ᐁᒫᐢ 1
1
1 #
2 ᑭᐦᒋ ᐅᑭᒫᐊᐧᐠ 15:1-7; 2 ᐊᑭᓀ ᐋᒋᒧᐃᐧᓇ 26:1-23;
2 ᑭᐦᒋ ᐅᑭᒫᐊᐧᐠ 14:23-29
ᐅᐟ ᐃᑌᐧᐃᐧᓇ ᐁᒫᐢ, ᐊᓇ ᑳ ᑭ ᐃᐧᒉᐋᐧᐟ ᐅᑲᓇᐃᐧᐱᓯᐢᑭᐁᐧᐊᐧ ᑎᑳᐊ ᐅᐦᒋ, ᑳ ᑭ ᐋᐧᐸᐦᑕᕽ ᐃᐢᕒᐁᐃᓬᐊ ᐅᐦᒋ ᒣᑳᐧᐨ ᐁ ᐊᔮᐟ ᐊᓵᔭ ᒍᑕ ᑭᐦᒋ ᐅᑭᒫᐤ, ᒥᓇ ᒣᑳᐧᐨ ᐁ ᐊᔮᐟ ᒉᕒᐊᐳᐊᒼ ᐅᑯᓯᓴ ᒍᐋᐢ ᐃᐢᕒᐁᐃᓬ ᑭᐦᒋ ᐅᑭᒫᐤ, ᓂᓱ ᐊᐢᑭ ᒪᐧᔦᐢ ᑭᑲᐧᕽ.
2 #
ᒍᐃᓬ 3:16
ᑭ ᐃᑌᐧᐤ ᒫᑲ, ᑳ ᑎᐯᔨᐦᒋᑫᐟ ᓵᔭᓂᕽ ᑭᑕ ᐅᐦᒋ ᐯᐦᑖᑯᓯᐤ, ᒥᓇ ᒉᕒᐅᓴᓬᐊᒥᕽ ᑭᑕ ᐅᐦᒋ ᑌᐯᐧᐤ; ᐁᑯᓯ ᑳ ᒪᒥᔭᐧᐢᑳᔨᐠ ᐅᑲᓇᐃᐧᒫᔭᑎᐦᑫᐧᐊᐧᐠ ᑭᑕ ᒫᑐᒪᑲᓇᐧ ᒥᓇ ᑕᐦᑯᑖᒪᑎᐣ ᑳᕒᒥᓬ ᑭᑕ ᓂᐳᒪᑲᐣ.
3 #
ᐊᐩᓵᔭ 17:1-3; ᒉᕒᐃᒫᔭ 49:23-27; ᓭᑲᕒᐋᔭ 9:1 ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ; ᓂᐢᑐ ᐅ ᐊᐧᓂᑐᑕᒧᐃᐧᓇ ᑕᒫᐢᑲᐢ ᐅᐦᒋ, ᐁᐦᐁ, ᓀᐤ ᐅᐦᒋ, ᓇᒪᐃᐧᔭ ᓂ ᑲ ᐃᑲᑌᓇᒪᐋᐧᐊᐧᐠ ᐅ ᑲᑫᐢᑭᒧᐦᐃᑯᐃᐧᓂᐋᐧᐤ; ᒋᑫᒫ ᑭ ᐸᐊᐧᐁᐧᐊᐧᐠ ᑭᓬᐃᔭᑕ ᐁ ᐋᐸᒋᐦᑖᒋᐠ ᐱᐋᐧᐱᐢᑯ ᐸᐊᐧᐃᑳᑲᓇ; 4ᒫᑲ ᓂ ᑲ ᐃᓯᑎᓴᐁᐣ ᐃᐢᑯᑌᐤ ᐅ ᐋᐧᐢᑳᐦᐃᑲᓂᕽ ᐦᐁᓭᐃᓬ, ᐁᑯᓯ ᑭᑕ ᒣᐢᑎᑲᓴᒧᒪᑲᐣ ᐅ ᑭᐦᒋ ᐅᑭᒫᐃᐧᑲᒥᑲᐧ ᐯᐣᐦᐁᑖᐟ. 5ᓂ ᑲ ᐱᑯᓇᒫᐧᐣ ᒫᑲ ᐅᐟ ᐋᑖᐢᑯᐃᑲᐣ ᑕᒫᐢᑲᐢ, ᒥᓇ ᓂ ᑲ ᑭᐢᑭᐁᐧᐸᐋᐧᐤ ᑳ ᐅᐟ ᐃᐦᑖᐃᐧᓂᐟ ᐁᐱᐣ ᐊᐧᔭᑎᓈᕽ, ᒥᓇ ᐊᓇ ᑳ ᒥᒋᒥᓇᕽ ᑎᐯᔨᒋᑳᑲᐣ ᐅ ᐋᐧᐢᑳᐦᐃᑲᓂᕽ ᐃᑎᐣ ᐅᐦᒋ; ᐁᑯᓯ ᓯᕒᐃᔭ ᐊᔨᓯᔨᓂᐊᐧᐠ ᑭᑕ ᐃᑐᐦᑌᐊᐧᐠ ᐊᐊᐧᑳᑎᑯᐃᐧᓂᕽ ᐊᓂᑕ ᑲᕒ, ᐃᑌᐧᐤ ᑳ ᑎᐯᔨᐦᒋᑫᐟ.
