Zabbu̱li̱ 112

112

1Haari̱i̱ze Mukama!

Ali na mu̱gi̱sa yogwo ati̱i̱na Mukama,

asemereerwa hoi̱ mu biragiro byamwe.

2Beizukulu baamwe baabbanga ba maani mu nsi,

lubyalu lwa murungi lwaheeb̯wanga mu̱gi̱sa.

3Itungu na b̯u̱gu̱u̱da byeicaalanga mu nnyu̱mba gyamwe,

b̯urungi b̯wamwe tib̯umalika.

4Kyererezi̱ kimulikira baterekereru̱ bali mu nti̱ti̱,

na yogwo ali na mbabazi̱, kisa na mananu.

5Ali na mu̱gi̱sa ahora na b̯wenda,

kandi akora byab̯u̱su̱u̱b̯u̱zi̱ b̯wamwe mu b̯u̱terekereru̱.

6Hab̯wakubba murungi tazi̱ngi̱zi̱ka,

biro byensei̱ beicalanga ni̱bamwi̱zu̱ka.

7Tati̱i̱na makuru gabiibi,

mutima gwamwe gwicala gwesi̱mbu̱, yeesiga Mukama.

8Tati̱i̱na kandi mutima gwamwe gwicala gu̱si̱gu̱ku̱,

ku̱doosya waawona banyanzigwa baamwe basi̱ngi̱i̱rwe.

9Agabira banaku na b̯wenda,

b̯urungi b̯wamwe tib̯umalika b̯wa biro na biro,#2 Bakoli̱nso 9:9

aheeb̯wa ki̱ti̱i̱ni̱sa hab̯wa maani gaamwe.

10Mubiibi b̯wawona yatyo, akwatwa ki̱ni̱ga,

anena nsaya zaamwe naasyeraho,

kwegomba kwa yogwo muntu mubiibi ku̱li̱zi̱ka.

Iliyochaguliwa sasa

Zabbu̱li̱ 112: LUGUNGU

Kuonyesha

Shirikisha

Nakili

Je, ungependa vivutio vyako vihifadhiwe kwenye vifaa vyako vyote? Jisajili au ingia

Mistari Maarufu ya Biblia kutoka
Zabbu̱li̱ 112