ᒉᓂᓯᔅ 42
42
ᒎᓴᑉ ᐐᒋᑭᐌᔭᐞ ᑮᐃᔑᓂᔕᐅᒥᓐᒡ ᐄᒋᐸᑮᕽ ᒋᓈᒋᒦᒋᒣᓂᒡ
1ᒉᑲᑉ Jacob ᐃᑕᔥ ᑮᓅᑕᒻ ᐁᐊᔮᓂᒃ ᒦᒋᒻ ᐄᒋᐸᑮᕽ Egypt, ᒦᔥ ᑳᐃᓈᒡ ᐅᑯᓯᓴᐞ, ᐌᑯᓀᓐ ᐃᑕᔥ ᐌᒋ ᒥᒋ ᑲᑲᓇᐙᐸᑎᔦᒃ, ᐅᑮᐃᓈᐞ᙮ 2#Act 7.12. ᒦᑕᔥ ᑳᐊᓂᐃᓈᒡ, ᐃᓇᔥᑫ ᓂᓅᑕᒻ ᐁᐊᔮᒃ ᐄᓴᓐ ᒦᒋᒻ ᐄᒋᐸᑮᕽ; ᒫᒑᒃ ᐃᔖᒃ ᐌᑎ ᒋᐊᐎ ᐊᑖᐌᔦᒃ, ᒋᐱᒫᑎᓯᔭᕽ, ᒋᑲᐗᔅᑲᑌᓯᐗᕽ, ᐅᑮᐃᓈᐞ᙮ 3ᒎᓴᑉ Joseph ᐃᑕᔥ ᐐᒋᑭᐌᔭᐞ ᑳᑮ ᒥᑖᒋᓂᒡ ᑮᐃᔖᐗᐞ ᐄᒋᐸᑮᕽ ᐁᑮ ᐊᑕ ᐊᑖᐌᓂᒡ ᒦᒋᒻ᙮ 4ᒉᑲᑉ ᑕᔥ ᑳᐐᓐ ᐅᑮ ᐸᑭᑎᓈᓰᓐ ᐯᒋᒪᓇᓐ Benjamin ᒎᓴᐴᓐ ᑳᑮ ᐅᐐᒋᑭᐌᒥᑯᓂᒡ, ᒋᐐᒌᐙᓂᒡ ᐐᒋᑭᐌᔨᓂ᙮ ᒦ ᓴ ᑳᐃᑭᑐᒡ, ᓂᓇᓃᓵᓀᓂᒫ ᑫᑰᓂᓂ ᒋᔑ ᒫᔑᓭᒡ, ᑮᐃᑭᑐ᙮
5ᐃᔅᕒᐃᔭᓬ Israel ᑕᔥ ᐅᑯᓯᓴᐞ ᑮᐱ ᑕᑸᐗᐞ ᐃᐃᒫ ᒣᑴᔭᐄ ᐃᐃ ᑳᑮ ᐱ ᑕᑯᔑᓂᓂᒡ ᑳᐱ ᐊᑕ ᐊᑖᐌᓂᒡ ᒦᒋᒻ, ᐋᓃᔥ ᑲᔦ ᑫᓇᓐ Canaan ᐊᑮᕽ ᑳᐐᓐ ᑮᐊᔮᓯᓅᓐ ᒦᒋᒻ᙮ 6ᒎᓴᑉ ᐃᑕᔥ ᐅᑮ ᑎᐯᑖᓐ ᐃᐃ ᒥᓯᐌ ᐊᑮᓂ; ᐐᓐ ᑲᔦ ᑳᑮ ᐊᑖᒥᑯᒡ ᑲᑭᓇ ᐃᐃᒫ ᐊᑮᕽ ᑳᑮ ᐊᔮᓂᒡ᙮ ᐊᐲ ᑕᔥ ᒎᓴᑉ ᐐᒋᑭᐌᔭᐞ ᑳᐱ ᑕᑯᔑᓂᓂᒡ, ᒥᑕᑲᒥᒃ ᑮᐃᔑ ᐊᓂᒥᑯᑖᐗᐞ ᐁᔑᐊᔮᒡ᙮ 7ᔐᒫᒃ ᐃᑕᔥ ᐃᑯ ᐁᐙᐸᒫᒡ ᐐᒋᑭᐌᔭᐞ ᐅᑮ ᓂᓯᑕᐎᓇᐙᐞ᙮ ᑳᐐᓐ ᐃᑕᔥ ᐐᓐ ᐅᑮ ᓂᓯᑕᐎᓈᑯᓰᐞ᙮ ᑮᐃᔑᒋᑫᑳᓱ ᑕᔥ ᐁᑭᑫᓂᒫᓯᒃ, ᒦᔥ ᑳᐃᔑ ᓂᔥᑭ ᑲᓅᓈᒡ, ᐋᓃᑎ ᑮᓇᐙ ᐌᒌᔦᒃ, ᐁᑮᐃᓈᒡ᙮
ᒦᔥ ᑳᐃᑯᒡ, ᑫᓇᓐ ᐊᑮᕽ ᓂᑑᒌᒥᓐ, ᐁᐐ ᐱ ᐊᑖᐌᔮᕽ ᒦᒋᒻ, ᐅᑮᐃᑰᐞ᙮
8ᐋᓇ ᑕᔥ ᒎᓴᑉ ᐁᑮ ᓂᓯᑕᐎᓇᐙᒡ ᐐᒋᑭᐌᔭᐞ, ᑳᐐᓐ ᐃᑕᔥ ᐐᓐ ᐅᑮ ᓂᓯᑕᐎᓈᑯᓰᐞ᙮ 9#Gen 37.5-10. ᒦᑕᔥ ᑳᐃᔑ ᒫᒥᑲᐎᒡ ᑳᑮ ᐃᔑ ᐸᐙᓈᐸᓐ, ᒦᔥ ᑳᐃᓈᒡ, ᑮᓇᐙ ᐅᔕ ᐅᑮᒨᓵᐲᒃ! ᑭᐲᔖᒻ ᐁᐐ ᐙᐸᑕᒣᒃ ᐋᑎ ᐁᔑ ᑲᓇᐌᒋᑳᑌᓯᓄᒃ ᓂᑕᑮᒥᓈᓐ, ᐅᑮᐃᓈᐞ᙮
10ᒦᑕᔥ ᑳᐃᔑ ᓇᑴᑖᑯᒡ, ᑳᐐᓐ ᐅᔕ, ᓂᑑᑭᒫᒥᓈᓐ! ᓃᓇᐎᓐᑦ ᓴ ᑭᑕᓄᑮᐋᑲᓇᒃ ᓂᐲᔖᒥᓐ ᐁᐐ ᐊᑖᐌᔮᕽ ᒦᒋᒻ᙮ 11ᓃᓇᐎᓐᑦ ᓴ ᑲᑭᓇ ᐯᔑᒃ ᐃᓂᓂ ᓂᑑᑯᓯᓯᒥᑯᓈᓐ; ᐌᐌᓂ ᓴ ᓂᑎᔑᐊᔮᒥᓐ, ᑳᐐᓐ ᐐᓐ ᐅᑮᒨᓵᐲᒃ ᓂᑎᓄᐎᓰᒥᓐ᙮
12ᔖᑰᒡ ᐃᑕᔥ ᐅᑮᐃᓈᐞ, ᑳᐐᓐ ᐄᑐᒃ! ᒦ ᓴ ᐃ ᑳᐅᒋ ᐲᔖᔦᒃ ᐁᐐ ᐙᐸᑕᒣᒃ ᐋᑎ ᐁᔑ ᑲᓇᐌᒋᑳᑌᓯᓄᒃ ᓂᑕᑮᒥᓈᓐ! ᐅᑮᐃᓈᐞ᙮
13ᐅᐅ ᑕᔥ ᐅᑮᐃᑰᐞ, ᓃᓇᐎᓐᑦ ᓴ ᑭᑕᓄᑮᐋᑲᓇᒃ ᓂᑮ ᒥᑖᔑᓃᔑᒥᓐ ᐁᐅᐐᒋᑭᐌᑎᔮᕽ, ᐁᑮ ᐯᔑᑯᒡ ᓂᑌᑌᓈᓐ ᑳᐃᔑᑖᒡ ᑫᓇᓐ ᐊᑮᕽ᙮ ᒫᐗᒋ ᐅᔑᒣᔑᒫ ᑕᔥ ᐅᐐᑕᐱᒫᓐ ᓂᑌᑌᓈᓂᓐ, ᑯᑕᒃ ᐃᑕᔥ ᐊᐊ ᓃᒋᑭᐌᔨᓈᓐ ᑳᐐᓐ ᐱᒫᑎᓯᓰ, ᑮᐃᑭᑐᐗᐞ᙮
14ᒎᓴᑉ ᐃᑕᔥ ᐅᑮᐃᓈᐞ, ᒦᐄᑐᒃ ᐃᐃᓇᑫ ᑳᐃᓂᓇᑰᒃ, ᐅᑮᒨᓵᐲᒃ ᐁᑎᓄᐎᔦᒃ! 15ᒦᑕᔥ ᐅᐅ ᓇᑫ ᑫᔑ ᐊᑕ ᑭᑫᓂᒥᑰᔦᒃ, ᑫᒋᓈᒡ ᐃᑯ ᑳᐃᔑ ᑭᒋᐅᑭᒫᐎᒡ ᐯᕒᐆ Pharaoh, ᒦ ᐃᒫ ᑫᐅᒋ ᑫᒋᓈᐁᑖᑾᒃ ᐅᐅᒫ ᒋᐅᒋ ᒫᒑᓯᐌᒃ ᐹᓂᒫ ᒫᐗᒡ ᑭᔒᒣᔑᐙ ᐲᔖᒡ ᐅᐅᒫ᙮ 16ᐯᔑᒃ ᓴ ᑮᐌᓂᔕᐅᒃ ᑳᑕᔑᔦᒃ ᒋᓈᓯᑲᐙᒡ ᐃᓂ ᑮᒋᑭᐌᔨᐙᓐ, ᑮᓇᐙ ᑕᔥ ᐐᓐ ᑭᑲ ᑭᐸᐅᑰᒻ᙮ ᒦᑕᔥ ᐃᐃ ᓇᑫ ᑫᔑ ᐊᑕ ᑭᑫᒋᑳᑌᒃ ᐁᑭᑐᔦᒃ ᑕᑲ ᒋᑌᐺᐌᑴᓐ᙮ ᑮᔥᐱᓐ ᐃᑕᔥ ᐃᐃ ᐃᔑᓭᓯᓄᒃ, ᑖᐱᔥᑰ ᑳᐃᔑ ᑫᒋᓈᐁᑕᒫᓐ ᐊᐊ ᐯᕒᐆ ᐁᑭᒋᐅᑭᒫᐎᒡ, ᒦ ᐯᔑᑾᓐ ᑫᐊᐲᒋ ᑫᒋᓈᐁᑕᒫᓐ ᐅᑮᒨᓵᐲᒃ ᐄᓴᓐ ᐁᑎᓄᐎᔦᒃ! ᐅᑮᐃᓈᐞ᙮ 17ᒦᑕᔥ ᑳᐃᔑ ᑭᐸᐙᒡ ᑲᑭᓇ ᓂᓱᑮᔑᒃ ᒥᓂᒃ᙮
