Zabbu̱li̱ 111

111

1Haari̱i̱ze Mukama!

Nkwi̱za kuhaariiza Mukama na mutima gwange gwensei̱,

ndi̱si̱i̱ma Mukama, nindi hakati̱ wa barungi, mu kitebe kya bantu baamwe.

2Milimo mya Mukama mya maani!

Bab̯wo bensei̱ bamisemereerwa, boobo bamyetegereza.

3Milimo myamwe mi̱zwi̱ri̱ b̯u̱handu̱ na ki̱ti̱i̱ni̱sa,

mananu gaamwe geicalaho biro byensei̱.

4Milimo myamwe yaami̱foori̱ri̱ myakwizukwanga,

Mukama wa mbabazi̱ kandi mu̱ganyi̱ri̱.

5Agabira bidyo bab̯wo bamu̱ti̱i̱na,

ndagaanu gyamwe agiteekaho mutima biro byenseenya.

6Bantu baamwe yaabolokeerye b̯u̱sobozi̱ b̯wa milimo myamwe,

b̯u̱yaabaheeri̱ nsi za mahanga gandi kubba b̯ugwete b̯wab̯u.

7Milimo myamwe myensei̱, yaami̱koori̱ mu b̯wesigwa na mu b̯winganiza,

biragiro byamwe byensei̱, byakwesigwa,

8byatebeerweho hab̯wa biro byensei̱,

byahebeerwe mu b̯wesigwa na mu b̯u̱terekereru̱.

9Bantu baamwe yaabacu̱ngwi̱ri̱,

yaakora nabo ndagaanu gya biro na biro.

Ibara lyamwe li̱syanu̱ kandi li̱ku̱ti̱i̱nwa!

10Ndugiiro gya magezi̱ gili mu ku̱ti̱i̱na Mukama.#Ngeera 9:10

Bab̯wo bensei̱ bakora yatyo, batunga kwetegereza kunene.

Kuhaariizwa kwamwe kwa biro byensei̱!

Iliyochaguliwa sasa

Zabbu̱li̱ 111: LUGUNGU

Kuonyesha

Shirikisha

Nakili

Je, ungependa vivutio vyako vihifadhiwe kwenye vifaa vyako vyote? Jisajili au ingia

Mistari Maarufu ya Biblia kutoka
Zabbu̱li̱ 111