1 KORINTHIAMI 5
5
Akukuholo Kipti toti Mithekumo
1Mtsuqheyino nongu gholo kipti toti dolo mithemovekeu pi-ighivae, eno tikithipuye Alhou mthakemi gholo ghi khilemu shichemokeu ghilike: tiye timi lakhino papuh nipu sasu kughuna akeu ivilo pivae! #Zaki 22.30 2Ikeghi nonguye kishi puzu amlo ghimeshi kepu suwo akuchhomashi ani kya? Timi khuno hikithipu kumla shipuani keno nonguqo gholono hapheve kepue. 3Kughengu iphimpiye nongu gholo kuha kemu imloye nongu gholo ani, eno nongu sasu aghi keaye, Ampeu Jisu je lono timi khuno hikithipu kumla shipuani keno tipau shou niye kughathabeve aghini cheke. 4Kughou nonguno kuhokumqo keno imloye tilau nongu sasu ani tiye ningu Mipeu Jisu no ningu sasu akeu kuka lono, 5ike timi tipau huye aphi-ashi kutsavepe nike nonguye pa ikhiphepe Satan tsuvelo, tishianguno Ampeu Tsalani pa ghungu xalutsu penike.
6Nonguye qheza kuzupu kumoe. Kholaqhi kitilano asho kunupe puakeu kuchopu ingughuyivetsu chekeu nonguye mtha kesha? 7Nonguye asho kukunu akitheu tsughukhuyi shinike ghenguno axine shipe chekeu kholaqhi aqau huye ikhi kimthevelo. Kuchouno nonguye kholaqhi sumokeu tsughukhuyi kepi ino ithi ani, kughengu ningu Hechekulu Ghulhu bheriye Khristo ke, paye ningu ghenguno heqhi pesu mllavae. #Ipe 12.5 8Tighenguno ninguye kholaqhi aqau, ti axine eno mithemokeu pesu hipau ghulhu shimoni, ikemu kholaqhi kuhakeu sho, ti mutsumishei eno kuchou pesu hipau ghulhu shinie! #Ipe 13.7; Zaki 16.3
9Ino nongu lau yesu yekeu lono piveake, mithemokemi sasu kuposhu kevilo. 10Niye ayeghiqhalo mithemokemiqo piamoe, momu aghukha shikemi momu pukaqhi chekemi momu Alhou nguno ajulho kutau mllachekemi piamoe. Tishinikelo nonguye ayeghiqha hipau launo chevemasa kepu shive nani. 11Tikumoe, ikemu ino nongu lau yekeuye hike: timi khuuno paye athikuzumi lakhi kepi picheni ikemu kiptitoti dolo mithemokeu shicheni, aghukha shicheni, Alhou nguno ajulho kutau mlla cheni momu kutami thaigha cheni, shomzu cheni, pukaqhi cheni ishi keno nonguye timi tipau sasu kuposhu kevilo. Tikithipu timiye sasu kuchu-kusho ghi kumtsa shikevilo. 12-13Kughengu niye kushiniye ashoumiqo shou kughathabe ani kya? Ashoumiqoye Alhou no kughathabe nani, ikemu nonguye akukuho alou akemiqo shouye kughathabe moni kesha? “Lhoksa-kughau timi huye nongu gholono haphevelo.” #Zaki 13.5
Iliyochaguliwa sasa
1 KORINTHIAMI 5: SUMIBSI
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.