ᒉᓂᓯᔅ 43
43
ᒎᓴᑉ ᐐᒋᑭᐌᔭᐞ ᑮᑮᐌᐃᔖᓂᒡ ᐄᒋᐸᑮᕽ ᐯᒋᒪᓇᓐ ᑮᐐᒌᐙᓂᒡ
1ᐋᒌᑫ ᑕᔥ ᐐᑫ ᑮᐊᓂ ᑲᒀᑕᑫᑖᑾᓐ ᐃᐃᒫ ᐊᑮᕽ ᐁᑮ ᐊᔮᓯᓄᒃ ᒦᒋᒻ᙮ 2ᐊᐲ ᑕᔥ ᑳᑭᑖᐙᒡ ᑲᑭᓇ ᒦᒋᒻ ᑳᑮ ᐅᒋ ᐊᑖᐌᐙᐸᓐ ᐄᒋᐸᑮᕽ Egypt, ᐅᑌᑌᐙᓐ ᐅᑮᐃᑯᐙᓐ, ᒫᒑᒃ ᒦᓇᐙ ᑮᐌ ᐃᔖᒃ ᒋᐊᑕ ᐊᑖᐌᔦᒃ ᐸᑮ ᑫᔮᐱ ᒦᒋᒻ ᑫᒦᒋᔭᕽ, ᐅᑮᐃᑯᐙᓐ᙮
3ᒎᑕ Judah ᑕᔥ ᐅᑮᐃᓈᓐ ᐅᑌᑌᓐ, ᐊᐊ ᐅᔕ ᐃᓂᓂ ᐌᐌᓂ ᓂᑮ ᐊᔮᒀᒥᒥᑯᓈᓐ ᐅᐅ ᐁᑮᐃᓂᓇᑭᒡ, ᑳᐐᓐ ᓴ ᑭᑲ ᐙᐸᒥᓰᒻ ᑮᔥᐱᓐ ᐱᐐᒌᐙᓯᐌᒃ ᑮᒋᑭᐌᔨᐙ᙮ 4ᑮᔥᐱᓐ ᐃᑕᔥ ᐃᔑᓂᔕᐗᒡ ᓂᔒᒣᔑᓈᓐ ᒋᐐᒌᐎᔭᒥᓐᒡ, ᓂᑲ ᐃᔖᒥᓐ ᐃᓴ ᒋᐊᑕ ᐊᑖᐌᑕᒫᑰᔭᓐ ᒦᒋᒻ᙮ 5ᑮᔥᐱᓐ ᐃᑕᔥ ᐐᓐ ᐐᐃᔑᓂᔕᐙᓯᐗᒡ, ᑳᐐᓐ ᓂᑲ ᐃᔖᓰᒥᓐ᙮ ᐋᓃᔥ ᐅᐅ ᓂᑮᐃᑯᓈᓐ ᐊᐊ ᐃᓂᓂ, ᑳᐐᓐ ᓴ ᑭᑲ ᐙᐸᒥᓰᒻ ᑮᔥᐱᓐ ᐱᐐᒌᐙᓯᐌᒃ ᑮᒋᑭᐌᔨᐙ, ᒦ ᐃ ᑳᐃᓈᒡ ᐅᑌᑌᓐ᙮
6ᐃᔅᕒᐃᔭᓬ Israel ᑕᔥ ᑮᐃᑭᑐ, ᐌᑯᓀᓐ ᐃᑕᔥ ᐌᒋ ᑭᒋ ᒫᓀᑕᒥᐃᔦᒃ ᐁᑮ ᐐᑕᒪᐌᒃ ᐊᐊ ᐃᓂᓂ ᐁᐊᔮᐎᒣᒃ ᑫᔮᐱ ᑯᑕᒃ ᑮᒋᑭᐌᔨᐙᓐ᙮
7ᐅᐅ ᑕᔥ ᐅᑮᐃᓈᐙᓐ, ᐊᐊ ᐅᔕ ᐃᓂᓂ ᒣᒥᑕᑫ ᑯ ᓂᑮ ᑲᑴᒋᒥᑯᓈᓐ ᓃᓇᐎᓐᑦ ᐅᒋ, ᓂᑎᓇᐌᒫᑲᓂᓈᓂᐞ ᐃᑕᔥ ᐁᑮᐃᔑᔭᒥᓐᒡ, ᑭᑌᑌᐙ ᓇ ᑫᔮᐱ ᐱᒫᑎᓯ? ᑭᑕᔮᐙᐙ ᓇ ᑫᔮᐱ ᑯᑕᒃ ᑮᒋᑭᐌᔨᐙ? ᐁᑮᐃᔑᔭᒥᓐᒡ᙮ ᓂᑮ ᓇᑴᑕᐙᓈᓐ ᐃᑕᔥ ᐋᓃᓐ ᑳᑮ ᐃᔑ ᑲᑴᒋᒥᔭᒥᓐᒡ᙮ ᐋᓃᓐ ᐃᑕᔥ ᑫᑮ ᐃᓇᒪᑕᒫᑭᐸᓐ ᐅᐅ ᒌᑭᑐᒡ, ᐲᓈᑫᒃ ᓴ ᑮᒋᑭᐌᔨᐙ?
