎᐱᐢᑳᐠ ᐯᓬᓵᓴᕒ ᑳᓬᑎᔭ ᑭᐦᒋ ᐅᑭᒫᐤ ᑭ ᓂᐸᐦᐋᐤ. 31ᑌᕒᐋᔭᐢ ᒫᑲ ᐊᓇ ᒥᐟ ᑭ ᐅᑎᓇᒼ ᑭᐦᒋ ᐅᑭᒫᐃᐧᐃᐧᐣ, ᓈᐣᑕᐤ ᓂᑯᑖᐧᓱᒥᑕᓇᐤ ᓂᓱ ᐊᔨᐋᐧᐠ ᐁ ᐃᑕᐦᑐᐱᐳᓀᐧᐟ.
Iliyochaguliwa sasa
ᑖᓂᐁᓬ 5: KKMs
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.
ᑖᓂᐁᓬ 5
5
1ᐯᓬᓵᓴᕒ ᑭᐦᒋ ᐅᑭᒫᐤ ᑭ ᑭᐦᒋᐃᐧᐦᑯᒣᐤ ᑭᐦᒋ ᒥᑖᑕᐦᑐᒥᑕᓇᐤ ᐅᐟ ᐅᑭᒫᒪ, ᒥᓇ ᑭ ᒥᓂᑫᐧᐤ ᓱᒥᓈᐳ ᐅᐦᑎᐢᑲᐤ ᐊᓂᐦᐃ ᑭᐦᒋ ᒥᑖᑕᐦᑐᒥᑕᓇᐤ. 2ᐯᓬᓵᓴᕒ ᐁ ᒣᑳᐧ ᑯᒋᐢᑕᕽ ᓱᒥᓈᐳ, ᑭ ᐃᑕᓱᐁᐧᐤ ᑭᑕ ᐯᑖᐃᐧᐦᐟ ᐊᓂᐦᐃ ᐅᓵᐃᐧᓱᓂᔮᐤ ᒥᓇ ᐋᐧᐱᐢᑭᓱᓂᔮᐤ ᐊᓯᐊᐧᒋᑲᓇ ᓀᑊᔪᑳᐟᓀᓴᕒᐊ ᐅᑖᐃᐧᔭ ᑳ ᑭ ᐅᑎᓇᒥᔨᐟ ᑭᐦᒋᐊᔭᒥᐦᐁᐃᐧᑲᒥᑯᕽ ᐅᐦᒋ ᒉᕒᐅᓴᓬᐊᒥᕽ ᑳ ᑭ ᐊᔮᐠ; ᑭᐦᒋ ᐅᑭᒫᐤ, ᒥᓇ ᐅᑭᒫᒪ, ᒥᓇ ᐃᐧᐊᐧ, ᒥᓇ ᐅ ᑲᓇᐃᐧᐢᑫᐧᐊᐧᓇ, ᑭᑕ ᒥᓂᑳᐧᑫᒋᐠ. 3ᐁᑲᐧ ᑭ ᐯᑖᐊᐧᐠ ᐊᓂᐦᐃ ᐅᓵᐃᐧᓱᓂᔮᐃᐧ ᐊᓯᐊᐧᒋᑲᓇ ᑳ ᑭ ᐅᑎᓂᑳᑌᑭ ᑭᐦᒋᐊᔭᒥᐦᐁᐃᐧᑲᒥᑯᕽ ᐅᐦᒋ ᐅ ᐋᐧᐢᑳᐦᐃᑲᓂᕽ ᑭᓭᒪᓂᑐ ᒉᕒᐅᓴᓬᐊᒥᕽ ᑳ ᑭ ᐊᔮᐠ; ᐁᑯᓯ ᑭᐦᒋ ᐅᑭᒫᐤ ᒥᓇ ᐅᐟ ᐅᑭᒫᒪ, ᐃᐧᐊᐧ ᒥᓇ ᐅ ᑲᓇᐃᐧᐢᑫᐧᐋᐧᓇ, ᑭ ᒥᓂᑳᐧᑫᐊᐧᐠ. 4ᑭ ᒥᓂᐦᑫᐧᐊᐧᐠ ᓱᒥᓈᐳ, ᒥᓇ ᑭ ᒪᒥᐦᒋᒣᐊᐧᐠ ᐅᓵᐃᐧᓱᓂᔮᐤ ᒪᓂᑐᑳᓇ, ᒥᓇ ᐋᐧᐱᐢᑭᓱᓂᔮᐤ, ᒥᓇ ᐅᓵᐋᐧᐱᐢᐠ, ᒥᓇ ᐱᐋᐧᐱᐢᐠ, ᒥᓇ ᒥᐢᑎᐠ, ᒥᓇ ᐊᓯᓂ.