18ᓂᓱᑮᔑᒃ ᐃᑕᔥ ᐁᑮ ᐃᔑᓭᓂᒃ, ᒎᓴᑉ ᐅᑮᐃᓈᐞ, ᐅᐅ ᐃᔑᒋᑫᒃ, ᒦᔥ ᒋᐱᒫᑎᓯᔦᒃ, ᐋᓃᔥ ᓂᑯᑖᓀᓂᒫ ᑭᔐᒪᓂᑑ᙮ 19ᑮᔥᐱᓐ ᐃᑕᔥ ᐌᐌᓂ ᐁᓂᓃᐎᐌᑴᓐ, ᐯᔑᒃ ᓴ ᐅᐅᒫ ᑕᐊᔮ ᑭᐸᐅᑏᐎᑲᒥᑯᕽ᙮ ᑯᑕᒃ ᐃᑕᔥ ᑮᓇᐙ ᒋᑮᐌᔦᒃ, ᒌᔑᐎᑕᒪᐌᒀ ᒦᒋᒻ ᑳᓅᑌᔅᑲᑌᐙᒡ ᐁᔮᐙᒡ ᑭᑖᐎᓂᐙᕽ᙮ 20ᐲᑕᒪᐎᔒᑫᒃ ᐃᑕᔥ ᑳᒫᐗᒋ ᐅᔒᒣᔑᒫᐎᒡ ᑮᒋᑭᐌᔨᐙ, ᑭᑎᑭᑐᐎᓂᐙ ᑫᐅᒋ ᑭᑫᒋᑳᑌᒃ ᒋᐱᒫᑎᓯᔦᒃ ᐃᑕᔥ, ᐅᑮᐃᓈᐞ᙮
ᒦᑕᔥ ᐅᐅ ᑳᐃᔑᒋᑫᓂᒡ᙮ 21ᐅᐅ ᑕᔥ ᑮᐊᔨᓂᑎᐗᐞ, ᑫᒋᓈᒡ ᒫᐐᓐ ᒦ ᐃ ᐁᑎᐸᐊᒫᑰᔭᕽ ᐊᐊ ᐅᒋ ᑮᒋᑭᐌᔨᓈᐸᓐ, ᐋᓃᔥ ᑭᑮ ᐙᐸᒫᓈᓐ ᐋᓃᓐ ᑳᐊᐲᒋ ᑲᒀᑕᑫᑕᕽ ᑮᑲᓅᓂᓇᕽ ᒋᐸᐹᒣᓂᒫᓯᐗᑭᐸᓐ; ᑳᐐᓐ ᐃᑕᔥ ᑭᑮ ᐸᐹᒥᑕᐙᓯᐙᓈᓐ᙮ ᒦᑕᔥ ᐅᐅ ᓅᑯᒻ ᑳᐅᒋ ᑲᒀᑕᑭᓭᔭᕽ, ᑮᐊᔨᑭᑐᐗᐞ᙮
22 # Gen 37.21,22. ᐅᕒᐆᐸᓇᓐ Reuben ᑕᔥ ᑮᐃᑭᑐᐗᓐ, ᑭᑖᓇᑮ ᑲᓅᓂᓂᓂᒻ ᐄᑐᒃ ᐃᑕᔥ ᒋᒪᒋᑑᑕᐙᓯᐌᒃ ᐊᐊ ᑸᐎᓭᔅ, ᑳᐐᓐ ᐃᑕᔥ ᑭᑮ ᐸᐹᒥᑕᐎᓰᒻ᙮ ᒦᑕᔥ ᐅᐅ ᐌᒋ ᐃᔑᓭᔭᕽ ᐁᑎᐸᐊᒫᑰᐎᓯᔭᕽ, ᑮᐃᑭᑐᐗᓐ᙮ 23ᑳᐐᓐ ᐃᑕᔥ ᐅᑮ ᑭᑫᓂᒥᑯᓰᐞ ᒎᓴᑉ ᐁᓂᓯᑐᑕᐙᒡ, ᐋᓃᔥ ᐊᐎᔭᓐ ᐅᑮ ᐋᓂᑲᓅᑕᒫᑯᐙᓐ ᐁᑲᑲᓅᓂᑎᐙᒡ᙮ 24ᓂᑯᒋ ᑕᔥ ᑮᐅᒋ ᐃᔖ ᐱᓇᒫ ᐁᔑᐊᔮᓂᒡ ᐁᑮ ᐊᐎ ᒪᐎᒡ᙮ ᒦᓇᐙ ᑕᔥ ᐅᑮ ᐱᑮᐌ ᓈᓯᑲᐙᐞ ᐁᑮ ᑲᑲᓅᓈᒡ᙮ ᓯᒥᔭᓇᓐ Simeon ᑕᔥ ᐅᑮ ᐅᑖᐱᓈᓐ, ᐁᑮ ᒪᒫᒋᑾᐱᓈᒡ ᑲᑭᓇ ᐁᑮ ᐙᐸᒥᑯᒡ᙮
ᒎᓴᑉ ᐐᒋᑭᐌᔭᐞ ᑮᔑᑮᐌᓂᒡ ᑫᓇᓐ ᐊᑮᕽ
25ᒎᓴᑉ Joseph ᐃᑕᔥ ᑮᐊᓅᑮ ᒋᒨᔥᑭᓇᒋᑳᑌᓂᑭᓐ ᐅᒦᒋᒥ ᒪᔥᑭᒧᑎᓂ ᒋᐲᓇᐃᑳᑌᓂᒃ ᒦᒋᒻ᙮ ᑮᐊᓅᑮ ᑲᔦ ᐁᑕᓱᐯᔑᑯᓂᒡ ᒋᑮᐌᒦᓂᒥᓐᒡ ᐅᔔᓂᔮᒥᓂ ᐅᒪᔥᑭᒧᑖᓃᕽ ᒋᔑ ᐲᓇᐅᒥᓐᒡ᙮ ᐅᑮ ᒦᓈᐞ ᑲᔦ ᑫᒦᒋᓂᒡ ᐊᓂ ᐱᒥ ᐊᔮᓂᒡ᙮ ᒦᑕᔥ ᐃᑯ ᐃ ᑳᑑᑕᐎᒥᓐᒡ᙮ 26ᒦᑕᔥ ᑳᐃᔑ ᐱᒋᐗᓀᐋᓂᒡ ᐅᒫᔑᒥᑕᑎᒨᒥᓂ ᒋᐱᒥᐎᑑᓂᒡ ᐃᐃ ᒦᒋᒻ᙮ ᒦᔥ ᑳᐊᓂᔑ ᒫᒑᓂᒡ᙮ 27ᐁᑭᐱᒌᐙᒡ ᐃᑕᔥ ᑳᑮ ᐃᔑ ᑎᐱᑭᔑᐙᒡ, ᐯᔑᒃ ᓴ ᐊ ᐅᑮ ᐹᑭᓈᓐ ᐅᒪᔥᑭᒧᑦ ᐁᐐ ᐊᔕᒫᒡ ᐅᒫᔑᒥᑕᑎᒨᒪᓐ᙮ ᒦᑕᔥ ᑳᑮ ᐙᐸᒫᒡ ᐅᔔᓂᔮᒪᓐ ᐁᐊᐱᓂᒡ ᑳᔑ ᐹᑮᑭᓂᑳᑌᓂᒃ ᐅᒪᔥᑭᒧᑦ᙮ 28ᒦᔥ ᑳᐃᓈᒡ ᐐᒋᑭᐌᔭᐞ, ᓂᔔᓂᔮᒻ ᐃᓴ ᓈ ᓂᑮ ᑮᐌ ᒦᓂᑰ, ᐃᓇᔥᑫ ᓂᒪᔥᑭᒧᑎᕽ ᐲᓱ, ᑮᐃᑭᑐ᙮ ᐐᑫ ᑕᔥ ᑮᑭᒋ ᑯᔥᑯᑌᐁᐗᒃ᙮ ᒦᑕᔥ ᐁᓭᑭᓯᐙᒡ ᐁᑮ ᐊᔨᓂᑎᐙᒡ, ᐋᓃᓐ ᐃᑕᔥ ᐃᓈ ᐅᐅ ᐌᒋ ᑑᑕᐎᓇᕽ ᑭᔐᒪᓂᑑ, ᐁᑮ ᐃᑭᑐᐙᒡ᙮
