ᒍᐃᓬ 3
3
1ᒋᑫᒫ ᒫᑎᑲ, ᐁᑯᐢᐱ ᑲᑭᓯᑳᑭ, ᒥᓇ ᐁᑯᐢᐱ ᐊᓂᒪ, ᐃᐢᐱ ᒥᓇ ᐯ ᑭᐁᐧᑕᐊᑳᐧᐃᐧ ᑳ ᑭ ᐊᐊᐧᑳᑎᐦᒋᐠ ᒍᑕ ᒥᓇ ᒉᕒᐅᓴᓬᐊᒥᕽ ᐅᐦᒋ, 2ᓂ ᑲ ᒫᐊᐧᒋᐦᐋᐊᐧᐠ ᑲᐦᑭᔭᐤ ᑳ ᑕᐦᑐᐢᑳᓀᓯᒋᐠ ᐊᔨᓯᔨᓂᐊᐧᐠ, ᐁᑯᓯ ᓂ ᑲ ᐯᓯᐋᐧᐊᐧᐠ ᒋᐦᐋᓴᐹᐟ ᐋᐧᔭᑎᓈᕽ; ᐁᑯᑕ ᒫᑲ ᓂ ᑲ ᑭᑐᑖᐊᐧᐠ ᐁ ᐱᑭᐢᑫᐧᐢᑕᒪᐊᐧᑭᐠ ᓂᐟ ᐊᔨᓯᔨᓂᒪᐠ ᒥᓇ ᓂ ᑎᐯᔨᒫᑲᓇᐠ ᐃᐢᕒᐁᐃᓬ, ᑳ ᑭ ᓯᓭᐧᑎᓴᐋᐧᒋᐠ ᓇᓈᑐᑯᐢᑳᓀᓯᓈᕽ, ᒥᓇ ᑳ ᑭ ᓇᓈᓂᐢᒋᐦᑖᒋᐠ ᓂᐟ ᐊᐢᑭ. 3ᐁᑯᓯ ᑭ ᐊᐢᑖᐧᑐᐊᐧᐠ ᓂᐟ ᐊᔨᓯᔨᓂᒪ; ᒥᓇ ᓈᐯᓯᓴ ᑭ ᒣᑭᐊᐧᐠ ᐱᓯᑳᐧᑎᐢᑫᐧᐊᐧ ᐅᐦᒋ, ᒥᓇ ᐃᐢᑫᐧᓯᓴ ᓱᒥᓈᐳ ᐅᐦᒋ ᑭᑕ ᒥᓂᐦᑫᐧᒋᐠ.
4 #
ᐊᐩᓵᔭ 23:1-18; ᐃᓯᑭᐁᓬ 26:1—28:26; ᐁᒫᐢ 1:9,10; ᓭᑲᕒᐋᔭ 9:1-4; ᒫᐟᔪ 11:21,22; ᓬᐅᐠ 10:13,14 #
ᐊᐩᓵᔭ 14:29-31; ᒉᕒᐃᒫᔭ 47:1-7; ᐃᓯᑭᐁᓬ 25:15-17; ᐁᒫᐢ 1:6-8; ᓭᐸᓈᔭ 2:4-7; ᓭᑲᕒᐋᔭ 9:5-7 ᐁᐦᐁ, ᑖᓂᓯ ᒫᑲ ᑫ ᐃᑖᐸᒋᐃᑕᑯᐠ ᑭᔭᐋᐧᐤ ᑖᔭᕒ ᒥᓇ ᓴᐃᑕᐣ, ᒥᓇ ᑲᐦᑭᔭᐤ ᐱᓬᐃᐢᑎᔭ ᐊᐢᑭ? ᑭ ᑲ ᒥᔨᓈᐋᐧᐤ ᒋ ᑎᐸᐦᐊᒫᑫᐃᐧᐣ? ᑭᐢᐱᐣ ᒫᑲ ᑎᐸᐦᐊᒪᐃᐧᔦᑯ, ᑭᓯᐢᑳᐨ ᒥᓇ ᑭᔨᐸ ᑭ ᑲ ᑭᐁᐧᓇᒫᑎᓈᐋᐧᐤ ᑭ ᑎᐸᐦᐊᒫᑫᐃᐧᓂᐋᐧᐤ ᑭᔭᐋᐧᐤ ᑭᐢᑎᑳᐧᓂᐋᐧᕽ. 