8ᒎᑕ ᐃᑕᔥ ᐅᑮᐃᓈᓐ ᐅᑌᑌᓐ ᐃᔅᕒᐃᔭᓬᐊᓐ, ᐱᓵᓐ ᐃᔑᓂᔕᐅ ᐊᐊ ᑸᐎᓭᔅ ᒋᐐᒌᐎᒡ, ᔐᒫᒃ ᐃᑕᔥ ᓂᑲ ᒫᒑᒥᓐ᙮ ᑮᓇᐎᓐᑦ ᐃᑕᔥ, ᑫᑮᓐ ᐃᑕᔥ, ᑭᓃᒑᓂᓯᓈᓂᒃ ᑲᔦ ᒋᐱᒫᑕᔅᑲᑌᐙᒡ᙮ 9ᓃᓐ ᓴ ᐱᑯ ᓂᑲ ᐊᐱ ᐸᑭᑎᓈᓐ ᓂᐱᒫᑎᓯᐎᓐ ᐐᓐ ᐅᒋ; ᑭᑲ ᑑᑕᐤ ᐃᓴ ᑯᐱᓵᓐ ᓃᓐ ᒋᐅᐸᐹᒥᓯᐎᓂᔮᓐ ᑮᔥᐱᓐ ᑫᑰᓐ ᐃᔑᓭᒡ᙮ ᑮᔥᐱᓐ ᐱᑮᐌᐎᓈᓯᐗᒃ ᐃᔑ ᐸᑭᑎᓈᓯᐗᒃ ᐃᑕᔥ ᐁᔑᐊᔮᐗᒡ, ᑕᑲ ᓴ ᓃᓐ ᓀᐱᒡ ᐃᑯ ᓂᑲ ᐊᓈᒣᑖᑯᔅ ᐁᓈᓴᒦᔭᓐ᙮ 10ᑮᔥᐱᓐ ᐃᑕᔥ ᐅᓵᒻ ᑭᓉᔥ ᐅᑕᒦᓭᓯᐙᑭᐸᓐ, ᐋᔕ ᓃᔑᕽ ᐌᑎ ᓂᑖᑮ ᐱᐅᒋ ᑕᑯᔑᓂᒥᓐ, ᑮᐃᑭᑐ᙮ 11ᐅᑌᑌᐙᓐ ᐃᑕᔥ ᐃᔅᕒᐃᔭᓬᐊᓐ Israel ᑮᐃᑭᑐᐗᓐ, ᑮᔥᐱᓐ ᐃᑕᔥ ᒦᐁᑕᑯ ᐁᔑᓈᑾᓄᑴᓐ, ᐅᐅ ᓴ ᐃᔑᒋᑫᒃ, ᐲᓇᐊᒧᒃ ᓴ ᒫᐗᒡ ᐌᓂᔑᔑᑭᓐ ᑭᑎᑳᓂᐎ ᑫᑰᓇᓐ ᐅᐅᒫ ᐊᑮᕽ ᐌᒋ ᓂᑖᐎᑭᑭᓐ, ᒋᒦᓀᒃ ᐊᐊ ᐃᓂᓂ ᒦᑭᐙᓇᓐ ᒌᓍᑌᓂᑭᓐ᙮ ᐅᓄ ᑲᔦ ᒫᒌᑑᒃ, ᔑᔓᐲᑮᐎᓇᓐ balm, ᐸᑮ ᐋᒨᐎ ᓰᓯᐹᑾᑦ honey, ᑕᑯᓭᒀᓇᓐ spices, ᐱᑭᐎ ᒥᓈᑯᐅᓐ myrrh ᑲᔦ, ᐱᔅᑖᒋᔫᐎ ᐸᑳᓇᒃ pistachio, ᐊᓬᒫᑎᐎ ᐸᑳᓇᒃ almond ᑲᔦ᙮ 12ᒫᒌᓂᒃ ᐃᑕᔥ ᑲᔦ ᓃᔑᕽ ᒥᓂᒃ ᔔᓂᔮ, ᐅᒋᑕᑯ ᐃᔑᓈᑾᓐ ᒋᑮᐌᐎᓀᒃ ᒥᓂᒃ ᑳᑮ ᐲᓱᒡ ᔔᓂᔮ ᑭᒪᔥᑭᒧᑎᐙᕽ ᐁᔑ ᐹᑮᑭᓂᑳᑌᑭᓐ᙮ ᒫᑭᔖ ᐊᐎᔭ ᑮᐗᓃᑑᑕᒧᑐᒃ ᐃᐃ ᑳᑮ ᐅᒋ ᐃᔑᓭᒃ᙮ 13ᒫᒌᓂᒃ ᐃᑕᔥ ᑲᔦ ᑭᔒᒣᔑᐙ, ᔐᒫᒃ ᒌᔖᔦᒃ ᐊᐊ ᐃᓂᓂ᙮ 14ᑕᑲ ᓴ ᑳᒫᐗᒋ ᒪᔥᑲᐎᓰᒡ ᑭᔐᒪᓂᑑ ᐅᑲ ᐃᔑᐋᓐ ᐃᓂ ᐃᓂᓂᐗᓐ ᒋᑰᐹᑌᓂᒥᓀᒃ ᒋᐸᑭᑎᓈᒡ ᐃᓂ ᑯᑕᒃ ᑮᒋᑭᐌᔨᐙᓐ, ᐯᒋᒪᓇᓐ Benjamin ᑲᔦ ᒋᐱᑮᐌ ᐐᒌᐎᓂᒣᒃ᙮ ᓃᓐ ᐃᑕᔥ ᒦ ᐃ ᐁᒣᑎᓇᒫᑰᔮᓐ ᓂᓃᒑᓂᓴᒃ, ᐐᑫ ᓂᒪᔕᔥᑯᓂᑰ! ᑮᐃᑭᑐ᙮
