ᒉᓂᓯᔅ 50
50
ᐃᔅᕒᐃᔭᓬ ᑮᐃᔥᒀᐱᒫᑎᓯᒡ
1ᒎᓴᑉ Joseph ᐃᑕᔥ ᐃᐃᒫ ᑮᐃᔑ ᐊᐸᓂᐅ ᑳᐃᔑ ᐱᒥᔑᓂᓂᒡ ᐅᑌᑌᓐ ᐁᑮ ᒪᐎᒡ, ᐁᑮ ᐅᒌᒫᒡ ᑲᔦ᙮ 2ᒦᑕᔥ ᒎᓴᑉ ᑳᐃᔑ ᐊᓅᓈᒡ ᑳᑮ ᐊᓄᑮᑖᑯᒡ ᒪᔥᑭᑮᐎᓂᓂᐗᐞ ᒋᑾᔮᒋᐃᒥᓐᒡ ᐅᑌᑌᓐ, ᒌᔑᐃᒥᓐᒡ ᑳᑮ ᐃᔑᐃᑣ ᑳᑮ ᓇᐃᓂᒥᓐᒡ᙮ ᑮᐃᔑᒋᑫᐗᐞ ᑕᔥ ᐃᐃ ᒪᔥᑭᑮᐎᓂᓂᐗᐞ᙮ 3ᓃᒥᑕᓇ 40 ᑕᓱ ᑮᔑᒃ ᑕᔥ ᐊᐎᔭ ᑮᑕᔑᑭᑲᓂᐎ ᑮᑾᔮᒋᐃᓐᒡ ᑮᐃᔑᐃᓐᒡ ᒋᐙᓈᑎᓯᓯᒃ᙮ ᐯᒫᑎᓯᐙᒡ ᑕᔥ ᐄᒋᐸᑮᕽ Egypt ᑳᑮ ᐅᒌᐙᒡ ᓃᔣᓯᒥᑕᓇ 70 ᑕᓱ ᑮᔑᒃ ᐅᑮ ᒪᐎᒫᐙᓐ ᐃᔅᕒᐃᔭᓬᐊᓐ Israel᙮
4ᐁᑮ ᐃᔥᒀᓭᓂᒃ ᑕᔥ ᒥᓂᒃ ᑕᓱ ᑮᔑᒃ ᑳᑮ ᒪᐎᒥᒥᓐᒡ ᐃᔅᕒᐃᔭᓬᐊᓐ, ᒎᓴᑉ ᐅᑮᐃᓈᐞ ᑳᑮ ᐊᓄᑮᑕᐙᓂᒡ ᑭᒋᐅᑭᒫᓐ, ᑮᔥᐱᓐ ᒥᓍᐸᒥᔦᒃ, ᑕᑲ ᐅᐅᐌ ᐊᐎ ᐃᓂᒃ ᑭᒋᐅᑭᒫ ᓃᓐ ᐁᐃᑭᑐᔮᓐ: 5#Gen 47.29-31. ᐊᐲ ᓴ ᓂᑌᑌᐸᓐ ᐋᔕ ᑫᑳ ᑮᐐ ᐊᓂ ᐃᔥᒀ ᐱᒫᑎᓯᒡ, ᓂᑮ ᑲᔥᑭᒥᒃ ᒋᐊᔓᑕᒪᐗᒃ, ᒋᔑ ᓇᐃᓇᒃ ᑳᑮ ᐃᔑ ᐅᔑᑕᒫᓱᑯᐸᓀᓐ ᒋᔑ ᓇᐃᓂᓐᒡ ᐌᑎ ᑫᓇᓐ Canaan ᐊᑮᕽ᙮ ᑕᑲ ᐸᑭᑎᓂᔑᓐ ᒌᔖᔮᓐ ᒋᐊᐎ ᓇᐃᓇᒃ ᓂᑌᑌᐸᓐ᙮ ᒦᓇᐙ ᑕᔥ ᓂᑲ ᐱᑮᐌ ᑕᑯᔑᓐ᙮
6ᐅᐅ ᑕᔥ ᑭᒋᐅᑭᒫᓐ ᐅᑮ ᐱᐃᑰᓐ, ᐱᓵᓂᑯ ᐃᔖᓐ ᒋᐊᐎ ᓇᐃᓇᒡ ᑭᑌᑌᐸᓐ ᑳᑮ ᐃᔑ ᐊᔓᑕᒪᐙᐗᑎᐸᓀᓐ᙮
7ᒎᓴᑉ ᑕᔥ ᑮᐊᓂ ᒫᒑ ᐁᑮ ᐊᐎ ᓇᐃᓈᒡ ᐅᑌᑌᐸᓃᓐ᙮ ᑭᒋᐅᑭᒫᓐ ᑳᑮ ᐸᒦᑕᐙᓂᒡ, ᑳᑮ ᑲᓇᐌᑕᒥᓂᒡ ᑲᔦ ᐅᑖᐎᓂᓂ, ᐃᐃ ᑲᔦ ᑳᑮ ᓃᑳᓀᑖᑯᓯᓂᒡ ᐃᓂᓂᐗᐞ ᐃᐃᒫ ᐄᒋᐸᑮᕽ ᐁᑮ ᐐᒌᐎᑯᒡ᙮ 8ᑲᑭᓇ ᑲᔦ ᐁᑕᔑᓂᒡ ᐐᒋᑭᐌᔭᐞ, ᑲᑭᓇ ᑲᔦ ᐅᑌᑌᐸᓃᓐ ᑳᑮ ᐃᓇᐌᒫᓂᒡ ᑮᐃᔖᐗᐞ᙮ ᐅᓃᒑᓂᓯᐙᐞ ᑕᔥ ᐐᓐ ᑳᑮ ᐊᔭᑳᔒᔑᓂᒡ, ᐃᓂ ᑲᔦ ᐅᒫᓇᒑᓂᔑᒥᐙᐞ, ᐅᒫᓇᑎᑯᒥᐙᐞ, ᐃᐃ ᑲᔦ ᐅᐱᔑᑮᒥᐙᐞ ᐅᑮ ᓇᑲᓈᐙᐞ ᐃᐃᒫ ᑰᔑᓐ Goshen ᐊᑮᕽ᙮ 9ᐃᓂᓂᐗᐞ ᑕᔥ ᑲᔦ ᑳᑮ ᐱᒥᑖᐸᐋᓂᒡ ᐅᑖᐹᓈᑾᐞ, ᐃᐃ ᑲᔦ ᑳᑮ ᐱᒥᐗᓀᐸᐃᑯᓂᒡ ᒥᑕᑎᒧᕽ ᑮᑕᑯ ᐃᔖᐗᐞ᙮ ᐐᑫ ᓴ ᑯ ᑮᐹᑏᓄᐗᒃ᙮
10ᐊᐲ ᑕᔥ ᐁᑮ ᑕᑯᔑᓄᐙᒡ ᐃᐃᒫ ᐁᑕᑦ Atad ᑳᑮ ᓂᑖ ᑕᔑ ᐸᐗᑲᓈᓱᓂᒡ ᐸᑴᔑᑲᓇᓐ ᐙᐸᓄᕽ ᐃᓇᑫ ᒞᕒᑕᓐ Jordan ᓰᐱᕽ, ᒦ ᐃᒫ ᐁᓂᑯᒃ ᑳᑕᓇᑌᒧᐙᒡ ᑭᓉᔥ ᐃᑯ᙮ ᒎᓴᑉ ᑕᔥ ᓃᔣᓱᑮᔑᒃ 7 ᑮᐃᔑᒋᑫ ᑳᑮ ᓂᑖ ᐃᔑᒋᑫᕽ ᐊᐎᔭ ᑮᐐ ᓇᐃᓂᓐᒡ᙮ 11ᐃᑭ ᑕᔥ ᐯᒫᑎᓯᐙᒡ ᑳᑮ ᐊᔮᐙᒡ ᑫᓇᓐ ᐊᑮᕽ ᐁᐙᐸᒫᐙᒡ ᐁᒪᐎᓂᒡ ᐃᐃᒫ ᐁᑕᑦ ᑮᐃᑭᑐᐗᒃ, ᐃᓇᔥᑫ ᑭᓃᓐ ᐁᓇᑲᒥᑭᓯᐙᒡ ᐄᒋᑉ ᑳᐅᒌᐙᒡ ᐁᒪᐎᐙᒡ, ᑮᐃᑭᑐᐗᒃ᙮ ᒦ ᐃᒫ ᑕᔥ ᑳᑮ ᐅᒋ ᐃᔑᓂᑳᑌᓂᒃ ᑳᑮ ᐃᔑ ᒪᐎᐙᒡ, ᐅᑕᓇᑌᒧᐎᓂᐙ#50.11 