2 Korinti 5
5
Kiseze Sogine Barakki Waomŋo Mat Togole Musele Mane Ma Wakone Ŋeboniyake
1Ŋene iwa yale detmaine, kepeo gemaine, eya wane sola kiseze eya barake qake ketki, Waomŋo solaze mat urum togogole mane qeliwo gekenane ma wakone ŋeboniyake, sola eya ŋeimeteŋo mi mamaine, qeliwo gege togon mat. 2Pakimo, ŋene eya wane qeliwo ŋine gege mat yewa biraki ket qorot ŋoniyakane simileŋongi tomaka gemaine. 3Yewa qorot ŋoniyake, yemo oŋa oŋaze lawam mi geki kaikei. 4Ŋene solakisezo gekene rokop yaiŋ maiŋ okane wikile dere ge okanmaine, yemo ŋene sola kiseze sogine kito qokkenane mi ŋon okanmaike, eya paki, koso kutno sola kiseze musele biraŋem kesiyakane ŋonokanmaike. Paki seuseu wane biŋek oka okane, eya gegeŋo qotkayakanera okanmaine. 5Kaisale eŋe kine kine yewa wakon ŋoniyakane mauluke ŋebonge, paki eŋe Asuine yaup lewine midaine korop eŋane biŋek ŋebonge.
Iwa Kulit Kepeo Gemaine
6Eya wane ŋene dere eweke more gemaine paki, iwa yale detmaine, kepe solaŋo matze nagaine okangi gemaine, eyamo Waom zuwaŋka more kulit kepeo gemaine. 7Naso iwao yemo wetŋo kinekine detlukka malipka gege eyaka pamaike, ŋo wele deŋo kaka eyamo midaka. 8Ŋo siluŋ dere ewekmaine, paki solarop kulit kepeo gege i qelige more magak matzo Waom gorop gege eya wane simile-ŋon okanmaike. 9Paki gege eya, magak mat qeliwo me kulit kepeo iwa gekene, eyamo bororom geŋem Waomŋo ŋongi menageyake. 10Ŋene eya wane detmaine, gemage ŋene koropka Kristo wane don rako rakok wane metmet osino lewageŋem, solarop ge more kine kine ma qot okangone, maine me borikine, eya wane turuŋine bonep bonep mainge ŋeboniyake.
Kristo wane Ra More Kaisalerop Kima Okangone
11Ŋene Waom ewine kito more gekenane raraine, eya dere more ŋei edane kito ma pese-on okanon okanmaine. Yale okanŋem, Kaisaleŋo kotozane kine detluk okanmaike, so na detmaile, wet-ŋine ŋo naŋane kine yaleka ŋidangi det okanmami. 12Ŋene yale raŋem detpi, ŋene soringe more ma pese qe pese don ramaine, yale mi okaniyake, ŋene yaup ŋidane mauluk okanmaine, ŋenane masi kau paki, Kaisale wane bakom kitokei, pakimo ŋine ŋei natne kotoene sap saune wele midaine geu paki, sola okengo kine kine kepe wane aboŋ, eya wane ka sola mawa mawa okan okanmami, eŋe don yewa edane more qekat ŋonikei. 13Ŋene wetze siukmaikeo, yemo, Kaisale uratainane ra more wet siuk okanmaike, me wetze ululuŋ pamaikeo yemo, ŋine Kisi Maeprop okangei wane ra more yale pa okanmaike. 14Kristo wane wet maepŋo kotoze warekamaike, eya wane ge more iwa yale det okanmaine. Ŋei wekuŋo ŋei korop ŋenane turuŋzane ra more seukke, eyaŋo yemo ŋei koropŋo eŋerop weneŋ seukkone okanmaike. 15Eŋe ŋei korop ŋenane turuŋzane seukke, eya wane gege eyamo ŋene ŋenzane mida, turuŋzane ra more seukki, koso Kaisaleŋo ma wirikkaki wisikae wiyeke eŋane ra more gekene.
16Iwa yemo Kisi Maep nasoo sola tanikka gege soginoken qeka more detnagu detnagu eya maine mi okanikei. So Kristo eŋe yaleka alakan sola tanik manikine kaŋem paki, detka more mapit-kakone, eya wane rokop naso iwao koso mi okanikene. 17Eya wane ŋei mane Kristo wano takot kemaikeo, eŋe ŋei kine mane okanmaike. Masi tanik kine kine sogine eyamo siukkimo, kine kine museleŋo sari wakone mange. 18Kine kine korop iwa yemo Kaisale wane masi, oŋo Kristo wane ra ŋaba-ŋone more main-ŋongi paki, eŋine kimakoune ŋebuke. Pakiso, ŋene kimanatne ebukenane, kima ebu ebu eya wane don kisi raŋem suwa ariyakane urata ra ŋebonge. 19Ŋenane don yemo yale, Kaisale eŋe Kristo wano kito more ŋei korop kima ebuwareke, Kaisale eŋe ŋei borikineene qeliŋgi mi pa ebonge, eŋe turuŋene qeliŋge. Pakiso, eŋe daleo ebu more kima okanonge, eya wane kima oka okan wane don ra wakone ŋebonge, iwa pamaike.
20Eya wane ŋene Kristo wane siron qeqeŋo Kaisale wane ra ma ewek don ŋidan okanmaine. Kristo wane tungo ŋene ŋidane ramaine, ŋine Kaisalerop kima kima okanikei. 21Kristo eŋe borikine mane mi make, ŋo siluŋ Kaisaleŋo ŋenane ra more borikino birakake, eyamo ŋedo Kristorop qeturage more Kaisale ware gege koboboine maine gekenane yale okange.
Iliyochaguliwa sasa
2 Korinti 5: onsNT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2012, Wycliffe Bible Translators, Inc. All rights reserved.