5ᒋᑫᒫ ᐁ ᑭ ᐅᑎᓈᔦᐠ ᓂ ᐋᐧᐱᐢᑭᓱᓂᔮᒼ ᒥᓇ ᓄᓵᐃᐧᓱᓂᔮᒼ, ᐁᑯᓯ ᑭᐟ ᐊᔭᒥᐦᐁᐃᐧᑲᒥᑯᐋᐧᕽ ᐁ ᑭ ᐃᑐᑕᑖᔦᐠ ᑳ ᒥᔦᐧᔨᑖᑲᐧᐦᑭ ᓂᐟ ᐊᔮᓇ; 6ᐅᐟ ᐊᐋᐧᓯᒥᓴ ᒍᑕ ᒥᓇ ᐊᓯᒋ ᐅᐟ ᐊᐋᐧᓯᒥᓴ ᒉᕒᐅᓴᓬᐊᒼ ᑭ ᑭ ᐊᑖᐋᐧᑳᓈᐋᐧᐤ ᑲᕒᐃᓯᔭᓇᐠ ᐁ ᒥᔮᔦᑯᐠ, ᑭᑕ ᐃᑲᑌᓈᔦᑯᐠ ᐋᐧᔭᐤ ᐅᐟ ᐊᐢᑭᐋᐧᕽ ᐅᐦᒋ; 7ᒫᑎᑲ, ᐁᑯᑕ ᑫ ᐅᐦᒋ ᐸᓯᑯᓇᑭᐠ ᐃᑕ ᑳ ᑭ ᐊᑖᐋᐧᑳᑖᔦᑯᐠ, ᐁᑯᓯ ᓂ ᑲ ᑭᐁᐧᑎᓴᐁᐣ ᑭ ᑎᐸᐦᐊᒫᑯᐃᐧᓂᐋᐧᐤ ᑭᐢᑎᑳᐧᓂᐋᐧᕽ; 8ᓂ ᑲ ᐊᑖᐋᐧᑳᐣ ᒫᑲ ᑭᑯᓯᓯᐋᐧᐊᐧᐠ ᒥᓇ ᑭᑖᓂᓯᐋᐧᐊᐧᐠ ᐅᒋᐦᒋᐋᐧᕽ ᒍᑕ ᐅᐟ ᐊᐋᐧᓯᒥᓴ, ᐁᑯᓯ ᑭᑕ ᐊᑖᒣᐊᐧᐠ ᓯᐸ ᐊᔨᓯᔨᓂᐊᐧ, ᑳ ᐱᐢᑭᑕᐢᑳᓀᓯᒋᐠ ᐋᐧᔭᐤ; ᒋᑫᒫ ᑳ ᑎᐯᔨᐦᒋᑫᐟ ᑭ ᐃᑌᐧᐤ.
9ᑌᐹᐧᑕᒧᐠ ᐅᒪ ᓇᓈᑐᑯᐢᑳᓀᓯᓈᕽ; ᐊᐧᐁᐧᔨᑲᑕᒧᐠ ᓇᑐᐸᔨᐃᐧᐣ; ᐅᐦᐯᐧᐃᑯᐠ ᑳ ᓱᑳᔭᐃᐧᓯᒋᐠ ᐊᔨᓯᔨᓂᐊᐧᐠ; ᑭᔮᒼ ᑲᐦᑭᔭᐤ ᓇᑐᐸᔨᐃᐧᔨᓂᐊᐧᐠ ᑭᓯᐋᐧᐠ ᑭᑕ ᐯ ᐃᑐᐦᑌᐊᐧᐠ, ᑭᔮᒼ ᑭᑕ ᐯ ᐃᑐᐦᑌᐊᐧᐠ. 10#ᐊᐩᓵᔭ 2:4; ᒪᐃᑲ 4:3ᑭ ᐱᑯᐱᒋᑲᓇᓯᑲᓂᐋᐧᐊᐧ ᓯᒫᑲᓂᑯᒫᓂᕽ ᐃᑕᑕᐊᒧᐠ, ᒥᓇ ᑭ ᒧᓴᐊᐧᑎᑲᐧᓇᐃᑲᓂᐋᐧᐊᐧ ᑕᐦᑲᒋᑲᓂᕽ; ᑭᔮᒼ ᑳ ᓀᓱᐃᐧᓯᐟ, ᓂ ᒪᐢᑲᐃᐧᓯᐣ ᑭᑕ ᐃᑌᐧᐤ. 11ᑲᑫᐧᔭᐦᐅᐠ ᒥᓇ ᐯ ᐃᑐᐦᑌᐠ, ᑲᐦᑭᔭᐤ ᑭᔭᐋᐧᐤ ᓇᓈᑐᑯᐢᑳᐣ ᐊᔨᓯᔨᓂᐊᐧᐠ ᐋᐧᐢᑳ ᑳ ᐊᔮᔦᐠ, ᒥᓇ ᒫᐊᐧᒋᐦᐃᑐᐠ; ᐁᑯᑌ ᑭ ᓱᑳᔭᐃᐧᓯᒪᐠ ᐯ ᐃᑐᑕᐃᐠ, ᑳ ᑎᐯᔨᐦᒋᑫᔭᐣ. 