2 Korinti 4
4
Iwa Yemo Waom Asu Eŋane Masi
1Eya wane, Kaisale eŋe eŋine wet peseinane urata yewa ŋene ra ŋebongane, ŋene urata eya maikenane mi pelek okanmaine. 2Paki, sot kine kine eya gamu gamu wakoniyakane sanka ra more oka okane, eya rapoke ŋadekka warekone. Me isi kutno gemore Kaisale wane don matali qetali mama, eya mi okan okanmaine. Midaka. Ŋene Kaisale wane kaitko Kisi Maep ra qelaŋane more ŋei eŋane wetene ma peseŋem kineze det okanmami. 3Paki Kisi Maep don ra okanmaine, eyaŋo detpi kaweunerop mane okanmaikeo, yemo soragerepko mida lelekei wane biŋek gemami, eŋanoka kaweunerop lele okanmaike. 4Kisi Maep ŋade ŋedek eŋe kepe iwa wane ŋei waom, Ŋei Borikineŋo, wetene ma siukki daleo Don Maine eya wane qelaŋaneŋo kotoeno ketki, Kristo eŋe Kaisale wane rokop gemaike ra more Waom qeli ewe zonomine, eya ka more detkaikei. 5Ŋene Kisi Maep raŋem paki, ŋene ŋenze don mi ŋidan okanmaine, Yesu Kristo eŋe Waom, ŋo ŋene yemo Yesu wane ra more ŋinane qelit qeqe ŋineka gemaine, yalewa ŋidan okanmaine. 6Kaisale eŋe mokaka kino panamanka paki rake, “Kepe qae qelaŋannom,” Raki kepe qaeke, oŋoka raki kotozo Kisi Maep wane qelaŋanŋo quluduŋ laweki Kristo wane de kaitino Kaisale wane qeli ewe zonom wakon-lukki ka det-kakone.
Paulo Eŋe Kine Kine Kaetneropŋo Wetne Mi Ma Qororoŋge
7Ŋo siluŋ Asu wane zonom namu ŋine yewa, ŋenane kepe sola dereret mida, Kaisale zonom welainano pamaike, eya wane kine wakoniyakane. 8Ŋene wikile kine kine kutno gemore siluŋ wetze mi qorodoge ket okanmaike, qeka makarop gemore, siluŋ mi qeirop dere ket okanmaine. 9Tiko pako ŋebuwi, eya wane kutno ge more siluŋ magak zuwa zuwaŋ mi okan okanmaine, ŋengu matali-ŋon okan-ŋonbi, siluŋ seuke mida lele mi okan okanmaine. 10Ŋene yale okane more naso baŋem solazo Yesu seuseuinane kibi teweke mage okanmaine, eyamo Yesu gegeinane kibi yaleka solazo wakoniyakane okanmaine. 11Ŋei eŋe Yesu wane ra more naso keuwo naso baŋem mataliŋone seuseuwo biraŋon okanmami, eyamo Yesu gegeinane zonomŋo solaze seuseune yewao wakon-lukeyakane yale wakonŋon okanmaike. 12Eso eya wane mo seuseuŋo ŋenano urata mamaike, eya wane ŋo gegeŋo ŋinano urata mamaike.
Paulo Eŋe Waom Detlukka More Kisi Maep Urata wane Bau Wawa Mi Okange
13Kisi Maep sogine yewao, don iwa yale Dawitŋo qeke pamaike, “Na Waom detlukka okanmailane, Kisi Maep raokanmaile.” Pakimo ŋene don eya wane rokopko Asuŋo taleŋongi, Waom detlukka okanmainane Kisi Maep ra okanmaine. 14Paki iwa yale det okanmaine, Kaisale eŋe Waom Yesu ma wirik-kaki wisikae wiyeke, oŋo ŋene yalewaka Yesurop ma wirikŋone more ŋinerop weneŋ eŋano bira-ŋoniyake. 15Ŋene yeye kine kine iwa korop yemo ŋinane raŋem paki, okan okanmaine, eya mo iwa yale, Kaisale wane Kisi Maepŋo suwa ariki ŋei manerop eŋe dere more Kaisale oi bakom suwaine okankau, yewaŋo takot rakot pa ariyake.
Kepeo Wikile So Wet Borik Eya Ketkele
16Eso kine eya wane ŋene wetze qororoŋ gi mi pelek okanmaine. Siluŋ solaze maŋo sokki kotozeŋo yemo kaiwe baŋem suwa wiye menaŋ okan okanmaike. 17Kepeo wikile so wet borikze eya mup muwine so qoiqoine yewaŋo qeli ewe zonom simile maine umatnerop so papa togon ma wakone ŋebongi, magu suwaine pa ŋeboniyake. 18So kine kine tingo pamaike, yewao mida, kine kine san pamaike, yewao pore kalilip kaŋem, eya wakone ŋeboniyake. Kine kine deŋo kakaine eyaŋo mida midaine, ŋo kine kine deŋo mi kakaine eyamo papa togon pa ariyake.
Iliyochaguliwa sasa
2 Korinti 4: onsNT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2012, Wycliffe Bible Translators, Inc. All rights reserved.