29ᐊᐲ ᑕᔥ ᑳᐅᑎᓵᐙᒡ ᐅᑌᑌᐙᓐ ᒉᑲᐴᓐ Jacob ᐁᔑᐊᔮᓂᒡ ᑫᓇᓐ Canaan ᐊᑮᕽ, ᐅᑮ ᐐᑕᒪᐙᐙᓐ ᑲᑭᓇ ᐋᓃᓐ ᑳᑮ ᐃᔑᓭᐙᒡ᙮ 30ᐅᐅ ᐁᑮᐃᓈᐙᒡ, ᐊᐊ ᓴ ᐃᓂᓂ ᑳᑎᐯᑕᕽ ᐃᐃ ᐊᑮᓂ ᓂᑮ ᓂᔥᑭ ᑲᓅᓂᑯᓈᓐ, ᐁᑮ ᐃᓇᑭᒥᓇᑭᒡ ᐅᑮᒨᓵᐲᒃ ᐁᐙᐸᑕᒧᐗᑭᒡ ᐃᐃ ᐊᑭ᙮ 31ᐅᐅ ᑕᔥ ᓂᑖᓇᑮ ᐃᔑ ᓇᑴᑕᐙᓈᓐ, ᐌᐌᓂ ᐅᔕ ᓂᑎᓂᓃᐎᒥᓐ, ᑳᐐᓐ ᐅᑮᒨᓵᐲᒃ ᓂᑎᓄᐎᓰᒥᓐ᙮ 32ᓂᒥᑖᔑᓃᔑᒥᓐ ᐅᔕ ᐁᐅᐐᒋᑭᐌᓰᑎᔮᕽ, ᐁᒥᒋ ᐯᔑᑯᒡ ᓂᑌᑌᓈᓐ᙮ ᐯᔑᒃ ᐃᑕᔥ ᑳᐐᓐ ᑫᔮᐱ ᐊᔮᓰ ᓃᒋᑭᐌᔨᓈᓐ ᐊᐊ ᓴ ᐐᓐ ᒫᐗᒡ ᑳᐅᔒᒣᔑᒫᐎᒡ ᐅᐐᑕᐱᒫᓐ ᓂᑌᑌᓈᓂᓐ ᓅᑯᒻ ᑳᑮᔑᑲᓂᓂᒃ ᐌᑎ ᑫᓇᓐ ᐊᑮᕽ᙮ 33ᐊᐊ ᑕᔥ ᑳᑎᐯᑕᕽ ᐃᐃ ᐊᑮᓂ ᐅᐅ ᓂᑮᐃᑯᓈᓐ, ᒦ ᓴ ᐅᐅᓇᑫ ᑫᐅᒋ ᑭᑫᑕᒫᓐ ᑌᐺ ᐌᐌᓂ ᐁᓂᓃᐎᐌᑴᓐ: ᓇᑲᓂᒃ ᐯᔑᒃ ᐅᐅᒫ ᑮᒋᑭᐌᔨᐙ ᐁᔑᐊᔮᐗᒃ᙮ ᒫᒑᒃ ᐃᑕᔥ ᐃᔑᐎᑕᐎᑾᒃ ᒦᒋᒻ ᑳᓅᑌᔅᑲᑌᐙᒡ ᑭᑖᐎᓂᐙᕽ᙮ ᒦᑕᔥ ᐃᐃ ᐊᓂᔑ ᒫᒑᒃ᙮ 34ᐲᑕᒪᐎᔒᑫᒃ ᐃᑕᔥ ᒫᐗᒡ ᑭᔒᒣᔑᐙ ᒋᑭᑫᑕᒫᓐ ᐅᑮᒨᓵᐲᒃ ᐁᑎᓄᐎᓯᐌᒃ, ᐌᐌᓂ ᑕᔥ ᒌᓂᓃᐎᐌᑴᓐ᙮ ᑭᑲ ᑮᐌ ᒦᓂᓂᓂᒻ ᐃᑕᔥ ᑮᒋᑭᐌᔨᐙ, ᒦᑕᔥ ᐱᓵᓐ ᒋᐊᑖᐌᔦᒃ, ᒋᐊᑖᒥᑰᔦᒃ ᑲᔦ ᑫᑰᓇᓐ ᐅᐅᒫ ᐊᑮᕽ, ᑮᐃᓈᒋᒧᐗᒃ᙮