12ᑭᔮᒼ ᑳ ᓇᓈᑐᑯᐢᑳᓀᓯᒋᐠ ᐊᔨᓯᔨᓂᐊᐧᐠ ᑭᑕ ᐊᐧᐢᑲᐃᐧᐊᐧᐠ, ᒥᓇ ᑭᑕ ᐯ ᐃᑐᐦᑌᐊᐧᐠ ᒋᐦᐋᓴᐹᐟ ᐋᐧᔭᑎᓈᕽ; ᒋᑫᒫ ᐁᑯᑕ ᑫ ᐊᐱᔮᐣ ᑭᑕ ᐅᔭᓱᐋᐧᑕᑭᐠ ᑲᐦᑭᔭᐤ ᑳ ᓇᓈᑐᑯᐢᑳᓀᓯᒋᐠ ᐋᐧᐢᑳ. 13#ᑭᐢᑫᔨᐦᑖᑯᐦᑫᐃᐧᐣ 14:14-16; ᑭᐢᑫᔨᐦᑖᑯᐦᑫᐃᐧᐣ 14:19,20; 19:15ᐁᑲᐧ ᓭᑲᐧᐢᑭᓇᒧᐠ ᑭᐢᑲᐢᑯᓯᐊᐧᓯᑲᐣ, ᒋᑫᒫ ᓵᓴᐩ ᒫᐊᐧᒋᒋᑫᐃᐧᐣ ᐊᑎᑌᐤ; ᐋᐢᑕᒥᑎᐠ, ᒫᒫᑯᐢᑲᒧᐠ; ᒋᑫᒫ ᓱᒥᓈᐳᐃᐧᒫᑯᐃᑲᐣ ᒧᐢᑭᓀᐤ, ᒥᓇ ᐊᐢᑐᐹᓇ ᓵᒪᐢᑭᓀᐯᐊᐧ; ᒋᑫᒫ ᐅ ᒪᒑᔨᐃᐧᓂᐋᐧᐤ ᒥᓵᔨᐤ.
14ᐅᓵᒣᔭᑎᐊᐧᐠ, ᐅᓵᒣᔭᑎᐊᐧᐠ, ᑭᓭᔨᑕᒧᐃᐧ ᐋᐧᔭᑎᓈᕽ! ᒋᑫᒫ ᐅ ᑭᓯᑳᒼ ᑳ ᑎᐯᔨᐦᒋᑫᐟ ᐯᓱᓈᑲᐧᓂᔨᐤ ᑭᓭᔨᑕᒧᐃᐧ ᐋᐧᔭᑎᓈᕽ. 15ᑭᓯᑳᐃᐧᐱᓯᒼ ᒥᓇ ᑎᐱᐢᑳᐃᐧᐱᓯᒼ ᐊᐧᓂᑎᐱᐢᑭᓯᐊᐧᐠ, ᒥᓇ ᐊᒐᐦᑯᓴᐠ ᑭᐱᑎᓇᒪᐧᐠ ᐅ ᐋᐧᓯᓱᐃᐧᓂᐋᐧᐤ. 16#ᐁᒫᐢ 1:2ᐁᑯᓯ ᑳ ᑎᐯᔨᐦᒋᑫᐟ ᑭᑕ ᐯᐦᑖᑯᓯᐤ ᓵᔭᓂᕽ ᐅᐦᒋ, ᒥᓇ ᑭᑕ ᑌᐯᐧᐤ ᒉᕒᐅᓴᓬᐊᒥᕽ ᐅᐦᒋ; ᑭᓯᑲᐧ ᒫᑲ ᒥᓇ ᐊᐢᑭ ᑭᑕ ᓇᓇᒥᐸᔨᐊᐧ, ᒫᑲ ᑳ ᑎᐯᔨᐦᒋᑫᐟ ᑭᑕ ᓈᑖᒧᑐᑖᐠ ᐅᐟ ᐊᔨᓯᔨᓂᒪ, ᒥᓇ ᑭᑕ ᐅ ᓱᑳᔭᐃᐧᑲᒥᑯᐊᐧᐠ ᐅᐟ ᐊᐋᐧᓯᒥᓴ ᐃᐢᕒᐁᐃᓬ. 