2 Korinti 6
6
Aposolo Eŋe Kaisale Wane Ŋei Ŋerep Naŋ Qeqe So Girem Don Loutne Ma Qelaŋane Edangoi
1Kaisalerop urata qeturage weku mamaine, ŋedonaŋ qe-ŋune more ramaine, yemo ŋine Kaisale wano ŋine dan gunut makoi, eya qeligeu wele midaine mi okaniyake. 2Eya wane Kaisale wane ekapŋo ramaike,
“Na naso maine ŋibongole, eyao det-ŋungole, pakiso ŋibu ŋibu kaiwe naso yewao qesiŋ-ŋungole.” Kau, iwa mo Kaisaleŋo maine rake, eya wane naso, eŋane dan gunut maikei, so iwa mo mena menaŋ eya wane kaiwe naso maine.
3Ŋene ŋei eŋe urata mamaze mi qaisik-kaikei, eya wane numa mi leŋ-on okanmaine. 4Ŋene Kaisale wane urata ŋei gemaine, eya wane kine ma qelaŋane more kine kine iwa yale okane ari okanmaine. Wikile koto wet pesek ge okanmaine, ŋetne ŋetne kutno ge okanmaine, matali qetali ŋebuwi eya wane kutno ge okanmaine, kaet kotino ge okanmaine. 5Kumunamŋo ŋengu okanmami, mulapko biraŋon okanmami, ŋaba keuwo ge okanmaine, urata togole ma more wikile det okanmaine, kulu mi papa ruwo wisika ge okanmaine, paki ŋara wane seuk okanmaine. 6Sot midaine ge okanmaine, wet dereret korop ge okanmaine, wet peseko ge okanmaine, kima mauluk-on okanmaine, Asu Koboboinerop ge okanmaine, paki ŋene Kaisale wane urata ŋei gemaine eya wane kine ŋenane wet maep wele eya sikan-on okanmaine. 7Don wele ra okanmaine, so Kaisale wane zonomgo ge okanmaine. Ŋene koboboine eyaŋo Kisi Maep wane tebe zaun leleki wongo so kanao weneŋ ma ge okanmaine. 8Ewe kito kito so ewe mabaik koto ge okanmaine, don maine so don borikinane kotino ge okanmaine. Ŋene isi ŋei ŋedorau, ŋene don welekatne ra okanmaine. 9Kineze mi det-kamami, ŋo siluŋ kisize koropŋo det okanami, seuseune, ŋo siluŋ wisikae ge okanmaine, ŋengu matali-ŋonmami, ŋo siluŋ mi seuk okanmaine. 10Wet borik okan-ŋongoi, ŋo siluŋ naso baŋem wet peseko ge okanmaine, aboŋze midaine gemaine, ŋo siluŋ ŋei loutne qesiŋon okanmaine, ŋene yeyekine kineze midaine, ŋo siluŋ moriyan gorop ge okanmaine.
11O Korinti ŋei, wetze ŋinaneka zok oko raki, aŋaze ewekmaike. 12Ŋenane wetzeŋo togogole ŋine luk-ŋunmaine, ŋo ŋinane wet maep ŋineŋo yemo nigatneka pamaike. 13Eya wane magakŋo dokoine edan-mageyake, ŋine wet dereret ŋine korop maingeu wet ŋine suwaine motpi ŋenano payake.
Qelaŋ Tanik Manik Eya wane Girem Don
14Qelaŋ ŋei eŋe wauŋemene tewekeu, ŋine eŋe misuk qesiŋo-ne more tewekkei. Maine so borikine ere daleo kima okanikeik? Me qelaŋan so panaman ere daleo weku takot nagukeik? 15Me Kristo so ŋei borikine ere daleo wet weku okangeik? Me doku tautaune magu so ŋei qelaŋine eŋe daleo qeturaŋgei? 16Me Kaisale wane Bakom Urum so lopio ere daleo tako rakot okangeik? Detmami, Kaisale gegeinerop eŋane urum yemo ŋene. Kaisale oŋom iwa yale rake,
“Na baŋ eŋane keuwo gekale, so ari sari okangale, so na baŋ eŋane Kaisale okangale, eso eŋe baŋ naŋane ŋei ŋerep okane gekei.” 17Eya wane Waomŋo ramaike,
“Ŋine eŋe qeliŋ-onikei, pakiso eŋe biraone toitoine gekei. So kine kine diinerop, eya mane mi uwakaikei, eso na baŋ ŋine ŋibukale. 18Paki na baŋ ŋinane Maga ŋine okanikale, eso ŋine baŋ naŋane gipolekopne so boraso kopne okanikei, Waom Togogoleŋo don yaleramaike.”
Iliyochaguliwa sasa
2 Korinti 6: onsNT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2012, Wycliffe Bible Translators, Inc. All rights reserved.