5ᐁᐊᐧᑳᐧᓂᒪ ᑎᐸᐃᑲᐣ ᑭ ᐯ ᓄᑲᐧᐣ ᔨᔨᑭᒋᐦᒑᓇ ᐊᔨᓯᔨᓂᐃᐧ ᒥᒋᐦᒋ, ᑭ ᒪᓯᓇᐦᐃᑫᒪᑲᐣ ᑎᐱᐢᑯᐨ ᐋᐧᓴᐢᑯᑌᓂᑲᓈᑎᐠ ᓯᓱᐃᑲᓂᕽ ᑭᐦᒋ ᐅᑭᒫᐃᐧᑲᒥᑯᕽ; ᑭᐦᒋ ᐅᑭᒫᐤ ᒫᑲ ᐋᐧᐸᐦᑕᒼ ᐊᓂᒪ ᐸᐦᑭ ᒥᒋᐦᒋ ᑳ ᒪᓯᓇᐦᐃᑫᒪᑲᕽ. 6ᐁᑲᐧ ᑭᐦᒋ ᐅᑭᒫᐤ ᑭ ᐱᑐᓯᓈᑯᓯᐤ, ᒥᓇ ᑭ ᒥᑯᐢᑳᑌᔨᑕᒼ; ᑭ ᓭᓭᒥᑲᓀᐸᔨᐤ ᒫᑲ, ᒥᓇ ᑭ ᓇᓇᒥᐦᒋᑲᐧᓀᐸᔨᐤ. 7ᑭᐦᒋ ᐅᑭᒫᐤ ᑭ ᑌᐯᐧᐤ ᑭᑕ ᐱᐦᑐᑲᐦᐃᒥᐦᐟ ᑳ ᒪᒫᑖᐃᐧᓯᔨᐟ, ᑳᓬᑎᔭᓇ, ᒥᓇ ᐅᐃᐧᑕᒫᑫᐊᐧ. ᑭᐦᒋ ᐅᑭᒫᐤ ᑭ ᐱᑭᐢᑫᐧᐤ ᒥᓇ ᑭ ᐃᑌᐤ ᑳ ᐃᔨᓂᓯᔨᐟ ᐊᔨᓯᔨᓂᐊᐧ ᐹᐱᓬᐊᓂᕽ, ᐊᐃᐧᔭᐠ ᑫ ᐊᔭᒥᑖᑫᐧ ᐅᒪ ᒪᓯᓇᐦᐃᑫᐃᐧᐣ, ᒥᓇ ᑫ ᐋᐧᐸᐦᑕᐦᐃᐁᐧᑫᐧ ᐁᑌᐧᒪᑲᕽ, ᑭᑕ ᑭᑭᐢᑲᒼ ᒋᐯᑕᑯᒥᑫᐧᑭᐣ, ᒥᓇ ᐅᓵᐃᐧᓱᓂᔮᐋᐧᐱᐢᐠ ᑭᑕ ᑖᐱᐢᑲᒼ, ᒥᓇ ᐁᐊᐧᑯ ᓂᓱ ᑭᑕ ᓈᐊᐧᔪᐢᑲᐁᐧᐤ ᐁ ᐅᔭᓱᐁᐧᐃᐧᔨᓂᐃᐧᐟ ᑭᐦᒋ ᐅᑭᒫᐃᐧᐃᐧᓂᕽ.
