Zaburi 36

Uovu wa watu na wema wa Mungu

Kwa mwimbishaji. Ya Daudi, mtumishi wa Bwana

1 # Rum 3:18; Mwa 20:11; Mit 8:13; Mhu 12:3 Kuasi kwake yule mwovu hunena moyoni mwake,

Hakuna hofu ya Mungu mbele ya macho yake.

2Kwa maana hujipendekeza machoni pake

Kuwa upotovu wake hautaonekana na kuchukiwa.

3 # Yer 4:22 Maneno ya kinywa chake ni uovu na hila,

Ameacha kuwa na akili na kutenda mema.

4 # Mik 2:1; Isa 65:2 Huwaza maovu kitandani pake,

Hujiweka katika njia mbaya; hauchukii ubaya.

5 # Zab 57:10 Ee BWANA, fadhili zako zafika hata mbinguni,

Uaminifu wako hadi mawinguni.

6 # Ayu 11:8; Rum 11:33; Ayu 7:20; Zab 145:9 Haki yako ni kama milima ya Mungu,

Hukumu zako ni vilindi vikuu,

Ee BWANA, unawalinda wanadamu na wanyama.

7 # Rut 2:12 Ee Mungu, jinsi zilivyo na thamani fadhili zako!

Wanadamu huukimbilia uvuli wa mbawa zako.

8 # Ayu 20:17; Ufu 22:1 Watashibishwa kwa unono wa nyumba yako,

Nawe utawanywesha kutoka mto wa furaha zako.

9 # Isa 12:3; Yer 2:13; Zek 13:1; Yn 4:10,14; Ufu 21:6; Mdo 26:18; Efe 5:8; Kol 1:13; 1 Pet 2:9 Maana kwako Wewe iko chemchemi ya uzima,

Katika nuru yako tutaona nuru.

10 # Yer 22:16 Uwadumishie wakujuao fadhili zako,

Na wanyofu wa moyo uaminifu wako.

11Mguu wa kiburi usinikaribie,

Wala mkono wa wasio haki usinifukuze.

12Huko ndiko walikoanguka wafanyao maovu;

Wameangushwa chini wasiweze kusimama.

Iliyochaguliwa sasa

Zaburi 36: SRUV

Kuonyesha

Shirikisha

Nakili

Je, ungependa vivutio vyako vihifadhiwe kwenye vifaa vyako vyote? Jisajili au ingia

Mistari Maarufu ya Biblia kutoka
Zaburi 36