2 KORINTHIAMI Kilethi Tsa
Kilethi Tsa
Korinthiami lau Paul Yesu Akiniu ye Korinthia kukuho sasu kumthakile ake ghuloki lono yeke. Akukuho tipaulo khamino Paul shou atsa muka mughai piveke,ikemu Paul ye kulashive nikeu mlo ghime pephe piye eno tishiluve kelo pa lokivi kije shive keu piyeke.
Yesu amqo atughulo Paul no Korinthia kukuho sasu kusukidi chekeu pi, akukuholo tuchilekeu eno thaigha keu shou paye mughachhoi peithave keuye kiu ghenguno keno tipau lhepiye eno tipau vechewo xakide ighi eno alashi keulo pa lokivi shiluve keu pike. Tipathiu pano akukuhou vilo Judia lo Khristomi no avehupu shi akeulo kupukuno shi akumllagho kuphu tsulo pi qhuiniju. Akiyedo shekhau Paul no Korinthia lo timi khamino panoqouno apostolmi kuchou puzu Paul ye kichileu apostolmi kepi nguku keulo pa likhi pa sushoke.
Supuakeu Xuagha
Kilethisukeu 1.1-11
Paul ngo Korinthia lo Akukuhou 1.12—7.16
Judia lo Khristomi ghengu Akumllagho 8.1—9.15
Paul no pano Apostol shiakeu kuka shokha 10.1—13.10
Kishekha keu 13.11-14
Iliyochaguliwa sasa
2 KORINTHIAMI Kilethi Tsa: SUMIBSI
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.