6 #
ᐊᐩᓵᔭ 14:29-31; ᒉᕒᐃᒫᔭ 47:1-7; ᐃᓯᑭᐁᓬ 25:15-17; ᒍᐃᓬ 3:4-8; ᓭᐸᓈᔭ 2:4-7; ᓭᑲᕒᐋᔭ 9:5-7 ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ; ᓂᐢᑐ ᐅ ᐊᐧᓂᑐᑕᒧᐃᐧᓇ ᑫᓴ ᐅᐦᒋ, ᐁᐦᐁ, ᓀᐤ ᐅᐦᒋ, ᓇᒪᐃᐧᔭ ᓂ ᑲ ᐃᑲᑌᓇᒫᐧᐣ ᐅ ᑲᑫᐢᑭᒧᐦᐃᑯᐃᐧᐣ; ᒋᑫᒫ ᑭ ᓯᐯᐧᐦᑕᐦᐁᐊᐧᐠ ᐁ ᐊᐊᐧᑳᑖᒋᐠ ᒫᒪᐃᐧ ᐊᔨᓯᔨᓂᐊᐧ, ᑭᑕ ᐸᑭᑎᓇᒪᐋᐧᒋᐠ ᐃᑕᒪ; 7ᒫᑲ ᐃᐢᑯᑌᐤ ᓂ ᑲ ᐃᓯᑎᓴᐁᐣ ᑫᓴ ᒣᓂᐢᑭᑫᐃᐧᓂᕽ ᐁᑯᓯ ᑭᑕ ᒣᐢᑎᑲᓴᒧᒪᑲᐣ ᑭᐦᒋ ᐅᑭᒫᐃᐧᑲᒥᑲᐧ ᐁᑯᑕ; 8ᓂ ᑲ ᑭᐢᑭᐁᐧᐸᐋᐧᐤ ᒫᑲ ᑳ ᐅᐟ ᐃᐦᑖᐃᐧᓂᐟ ᐋᐢᑖᑎᕽ, ᒥᓇ ᐊᓇ ᑳ ᒥᒋᒥᓇᕽ ᑎᐯᔨᒋᑳᑲᐣ ᐋᐢᑭᓬᐊᐣ ᐅᐦᒋ; ᓂ ᑲ ᑫᐧᐢᑭᒋᐦᒉᔨᐢᑌᐣ ᒫᑲ ᐁᑲᕒᐊᐣ, ᐁᑯᓯ ᑳ ᐃᐢᑯᐃᐦᒋᐠ ᐱᓬᐃᐢᑎᓇᐠ ᑭᑕ ᓂᓯᐊᐧᓈᑎᓯᐊᐧᐠ, ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ.
9 #
ᐊᐩᓵᔭ 23:1-18; ᐃᓯᑭᐁᓬ 26:1—28:19; ᒍᐃᓬ 3:4-8; ᓭᑲᕒᐋᔭ 9:1-4; ᒫᐟᔪ 11:21,22; ᓬᐅᐠ 10:13,14 ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ; ᓂᐢᑐ ᐅ ᐊᐧᓂᑐᑕᒧᐃᐧᓇ ᑖᔭᕒ ᐅᐦᒋ, ᐁᐦᐁ, ᓀᐤ ᐅᐦᒋ, ᓇᒪᐃᐧᔭ ᓂ ᑲ ᐃᑲᑌᓇᒫᐧᐣ ᐅ ᑲᑫᐢᑭᒧᐦᐃᑯᐃᐧᐣ; ᒋᑫᒫ ᑭ ᐸᑭᑎᓇᒪᐁᐧᐊᐧᐠ ᐃᑕᒪ ᒫᒪᐤ ᐊᔨᓯᔨᓂᐊᐧ, ᒥᓇ ᓇᒪᐃᐧᔭ ᑭ ᑭᐢᑭᓯᑐᑕᒪᐧᐠ ᐅᒋᐋᐧᒥᑐᐃᐧ ᐃᐧᒋᐦᐃᓯᒋᑫᒥᑐᐃᐧᐣ; 10ᒫᑲ ᓂ ᑲ ᐃᓯᑎᓴᐁᐣ ᐃᐢᑯᑌᐤ ᑖᔭᕒ ᒣᓂᐢᑭᑫᐃᐧᓂᕽ, ᐁᑯᓯ ᑭᑕ ᒣᐢᑎᑲᓴᒧᒪᑲᐣ ᑭᐦᒋ ᐅᑭᒫᐃᐧᑲᒥᑲᐧ ᐁᑯᑕ.