2 Korinti 6
6
Aposolo Eŋe Kaisale Wane Ŋei Ŋerep Naŋ Qeqe So Girem Don Loutne Ma Qelaŋane Edangoi
1Kaisalerop urata qeturage weku mamaine, ŋedonaŋ qe-ŋune more ramaine, yemo ŋine Kaisale wano ŋine dan gunut makoi, eya qeligeu wele midaine mi okaniyake. 2Eya wane Kaisale wane ekapŋo ramaike,
“Na naso maine ŋibongole, eyao det-ŋungole, pakiso ŋibu ŋibu kaiwe naso yewao qesiŋ-ŋungole.” Kau, iwa mo Kaisaleŋo maine rake, eya wane naso, eŋane dan gunut maikei, so iwa mo mena menaŋ eya wane kaiwe naso maine.
3Ŋene ŋei eŋe urata mamaze mi qaisik-kaikei, eya wane numa mi leŋ-on okanmaine. 4Ŋene Kaisale wane urata ŋei gemaine, eya wane kine ma qelaŋane more kine kine iwa yale okane ari okanmaine. Wikile koto wet pesek ge okanmaine, ŋetne ŋetne kutno ge okanmaine, matali qetali ŋebuwi eya wane kutno ge okanmaine, kaet kotino ge okanmaine. 5Kumunamŋo ŋengu okanmami, mulapko biraŋon okanmami, ŋaba keuwo ge okanmaine, urata togole ma more wikile det okanmaine, kulu mi papa ruwo wisika ge okanmaine, paki ŋara wane seuk okanmaine. 6Sot midaine ge okanmaine, wet dereret korop ge okanmaine, wet peseko ge okanmaine, kima mauluk-on okanmaine, Asu Koboboinerop ge okanmaine, paki ŋene Kaisale wane urata ŋei gemaine eya wane kine ŋenane wet maep wele eya sikan-on okanmaine. 7Don wele ra okanmaine, so Kaisale wane zonomgo ge okanmaine. Ŋene koboboine eyaŋo Kisi Maep wane tebe zaun leleki wongo so kanao weneŋ ma ge okanmaine. 8Ewe kito kito so ewe mabaik koto ge okanmaine, don maine so don borikinane kotino ge okanmaine. Ŋene isi ŋei ŋedorau, ŋene don welekatne ra okanmaine. 9Kineze mi det-kamami, ŋo siluŋ kisize koropŋo det okanami, seuseune, ŋo siluŋ wisikae ge okanmaine, ŋengu matali-ŋonmami, ŋo siluŋ mi seuk okanmaine. 10Wet borik okan-ŋongoi, ŋo siluŋ naso baŋem wet peseko ge okanmaine, aboŋze midaine gemaine, ŋo siluŋ ŋei loutne qesiŋon okanmaine, ŋene yeyekine kineze midaine, ŋo siluŋ moriyan gorop ge okanmaine.
11O Korinti ŋei, wetze ŋinaneka zok oko raki, aŋaze ewekmaike. 12Ŋenane wetzeŋo togogole ŋine luk-ŋunmaine, ŋo ŋinane wet maep ŋineŋo yemo nigatneka pamaike. 13Eya wane magakŋo dokoine edan-mageyake, ŋine wet dereret ŋine korop maingeu wet ŋine suwaine motpi ŋenano payake.
Qelaŋ Tanik Manik Eya wane Girem Don
14Qelaŋ ŋei eŋe wauŋemene tewekeu, ŋine eŋe misuk qesiŋo-ne more tewekkei. Maine so borikine ere daleo kima okanikeik? Me qelaŋan so panaman ere daleo weku takot nagukeik? 15Me Kristo so ŋei borikine ere daleo wet weku okangeik? Me doku tautaune magu so ŋei qelaŋine eŋe daleo qeturaŋgei? 16Me Kaisale wane Bakom Urum so lopio ere daleo tako rakot okangeik? Detmami, Kaisale gegeinerop eŋane urum yemo ŋene. Kaisale oŋom iwa yale rake,
“Na baŋ eŋane keuwo gekale, so ari sari okangale, so na baŋ eŋane Kaisale okangale, eso eŋe baŋ naŋane ŋei ŋerep okane gekei.” 17Eya wane Waomŋo ramaike,
“Ŋine eŋe qeliŋ-onikei, pakiso eŋe biraone toitoine gekei. So kine kine diinerop, eya mane mi uwakaikei, eso na baŋ ŋine ŋibukale. 18Paki na baŋ ŋinane Maga ŋine okanikale, eso ŋine baŋ naŋane gipolekopne so boraso kopne okanikei, Waom Togogoleŋo don yaleramaike.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2012, Wycliffe Bible Translators, Inc. All rights reserved.