2 Korinti 5
5
Kiseze Sogine Barakki Waomŋo Mat Togole Musele Mane Ma Wakone Ŋeboniyake
1Ŋene iwa yale detmaine, kepeo gemaine, eya wane sola kiseze eya barake qake ketki, Waomŋo solaze mat urum togogole mane qeliwo gekenane ma wakone ŋeboniyake, sola eya ŋeimeteŋo mi mamaine, qeliwo gege togon mat. 2Pakimo, ŋene eya wane qeliwo ŋine gege mat yewa biraki ket qorot ŋoniyakane simileŋongi tomaka gemaine. 3Yewa qorot ŋoniyake, yemo oŋa oŋaze lawam mi geki kaikei. 4Ŋene solakisezo gekene rokop yaiŋ maiŋ okane wikile dere ge okanmaine, yemo ŋene sola kiseze sogine kito qokkenane mi ŋon okanmaike, eya paki, koso kutno sola kiseze musele biraŋem kesiyakane ŋonokanmaike. Paki seuseu wane biŋek oka okane, eya gegeŋo qotkayakanera okanmaine. 5Kaisale eŋe kine kine yewa wakon ŋoniyakane mauluke ŋebonge, paki eŋe Asuine yaup lewine midaine korop eŋane biŋek ŋebonge.
Iwa Kulit Kepeo Gemaine
6Eya wane ŋene dere eweke more gemaine paki, iwa yale detmaine, kepe solaŋo matze nagaine okangi gemaine, eyamo Waom zuwaŋka more kulit kepeo gemaine. 7Naso iwao yemo wetŋo kinekine detlukka malipka gege eyaka pamaike, ŋo wele deŋo kaka eyamo midaka. 8Ŋo siluŋ dere ewekmaine, paki solarop kulit kepeo gege i qelige more magak matzo Waom gorop gege eya wane simile-ŋon okanmaike. 9Paki gege eya, magak mat qeliwo me kulit kepeo iwa gekene, eyamo bororom geŋem Waomŋo ŋongi menageyake. 10Ŋene eya wane detmaine, gemage ŋene koropka Kristo wane don rako rakok wane metmet osino lewageŋem, solarop ge more kine kine ma qot okangone, maine me borikine, eya wane turuŋine bonep bonep mainge ŋeboniyake.
Kristo wane Ra More Kaisalerop Kima Okangone
11Ŋene Waom ewine kito more gekenane raraine, eya dere more ŋei edane kito ma pese-on okanon okanmaine. Yale okanŋem, Kaisaleŋo kotozane kine detluk okanmaike, so na detmaile, wet-ŋine ŋo naŋane kine yaleka ŋidangi det okanmami. 12Ŋene yale raŋem detpi, ŋene soringe more ma pese qe pese don ramaine, yale mi okaniyake, ŋene yaup ŋidane mauluk okanmaine, ŋenane masi kau paki, Kaisale wane bakom kitokei, pakimo ŋine ŋei natne kotoene sap saune wele midaine geu paki, sola okengo kine kine kepe wane aboŋ, eya wane ka sola mawa mawa okan okanmami, eŋe don yewa edane more qekat ŋonikei. 13Ŋene wetze siukmaikeo, yemo, Kaisale uratainane ra more wet siuk okanmaike, me wetze ululuŋ pamaikeo yemo, ŋine Kisi Maeprop okangei wane ra more yale pa okanmaike. 14Kristo wane wet maepŋo kotoze warekamaike, eya wane ge more iwa yale det okanmaine. Ŋei wekuŋo ŋei korop ŋenane turuŋzane ra more seukke, eyaŋo yemo ŋei koropŋo eŋerop weneŋ seukkone okanmaike. 15Eŋe ŋei korop ŋenane turuŋzane seukke, eya wane gege eyamo ŋene ŋenzane mida, turuŋzane ra more seukki, koso Kaisaleŋo ma wirikkaki wisikae wiyeke eŋane ra more gekene.
16Iwa yemo Kisi Maep nasoo sola tanikka gege soginoken qeka more detnagu detnagu eya maine mi okanikei. So Kristo eŋe yaleka alakan sola tanik manikine kaŋem paki, detka more mapit-kakone, eya wane rokop naso iwao koso mi okanikene. 17Eya wane ŋei mane Kristo wano takot kemaikeo, eŋe ŋei kine mane okanmaike. Masi tanik kine kine sogine eyamo siukkimo, kine kine museleŋo sari wakone mange. 18Kine kine korop iwa yemo Kaisale wane masi, oŋo Kristo wane ra ŋaba-ŋone more main-ŋongi paki, eŋine kimakoune ŋebuke. Pakiso, ŋene kimanatne ebukenane, kima ebu ebu eya wane don kisi raŋem suwa ariyakane urata ra ŋebonge. 19Ŋenane don yemo yale, Kaisale eŋe Kristo wano kito more ŋei korop kima ebuwareke, Kaisale eŋe ŋei borikineene qeliŋgi mi pa ebonge, eŋe turuŋene qeliŋge. Pakiso, eŋe daleo ebu more kima okanonge, eya wane kima oka okan wane don ra wakone ŋebonge, iwa pamaike.
20Eya wane ŋene Kristo wane siron qeqeŋo Kaisale wane ra ma ewek don ŋidan okanmaine. Kristo wane tungo ŋene ŋidane ramaine, ŋine Kaisalerop kima kima okanikei. 21Kristo eŋe borikine mane mi make, ŋo siluŋ Kaisaleŋo ŋenane ra more borikino birakake, eyamo ŋedo Kristorop qeturage more Kaisale ware gege koboboine maine gekenane yale okange.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2012, Wycliffe Bible Translators, Inc. All rights reserved.