11 #
ᐊᐩᓵᔭ 34:5-17; 63:1-6; ᒉᕒᐃᒫᔭ 49:7-22; ᐃᓯᑭᐁᓬ 25:12-14; 35:1-15; ᐅᐸᑖᔭ 1:1-14; ᒫᓬᐊᑲᐩ 1:2-5 ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ; ᓂᐢᑐ ᐅ ᐊᐧᓂᑐᑕᒧᐃᐧᓇ ᐃᑕᒼ ᐅᐦᒋ, ᐁᐦᐁ, ᓀᐤ ᐅᐦᒋ, ᓇᒪᐃᐧᔭ ᓂ ᑲ ᐃᑲᑌᓇᒫᐧᐣ ᐅ ᑲᑫᐢᑭᒧᐦᐃᑯᐃᐧᐣ; ᒋᑫᒫ ᑭ ᓇᐊᐧᓵᐧᑌᐤ ᐅᒋᐋᐧᒪ ᐃᓴᐁᐧᐢᐠ ᐅᐦᒋ ᐁᑯᓯ ᑭ ᐁᐧᐱᓇᒼ ᑲᐦᑭᔭᐤ ᓴᐃᐧᑌᐦᐁᐃᐧᐣ, ᒥᓇ ᐅ ᑭᓯᐋᐧᓯᐃᐧᐣ ᑕᐦᑭᓀ ᐁ ᔮᔨᑭᐱᒋᑫᒪᑲᓂᔨᐠ, ᐁᑯᓯ ᐁ ᑭ ᑲᓇᐁᐧᔨᑕᕽ ᐅ ᓇᔦᑖᐁᐧᔨᑕᒧᐃᐧᐣ ᑳᑭᑫ; 12ᒫᑲ ᐃᐢᑯᑌᐤ ᓂ ᑲ ᐃᓯᑎᓴᐦᐊᒪᐋᐧᐤ ᑎᒪᐣ, ᒥᓇ ᑭᑕ ᒣᐢᑎᑲᓴᒧᒪᑲᐣ ᐹᓴᕒᐊ ᑭᐦᒋ ᐅᑭᒫᐃᐧᑲᒥᑲᐧ.
13 #
ᒉᕒᐃᒫᔭ 49:1-6; ᐃᓯᑭᐁᓬ 21:28-32; 25:1-7; ᓭᐸᓈᔭ 2:8-11 ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ; ᓂᐢᑐ ᐅ ᐊᐧᓂᑐᑕᒧᐃᐧᓂᐋᐧᐊᐧ ᐋᒪᐣ ᐅᐟ ᐊᐋᐧᓯᒥᓴ ᐅᐦᒋ, ᐁᐦᐁ, ᓀᐤ ᐅᐦᒋ, ᓇᒪᐃᐧᔭ ᓂ ᑲ ᐃᑲᑌᓇᒫᐧᐣ ᐅ ᑲᑫᐢᑭᒧᐦᐃᑯᐃᐧᐣ; ᒋᑫᒫ ᐁ ᑭ ᑖᑐᓵᐋᐧᑖᒋᐠ ᐃᐢᑫᐧᐊᐧ ᑳ ᑭᑯᓭᔨᐟ ᐁᑯᑕ ᑭᓬᐃᔭᐟ, ᑭᑕ ᐃᓯ ᔭᑭᑖᒋᐠ ᐅᐟ ᐊᐢᑭᐋᐧᐤ; 14ᒫᑲ ᓂ ᑲ ᑳᐧᑯᑌᓀᐣ ᐃᐢᑯᑌᐤ ᕒᐋᐸ ᒣᓂᐢᑭᑫᐃᐧᓂᕽ, ᐁᑯᓯ ᑭᑕ ᒣᐢᑎᑲᓴᒧᒪᑲᐣ ᑭᐦᒋ ᐅᑭᒫᐃᐧᑲᒥᑲᐧ ᐁᑯᑕ, ᑭᑭ ᐁ ᓵᑯᐁᐧᕽ ᓄᑎᓂᑐᐃᐧᑭᓯᑳᑭ, ᑭᑭ ᐁ ᑭᐢᑎᕽ ᐱᓯᒍᓯᐃᐧ ᑭᓯᑳᑭ; 15ᐅ ᑭᐦᒋ ᐅᑭᒫᒥᐋᐧᐊᐧ ᒫᑲ ᑭᑕ ᐃᑐᐦᑌᔨᐊᐧ ᐊᐊᐧᑳᑎᑯᐃᐧᓂᕽ, ᐃᐧᔭ ᒥᓇ ᐅᑭᒫᒪ ᐊᓯᒋ, ᐃᑌᐧᐤ ᑳ ᑎᐯᔨᐦᒋᑫᐟ.
Iliyochaguliwa sasa
ᐁᒫᐢ 1: KKMs
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.