8ᐁᑲᐧ ᑭ ᐯ ᐱᐦᑐᑫᔨᐊᐧ ᑲᐦᑭᔭᐤ ᑳ ᐃᔨᓂᓯᔨᐟ ᑭᐦᒋ ᐅᑭᒫᐤ ᐅᐟ ᐊᔨᓯᔨᓂᒪ; ᒫᑲ ᓇᒪᐃᐧᔭ ᑭ ᐊᔭᒥᑖᐊᐧᐠ ᐊᓂᒪ ᑳ ᒪᓯᓇᐃᑳᑌᔨᐠ, ᒥᓇ ᓇᒪᐃᐧᔭ ᑭ ᑭᐢᑫᔨᑕᒧᐁᐊᐧᐠ ᑭᐦᒋ ᐅᑭᒫᐊᐧ ᐁᑌᐧᒪᑲᓂᔨᐠ. 9ᐁᑲᐧ ᑭᐦᒋ ᐅᑭᒫᐤ ᐯᓬᓵᓴᕒ ᒥᐢᑕᐦᐃ ᑭ ᒥᑯᐢᑳᑌᔨᑕᒼ, ᒥᓇ ᑭ ᐱᑐᓯᓈᑯᓯᐤ, ᒥᓇ ᑭ ᐊᐧᐋᐧᓀᔨᑕᒥᔨᐊᐧ ᐅᑭᒫᒪ.
10ᑭᐦᒋ ᐅᑭᒫᐢᑫᐧᐤ ᒫᑲ ᐁ ᐯᐦᑕᕽ ᐅᐟ ᐃᑌᐧᐃᐧᓂᔨᐊᐧ ᑭᐦᒋ ᐅᑭᒫᐊᐧ ᒥᓇ ᐅᑭᒫᒥᔨᐊᐧ ᑭ ᐯ ᐱᐦᑐᑫᐤ ᐃᐧᑯᐦᑐᐃᐧᑲᒥᑯᕽ; ᑭᐦᒋ ᐅᑭᒫᐢᑫᐧᐤ ᒫᑲ ᑭ ᐱᑭᐢᑫᐧᐤ ᒥᓇ ᑭ ᐃᑌᐧᐤ, ᑭᐦᒋ ᐅᑭᒫᐤ, ᑳᑭᑫ ᑭ ᑲ ᐃᐧ ᐱᒫᑎᓯᐣ; ᐁᑳᐃᐧᔭ ᒥᑯᐢᑳᑌᔨᑕ, ᒥᓇ ᐁᑳᐃᐧᔭ ᐱᑐᓯᑫᐧᓈᑯᓯ; 11ᐃᐦᑖᐤ ᓈᐯᐤ ᑭ ᑭᐦᒋ ᐅᑭᒫᐃᐧᐃᐧᓂᕽ, ᑳ ᑭᑭᐢᑳᑯᐟ ᐅᐟ ᐊᐦᒑᐦᑯᔨᐊᐧ ᑳ ᑲᓈᑎᓯᔨᐟ ᒪᓂᑐᐊᐧ; ᐁᑯᓯ ᒣᑳᐧᐨ ᑯᑖᐃᐧ ᐁ ᐱᒫᑎᓯᐟ ᐋᐧᐢᑌᐃᐧᐣ ᒥᓇ ᓂᓯᑐᐦᑕᒧᐃᐧᐣ ᒥᓇ ᐃᔨᓂᓯᐃᐧᐣ, ᑖᐱᐢᑯᐨ ᐅᐟ ᐃᔨᓂᓯᐃᐧᓂᐋᐧᐤ ᒪᓂᑐᐊᐧᐠ ᑭ ᒥᐢᑳᒫᐧᐣ ᐁ ᑭᑭᐢᑳᑯᐟ; ᐁᑯᓯ ᑭᐦᒋ ᐅᑭᒫᐤ ᓀᑊᔪᑳᐟᓀᓴᕒ ᑯᑖᐃᐧ, ᑭᐦᒋ ᐅᑭᒫᐤ, ᓂᐟ ᐃᑖᐧᐣ, ᑯᑖᐃᐧ, ᑭ ᑎᐯᔨᐦᑕᒧᐁᐤ ᐅᑯᓵᐸᑕᒧᐊᐧ, ᑳ ᒪᒫᑖᐃᐧᓯᔨᐟ, ᑳᓬᑎᔭᓇ, ᒥᓇ ᐅᐃᐧᑕᒫᑫᐊᐧ; 12ᒋᑫᒫ ᐁ ᐊᔨᐋᐧᑫᔨᑖᑯᓯᔨᐟ ᐊᐦᒑᐦᑲᐧ ᒥᓇ ᑭᐢᑫᔨᑕᒧᐃᐧᐣ, ᒥᓇ ᓂᓯᑐᐦᑕᒧᐃᐧᐣ, ᒥᓇ ᐁ ᓂᓯᑐᐦᑕᒧᐃᐁᐧᐟ ᐸᐋᐧᒥᐃᐧᓇ, ᒥᓇ ᐁ ᐋᐧᐸᐦᑕᐦᐃᐁᐧᐟ ᑳ ᐋᔨᒪᓂᔨᑭ ᐃᑌᐧᐃᐧᓇ, ᒥᓇ ᐁ ᐸᔭᑌᐢᑖᐟ ᐊᐧᐋᐧᓀᔨᑕᒧᐃᐧᓇ, ᑭ ᒥᐢᑲᒫᐧᐣ ᐁ ᑭᑭᐢᑳᑯᐟ ᐊᐊᐧ ᑖᓂᐁᓬ, ᑭᐦᒋ ᐅᑭᒫᐤ ᑳ ᑭ ᐃᓯᔨᐦᑳᑖᐟ ᐯᓬᑎᓵᓴᕒ. ᐁᑲᐧ ᒫᑲ ᑭᔮᒼ ᑭᑕ ᓇᑐᒫᐤ ᑖᓂᐁᓬ, ᑭ ᑲ ᐋᐧᐸᐦᑕᐦᐃᐠ ᒫᑲ ᐁᑌᐧᒪᑲᕽ.
13ᐁᑲᐧ ᐊᐊᐧ ᑖᓂᐁᓬ ᑭ ᐱᑐᑲᐋᐤ ᐅᐦᑎᐢᑲᐤ ᑭᐦᒋ ᐅᑭᒫᐊᐧ. ᑭᐦᒋ ᐅᑭᒫᐤ ᑭ ᐱᑭᐢᑫᐧᐤ ᑭ ᐃᑌᐤ ᑖᓂᐁᓬᐊ, ᑭᔭ ᒋ ᐊᓇ ᑖᓂᐁᓬ, ᑳ ᐅᐦᒋᐟ ᐅᐟ ᐊᐋᐧᓯᒥᓯᐋᐧᐊᐧ ᑳ ᐊᐊᐧᑳᑎᐦᒋᐠ ᒍᑕ, ᑭᐦᒋ ᐅᑭᒫᐤ ᓄᑖᐃᐧ ᑳ ᑭ ᐯᓯᐋᐧᐟ ᒍᑕ ᐅᐦᒋ? 14ᓂ ᑭ ᐯᐦᑌᐣ ᐁ ᐋᒋᒥᑲᐃᐧᔭᐣ, ᐅᐟ ᐊᐦᒑᐦᑯᐋᐧᐊᐧ ᒪᓂᑐᐊᐧᐠ ᐁ ᑭᑭᐢᑳᑯᐊᐧᐟ, ᒥᓇ ᐋᐧᐢᑌᐤ ᒥᓇ ᓂᓯᑐᐦᑕᒧᐃᐧᐣ ᒥᓇ ᐁ ᐊᔨᐋᐧᑫᔨᑖᑲᐧᕽ ᐃᔨᓂᓯᐃᐧᐣ ᐁ ᑭᑭᐢᑳᑯᔭᐣ. 15ᐁᑲᐧ ᒫᑲ ᑳ ᐃᔨᓂᓯᒋᐠ ᓈᐯᐊᐧᐠ, ᑳ ᒪᒫᑖᐃᐧᓯᒋᐠ, ᑭ ᐯ ᐱᑐᑲᐋᐊᐧᐠ ᐅᑕ, ᑭᑕ ᐊᔭᒥᑖᒋᐠ ᐅᒪ ᒪᓯᓇᐦᐃᑫᐃᐧᐣ, ᒥᓇ ᑭᑕ ᑭᐢᑫᔨᑕᒧᐃᒋᐠ ᐁᑌᐧᒪᑲᕽ ᐁᐊᐧᑯ; ᒫᑲ ᓇᒪᐃᐧᔭ ᑭ ᐋᐧᐸᐦᑕᐦᐃᐁᐧᐊᐧᐠ ᐁᑌᐧᒪᑲᕽ ᐁᐊᐧᑯ. 16ᒫᑲ ᓂ ᑭ ᐯᐦᑌᐣ ᑭᔭ ᐁ ᐋᒋᒥᑲᐃᐧᔭᐣ ᑭᑕ ᑭ ᐃᑌᐧᐢᑕᒫᑫᔭᐣ, ᒥᓇ ᑭᑕ ᐸᔭᑌᐢᑖᔭᐣ ᐊᐧᐋᐧᓀᔨᑕᒧᐃᐧᓇ; ᐁᑲᐧ ᑭᐢᐱᐣ ᑲᐢᑭᑖᔭᓂ ᑭᑕ ᐊᔭᒥᑖᔭᐣ ᐊᓂᒪ ᑳ ᒪᓯᓇᐃᑳᑌᐠ, ᒥᓇ ᑭᑕ ᑭᐢᑫᔨᑕᒧᐃᔭᐣ ᐁᑌᐧᒪᑲᕽ ᐁᐊᐧᑯ, ᑭ ᑲ ᐳᐢᑕᓵᑲᐦᐃᑲᐃᐧᐣ ᒋᐯᑕᑯᒥᑫᐧᑭᐣ, ᒥᓇ ᐅᓵᐃᐧᓱᓂᔮᐤ ᑭ ᑲ ᑖᐱᐢᑲᐋᐧᐤ, ᒥᓇ ᑭᔭ ᓂᓱ ᑭ ᑲ ᓈᐊᐧᔪᐢᑲᐋᐧᐊᐧᐠ ᐁ ᐅᔭᓱᐁᐧᐃᐧᔨᓂᐃᐧᔭᐣ ᑭᐦᒋ ᐅᑭᒫᐃᐧᐃᐧᓂᕽ.