ᐅᑕᓇᑌᒧᐎᓂᐙ: ᐁᐸᓬ ᒥᔅᕒᐁᔭᒻ Abel Mizraim, ᒦ ᐅᐌ ᐁᑭᑐᓈᓂᐗᓂᓂᒃ ᑳᐃᔑᑮᔗᐙᒡ, ᐅᑕᓇᑌᒧᐎᓂᐙ ᐄᒋᑉ ᑳᐅᒌᐙᒡ᙮ ᐄᒋᑉ ᑳᐅᒌᐙᒡ᙮
12ᐃᔅᕒᐃᔭᓬ ᑕᔥ ᐅᑮ ᐃᔑᒋᑫᐃᑰᐞ ᑳᑮᐃᓈᑯᐸᓀᓐ ᐅᑯᓯᓴᐞ ᒋᑆ ᐃᔥᒀ ᐱᒫᑎᓯᒡ᙮ 13#Act 7.16. ᐅᑯᓯᓴᐞ ᐁᑮ ᐃᔑᐎᑑᓂᒡ ᐅᐐᔭᐤ ᑫᓇᓐ ᐊᑮᕽ ᐁᑮ ᐊᑕ ᓇᐃᓇᒥᓂᒡ ᐌᑎ ᑳᑮ ᐃᔑ ᐐᐹᐱᑳᓂᒃ ᒪᒃᐲᓬᐊ Machpelah, ᐙᐸᓄᕽ ᐃᓇᑫ ᒪᒻᕒᐃ Mamre᙮ ᐁᐸᕒᐊᐋᒻ Abraham ᐄᑐᒃ ᑮᐊᑖᒫᑯᐸᓐ ᐃᓂ ᐃᓂᓂᐗᓐ ᐁᑦ Hittite ᑳᑮ ᑎᓄᐎᒡ, ᐄᐸᕒᐊᓐ Ephron ᑳᑮ ᐃᔑᓂᑳᓱᓂᒡ, ᐃᐃ ᐅᑕᑮᒥᓂ ᒌᐯᑲᒥᒃ ᐁᐐ ᐃᓍᑕᕽ᙮ 14ᒎᓴᑉ ᐃᑕᔥ ᑳᐃᔥᒀ ᓇᐃᓈᒡ ᐅᑌᑌᐸᓃᓐ ᑮᐃᔑ ᑮᐌ ᐄᒋᐸᑮᕽ ᐃᐃ ᑲᔦ ᐐᒋᑭᐌᔭᐞ, ᑲᑭᓇ ᓴ ᐱᑯ ᑳᑮ ᐐᒌᐎᑯᒡ᙮
ᒎᓴᑉ ᑮᐴᓀᑕᒪᐙᒡ ᐐᒋᑭᐌᔭᐞ
15ᒎᓴᑉ Joseph ᐐᒋᑭᐌᔭᐞ ᑮᐃᑭᑐᐗᐞ ᑮᐃᔥᒀ ᓂᐳᓂᒡ ᐅᑌᑌᐙᓐ, ᐌᑯᓀᓐ ᐃᑕᔥ ᐐᓐ ᑫᔮᐱ ᒎᓴᑉ ᓀᔥᑫᓂᒥᓄᐗᑴᓐ, ᐁᓀᑕᒧᑴᓐ ᑲᔦ ᐁᐐ ᑎᐸᐊᒪᐎᓇᕽ ᑲᑭᓇ ᑳᑮ ᐃᔑ ᒫᔑ ᑑᑕᐗᕽ! 16ᐅᑮ ᐊᓅᓈᐙᓐ ᑕᔥ ᐊᐎᔭᓐ ᒋᐊᐎ ᐐᑕᒪᐙᓂᒡ ᒎᓴᐴᓐ ᐁᑮ ᐃᑭᑐᐙᒡ, ᑭᑌᑌ ᓴ ᑮᐃᑭᑐ ᒋᑆ ᐃᔥᒀ ᐱᒫᑎᓯᒡ᙮ 17ᐅᐅᐌᓂ ᓴ ᐃᓈᑫᒃ ᒎᓴᑉ ᑭᐸᑯᓭᓂᒥᓐ ᒋᐴᓀᑕᒪᐗᑣ ᑎᐱᓇᐌ ᑮᒋᑭᐌᔭᒃ ᑳᑮ ᐃᔑ ᒪᒫᔒᑲᑕᐎᒀ, ᐃᐃ ᑲᔦ ᑳᑮ ᐃᔑ ᒪᒋᑑᑕᒧᐙᒡ ᐊᐲ ᑮᐗᓂ ᑑᑕᐎᒀ᙮ ᑕᑲ ᑕᔥ ᓅᑯᒻ ᐴᓀᑕᒪᐎᔑᓈᒻ ᑳᑮ ᐗᓂ ᑑᑖᑰᔭᓐ, ᓃᓇᐎᓐᑦ ᐄᑐᒃ ᑳᐸᒦᑕᐗᑭᒡ ᑭᑌᑌᐸᓐ ᐅᑭᔐᒪᓂᑑᒪᓐ᙮ ᒎᓴᑉ ᑕᔥ ᑮᒪᐎ ᐊᐲ ᐁᓅᑕᕽ ᑳᑮᐃᓂᓐᒡ᙮
18ᐐᒋᑭᐌᔭᐞ ᐅᑮ ᐱ ᓈᓯᑳᑰᐞ ᐁᑮ ᐊᓂᒥᑯᑖᓂᒡ ᑳᑮ ᐃᔑᐊᔮᒡ ᐁᑮᐃᑯᒡ, ᐃᓇᔥᑫ ᑳᐸᒦᑕᐎᒀ ᓂᑎᓄᐎᒥᓐ, ᐅᑮᐃᑰᐞ᙮
19ᒎᓴᑉ ᑕᔥ ᐅᑮ ᐃᔑ ᓇᑴᑕᐙᐞ, ᑫᑯ ᓭᑭᓯᑫᒃ᙮ ᓃᓐ ᓂᑖ ᐃᔑᒋᑫᐙᓐ ᐃᓇ ᑭᔐᒪᓂᑑ ᐅᑎᔑᒋᑫᐎᓐ? 20ᐃᐃ ᑕᔥ ᑳᑮ ᐃᓀᑕᒣᒃ ᑳᐐ ᐃᔑ ᒪᒋᑑᑕᐎᔦᑭᐸᓐ, ᑭᔐᒪᓂᑑ ᑕᔥ ᐐᓐ ᐃᐃᒫ ᑮᐅᒌᓂ ᐅᒥᓄᑑᑖᑫᐎᓐ᙮ ᒦᑕᔥ ᐃᐃ ᓅᑯᒻ ᓃᐱᐗᐞ ᐯᒫᑎᓯᐙᒡ ᑳᐅᒋ ᐱᒫᑎᓯᐙᒡ ᐃᐃ ᑳᑮ ᐃᔑᓭᓂᒃ᙮ 21ᐃᓇᔥᑫ ᑕᔥ ᑫᑯ ᓭᑭᓯᑫᒃ, ᑭᑲ ᓈᓈᑲᒋᐃᓂᓂᒻ ᓴ, ᐃᑭ ᑲᔦ ᑭᓃᒑᓂᓯᐙᒃ᙮ ᒦᔥ ᑳᐃᔑ ᒥᓉᑕᒥᓂᒡ ᐌᐌᓂ ᐁᑮ ᑲᑲᓅᓈᒡ᙮
ᒎᓴᑉ ᐁᑕᔑᑌᓂᒃ ᑮᓂᐳᒡ
22ᒎᓴᑉ Joseph ᓴ ᐃᐃᒫ ᐄᒋᐸᑮᕽ Egypt ᑮᐊᔨᑖ, ᐃᐃ ᑲᔦ ᑲᑭᓇ ᐅᑌᑌᓐ ᐅᑎᓇᐌᒫᑲᓂᓂ᙮ ᓂᑯᑣᒃ ᒥᑖᓱ 110 ᑕᔥ ᑮᑕᓱ ᐱᐴᓉ᙮ 23ᒎᓴᑉ ᑕᔥ ᑮᑌ ᐱᒫᑎᓯ ᐁᑮ ᐙᐸᒫᒡ ᐅᑖᓂᑰᐱᓲᒪᐞ ᐄᐸᕒᐃᔭᒥᕽ Ephraim ᑳᑮ ᐅᑕᑳᓀᓯᓂᒡ᙮ ᐅᑮ ᑌ ᐙᐸᒫᐞ ᑲᔦ ᐅᑖᓂᑰᐱᓲᒪᐞ ᑳᑮ ᐅᓃᒑᓂᓯᒥᑯᓂᒡ ᒣᑭᕒᐆᓐ Machir᙮ ᒪᓈᓴ Manasseh ᐄᑐᒃ ᑮᐅᑯᓯᓯ ᐃᓂ ᒣᑭᕒᐆᓐ᙮ ᒦᐗᐃ ᐃᐃ ᑲᔦ ᑳᑮ ᑌᐱᒫᑎᓯᒡ ᒋᐙᐸᒫᒡ᙮ 24ᒦᑕᔥ ᒎᓴᑉ ᑳᐃᓈᒡ ᐐᒋᑭᐌᔭᐞ, ᒦᐋᔕ ᑫᑳ ᒌᔥᒀ ᐱᒫᑎᓯᔮᓐ, ᔖᑰᒡ ᑕᔥ ᑭᔐᒪᓂᑑ ᑌᐺ ᑭᑲ ᓈᓈᑲᒋᐃᑯᐙ᙮ ᐅᐅᒫ ᑲᔦ ᐊᑮᕽ ᐄᒋᑉ ᑭᑲ ᐅᒋ ᒫᒌᓂᑯᐙ ᒌᔑᐎᓂᓀᒃ ᐌᑎ ᑳᑮ ᐃᔑ ᐊᔓᑕᒪᐙᑯᐸᓀᓐ ᐁᐸᕒᐊᐋᒪᓐ Abraham, ᐋᐃᓯᑰᓐ Isaac, ᐃᓂ ᑲᔦ ᒉᑲᐴᓐ Jacob᙮ 25#Exo 13.19; Jos 24.32; Heb 11.22. ᒎᓴᑉ ᑕᔥ ᐅᑮᐃᓈᐞ ᐃᔅᕒᐃᔭᓬᐊᐞ ᒋᐊᐱᒧᓂᒡ ᐁᑮᐃᓈᒡ, ᐊᔓᑕᒪᐎᔑᒃ, ᐊᐲ ᑭᔐᒪᓂᑑ ᐃᔑᐎᓂᓀᒃ ᐌᑎ ᑫᓇᓐ Canaan ᐊᑮᕽ, ᒫᒌᑑᑫᒃ ᓂᑲᓇᓐ, ᐁᑮᐃᓈᒡ᙮ 26ᐄᒋᐸᑮᕽ, ᑕᔥ ᒎᓴᑉ ᑮᑕᔑ ᐃᔥᒀ ᐱᒫᑎᓯ, ᓂᑯᑣᒃ ᒥᑖᓱ 110 ᐁᑮ ᑕᓱ ᐱᐴᓉᒡ᙮ ᑮᑾᔮᒋᒋᑳᑌᓂ ᑕᔥ ᑲᔦ ᐅᐐᔭᐤ, ᐁᑮ ᐲᓇᐃᑳᑌᓂᒃ ᒋᐯᒪᑲᑯᕽ᙮
Iliyochaguliwa sasa
ᒉᓂᓯᔅ 50: OJBS
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Ojibwe Shorter Bible (Syllabic Script) © 2008 Canadian Bible Society