15ᒦᑕᔥ ᐃᑭ ᐐᒋᑭᐌᔨᒫᒃ ᑳᐃᔑ ᒫᒌᑑᐙᒡ ᒦᑭᐙᓇᓐ, ᓃᔑᕽ ᑲᔦ ᒥᓂᒃ ᔔᓂᔮᓐ ᑳᑮ ᒫᒌᓈᐙᐸᓐ, ᐯᒋᒪᓇᓐ ᑲᔦ ᐁᑮ ᒫᒌᓈᐙᒡ᙮ ᑮᐃᔖᐗᒃ ᐃᑕᔥ ᐄᒋᐸᑮᕽ ᐁᑮ ᐃᓈᓴᒥᑳᐸᐎᐙᒡ ᐁᔑᐊᔮᓂᒡ ᒎᓴᐴᓐ Joseph᙮ 16ᐊᐲ ᑕᔥ ᒎᓴᑉ ᐁᐙᐸᒫᒡ ᐯᒋᒪᓇᓐ ᐁᐐᒌᐙᓂᒡ, ᐅᑮ ᑲᓅᓈᓐ ᐃᓂᓂᐗᓐ ᑳᐸᒦᑖᑯᒡ ᐅᐙᑳᐃᑲᓂᕽ ᐁᑮᐃᓈᒡ, ᐲᔥ ᐃᑭ ᐃᓂᓂᐗᒃ ᓂᐙᑳᐃᑲᓂᕽ᙮ ᓂᔑ ᐊᔭᐋᐎᔥ ᑫᑾᔮᒋᐊᒡ᙮ ᐃᑭ ᓴ ᐃᓂᓂᐗᒃ ᓂᑲ ᐐᒋ ᐐᓯᓃᒥᑰᒃ ᓈᐗᑴᓂᒃ, ᐅᑮᐃᓈᓐ᙮ 17ᒦᑕᔥ ᑳᐃᔑᒋᑫᓂᒡ ᐃᓂ ᐃᓂᓂᐗᓐ ᒎᓴᑉ ᑳᑮᐃᓈᒡ, ᐅᑮ ᐃᔑᐎᓈᓂ ᑲᔦ ᐃᐃ ᐃᓂᓂᐗᐞ ᐅᐙᑳᐃᑲᓂᕽ᙮
18ᐐᒋᑭᐌᔭᐞ ᐃᑕᔥ ᑮᓭᑭᓯᐗᐞ ᐊᐲ ᐁᔑᐎᓂᒥᓐᒡ ᐅᐙᑳᐃᑲᓂᕽ᙮ ᐅᐅ ᓴ ᑮᐃᓀᑕᒨᐞ, ᒦ ᓴ ᐅᒫ ᐌᒋ ᐲᓂᑰᔮᕽ ᐊᐊ ᔔᓂᔮ ᑳᑮ ᑮᐌ ᒦᓂᑰᔮᕽ ᑳᑮ ᐲᓱᒡ ᓂᒪᔥᑭᒧᑎᓈᓂᕽ ᓂᑕᒻ ᐅᐅᒫ ᑮᐲᔖᔮᑭᐸᓐ᙮ ᑫᒋᓈᒡ ᓂᑲ ᐅᑎᑎᓂᑯᓈᓐ, ᑮᔖᑰᒋᐃᔭᒥᓐᒡ ᐃᑕᔥ, ᒦ ᐃ ᑫᑑᑖᑯᔮᕽ ᒋᑲᒀᑕᑭ ᐊᓄᑮᐃᔭᒥᓐᒡ, ᒋᐅᑖᐱᓈᒡ ᐃᑕᔥ ᑲᔦ ᓂᒫᔑᒥᑕᑎᒨᒥᓈᓂᐞ, ᑮᐃᓀᑕᒨᒃ᙮ 19ᐁᔑ ᐃᔥᒀᑌᒥᐗᓂᓂᒃ ᐃᑕᔥ ᐃᐃ ᐙᑳᐃᑲᓐ ᐁᐊᓂ ᐊᔮᐙᒡ, ᐅᑮ ᑲᓅᓈᐙᓐ ᒎᓴᐴᓐ ᐯᒦᑖᑯᓂᒡ᙮ 20ᐅᐅ ᑕᔥ ᐅᑮᐃᓈᐙᓐ, ᓂᑑᑭᒫᒥᓈᓐ, ᑕᑲ ᐱᓯᑕᐎᔑᓈᒻ, ᓂᑕᒻ ᐅᐅᒫ ᑳᐲᔖᔮᑭᐸᓐ ᓂᑮ ᐱ ᐊᑖᐌᒥᓐ ᒦᒋᒻ᙮ 21ᐊᐲ ᑕᔥ ᐁᑭᐱᒌᔮᕽ ᐁᐐ ᑲᐯᔑᔮᕽ, ᐁᐹᑭᓇᒫᕽ ᐃᑕᔥ ᓂᒪᔥᑭᒧᑎᓈᓂᓐ, ᑲᑭᓇ ᐁᑕᔑᔮᕽ ᓂᑮ ᒥᑲᐙᓈᓐ ᓂᔔᓂᔮᒥᓈᓐ, ᑲᑭᓇ ᐄᑐᒃ ᐃᐃᒫ ᐁᑮ ᐊᔮᒡ ᑳᔑ ᐹᐹᑮᑭᓂᑳᑌᑭᓐ ᓂᒪᔥᑭᒧᑎᓈᓂᓐ᙮ ᑲᑭᓇ ᑕᔥ ᓂᑮ ᐱᑮᐌᐎᓈᓈᓐ᙮ 22ᑯᑕᒃ ᐃᑕᔥ ᑲᔦ ᔔᓂᔮ ᓂᑮ ᐲᓈᓈᓐ ᐁᐐ ᐊᑖᐌᔮᕽ ᒦᒋᒻ᙮ ᑳᐐᓐ ᐃᑕᔥ ᓂᑭᑫᓂᒫᓯᐙᓈᓐ ᐊᐌᓀᓐ ᑳᑮᐌ ᐲᓇᐙᑴᓐ ᓂᒪᔥᑭᒧᑎᓈᓂᕽ, ᑮᐃᑭᑐᐗᒃ᙮ 23ᐅᐅ ᑕᔥ ᐅᑮᐃᑯᐙᓐ, ᒦᑯ ᐃ, ᑫᑯ ᓭᑭᓯᑫᒃ᙮ ᑭᑭᔐᒪᓂᑑᒥᐙ ᐅᔕ, ᑭᑌᑌᐙ ᑲᔦ ᐅᑭᔐᒪᓂᑑᒪᓐ ᑭᑮ ᒦᓂᑯᐙ ᔔᓂᔮᓐ ᐃᐃᒫ ᑭᒪᔥᑭᒧᑎᐙᕽ᙮ ᓂᑮ ᑌᐱᓈ ᐅᔕ ᑳᑮ ᑎᐸᐊᒪᐎᔦᒃ, ᐅᑮᐃᑯᐙᓐ᙮ ᒦᑕᔥ ᑳᐃᔑ ᐲᓈᓂᒡ ᓯᒥᔭᓇᓐ Simeon ᐁᔑᐊᔮᐙᒡ᙮
