Zab 21
21
Shukrani kwa Ushindi
Kwa mwimbishaji. Zaburi ya Daudi.
1Ee BWANA, mfalme atazifurahia nguvu zako,
Na wokovu wako ataufanyia shangwe nyingi sana.
2 #
Yn 11:42
Umempa haja ya moyo wake,
Wala hukumzuilia matakwa ya midomo yake.
3Maana umemsogezea baraka za heri,
Umemvika taji ya dhahabu safi kichwani pake.
4 #
2 Sam 7:19
Alikuomba uhai, ukampa,
Muda mrefu wa siku nyingi, milele na milele.
5Utukufu wake ni mkuu kwa wokovu wako,
Heshima na adhama waweka juu yake.
6Maana umemfanya kuwa baraka za milele,
Wamfurahisha kwa furaha ya uso wako.
7 #
Zab 91:2
Kwa kuwa mfalme humtumaini BWANA,
Na kwa fadhili zake Aliye juu hataondoshwa.
8Mkono wako utawapata adui zako wote,
Mkono wako wa kuume utawapata wanaokuchukia.
9 #
Kum 32:22
Utawafanya kuwa kama tanuru ya moto,
Wakati wa ghadhabu yako.
BWANA atawameza kwa ghadhabu yake,
Na moto utawala.
10Matunda yao utayaharibu na kuyaondoa katika nchi,
Na wazao wao katika wanadamu.
11Madhali walinuia kukutenda mabaya,
Waliwaza hila wasipate kuitimiza.
12Kwa maana utawafanya kukupa kisogo,
Kwa upote wa uta wako ukiwaelekezea mishale.
13 #
Ufu 15:3,4 Ee BWANA, utukuzwe kwa nguvu zako,
Nasi tutaimba na kuuhimidi uweza wako.
Iliyochaguliwa sasa
Zab 21: SUV
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Swahili Union Version (SUV): © Bible Society of Tanzania and Bible Society of Kenya, 1952, 1997. All rights reserved. lt/pgt ltpgtSwahili Union Version (SUV): Hakimiliki -1952, 1997: kwa: Chama cha Biblia cha Tanzania na Chama cha Biblia cha Kenya. Haki zote zimehifadhiwa.