ᐁᒫᐢ 2
2
1 #
ᐊᐩᓵᔭ 15:1—16:14; 25:10-12; ᒉᕒᐃᒫᔭ 48:1-47; ᐃᓯᑭᐁᓬ 25:8-11; ᓭᐸᓈᔭ 2:8-11 ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ; ᓂᐢᑐ ᐅ ᐊᐧᓂᑐᑕᒧᐃᐧᓇ ᒧᐋᑊ ᐅᐦᒋ, ᐁᐦᐁ, ᓀᐤ ᐅᐦᒋ, ᓇᒪᐃᐧᔭ ᓂ ᑲ ᐃᑲᑌᓇᒫᐧᐣ ᐅ ᑲᑫᐢᑭᒧᐦᐃᑯᐃᐧᐣ; ᒋᑫᒫ ᑭ ᑭᓯᓴᒣᐧᐤ ᐅᐢᑲᓂᔨᐊᐧ ᐃᑕᒼ ᑭᐦᒋ ᐅᑭᒫᐊᐧ ᐁ ᑲᐢᑳᐸᑐᓂᑲᓯᑳᑫᐟ: 2ᒫᑲ ᓂ ᑲ ᐃᓯᑎᓴᐦᐊᒪᐋᐧᐤ ᐃᐢᑯᑌᐤ ᒧᐋᑊ, ᐁᑯᓯ ᑭᑕ ᒣᐢᑎᑲᓴᒧᒪᑲᐣ ᑭᐦᒋ ᐅᑭᒫᐃᐧᑲᒥᑲᐧ ᐊᓂᑕ ᑫᕒᐃᔮᐦᐟ; ᐁᑯᓯ ᒧᐋᑊ ᑭᑕ ᓂᐱᐤ ᑭᑭ ᒥᑯᐢᑳᑕᑲᒥᑭᓯᐃᐧᐣ ᒥᓇ ᓵᐦᑯᐁᐧᐃᐧᐣ, ᒥᓇ ᐁ ᐯᑖᑲᐧᕽ ᐱᐱᑲᐧᐣ; 3ᓂ ᑲ ᑭᐢᑭᐁᐧᐸᐋᐧᐤ ᒫᑲ ᐅᔭᓱᐁᐧᐃᐧᑭᒫᐤ ᒣᑳᐧᐨ ᐁᑯᑕ, ᒥᓇ ᓂ ᑲ ᓂᐸᐦᐋᐊᐧᐠ ᑭᑭ ᑲᐦᑭᔭᐤ ᐅᑭᒫᐊᐧᐠ ᐁᑯᑕ, ᐃᑌᐧᐤ ᑳ ᑎᐯᔨᐦᒋᑫᐟ.
4ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ; ᓂᐢᑐ ᐅ ᐊᐧᓂᑐᑕᒧᐃᐧᓇ ᒍᑕ ᐅᐦᒋ, ᐁᐦᐁ, ᓀᐤ ᐅᐦᒋ, ᓇᒪᐃᐧᔭ ᓂ ᑲ ᐃᑲᑌᓇᒪᐋᐧᐤ ᐅ ᑲᑫᐢᑭᒧᐦᐃᑯᐃᐧᐣ; ᒋᑫᒫ ᑭ ᐋᑕᐁᐧᔨᑕᒣᐧᐊᐧᐠ ᐅᔭᓱᐁᐧᐃᐧᓂᔨᐤ ᑳ ᑎᐯᔨᐦᒋᑫᔨᐟ, ᒥᓇ ᓇᒪᐃᐧᔭ ᐅᐦᒋ ᒥᑎᒣᐊᐧᐠ ᐅ ᑲᑫᐢᑫᐧᐃᐧᓂᔨᐊᐧ, ᐁᑯᓯ ᐅ ᑭᔮᐢᑭᐃᐧᓂᐋᐧᐊᐧ ᑭ ᐊᐧᓂᓯᓄᑕᐃᑲᐧᐠ, ᐊᓂᒪ ᑳ ᑭ ᐃᓯ ᐱᒧᐦᑌᔨᐟ ᐅᑖᐃᐧᐋᐧᐊᐧ; 5ᒫᑲ ᓂ ᑲ ᐃᓯᑎᓴᐦᐊᒪᐋᐧᐤ ᐃᐢᑯᑌᐤ ᒍᑕ, ᐁᑯᓯ ᑭᑕ ᒣᐢᑎᑲᓴᒧᒪᑲᐣ ᑭᐦᒋ ᐅᑭᒫᐃᐧᑲᒥᑲᐧ ᒉᕒᐅᓴᓬᐊᒥᕽ.
6ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ; ᓂᐢᑐ ᐅ ᐊᐧᓂᑐᑕᒧᐃᐧᓇ ᐃᐢᕒᐁᐃᓬ ᐅᐦᒋ, ᐁᐦᐁ ᓀᐤ ᐅᐦᒋ, ᓇᒪᐃᐧᔭ ᓂ ᑲ ᐃᑲᑌᓇᒫᐧᐣ ᐅ ᑲᑫᐢᑭᒧᐦᐃᑯᐃᐧᐣ; ᒋᑫᒫ ᑭ ᐊᑖᐋᐧᑫᐊᐧᐠ ᐅᑲᐧᔭᐢᑭᑖᑎᓯᐊᐧ ᐋᐧᐱᐢᑭᓱᓂᔮᐊᐧ ᑭᑕ ᐅᐦᑎᓯᒋᐠ, ᒥᓇ ᑳ ᑭᑎᒫᑭᓯᔨᐟ ᐯᔭᑯᐢᑭᓯᐣ ᒪᐢᑭᓯᓇ ᒥᐢᑯᐨ: 7ᑳ ᐊᑳᐋᐧᑕᑭᐠ ᑭᑕ ᐊᓯᑕᐢᑲᒥᑭᐢᑎᑳᐧᓀᐢᑲᐋᐧᒋᐠ ᐅᑭᑎᒫᑭᓯᐊᐧ, ᒥᓇ ᑳ ᐸᐢᑫᑎᓴᐋᐧᒋᐠ ᑳ ᔪᐢᑳᑎᓯᔨᐟ; ᐁᑯᓯ ᒥᓇ ᓈᐯᐤ ᒥᓇ ᐅᑖᐃᐧᔭ ᑭᑕ ᐯᔭᑯᐁᐊᐧᐠ ᐃᐢᑫᐧᐊᐧ, ᑭᑕ ᐃᐧᓀᔨᑖᑯᑖᒋᐠ ᑳ ᑲᓈᑕᕽ ᓂ ᐃᐧᔪᐃᐧᐣ; 8ᐁᑯᓯ ᐊᓈᐢᑲᓱᐊᐧᐠ ᒋᑭ ᑲᐦᑭᔭᐤ ᐸᑭᑎᓈᓱᐃᐧᓈᐱᐢᐠ ᐊᔪᐃᐧᓂᓴ ᐁ ᑭ ᐊᐢᐱᒪᓯᓇᐦᐃᑫᐃᐧᐦᐟ, ᒥᓇ ᐅ ᐋᐧᐢᑳᐦᐃᑲᓂᔨᕽ ᐅ ᑭᓭᒪᓂᑐᒥᐋᐧᐊᐧ ᒥᓂᐦᑫᐧᐊᐧᐠ ᐅ ᓱᒥᓈᐳᒥᔨᐤ ᐊᓂᐦᐃ ᑳ ᑭ ᑎᐸᐦᐃᑫᐃᒥᐦᐟ.
9 #
ᑎᔪᑕᕒᐊᓇᒥ 3:8-11
ᐁᔨᐁᐧᕽ ᒫᑲ ᓂ ᑭ ᓂᓯᐊᐧᓈᒋᐃᒫᐊᐧ ᐊᓂᐦᐃ ᐋᒪᕒᐊᐃᑕ ᐅ ᓂᑳᓂᒥᐋᐧᕽ, ᑳ ᑭ ᐃᐢᑯᑳᐸᐃᐧᔨᐟ ᑖᐱᐢᑯᐨ ᒫᓯᑭᐢᑳᑎᑲᐧ, ᒥᓇ ᑳ ᑭ ᒪᐢᑲᐃᐧᓯᔨᐟ ᑖᐱᐢᑯᐨ ᒪᐢᑲᐋᑎᑲᐧ; ᐁᔨᐁᐧᕽ ᒫᑲ ᓂ ᑭ ᓂᓯᐊᐧᓈᒋᐦᑖᐋᐧᐣ ᐅ ᒥᓂᓯᐃᐧᐃᐧᐣ ᐃᐢᐱᒥᕽ ᐅᐦᒋ, ᒥᓇ ᐅᒉᐱᑲ ᐊᑖᒥᕽ ᐅᐦᒋ. 10ᐁᑯᓯ ᒥᓇ ᐃᒋᑊᐟ ᐊᐢᑭᕽ ᑭ ᑭ ᐯ ᐅᐦᑐᑕᐃᑎᓈᐋᐧᐤ, ᒥᓇ ᓀᒥᑕᓇᐤ ᐊᐢᑭ ᑭ ᑭ ᑭᐢᑭᓄᑕᐃᑎᓈᐋᐧᐤ ᐱᑲᐧᑕᐢᑭᕽ, ᑭᑕ ᐊᔮᐋᐧᔦᐠ ᐋᒪᕒᐊᐃᐟ ᐅᐟ ᐊᐢᑭ.