24ᐅᑮ ᐃᔑᐎᓂᑯᐙᓐ ᐃᑕᔥ ᐃᓂ ᐅᐸᒦᑖᑫᓐ ᐅᐙᑳᐃᑲᓂᓃᕽ ᒎᓴᐴᓐ, ᒦᔥ ᑳᐃᔑ ᒦᓂᑯᐙᒡ ᓂᐲᓂ ᑫᑭᓰᐲᑭᓯᑌᐙᑫᐙᒡ, ᐅᑮ ᒦᓂᑯᐙᓐ ᑲᔦ ᑫᐊᔕᒫᐙᒡ ᐅᒫᔑᒥᑕᑎᒨᒥᐙᐞ᙮ 25ᒦᑕᔥ ᑳᐃᔑ ᑮᔖᒋ ᐅᓂᓇᒧᐙᒡ ᐙᒦᓈᐙᒡ ᒎᓴᐴᓐ ᐊᐲ ᑕᑯᔑᓂᓂᒡ ᓈᐗᑴᓂᒃ, ᐋᓃᔥ ᑮᓅᑕᒨᒃ ᒋᐐᒋ ᐐᓯᓃᒫᐙᒡ᙮ 26ᐊᐲ ᑕᔥ ᒎᓴᑉ ᑳᐱ ᑕᑯᔑᕽ ᐅᐙᑳᐃᑲᓂᕽ, ᐅᑮ ᒦᓂᑰᐞ ᐐᒋᑭᐌᔭᐞ ᒦᑭᐙᓇᓐ ᑳᑮ ᐲᑑᓂᒡ ᐅᐙᑳᐃᑲᓂᕽ᙮ ᑮᐊᓂᒥᑯᑖᐗᐞ ᐃᑕᔥ ᒥᑕᑲᒥᒃ ᐁᓈᓴᒦᒡ᙮ 27ᒦᑕᔥ ᑳᐃᔑ ᑲᑴᒋᒫᒡ ᐋᓃᓐ ᐁᔑᐊᔮᓂᒡ᙮ ᐅᐅ ᑕᔥ ᑲᔦ ᐅᑮᐃᓈᐞ, ᒥᓄᐊᔮ ᓇ ᑳᐊᑭᐌᓰᐎᒡ ᑭᑌᑌᐙ ᑳᑕᔑᒣᒃ? ᑫᔮᐱ ᓇ ᐱᒫᑎᓯ? ᐅᑮᐃᓈᐞ᙮
28ᐅᐅ ᑕᔥ ᐅᑮᐃᑰᐞ, ᑭᑕᓄᑮᐋᑲᓐ ᓂᑌᑌᓈᓐ ᓴ ᑫᔮᐱ ᐱᒫᑎᓯ, ᐅᑮᐃᑰᐞ᙮ ᒦᑕᔥ ᑳᐃᔑ ᐊᓂᒥᑯᑖᓂᒡ ᐁᑮ ᑭᑌᓂᒥᑯᒡ᙮
29ᐁᐊᔨᓈᐱᒡ ᐃᑕᔥ ᐅᑮ ᐙᐸᒫᓐ ᐐᒋᑭᐌᔭᓐ ᐯᒋᒪᓇᓐ, ᐅᒫᒫᓐ ᑳᑮ ᐅᑯᓯᓯᓂᒡ᙮ ᒦᑕᔥ ᑳᐃᑭᑐᒡ, ᒦᓇ ᐗᐊ ᒫᐗᒡ ᑳᐅᔒᒣᔑᒫᐎᒡ ᑮᒋᑭᐌᔨᐙ ᑳᑕᔑᑕᒪᐎᔦᒃ? ᒦᔥ ᑳᐊᓂ ᐃᑭᑐᒡ, ᑭᔐᒪᓂᑑ ᑭᑲ ᒥᓄᑑᑖᒃ, ᓂᑯᓯᔅ, ᑮᐃᑭᑐ᙮ 30ᑮᔖᑰᑌᑕᒻ ᐃᑕᔥ ᒎᓴᑉ ᐁᐙᐸᒫᒡ ᐐᒋᑭᐌᔭᓐ, ᒦᔥ ᐌᔩᑉ ᑳᐊᓂ ᐃᔑ ᓵᑲᐊᕽ ᐁᑮ ᐊᑐᓀᐊᕽ ᐋᑎ ᑫᑕᓇᑌᒧᒡ᙮ ᐐᓐ ᐃᑕᔥ ᐃᑯ ᐅᐸᑫᒋᑲᓂᕽ ᑮᐃᔑ ᐲᑎᑫ, ᒦᑕᔥ ᐌᑎ ᑳᑕᓇᑌᒧᒡ᙮ 31ᐊᐲ ᑕᔥ ᑳᐃᔥᒀ ᑭᓰᑴᒡ ᑮᐱ ᓵᑲᐊᒻ ᐱᓵᓐ ᐁᑮ ᐊᔭᔮᒡ, ᒦᔥ ᑳᐃᑭᑐᒡ, ᐊᐤ, ᐊᔭᔕᑫᒃ ᒦᒋᒻ, ᑮᐃᑭᑐ᙮ 32ᐱᑭᔥ ᐃᑕᔥ ᒎᓴᑉ ᑮᐊᔕᒫ, ᐐᒋᑭᐌᔭᐞ ᑲᔦ᙮ ᐄᒋᑉ ᑳᐅᒌᓂᒡ ᑲᔦ ᑳᑮ ᐐᒋ ᐐᓯᓃᒥᑯᒡ ᐱᑭᔥ ᑮᐊᔕᒫᐗᐞ᙮ ᐄᒋᑉ ᑳᐅᒌᐙᒡ ᐋᓃᔥ ᑳᐐᓐ ᐅᑮ ᐐᒋ ᐐᓯᓂᒫᓯᐙᐙᐞ ᐄᐸᕒᐆᐗᐞ Hebrews, ᐐᑫ ᐅᑮ ᑲᒀᓂᓴᑫᑖᓈᐙ ᐅᐅ ᒌᔑᒋᑫᐙᒡ᙮ 33ᐐᒋᑭᐌᔭᐞ ᐃᑕᔥ ᑮᐅᒋᔥᑲᐗᐱᐗᐞ ᐁᓈᓴᒪᐱᒡ, ᐊᔮᑕᓱ ᐱᐴᓉᓂᒡ ᐁᑮ ᐃᔑ ᐅᓇᐱᐃᒥᓐᒡ, ᒫᐗᒡ ᐌᔒᒣᔑᒫᐎᓂᒡ, ᐲᓂᔥ ᐃᓂ ᒫᐗᒡ ᓭᓰᑭᓯᓂᒡ᙮ ᐁᑲᑲᓇᐙᐸᑎᓂᒡ ᐃᑕᔥ ᐐᑫ ᑮᒫᒪᑳᑌᑕᒨᐞ᙮ 34ᐅᒦᒋᒥᒥᓂ ᑕᔥ ᒎᓴᑉ ᐅᑕᑑᐳᐎᓈᑯᕽ ᑮᐅᒋ ᐊᔕᒫᐗᐞ, ᐯᒋᒪᓇᓐ ᐃᑕᔥ ᓈᓂᕽ ᒥᓂᒃ ᑮᐊᔕᒫᐗᓐ ᐊᐲᒡ ᐐᓐ ᑯᑕᒃ ᐊᐎᔭᐞ᙮ ᑮᐐᓯᓂᐗᐞ ᐁᐐᒋ ᐐᓯᓃᒥᑯᒡ, ᐁᑮ ᒥᓂᑴᓂᒡ ᑲᔦ ᐁᒧᒋᑲᑲᒥᑭᓯᓂᒡ᙮