17ᐁᑯᓯ ᒫᑲ ᑭ ᑲ ᑭᐢᑫᔨᑌᓈᐋᐧᐤ ᓂᔭ ᐁᐊᐧᑯ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ, ᓵᔭᓂᕽ ᐁ ᐊᔮᔮᐣ ᓂ ᑲᓈᒋᐊᐧᒋᒥᕽ; ᐁᑲᐧ ᒉᕒᐅᓴᓬᐊᒼ ᑭᑕ ᑲᓈᑕᐣ, ᒥᓇ ᓇᒪᐃᐧᑳᐨ ᒫᓂᑌᐊᐧᐠ ᑭᑕ ᐱᒥ ᓵᐳᐢᑲᒪᐧᐠ.
18ᑭᑕ ᐃᐦᑭᐣ ᒫᑲ ᐁᐊᐧᑯ ᑭᓯᑳᑭ, ᐊᐧᒋᔭ ᑭᑕ ᐹᐸᐦᑭᑲᐊᐧᓇᐧ ᐁ ᐃᐧᑲᓯᐠ ᓱᒥᓈᐳ, ᒥᓇ ᒑᑲᑎᓈᐊᐧ ᑭᑕ ᐅᐦᒋᒋᐊᐧᐣ ᑐᐦᑐᓵᐳ, ᒥᓇ ᑲᐦᑭᔭᐤ ᓯᐱᓯᓯᕽ ᒍᑕᐃᕽ ᓂᐱᔭ ᑭᑕ ᐱᒥᒋᐊᐧᓇᐧ; ᐁᑯᓯ ᑳ ᑎᐯᔨᐦᒋᑫᐟ ᐅ ᐋᐧᐢᑳᐦᐃᑲᓂᕽ ᑭᑕ ᐯ ᐅᐦᒋ ᒧᐦᑭᒋᐊᐧᐣ, ᒥᓇ ᑭᑕ ᐅᐦᒋ ᓂᐲᐢᑳᐤ ᓯᑎᒼ ᐊᐧᔭᑎᓈᐤ. 19ᐃᒋᑊᐟ ᑭᑕ ᓯᑲᐊᐧᐢᑲᒋᑳᑌᐤ, ᒥᓇ ᐃᑕᒼ ᑳ ᓯᑲᐊᐧᐢᑲᒋᑳᑌᐠ ᐱᑲᐧᑕᐢᑭ, ᐊᓂᒪ ᐅᐦᒋ ᑳ ᒫᔨᑐᑖᒋᐠ ᒍᑕ ᐅᐟ ᐊᐋᐧᓯᒥᓴ, ᒋᑫᒫ ᑭ ᓯᑭᓇᒪᐧᐠ ᐯᐦᑳᑎᓯᐃᐧ ᒥᐦᑯ ᐅᐟ ᐊᐢᑭᔨᕽ. 20ᒫᑲ ᐃᐧᔭ ᒍᑕ ᑳᑭᑫ ᑭᑕ ᐅᐟ ᐃᐦᑖᐃᐧᓂᐤ, ᒥᓇ ᒉᕒᐅᓴᓬᐊᒼ ᐁ ᐊᑎ ᐋᔮᓂᐢᑫ ᓂᐦᑖᐃᐧᑭᕽ. 21ᓂ ᑲ ᐯᑭᑖᐋᐧᐣ ᒫᑲ ᐅ ᒥᐦᑯᐋᐧᐤ ᐁᑳ ᑳ ᑭ ᐯᑭᑖᐊᐧᐠ; ᒋᑫᒫ ᑳ ᑎᐯᔨᐦᒋᑫᐟ ᓵᔭᓂᕽ ᐊᔮᐤ.
Iliyochaguliwa sasa
ᒍᐃᓬ 3: KKMs
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.