Zabbu̱li̱ 72
72
Zabbu̱li̱ gya Sulumaani.
1Ai̱ Ruhanga, ha Mukama b̯winganiza b̯wamu,
na b̯unanu b̯wamu hali mwana wa mu kikaali!
2Leka aramurenge bantu baamu na mananu,
baseege baamu abacungure na b̯winganiza!
3Leka nsahu zileeteho ku̱hwa,
mu mbamba habbemwo bijuma bya mananu.
4Leka alwaniire b̯winganiza b̯wa b̯anaku mu bantu baamu,
kandi ocungure baana ba baseege,
aswaswane bakubamigiriza.
5Leka bakutekengemwo ki̱ti̱i̱ni̱sa kalyoba nikakusuuka,
na mu kwaka kwa mweri̱, ku̱doosya mi̱hi̱hi̱ myensei̱.
6Leke b̯u̱lemi̱ b̯wamwe b̯ubbe nka ndagali̱ gi̱gwi̱ri̱ mu musiri,
abbe nka meezi̱ galimwo ku̱lu̱bya itehe.
7Leka mu biro bi̱byo habbeho mananu,
kandi habbeho b̯u̱si̱nge ku̱doosya mweri̱ b̯ugulimalikaho.
8Leka aleme kuruga ha mataka kudwa ha mataka,
kandi kuruga ha Mugira Efu̱raati̱ kudwa ha mmaliiro gya nsi!
9Leka bantu ba mu nsi gya ndala bamugondere,
kandi banyanzigwa baamwe bei̱ze hali yo nibakwagula mwicuucu.
10Leka bakama ba Tarasi̱i̱si̱ na ba mu bi̱zi̱nga,
bamu̱leetere bisembu,
bakama ba Sebba na Seba
nabo balimuletera bya b̯u̱gu̱u̱da.
11Bakama bensei̱ beetu̱lu̱ke hansi,
kandi mahanga gensei̱ gamuheereze.
12Alijuna baseege bakutaaga,
na batakwesobora.
13Aganyire baceke na bakwetaaga,
bakwetaaga abajune lu̱ku̱u̱.
14Abacungure kuruga mu kumigirizib̯wa na mu b̯wemi̱,
kubba ibbanga lyab̯u lili lya muhendu mu mei̱so gaamwe.
15Womeera biro binene!
Leka bamuhe zaabbu kuruga mu Sebba.
Leka bantu beicale nibamusabiranga,
ni̱bamu̱si̱i̱ma b̯u̱kakeeri̱.
16Leka nsi gibbe na magesa ga mpuule zinene,
na nsahu zibbumbwe na bilimwa.
Leka bijuma byaho bi̱nyengetere nka lebbanooni̱,
leka bantu bakanye mu rub̯uga nka isubi lya mu ndimiro.
17Leka ibara lyamwe liicaleho biro byensei̱,
libbeho paka kudwa lyoba kumalika,
aleke bantu bamwi̱zu̱kenge,
nibacaali boomi.
18Ahaariizwe Mukama Ruhanga wʼI̱saleeri̱,
yogwo yankei akora bi̱ku̱hu̱u̱ni̱ri̱za.
19Ibara lyamwe lihaariizwe biro byensei̱,
aleke nsi gyensei̱ gizulemwo ki̱ti̱i̱ni̱sa kyamwe.
Ami̱i̱na kandi Ami̱i̱na.
20Haha hooho kusaba kwa Dau̱di̱ mu̱tabani̱ wa Yese ku̱mali̱ki̱i̱ri̱.
Iliyochaguliwa sasa
Zabbu̱li̱ 72: LUGUNGU
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025, Wycliffe Bible Translators, Inc. All rights reserved.
Zabbu̱li̱ 72
72
Zabbu̱li̱ gya Sulumaani.
1Ai̱ Ruhanga, ha Mukama b̯winganiza b̯wamu,
na b̯unanu b̯wamu hali mwana wa mu kikaali!
2Leka aramurenge bantu baamu na mananu,
baseege baamu abacungure na b̯winganiza!
3Leka nsahu zileeteho ku̱hwa,
mu mbamba habbemwo bijuma bya mananu.
4Leka alwaniire b̯winganiza b̯wa b̯anaku mu bantu baamu,
kandi ocungure baana ba baseege,
aswaswane bakubamigiriza.
5Leka bakutekengemwo ki̱ti̱i̱ni̱sa kalyoba nikakusuuka,
na mu kwaka kwa mweri̱, ku̱doosya mi̱hi̱hi̱ myensei̱.
6Leke b̯u̱lemi̱ b̯wamwe b̯ubbe nka ndagali̱ gi̱gwi̱ri̱ mu musiri,
abbe nka meezi̱ galimwo ku̱lu̱bya itehe.
7Leka mu biro bi̱byo habbeho mananu,
kandi habbeho b̯u̱si̱nge ku̱doosya mweri̱ b̯ugulimalikaho.
8Leka aleme kuruga ha mataka kudwa ha mataka,
kandi kuruga ha Mugira Efu̱raati̱ kudwa ha mmaliiro gya nsi!
9Leka bantu ba mu nsi gya ndala bamugondere,
kandi banyanzigwa baamwe bei̱ze hali yo nibakwagula mwicuucu.
10Leka bakama ba Tarasi̱i̱si̱ na ba mu bi̱zi̱nga,
bamu̱leetere bisembu,
bakama ba Sebba na Seba
nabo balimuletera bya b̯u̱gu̱u̱da.
11Bakama bensei̱ beetu̱lu̱ke hansi,
kandi mahanga gensei̱ gamuheereze.
12Alijuna baseege bakutaaga,
na batakwesobora.
13Aganyire baceke na bakwetaaga,
bakwetaaga abajune lu̱ku̱u̱.
14Abacungure kuruga mu kumigirizib̯wa na mu b̯wemi̱,
kubba ibbanga lyab̯u lili lya muhendu mu mei̱so gaamwe.
15Womeera biro binene!
Leka bamuhe zaabbu kuruga mu Sebba.
Leka bantu beicale nibamusabiranga,
ni̱bamu̱si̱i̱ma b̯u̱kakeeri̱.
16Leka nsi gibbe na magesa ga mpuule zinene,
na nsahu zibbumbwe na bilimwa.
Leka bijuma byaho bi̱nyengetere nka lebbanooni̱,
leka bantu bakanye mu rub̯uga nka isubi lya mu ndimiro.
17Leka ibara lyamwe liicaleho biro byensei̱,
libbeho paka kudwa lyoba kumalika,
aleke bantu bamwi̱zu̱kenge,
nibacaali boomi.
18Ahaariizwe Mukama Ruhanga wʼI̱saleeri̱,
yogwo yankei akora bi̱ku̱hu̱u̱ni̱ri̱za.
19Ibara lyamwe lihaariizwe biro byensei̱,
aleke nsi gyensei̱ gizulemwo ki̱ti̱i̱ni̱sa kyamwe.
Ami̱i̱na kandi Ami̱i̱na.
20Haha hooho kusaba kwa Dau̱di̱ mu̱tabani̱ wa Yese ku̱mali̱ki̱i̱ri̱.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025, Wycliffe Bible Translators, Inc. All rights reserved.