Iliyochaguliwa sasa
ᒉᓂᓯᔅ 43: OJBS
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Ojibwe Shorter Bible (Syllabic Script) © 2008 Canadian Bible Society
ᒉᓂᓯᔅ 43
43
ᒎᓴᑉ ᐐᒋᑭᐌᔭᐞ ᑮᑮᐌᐃᔖᓂᒡ ᐄᒋᐸᑮᕽ ᐯᒋᒪᓇᓐ ᑮᐐᒌᐙᓂᒡ
1ᐋᒌᑫ ᑕᔥ ᐐᑫ ᑮᐊᓂ ᑲᒀᑕᑫᑖᑾᓐ ᐃᐃᒫ ᐊᑮᕽ ᐁᑮ ᐊᔮᓯᓄᒃ ᒦᒋᒻ᙮ 2ᐊᐲ ᑕᔥ ᑳᑭᑖᐙᒡ ᑲᑭᓇ ᒦᒋᒻ ᑳᑮ ᐅᒋ ᐊᑖᐌᐙᐸᓐ ᐄᒋᐸᑮᕽ Egypt, ᐅᑌᑌᐙᓐ ᐅᑮᐃᑯᐙᓐ, ᒫᒑᒃ ᒦᓇᐙ ᑮᐌ ᐃᔖᒃ ᒋᐊᑕ ᐊᑖᐌᔦᒃ ᐸᑮ ᑫᔮᐱ ᒦᒋᒻ ᑫᒦᒋᔭᕽ, ᐅᑮᐃᑯᐙᓐ᙮
3ᒎᑕ Judah ᑕᔥ ᐅᑮᐃᓈᓐ ᐅᑌᑌᓐ, ᐊᐊ ᐅᔕ ᐃᓂᓂ ᐌᐌᓂ ᓂᑮ ᐊᔮᒀᒥᒥᑯᓈᓐ ᐅᐅ ᐁᑮᐃᓂᓇᑭᒡ, ᑳᐐᓐ ᓴ ᑭᑲ ᐙᐸᒥᓰᒻ ᑮᔥᐱᓐ ᐱᐐᒌᐙᓯᐌᒃ ᑮᒋᑭᐌᔨᐙ᙮ 4ᑮᔥᐱᓐ ᐃᑕᔥ ᐃᔑᓂᔕᐗᒡ ᓂᔒᒣᔑᓈᓐ ᒋᐐᒌᐎᔭᒥᓐᒡ, ᓂᑲ ᐃᔖᒥᓐ ᐃᓴ ᒋᐊᑕ ᐊᑖᐌᑕᒫᑰᔭᓐ ᒦᒋᒻ᙮ 5ᑮᔥᐱᓐ ᐃᑕᔥ ᐐᓐ ᐐᐃᔑᓂᔕᐙᓯᐗᒡ, ᑳᐐᓐ ᓂᑲ ᐃᔖᓰᒥᓐ᙮ ᐋᓃᔥ ᐅᐅ ᓂᑮᐃᑯᓈᓐ ᐊᐊ ᐃᓂᓂ, ᑳᐐᓐ ᓴ ᑭᑲ ᐙᐸᒥᓰᒻ ᑮᔥᐱᓐ ᐱᐐᒌᐙᓯᐌᒃ ᑮᒋᑭᐌᔨᐙ, ᒦ ᐃ ᑳᐃᓈᒡ ᐅᑌᑌᓐ᙮
6ᐃᔅᕒᐃᔭᓬ Israel ᑕᔥ ᑮᐃᑭᑐ, ᐌᑯᓀᓐ ᐃᑕᔥ ᐌᒋ ᑭᒋ ᒫᓀᑕᒥᐃᔦᒃ ᐁᑮ ᐐᑕᒪᐌᒃ ᐊᐊ ᐃᓂᓂ ᐁᐊᔮᐎᒣᒃ ᑫᔮᐱ ᑯᑕᒃ ᑮᒋᑭᐌᔨᐙᓐ᙮
7ᐅᐅ ᑕᔥ ᐅᑮᐃᓈᐙᓐ, ᐊᐊ ᐅᔕ ᐃᓂᓂ ᒣᒥᑕᑫ ᑯ ᓂᑮ ᑲᑴᒋᒥᑯᓈᓐ ᓃᓇᐎᓐᑦ ᐅᒋ, ᓂᑎᓇᐌᒫᑲᓂᓈᓂᐞ ᐃᑕᔥ ᐁᑮᐃᔑᔭᒥᓐᒡ, ᑭᑌᑌᐙ ᓇ ᑫᔮᐱ ᐱᒫᑎᓯ? ᑭᑕᔮᐙᐙ ᓇ ᑫᔮᐱ ᑯᑕᒃ ᑮᒋᑭᐌᔨᐙ? ᐁᑮᐃᔑᔭᒥᓐᒡ᙮ ᓂᑮ ᓇᑴᑕᐙᓈᓐ ᐃᑕᔥ ᐋᓃᓐ ᑳᑮ ᐃᔑ ᑲᑴᒋᒥᔭᒥᓐᒡ᙮ ᐋᓃᓐ ᐃᑕᔥ ᑫᑮ ᐃᓇᒪᑕᒫᑭᐸᓐ ᐅᐅ ᒌᑭᑐᒡ, ᐲᓈᑫᒃ ᓴ ᑮᒋᑭᐌᔨᐙ?
