Zabbu̱li̱ 71
71
1Ai̱ Mukama mu weewe, hooho nzi̱ru̱ki̱i̱ri̱,
otandeka nkaswara.
2Onjune kandi oncungure hab̯wa mananu gaamu,
ntegera mapokopo gaamu, onjune!
3Mbeera lubbaali lwa kwebi̱si̱ramwo,
ha nkusobora kugyendanga,
hu̱lu̱kya kiragiro kya kunjuna,
bba lubbaali lwange kandi lugo lwange.
4Ai̱ Ruhanga wange, ncungura kuruga mu mikono mya nkori̱ za bibii,
oncungure kuruga mu mikono mya bantu babiibi na badulu ba bbuuru.
5Hab̯wakubba Mukama weewe ku̱ni̱hi̱ra kwange,
hanteeka b̯u̱si̱gi̱ki̱ro kuruga mu b̯uto b̯wange.
6B̯womi b̯wange b̯wensei̱ b̯wehomeereeri̱ weewe,
ondi̱ndi̱ri̱ kuruga nyaabyali̱i̱rwe.
Ndiicala ninkuhaariizanga.
7Nceeri̱ kyakusungwa mu bantu banene,
bei̱tu̱ weewe lugo lwange lu̱si̱gi̱ku̱.
8Mu̱nwa gwange gwi̱zwi̱ri̱ bigambu bya kukuhaariiza,
na ki̱ti̱i̱ni̱sa kyamu kiro kyensei̱.
9Otalindeka b̯undibba ngu̱lu̱u̱si̱ri̱,
otalinzebeera b̯undibba ntali na maani.
10Kubba banyanzigwa bange bakumbaza kubii,
bakora rukwe lwa ku̱nzi̱ta nibaraganira hamwei̱.
11Bakoba yati, “Ruhanga amwebeereeri̱.
Mu̱mu̱bi̱nge kandi mumukwate, kubba tihaloho akusobora kumujuna.”
12Ai̱ Ruhanga otabba hadei na gya,
ai̱ Ruhanga wange i̱za b̯wangu onjune!
13Leka baku̱mpangi̱ri̱i̱rya bakwatwe nsoni̱ kandi bahwerekeere,
leka bakwendya kumputaaza bahugutane kandi basware.
14Bei̱tu̱ gya nyaabbanga na ku̱ni̱hi̱ra,
ninkuhaariizanga b̯utalekeera.
15Mu̱nwa gwange gulibazanga ha mananu gaamu,
ga kujuna kwamu kiro kyensei̱,
kubba b̯unene b̯wago b̯u̱nki̱i̱ri̱ kwetegereza.
16Ai̱ Mukama Wab̯u̱sobozi̱, nkwi̱za kurangiira byamaani byokora,
nkwi̱za kurangiira mananu gaamu weewe musa.
17Ai̱ Ruhanga, kuruga mu b̯uto wange wanzegeseerye,
kandi ntakarangiira ha kuhuniira kwa bya mahanu byamu.
18Ai̱ Ruhanga, nab̯u̱ndi̱gu̱lu̱u̱sa nkamera mbwi̱ otalindeka,
mpaka b̯udirangiira b̯u̱sobozi̱ b̯wamu hali mi̱hi̱hi̱ mi̱kwi̱zaho,
na mi̱myo milihonderaho.
19Ai̱ Ruhanga, mananu gaamu gadwa kwiguru,
weewe okora bintu byamaani.
Ai̱ Ruhanga naani ali nka we?
20Kadi wakabba weewe ondeki̱ri̱ mbonawona kyakalasanu̱,
bei̱tu̱ b̯womi b̯wange oli̱b̯wi̱ryamwo b̯uhyaka,
na b̯undiraba hansi kuzumu, oli̱mpu̱lu̱kya hanzei.
21Oli̱nzongera ki̱ti̱i̱ni̱sa
kandi ompu̱mu̱u̱lye.
22Nkwi̱za kukuhaariiza ninkukuutira ki̱dongo kubba oicala mwesigwa,
nku̱hi̱i̱mi̱re ninkuhaariiza na ndi̱ngi̱di̱,
uwe Ruhanga mutongoole wa I̱saleeri̱.
23Nkwi̱za ku̱ku̱hi̱i̱mi̱ra nkuhaariize nakusemereerwa,
hab̯wakubba oncu̱ngwi̱ri̱.
24Nkwi̱za kubazanga ha bya mananu gaamu b̯u̱kakeeri̱,
kubba bei̱ceeri̱ kwendya kunkola kubiibi basweri̱.
Iliyochaguliwa sasa
Zabbu̱li̱ 71: LUGUNGU
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025, Wycliffe Bible Translators, Inc. All rights reserved.