11 #
ᓇᒼᐸᕒᐢ 6:1-8
ᒥᓇ ᑭᑯᓯᓯᐋᐧᐊᐧᐠ ᐅᐦᒋ ᓂ ᑭ ᐸᓯᑯᓈᐊᐧᐠ ᑭᑕ ᑭᐢᑭᐁᐧᐦᐃᑫᐃᐧᔨᓂᐃᐧᒋᐠ, ᒥᓇ ᑯᐢᑭᓂᑭᒥᐋᐧᐊᐧᐠ ᑭᑕ ᓈᓴᕒᐊᐃᑎᐃᐧᒋᐠ. ᓇᒪ ᒋ ᐁᑯᓯ, ᑭᔭᐋᐧᐤ ᐃᐢᕒᐁᐃᓬ ᐅᐟ ᐊᐋᐧᓯᒥᓴ? ᐃᑌᐧᐤ ᑳ ᑎᐯᔨᐦᒋᑫᐟ. 12ᒫᑲ ᑭ ᑭ ᒥᔮᐋᐧᐊᐧᐠ ᓈᓴᕒᐊᐃᑕᐠ ᓱᒥᓈᐳ ᑭᑕ ᒥᓂᐦᑫᐧᒋᐠ; ᒥᓇ ᑭ ᑭ ᐅᔭᓱᐋᐧᑖᐋᐧᐊᐧᐠ ᐅᑭᐢᑭᐁᐧᐦᐃᑫᐊᐧᐠ, ᐁ ᐃᑌᐧᔦᐠ, ᐁᑳᐃᐧᔭ ᑭᐢᑭᐁᐧᐦᐃᑫᐠ.
13ᒫᑎᑲ, ᑭ ᑲ ᒫᑯᓂᑎᓈᐋᐧᐤ ᑭᐟ ᐃᐦᑖᐃᐧᓂᐋᐧᕽ ᑖᐱᐢᑯᐨ ᑎᑎᐱᑖᐸᓈᐢᐠ ᐁ ᒫᑯᐢᑯᓱᐟ ᑭᐢᑎᑳᐣ ᐊᓴᐱᒋᑲᓇ. 14ᐁᑯᓯ ᑕᐸᓯᐦᐃᐧᐣ ᑭᑕ ᓄᐦᑌᐸᔨᐃᐠ ᑳ ᒥᐦᑲᐃᐧᑭᐟ, ᒥᓇ ᑳ ᒪᐢᑲᐃᐧᓯᐟ ᓇᒪᐃᐧᔭ ᑭᑕ ᑭ ᓱᐦᑭᐤ, ᓇᒪᐃᐧᔭ ᒥᓇ ᑳ ᓱᑳᔭᐃᐧᓯᐟ ᑭᑕ ᑭ ᐸᐢᐱᐦᐃᓱ; 15ᐊᐦᐳ ᓇᒪᐃᐧᔭ ᑭᑕ ᓂᐸᐃᐧᐤ ᑳ ᒥᒋᒥᓈᐟ ᐊᐦᒑᐱᔭ; ᒥᓇ ᐊᓇ ᑳ ᒥᐦᑲᐃᐧᑭᐟ ᓇᒪᐃᐧᔭ ᑭᑕ ᐸᐢᐱᐦᐃᓱ; ᐊᐦᐳ ᐊᓇ ᑳ ᑌᐦᑕᐱᐟ ᒥᐢᑕᑎᒪᐧ ᓇᒪᐃᐧᔭ ᑭᑕ ᐸᐢᐱᐦᐃᓱ: 16ᐊᓇ ᒫᑲ ᑳ ᓱᑫᔨᒧᐟ ᓱᑳᔭᐃᐧᓯᓈᕽ ᑭᑕ ᒧᓭᐢᑲᑌᔮᒧ ᐁᐊᐧᑯ ᑭᓯᑳᑭ, ᐃᑌᐧᐤ ᑳ ᑎᐯᔨᐦᒋᑫᐟ.
Iliyochaguliwa sasa
ᐁᒫᐢ 2: KKMs
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.