2 Korinti 4
4
Iwa Yemo Waom Asu Eŋane Masi
1Eya wane, Kaisale eŋe eŋine wet peseinane urata yewa ŋene ra ŋebongane, ŋene urata eya maikenane mi pelek okanmaine. 2Paki, sot kine kine eya gamu gamu wakoniyakane sanka ra more oka okane, eya rapoke ŋadekka warekone. Me isi kutno gemore Kaisale wane don matali qetali mama, eya mi okan okanmaine. Midaka. Ŋene Kaisale wane kaitko Kisi Maep ra qelaŋane more ŋei eŋane wetene ma peseŋem kineze det okanmami. 3Paki Kisi Maep don ra okanmaine, eyaŋo detpi kaweunerop mane okanmaikeo, yemo soragerepko mida lelekei wane biŋek gemami, eŋanoka kaweunerop lele okanmaike. 4Kisi Maep ŋade ŋedek eŋe kepe iwa wane ŋei waom, Ŋei Borikineŋo, wetene ma siukki daleo Don Maine eya wane qelaŋaneŋo kotoeno ketki, Kristo eŋe Kaisale wane rokop gemaike ra more Waom qeli ewe zonomine, eya ka more detkaikei. 5Ŋene Kisi Maep raŋem paki, ŋene ŋenze don mi ŋidan okanmaine, Yesu Kristo eŋe Waom, ŋo ŋene yemo Yesu wane ra more ŋinane qelit qeqe ŋineka gemaine, yalewa ŋidan okanmaine. 6Kaisale eŋe mokaka kino panamanka paki rake, “Kepe qae qelaŋannom,” Raki kepe qaeke, oŋoka raki kotozo Kisi Maep wane qelaŋanŋo quluduŋ laweki Kristo wane de kaitino Kaisale wane qeli ewe zonom wakon-lukki ka det-kakone.
Paulo Eŋe Kine Kine Kaetneropŋo Wetne Mi Ma Qororoŋge
7Ŋo siluŋ Asu wane zonom namu ŋine yewa, ŋenane kepe sola dereret mida, Kaisale zonom welainano pamaike, eya wane kine wakoniyakane. 8Ŋene wikile kine kine kutno gemore siluŋ wetze mi qorodoge ket okanmaike, qeka makarop gemore, siluŋ mi qeirop dere ket okanmaine. 9Tiko pako ŋebuwi, eya wane kutno ge more siluŋ magak zuwa zuwaŋ mi okan okanmaine, ŋengu matali-ŋon okan-ŋonbi, siluŋ seuke mida lele mi okan okanmaine. 10Ŋene yale okane more naso baŋem solazo Yesu seuseuinane kibi teweke mage okanmaine, eyamo Yesu gegeinane kibi yaleka solazo wakoniyakane okanmaine. 11Ŋei eŋe Yesu wane ra more naso keuwo naso baŋem mataliŋone seuseuwo biraŋon okanmami, eyamo Yesu gegeinane zonomŋo solaze seuseune yewao wakon-lukeyakane yale wakonŋon okanmaike. 12Eso eya wane mo seuseuŋo ŋenano urata mamaike, eya wane ŋo gegeŋo ŋinano urata mamaike.
Paulo Eŋe Waom Detlukka More Kisi Maep Urata wane Bau Wawa Mi Okange
13Kisi Maep sogine yewao, don iwa yale Dawitŋo qeke pamaike, “Na Waom detlukka okanmailane, Kisi Maep raokanmaile.” Pakimo ŋene don eya wane rokopko Asuŋo taleŋongi, Waom detlukka okanmainane Kisi Maep ra okanmaine. 14Paki iwa yale det okanmaine, Kaisale eŋe Waom Yesu ma wirik-kaki wisikae wiyeke, oŋo ŋene yalewaka Yesurop ma wirikŋone more ŋinerop weneŋ eŋano bira-ŋoniyake. 15Ŋene yeye kine kine iwa korop yemo ŋinane raŋem paki, okan okanmaine, eya mo iwa yale, Kaisale wane Kisi Maepŋo suwa ariki ŋei manerop eŋe dere more Kaisale oi bakom suwaine okankau, yewaŋo takot rakot pa ariyake.
Kepeo Wikile So Wet Borik Eya Ketkele
16Eso kine eya wane ŋene wetze qororoŋ gi mi pelek okanmaine. Siluŋ solaze maŋo sokki kotozeŋo yemo kaiwe baŋem suwa wiye menaŋ okan okanmaike. 17Kepeo wikile so wet borikze eya mup muwine so qoiqoine yewaŋo qeli ewe zonom simile maine umatnerop so papa togon ma wakone ŋebongi, magu suwaine pa ŋeboniyake. 18So kine kine tingo pamaike, yewao mida, kine kine san pamaike, yewao pore kalilip kaŋem, eya wakone ŋeboniyake. Kine kine deŋo kakaine eyaŋo mida midaine, ŋo kine kine deŋo mi kakaine eyamo papa togon pa ariyake.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2012, Wycliffe Bible Translators, Inc. All rights reserved.