Zabbu̱li̱ 71
71
1Ai̱ Mukama mu weewe, hooho nzi̱ru̱ki̱i̱ri̱,
otandeka nkaswara.
2Onjune kandi oncungure hab̯wa mananu gaamu,
ntegera mapokopo gaamu, onjune!
3Mbeera lubbaali lwa kwebi̱si̱ramwo,
ha nkusobora kugyendanga,
hu̱lu̱kya kiragiro kya kunjuna,
bba lubbaali lwange kandi lugo lwange.
4Ai̱ Ruhanga wange, ncungura kuruga mu mikono mya nkori̱ za bibii,
oncungure kuruga mu mikono mya bantu babiibi na badulu ba bbuuru.
5Hab̯wakubba Mukama weewe ku̱ni̱hi̱ra kwange,
hanteeka b̯u̱si̱gi̱ki̱ro kuruga mu b̯uto b̯wange.
6B̯womi b̯wange b̯wensei̱ b̯wehomeereeri̱ weewe,
ondi̱ndi̱ri̱ kuruga nyaabyali̱i̱rwe.
Ndiicala ninkuhaariizanga.
7Nceeri̱ kyakusungwa mu bantu banene,
bei̱tu̱ weewe lugo lwange lu̱si̱gi̱ku̱.
8Mu̱nwa gwange gwi̱zwi̱ri̱ bigambu bya kukuhaariiza,
na ki̱ti̱i̱ni̱sa kyamu kiro kyensei̱.
9Otalindeka b̯undibba ngu̱lu̱u̱si̱ri̱,
otalinzebeera b̯undibba ntali na maani.
10Kubba banyanzigwa bange bakumbaza kubii,
bakora rukwe lwa ku̱nzi̱ta nibaraganira hamwei̱.
11Bakoba yati, “Ruhanga amwebeereeri̱.
Mu̱mu̱bi̱nge kandi mumukwate, kubba tihaloho akusobora kumujuna.”
12Ai̱ Ruhanga otabba hadei na gya,
ai̱ Ruhanga wange i̱za b̯wangu onjune!
13Leka baku̱mpangi̱ri̱i̱rya bakwatwe nsoni̱ kandi bahwerekeere,
leka bakwendya kumputaaza bahugutane kandi basware.
14Bei̱tu̱ gya nyaabbanga na ku̱ni̱hi̱ra,
ninkuhaariizanga b̯utalekeera.
15Mu̱nwa gwange gulibazanga ha mananu gaamu,
ga kujuna kwamu kiro kyensei̱,
kubba b̯unene b̯wago b̯u̱nki̱i̱ri̱ kwetegereza.
16Ai̱ Mukama Wab̯u̱sobozi̱, nkwi̱za kurangiira byamaani byokora,
nkwi̱za kurangiira mananu gaamu weewe musa.
17Ai̱ Ruhanga, kuruga mu b̯uto wange wanzegeseerye,
kandi ntakarangiira ha kuhuniira kwa bya mahanu byamu.
18Ai̱ Ruhanga, nab̯u̱ndi̱gu̱lu̱u̱sa nkamera mbwi̱ otalindeka,
mpaka b̯udirangiira b̯u̱sobozi̱ b̯wamu hali mi̱hi̱hi̱ mi̱kwi̱zaho,
na mi̱myo milihonderaho.
19Ai̱ Ruhanga, mananu gaamu gadwa kwiguru,
weewe okora bintu byamaani.
Ai̱ Ruhanga naani ali nka we?
20Kadi wakabba weewe ondeki̱ri̱ mbonawona kyakalasanu̱,
bei̱tu̱ b̯womi b̯wange oli̱b̯wi̱ryamwo b̯uhyaka,
na b̯undiraba hansi kuzumu, oli̱mpu̱lu̱kya hanzei.
21Oli̱nzongera ki̱ti̱i̱ni̱sa
kandi ompu̱mu̱u̱lye.
22Nkwi̱za kukuhaariiza ninkukuutira ki̱dongo kubba oicala mwesigwa,
nku̱hi̱i̱mi̱re ninkuhaariiza na ndi̱ngi̱di̱,
uwe Ruhanga mutongoole wa I̱saleeri̱.
23Nkwi̱za ku̱ku̱hi̱i̱mi̱ra nkuhaariize nakusemereerwa,
hab̯wakubba oncu̱ngwi̱ri̱.
24Nkwi̱za kubazanga ha bya mananu gaamu b̯u̱kakeeri̱,
kubba bei̱ceeri̱ kwendya kunkola kubiibi basweri̱.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025, Wycliffe Bible Translators, Inc. All rights reserved.