17ᐁᑲᐧ ᑖᓂᐁᓬ ᑭ ᓇᐢᑫᐧᐊᐧᓯᒣᐤ ᒥᓇ ᑭ ᐃᑌᐤ ᑭᐦᒋ ᐅᑭᒫᐊᐧ, ᑭᔮᒼ ᐊᔮ ᑭ ᒣᑭᐃᐧᓇ, ᒥᓇ ᑯᑕᐠ ᒥᔮᑲᐣ ᑭ ᑎᐸᐦᐊᒫᑫᐃᐧᓇ; ᐁᔨᐁᐧᕽ ᒫᑲ ᓂ ᑲ ᐊᔭᒥᑐᐋᐧᐤ ᑭᐦᒋ ᐅᑭᒫᐤ ᐊᓂᒪ ᑳ ᒪᓯᓇᐃᑳᑌᐠ, ᒥᓇ ᓂ ᑲ ᑭᐢᑫᔨᑕᒧᐦᐋᐤ ᐁᑌᐧᒪᑲᕽ. 18ᑭᔭ ᑭᐦᒋ ᐅᑭᒫᐤ ᒫᒪᐁᐧᔭᐢ ᑳ ᐃᐢᐯᔨᑖᑯᓯᐟ ᑭᓭᒪᓂᑐ ᑭ ᒥᔦᐤ ᓀᑊᔪᑳᐟᓀᓴᕒᐊ ᑯᑖᐃᐧᔭ ᑭᐦᒋ ᐅᑭᒫᐃᐧᐃᐧᐣ, ᒥᓇ ᑭᐦᒑᔨᐃᐧᐃᐧᐣ, ᒥᓇ ᑭᐢᑌᔨᑖᑯᓯᐃᐧᐣ, ᒥᓇ ᑭᐦᒉᔨᑖᑯᓯᐃᐧᐣ; 19ᐁᑯᓯ ᐊᓂᒪ ᐅᐦᒋ ᑭᐦᒑᔨᐃᐧᐃᐧᐣ ᑳ ᑭ ᒥᔨᑯᐟ, ᑲᐦᑭᔭᐤ ᐊᔨᓯᔨᓂᐊᐧ, ᓇᓈᑐᑯᐢᑳᐣ ᒥᓇ ᓇᓈᑐᕽ ᑳ ᐃᓯ ᐱᑭᐢᑫᐧᔨᐟ ᑭ ᓇᓇᒥᐸᔨᔨᐊᐧ ᒥᓇ ᑭ ᓭᑭᓯᔨᐊᐧ ᐁ ᐅᐦᑎᐢᑲᐃᐧᐢᑳᑯᐟ; ᐊᓂᐦᐃ ᑳ ᐃᑌᔨᑕᕽ ᑭ ᓂᐸᐁᐤ, ᒥᓇ ᐊᓂᐦᐃ ᑳ ᐃᑌᔨᑕᕽ ᑭ ᐱᒫᒋᐦᐁᐤ; ᒥᓇ ᐊᓂᐦᐃ ᑳ ᐃᑌᔨᑕᕽ ᑭ ᐅᐦᐱᓀᐤ, ᒥᓇ ᐊᓂᐦᐃ ᑳ ᐃᑌᔨᑕᕽ ᑭ ᑕᐸᑎᓀᐤ.
20ᒫᑲ ᐃᐢᐱ ᐁᑎ ᐃᐢᐯᔨᒥᓱᐟ, ᒥᓇ ᐁᑎ ᒪᐢᑲᐃᐧ ᒥᑐᓀᔨᒋᑲᓀᐟ ᐁᑯᓯ ᐁ ᑭᐢᑌᔨᒧᐃᐧ ᐊᔨᑎᐟ, ᑭ ᓂᑎᓈᐤ ᐅ ᑭᐦᒋ ᐅᑭᒫᐊᐧᐱᐃᐧᓂᕽ ᐅᐦᒋ, ᒥᓇ ᑭ ᒪᐢᑲᒫᐤ ᐅ ᑭᐢᑌᔨᑖᑯᓯᐃᐧᐣ; 21ᑭ ᓯᐯᐧᑎᓴᐋᐧᐤ ᒫᑲ ᐊᔨᓯᔨᓂᐃᐧᑯᓯᓵᓂᓈᕽ ᐅᐦᒋ; ᐅᑌᐦ ᒫᑲ ᑭ ᐃᓯᑖᐋᐧᐣ ᑖᐱᐢᑯᐨ ᐱᓯᐢᑭᐊᐧᐠ, ᒥᓇ ᑭ ᐃᐧᒋᐊᔮᒣᐤ ᐱᑲᐧᒋ ᓱᓱᐃᐧᒥᐢᑕᑎᒪᐧ; ᑭ ᐊᓴᒫᐤ ᒪᐢᑯᓯᔭ ᑖᐱᐢᑯᐨ ᒧᐢᑐᓴᐧᐠ, ᒥᓇ ᐃᐧᔭᐤ ᑭ ᓵᐳᐯᔨᐤ ᐁ ᓂᐱᐊᐧᐢᑳᐠ ᑭᓯᑯᕽ ᐅᐦᒋ; ᐱᔨᐢ ᐁ ᑭᐢᑫᔨᑕᕽ ᒫᒪᐁᐧᔭᐢ ᑳ ᐃᐢᐯᔨᑖᑯᓯᔨᐟ ᑭᓭᒪᓂᑐᐊᐧ ᐁ ᑎᐯᔨᐦᑕᒥᔨᐟ ᐅ ᑭᐦᒋᐅᑭᒪᐃᐧᐃᐧᓂᔨᕽ ᐊᔨᓯᔨᓂᐊᐧ, ᒥᓇ ᐁ ᑎᐯᔨᐦᑕᒧᐋᐟ ᐱᑯ ᐊᐃᐧᔭ ᐁ ᐃᑌᔨᑕᕽ. 22ᑭᔭ ᒫᑲ ᐅᑯᓯᓴ, ᐯᓬᓵᓴᕒ, ᓇᒪᐃᐧᔭ ᑭ ᑭ ᑕᐸᐦᑌᔨᒧᐣ ᑭᑌᐦᐃᕽ, ᐋᑕ ᐅᒪ ᑲᐦᑭᔭᐤ ᐁ ᑭᐢᑫᔨᑕᒪᐣ; 23ᒫᑲ ᑭ ᑭ ᐸᓯᑯᐢᑕᐋᐧᐤ ᑳ ᑎᐯᔨᐦᑕᕽ ᑭᐦᒋᑭᓯᐠ; ᐁᑯᓯ ᑭ ᑭ ᐯᑕᒫᑲᐧᐠ ᐊᓯᐊᐧᒋᑲᓇ ᐅ ᐋᐧᐢᑳᐦᐃᑲᓂᕽ ᐅᐦᒋ, ᒥᓇ ᑭᔭ ᒥᓇ ᑭᐟ ᐅᑭᒫᒪᐠ, ᑭᐊᐧᐠ ᒥᓇ ᑭ ᑲᓇᐃᐧᐢᑫᐧᐋᐧᓇᐠ, ᑭ ᑭ ᐋᐸᒋᐦᑖᓈᐋᐧᐤ ᐁ ᒥᓂᐦᑫᐧᔦᐠ ᓱᒥᓈᐳ; ᒥᓇ ᑭ ᑭ ᒪᒥᐦᒋᒫᐊᐧᐠ ᐋᐧᐱᐢᑭᓱᓂᔮᐤ ᒪᓂᑐᑳᓇᐠ, ᒥᓇ ᐅᓵᐃᐧᓱᓂᔮᐤ, ᐅᓵᐋᐧᐱᐢᐠ, ᐱᐋᐧᐱᐢᐠ, ᒥᐢᑎᐠ, ᒥᓇ ᐊᓯᓂ, ᐁᑳ ᑳ ᐋᐧᐱᒋᐠ, ᐊᐦᐳ ᐁᑳ ᑳ ᐯᐦᑕᐦᑭᐠ, ᐊᐦᐳ ᐁᑳ ᑳ ᑭᐢᑫᔨᑕᐦᑭᐠ; ᐁᑯᓯ ᐊᓇ ᑭᓭᒪᓂᑐ ᐅᒋᐦᒋᕽ ᑭ ᔦᔦᐃᐧᐣ ᑳ ᐊᔮᐠ, ᒥᓇ ᑳ ᑎᐯᔨᐦᑕᕽ ᑲᐦᑭᔭᐤ ᑭᐟ ᐊᔨᑎᐃᐧᓇ, ᓇᒪᐃᐧᔭ ᐁᐊᐧᑯ ᑭ ᑭᐢᑌᔨᑖᑯᐦᐋᐤ. 24ᐁᑲᐧ ᐊᓂᒪ ᐸᐦᑭ ᒥᒋᐦᒋ ᑭ ᓯᐯᐧᐸᔨᐤ; ᐅᒪ ᒫᑲ ᒪᓯᓇᐦᐃᑫᐃᐧᐣ ᑭ ᒪᓯᓇᐦᐃᑳᑌᐤ.
25ᐁᐊᐧᑯ ᒫᑲ ᐅᒪ ᒪᓯᓇᐦᐃᑫᐃᐧᐣ ᑳ ᑭ ᒪᓯᓇᐃᑳᑌᐠ, ᒥᓀ, ᒥᓀ, ᑎᑫᓬ, ᔪᐸᕒᓯᐣ. 26ᐁᑯᓯ ᐅᒪ ᐁᑌᐧᒪᑲᕽ ᐁᐊᐧᑯ; ᒥᓀ; ᑭᓭᒪᓂᑐ ᑭ ᐊᑭᐦᑕᒼ ᑭ ᑭᐦᒋ ᐅᑭᒫᐃᐧᐃᐧᐣ ᒥᓇ ᑭ ᑭᓯᐱᐸᔨᑖᐤ. 27ᑎᑫᓬ; ᑭ ᑭ ᑎᐹᐯᐢᑯᔨᑲᐃᐧᐣ ᑎᐹᐯᐢᑯᒋᑲᓂᕽ, ᐁᑯᓯ ᐳᑎ ᑭ ᓄᐦᑌᐸᔨᐣ. 28ᐱᕒᐁᐢ; ᑭ ᑭᐦᒋ ᐅᑭᒫᐃᐧᐃᐧᐣ ᓇᓈᓂᐢᒋᐦᑖᓂᐊᐧᐣ ᒥᓇ ᒥᔮᐊᐧᐠ ᒥᑕᐠ ᒥᓇ ᐸᕒᓯᔭᓇᐠ. 29ᐁᑲᐧ ᑭ ᐃᑕᓱᐁᐧᐤ ᐯᓬᓵᓴᕒ, ᑭ ᐳᐢᑕᓵᑲᐁᐊᐧᐠ ᒫᑲ ᑖᓂᐁᓬᐊ ᒋᐯᑕᑯᒥᑫᐧᑭᐣ, ᒥᓇ ᐅᓵᐃᐧᓱᓂᔮᐋᐧᐱᐢᐠ ᑭ ᑖᐱᐢᑲᒧᑕᔦᐊᐧᐠ, ᒥᓇ ᑭ ᑌᐹᐧᑕᒪᐁᐧᐊᐧᐠ ᐁᐊᐧᑯ ᓂᓱ ᑭᑕ ᐊᐢᑯᐋᐧᐟ ᐁ ᐅᔭᓱᐁᐧᐃᐧᔨᓂᐃᐧᐟ ᑭᐦᒋ ᐅᑭᒫᐃᐧᐃᐧᓂᕽ.
30ᐁᐊᐧᑳᐧᓂᒪ ᐁ ᑎᐱᐢᑳᐠ ᐯᓬᓵᓴᕒ ᑳᓬᑎᔭ ᑭᐦᒋ ᐅᑭᒫᐤ ᑭ ᓂᐸᐦᐋᐤ. 31ᑌᕒᐋᔭᐢ ᒫᑲ ᐊᓇ ᒥᐟ ᑭ ᐅᑎᓇᒼ ᑭᐦᒋ ᐅᑭᒫᐃᐧᐃᐧᐣ, ᓈᐣᑕᐤ ᓂᑯᑖᐧᓱᒥᑕᓇᐤ ᓂᓱ ᐊᔨᐋᐧᐠ ᐁ ᐃᑕᐦᑐᐱᐳᓀᐧᐟ.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.