8ᒎᑕ ᐃᑕᔥ ᐅᑮᐃᓈᓐ ᐅᑌᑌᓐ ᐃᔅᕒᐃᔭᓬᐊᓐ, ᐱᓵᓐ ᐃᔑᓂᔕᐅ ᐊᐊ ᑸᐎᓭᔅ ᒋᐐᒌᐎᒡ, ᔐᒫᒃ ᐃᑕᔥ ᓂᑲ ᒫᒑᒥᓐ᙮ ᑮᓇᐎᓐᑦ ᐃᑕᔥ, ᑫᑮᓐ ᐃᑕᔥ, ᑭᓃᒑᓂᓯᓈᓂᒃ ᑲᔦ ᒋᐱᒫᑕᔅᑲᑌᐙᒡ᙮ 9ᓃᓐ ᓴ ᐱᑯ ᓂᑲ ᐊᐱ ᐸᑭᑎᓈᓐ ᓂᐱᒫᑎᓯᐎᓐ ᐐᓐ ᐅᒋ; ᑭᑲ ᑑᑕᐤ ᐃᓴ ᑯᐱᓵᓐ ᓃᓐ ᒋᐅᐸᐹᒥᓯᐎᓂᔮᓐ ᑮᔥᐱᓐ ᑫᑰᓐ ᐃᔑᓭᒡ᙮ ᑮᔥᐱᓐ ᐱᑮᐌᐎᓈᓯᐗᒃ ᐃᔑ ᐸᑭᑎᓈᓯᐗᒃ ᐃᑕᔥ ᐁᔑᐊᔮᐗᒡ, ᑕᑲ ᓴ ᓃᓐ ᓀᐱᒡ ᐃᑯ ᓂᑲ ᐊᓈᒣᑖᑯᔅ ᐁᓈᓴᒦᔭᓐ᙮ 10ᑮᔥᐱᓐ ᐃᑕᔥ ᐅᓵᒻ ᑭᓉᔥ ᐅᑕᒦᓭᓯᐙᑭᐸᓐ, ᐋᔕ ᓃᔑᕽ ᐌᑎ ᓂᑖᑮ ᐱᐅᒋ ᑕᑯᔑᓂᒥᓐ, ᑮᐃᑭᑐ᙮ 11ᐅᑌᑌᐙᓐ ᐃᑕᔥ ᐃᔅᕒᐃᔭᓬᐊᓐ Israel ᑮᐃᑭᑐᐗᓐ, ᑮᔥᐱᓐ ᐃᑕᔥ ᒦᐁᑕᑯ ᐁᔑᓈᑾᓄᑴᓐ, ᐅᐅ ᓴ ᐃᔑᒋᑫᒃ, ᐲᓇᐊᒧᒃ ᓴ ᒫᐗᒡ ᐌᓂᔑᔑᑭᓐ ᑭᑎᑳᓂᐎ ᑫᑰᓇᓐ ᐅᐅᒫ ᐊᑮᕽ ᐌᒋ ᓂᑖᐎᑭᑭᓐ, ᒋᒦᓀᒃ ᐊᐊ ᐃᓂᓂ ᒦᑭᐙᓇᓐ ᒌᓍᑌᓂᑭᓐ᙮ ᐅᓄ ᑲᔦ ᒫᒌᑑᒃ, ᔑᔓᐲᑮᐎᓇᓐ balm, ᐸᑮ ᐋᒨᐎ ᓰᓯᐹᑾᑦ honey, ᑕᑯᓭᒀᓇᓐ spices, ᐱᑭᐎ ᒥᓈᑯᐅᓐ myrrh ᑲᔦ, ᐱᔅᑖᒋᔫᐎ ᐸᑳᓇᒃ pistachio, ᐊᓬᒫᑎᐎ ᐸᑳᓇᒃ almond ᑲᔦ᙮ 12ᒫᒌᓂᒃ ᐃᑕᔥ ᑲᔦ ᓃᔑᕽ ᒥᓂᒃ ᔔᓂᔮ, ᐅᒋᑕᑯ ᐃᔑᓈᑾᓐ ᒋᑮᐌᐎᓀᒃ ᒥᓂᒃ ᑳᑮ ᐲᓱᒡ ᔔᓂᔮ ᑭᒪᔥᑭᒧᑎᐙᕽ ᐁᔑ ᐹᑮᑭᓂᑳᑌᑭᓐ᙮ ᒫᑭᔖ ᐊᐎᔭ ᑮᐗᓃᑑᑕᒧᑐᒃ ᐃᐃ ᑳᑮ ᐅᒋ ᐃᔑᓭᒃ᙮ 13ᒫᒌᓂᒃ ᐃᑕᔥ ᑲᔦ ᑭᔒᒣᔑᐙ, ᔐᒫᒃ ᒌᔖᔦᒃ ᐊᐊ ᐃᓂᓂ᙮ 14ᑕᑲ ᓴ ᑳᒫᐗᒋ ᒪᔥᑲᐎᓰᒡ ᑭᔐᒪᓂᑑ ᐅᑲ ᐃᔑᐋᓐ ᐃᓂ ᐃᓂᓂᐗᓐ ᒋᑰᐹᑌᓂᒥᓀᒃ ᒋᐸᑭᑎᓈᒡ ᐃᓂ ᑯᑕᒃ ᑮᒋᑭᐌᔨᐙᓐ, ᐯᒋᒪᓇᓐ Benjamin ᑲᔦ ᒋᐱᑮᐌ ᐐᒌᐎᓂᒣᒃ᙮ ᓃᓐ ᐃᑕᔥ ᒦ ᐃ ᐁᒣᑎᓇᒫᑰᔮᓐ ᓂᓃᒑᓂᓴᒃ, ᐐᑫ ᓂᒪᔕᔥᑯᓂᑰ! ᑮᐃᑭᑐ᙮
15ᒦᑕᔥ ᐃᑭ ᐐᒋᑭᐌᔨᒫᒃ ᑳᐃᔑ ᒫᒌᑑᐙᒡ ᒦᑭᐙᓇᓐ, ᓃᔑᕽ ᑲᔦ ᒥᓂᒃ ᔔᓂᔮᓐ ᑳᑮ ᒫᒌᓈᐙᐸᓐ, ᐯᒋᒪᓇᓐ ᑲᔦ ᐁᑮ ᒫᒌᓈᐙᒡ᙮ ᑮᐃᔖᐗᒃ ᐃᑕᔥ ᐄᒋᐸᑮᕽ ᐁᑮ ᐃᓈᓴᒥᑳᐸᐎᐙᒡ ᐁᔑᐊᔮᓂᒡ ᒎᓴᐴᓐ Joseph᙮ 16ᐊᐲ ᑕᔥ ᒎᓴᑉ ᐁᐙᐸᒫᒡ ᐯᒋᒪᓇᓐ ᐁᐐᒌᐙᓂᒡ, ᐅᑮ ᑲᓅᓈᓐ ᐃᓂᓂᐗᓐ ᑳᐸᒦᑖᑯᒡ ᐅᐙᑳᐃᑲᓂᕽ ᐁᑮᐃᓈᒡ, ᐲᔥ ᐃᑭ ᐃᓂᓂᐗᒃ ᓂᐙᑳᐃᑲᓂᕽ᙮ ᓂᔑ ᐊᔭᐋᐎᔥ ᑫᑾᔮᒋᐊᒡ᙮ ᐃᑭ ᓴ ᐃᓂᓂᐗᒃ ᓂᑲ ᐐᒋ ᐐᓯᓃᒥᑰᒃ ᓈᐗᑴᓂᒃ, ᐅᑮᐃᓈᓐ᙮ 17ᒦᑕᔥ ᑳᐃᔑᒋᑫᓂᒡ ᐃᓂ ᐃᓂᓂᐗᓐ ᒎᓴᑉ ᑳᑮᐃᓈᒡ, ᐅᑮ ᐃᔑᐎᓈᓂ ᑲᔦ ᐃᐃ ᐃᓂᓂᐗᐞ ᐅᐙᑳᐃᑲᓂᕽ᙮
18ᐐᒋᑭᐌᔭᐞ ᐃᑕᔥ ᑮᓭᑭᓯᐗᐞ ᐊᐲ ᐁᔑᐎᓂᒥᓐᒡ ᐅᐙᑳᐃᑲᓂᕽ᙮ ᐅᐅ ᓴ ᑮᐃᓀᑕᒨᐞ, ᒦ ᓴ ᐅᒫ ᐌᒋ ᐲᓂᑰᔮᕽ ᐊᐊ ᔔᓂᔮ ᑳᑮ ᑮᐌ ᒦᓂᑰᔮᕽ ᑳᑮ ᐲᓱᒡ ᓂᒪᔥᑭᒧᑎᓈᓂᕽ ᓂᑕᒻ ᐅᐅᒫ ᑮᐲᔖᔮᑭᐸᓐ᙮ ᑫᒋᓈᒡ ᓂᑲ ᐅᑎᑎᓂᑯᓈᓐ, ᑮᔖᑰᒋᐃᔭᒥᓐᒡ ᐃᑕᔥ, ᒦ ᐃ ᑫᑑᑖᑯᔮᕽ ᒋᑲᒀᑕᑭ ᐊᓄᑮᐃᔭᒥᓐᒡ, ᒋᐅᑖᐱᓈᒡ ᐃᑕᔥ ᑲᔦ ᓂᒫᔑᒥᑕᑎᒨᒥᓈᓂᐞ, ᑮᐃᓀᑕᒨᒃ᙮ 19ᐁᔑ ᐃᔥᒀᑌᒥᐗᓂᓂᒃ ᐃᑕᔥ ᐃᐃ ᐙᑳᐃᑲᓐ ᐁᐊᓂ ᐊᔮᐙᒡ, ᐅᑮ ᑲᓅᓈᐙᓐ ᒎᓴᐴᓐ ᐯᒦᑖᑯᓂᒡ᙮ 20ᐅᐅ ᑕᔥ ᐅᑮᐃᓈᐙᓐ, ᓂᑑᑭᒫᒥᓈᓐ, ᑕᑲ ᐱᓯᑕᐎᔑᓈᒻ, ᓂᑕᒻ ᐅᐅᒫ ᑳᐲᔖᔮᑭᐸᓐ ᓂᑮ ᐱ ᐊᑖᐌᒥᓐ ᒦᒋᒻ᙮ 21ᐊᐲ ᑕᔥ ᐁᑭᐱᒌᔮᕽ ᐁᐐ ᑲᐯᔑᔮᕽ, ᐁᐹᑭᓇᒫᕽ ᐃᑕᔥ ᓂᒪᔥᑭᒧᑎᓈᓂᓐ, ᑲᑭᓇ ᐁᑕᔑᔮᕽ ᓂᑮ ᒥᑲᐙᓈᓐ ᓂᔔᓂᔮᒥᓈᓐ, ᑲᑭᓇ ᐄᑐᒃ ᐃᐃᒫ ᐁᑮ ᐊᔮᒡ ᑳᔑ ᐹᐹᑮᑭᓂᑳᑌᑭᓐ ᓂᒪᔥᑭᒧᑎᓈᓂᓐ᙮ ᑲᑭᓇ ᑕᔥ ᓂᑮ ᐱᑮᐌᐎᓈᓈᓐ᙮ 22ᑯᑕᒃ ᐃᑕᔥ ᑲᔦ ᔔᓂᔮ ᓂᑮ ᐲᓈᓈᓐ ᐁᐐ ᐊᑖᐌᔮᕽ ᒦᒋᒻ᙮ ᑳᐐᓐ ᐃᑕᔥ ᓂᑭᑫᓂᒫᓯᐙᓈᓐ ᐊᐌᓀᓐ ᑳᑮᐌ ᐲᓇᐙᑴᓐ ᓂᒪᔥᑭᒧᑎᓈᓂᕽ, ᑮᐃᑭᑐᐗᒃ᙮ 23ᐅᐅ ᑕᔥ ᐅᑮᐃᑯᐙᓐ, ᒦᑯ ᐃ, ᑫᑯ ᓭᑭᓯᑫᒃ᙮ ᑭᑭᔐᒪᓂᑑᒥᐙ ᐅᔕ, ᑭᑌᑌᐙ ᑲᔦ ᐅᑭᔐᒪᓂᑑᒪᓐ ᑭᑮ ᒦᓂᑯᐙ ᔔᓂᔮᓐ ᐃᐃᒫ ᑭᒪᔥᑭᒧᑎᐙᕽ᙮ ᓂᑮ ᑌᐱᓈ ᐅᔕ ᑳᑮ ᑎᐸᐊᒪᐎᔦᒃ, ᐅᑮᐃᑯᐙᓐ᙮ ᒦᑕᔥ ᑳᐃᔑ ᐲᓈᓂᒡ ᓯᒥᔭᓇᓐ Simeon ᐁᔑᐊᔮᐙᒡ᙮
24ᐅᑮ ᐃᔑᐎᓂᑯᐙᓐ ᐃᑕᔥ ᐃᓂ ᐅᐸᒦᑖᑫᓐ ᐅᐙᑳᐃᑲᓂᓃᕽ ᒎᓴᐴᓐ, ᒦᔥ ᑳᐃᔑ ᒦᓂᑯᐙᒡ ᓂᐲᓂ ᑫᑭᓰᐲᑭᓯᑌᐙᑫᐙᒡ, ᐅᑮ ᒦᓂᑯᐙᓐ ᑲᔦ ᑫᐊᔕᒫᐙᒡ ᐅᒫᔑᒥᑕᑎᒨᒥᐙᐞ᙮ 25ᒦᑕᔥ ᑳᐃᔑ ᑮᔖᒋ ᐅᓂᓇᒧᐙᒡ ᐙᒦᓈᐙᒡ ᒎᓴᐴᓐ ᐊᐲ ᑕᑯᔑᓂᓂᒡ ᓈᐗᑴᓂᒃ, ᐋᓃᔥ ᑮᓅᑕᒨᒃ ᒋᐐᒋ ᐐᓯᓃᒫᐙᒡ᙮ 26ᐊᐲ ᑕᔥ ᒎᓴᑉ ᑳᐱ ᑕᑯᔑᕽ ᐅᐙᑳᐃᑲᓂᕽ, ᐅᑮ ᒦᓂᑰᐞ ᐐᒋᑭᐌᔭᐞ ᒦᑭᐙᓇᓐ ᑳᑮ ᐲᑑᓂᒡ ᐅᐙᑳᐃᑲᓂᕽ᙮ ᑮᐊᓂᒥᑯᑖᐗᐞ ᐃᑕᔥ ᒥᑕᑲᒥᒃ ᐁᓈᓴᒦᒡ᙮ 27ᒦᑕᔥ ᑳᐃᔑ ᑲᑴᒋᒫᒡ ᐋᓃᓐ ᐁᔑᐊᔮᓂᒡ᙮ ᐅᐅ ᑕᔥ ᑲᔦ ᐅᑮᐃᓈᐞ, ᒥᓄᐊᔮ ᓇ ᑳᐊᑭᐌᓰᐎᒡ ᑭᑌᑌᐙ ᑳᑕᔑᒣᒃ? ᑫᔮᐱ ᓇ ᐱᒫᑎᓯ? ᐅᑮᐃᓈᐞ᙮
28ᐅᐅ ᑕᔥ ᐅᑮᐃᑰᐞ, ᑭᑕᓄᑮᐋᑲᓐ ᓂᑌᑌᓈᓐ ᓴ ᑫᔮᐱ ᐱᒫᑎᓯ, ᐅᑮᐃᑰᐞ᙮ ᒦᑕᔥ ᑳᐃᔑ ᐊᓂᒥᑯᑖᓂᒡ ᐁᑮ ᑭᑌᓂᒥᑯᒡ᙮
29ᐁᐊᔨᓈᐱᒡ ᐃᑕᔥ ᐅᑮ ᐙᐸᒫᓐ ᐐᒋᑭᐌᔭᓐ ᐯᒋᒪᓇᓐ, ᐅᒫᒫᓐ ᑳᑮ ᐅᑯᓯᓯᓂᒡ᙮ ᒦᑕᔥ ᑳᐃᑭᑐᒡ, ᒦᓇ ᐗᐊ ᒫᐗᒡ ᑳᐅᔒᒣᔑᒫᐎᒡ ᑮᒋᑭᐌᔨᐙ ᑳᑕᔑᑕᒪᐎᔦᒃ? ᒦᔥ ᑳᐊᓂ ᐃᑭᑐᒡ, ᑭᔐᒪᓂᑑ ᑭᑲ ᒥᓄᑑᑖᒃ, ᓂᑯᓯᔅ, ᑮᐃᑭᑐ᙮ 30ᑮᔖᑰᑌᑕᒻ ᐃᑕᔥ ᒎᓴᑉ ᐁᐙᐸᒫᒡ ᐐᒋᑭᐌᔭᓐ, ᒦᔥ ᐌᔩᑉ ᑳᐊᓂ ᐃᔑ ᓵᑲᐊᕽ ᐁᑮ ᐊᑐᓀᐊᕽ ᐋᑎ ᑫᑕᓇᑌᒧᒡ᙮ ᐐᓐ ᐃᑕᔥ ᐃᑯ ᐅᐸᑫᒋᑲᓂᕽ ᑮᐃᔑ ᐲᑎᑫ, ᒦᑕᔥ ᐌᑎ ᑳᑕᓇᑌᒧᒡ᙮ 31ᐊᐲ ᑕᔥ ᑳᐃᔥᒀ ᑭᓰᑴᒡ ᑮᐱ ᓵᑲᐊᒻ ᐱᓵᓐ ᐁᑮ ᐊᔭᔮᒡ, ᒦᔥ ᑳᐃᑭᑐᒡ, ᐊᐤ, ᐊᔭᔕᑫᒃ ᒦᒋᒻ, ᑮᐃᑭᑐ᙮ 32ᐱᑭᔥ ᐃᑕᔥ ᒎᓴᑉ ᑮᐊᔕᒫ, ᐐᒋᑭᐌᔭᐞ ᑲᔦ᙮ ᐄᒋᑉ ᑳᐅᒌᓂᒡ ᑲᔦ ᑳᑮ ᐐᒋ ᐐᓯᓃᒥᑯᒡ ᐱᑭᔥ ᑮᐊᔕᒫᐗᐞ᙮ ᐄᒋᑉ ᑳᐅᒌᐙᒡ ᐋᓃᔥ ᑳᐐᓐ ᐅᑮ ᐐᒋ ᐐᓯᓂᒫᓯᐙᐙᐞ ᐄᐸᕒᐆᐗᐞ Hebrews, ᐐᑫ ᐅᑮ ᑲᒀᓂᓴᑫᑖᓈᐙ ᐅᐅ ᒌᔑᒋᑫᐙᒡ᙮ 33ᐐᒋᑭᐌᔭᐞ ᐃᑕᔥ ᑮᐅᒋᔥᑲᐗᐱᐗᐞ ᐁᓈᓴᒪᐱᒡ, ᐊᔮᑕᓱ ᐱᐴᓉᓂᒡ ᐁᑮ ᐃᔑ ᐅᓇᐱᐃᒥᓐᒡ, ᒫᐗᒡ ᐌᔒᒣᔑᒫᐎᓂᒡ, ᐲᓂᔥ ᐃᓂ ᒫᐗᒡ ᓭᓰᑭᓯᓂᒡ᙮ ᐁᑲᑲᓇᐙᐸᑎᓂᒡ ᐃᑕᔥ ᐐᑫ ᑮᒫᒪᑳᑌᑕᒨᐞ᙮ 34ᐅᒦᒋᒥᒥᓂ ᑕᔥ ᒎᓴᑉ ᐅᑕᑑᐳᐎᓈᑯᕽ ᑮᐅᒋ ᐊᔕᒫᐗᐞ, ᐯᒋᒪᓇᓐ ᐃᑕᔥ ᓈᓂᕽ ᒥᓂᒃ ᑮᐊᔕᒫᐗᓐ ᐊᐲᒡ ᐐᓐ ᑯᑕᒃ ᐊᐎᔭᐞ᙮ ᑮᐐᓯᓂᐗᐞ ᐁᐐᒋ ᐐᓯᓃᒥᑯᒡ, ᐁᑮ ᒥᓂᑴᓂᒡ ᑲᔦ ᐁᒧᒋᑲᑲᒥᑭᓯᓂᒡ᙮
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Ojibwe Shorter Bible (Syllabic Script) © 2008 Canadian Bible Society