35ᐊᐲ ᑕᔥ ᑳᔒᑯᓇᒧᐙᒡ ᐅᒪᔥᑭᒧᑎᐙᓐ, ᒦ ᐃ ᑳᑮ ᒥᑲᐙᐙᒡ ᑲᑭᓇ ᐁᑕᔑᐙᒡ ᐅᔔᓂᔮᒥᐙᓐ ᐲᒋ ᒪᔥᑭᒧᑌᓯᕽ ᐁᐹᐲᓱᓂᒡ ᐲᒐᔭᐄ ᒦᒋᒥ ᒪᔥᑭᒧᑎᑳᕽ᙮ ᐊᐲ ᐁᐙᐸᒫᐙᒡ, ᐅᑌᑌᐙᓐ ᑲᔦ ᐁᐙᐸᒫᓂᒡ ᐃᓂ ᔔᓂᔮᓐ ᒪᔥᑭᒧᑌᓯᕽ ᐁᐹᐲᓱᓂᒡ ᔔᓂᔮᓐ, ᐐᑫ ᓴ ᑮᑯᔥᑴᑕᒨᒃ᙮ 36ᐅᑌᑌᐙᓐ ᐃᑕᔥ ᒉᑲᐴᓐ ᐅᑮᐃᑯᐙᓐ, ᐁᑕᑕᐌ ᓴ ᑭᒣᑎᓇᒪᐎᒻ ᓂᓃᒑᓂᓴᒃ: ᒎᓴᑉ ᑳᐐᓐ ᑫᔮᐱ ᐊᔮᓰ, ᓯᒥᔭᓐ Simeon ᑕᔥ ᑲᔦ, ᐁᐐ ᒫᒌᓀᒃ ᐃᑕᔥ ᐯᒋᒪᓐ Benjamin; ᑲᑭᓇ ᓴ ᑫᑰᓐ ᓂᐸᑲᒥᔥᑳᑰᓐ, ᑮᐃᑭᑐ᙮
37ᐅᕒᐆᐱᓐ Reuben ᐅᑮᐃᓈᓐ ᐅᑌᑌᓐ, ᐱᓵᓐ ᓴ ᓂᓵᑲᓐ ᓃᔑᓐ ᓂᑯᓯᓴᒃ, ᑮᔥᐱᓐ ᐱᑮᐌᐎᓈᓯᐗᒃ ᐯᒋᒪᓐ᙮ ᑌᐺᔦᓂᒥᔑᓐ ᒋᑲᓇᐌᓂᒪᒃ, ᑭᑲ ᑮᐌ ᐲᑕᒪᐎᓐ ᐃᑕᔥ ᐊᐲ, ᐅᑮᐃᓈᓐ᙮
38ᒉᑲᑉ ᐃᑕᔥ ᑮᐃᑭᑐ, ᑳᐐᓐ ᓴ ᓂᑯᓯᔅ ᑭᑲᔑ ᐐᒌᐎᑯᓰᐙ ᐌᑎ; ᐃᓇᔥᑫ ᐐᒋᑭᐌᔭᓐ ᑳᐐᓐ ᐱᒫᑎᓯᓰᐗᓐ, ᐐᓐ ᐁᑕ ᒥᒋ ᐯᔑᑯ᙮ ᑮᔥᐱᓐ ᑫᑰᓐ ᐃᔑᓭᒡ ᐊᓂ ᐱᒥ ᐊᔮᔦᒃ, ᐁᐊᑭᐌᓰᐎᔮᓐ ᐃᑕᔥ, ᑫᐊᐲᒋ ᒫᓀᑕᒥᐃᔦᒃ ᑫᒋᓈᒡ ᓂᑖ ᓂᓭᑕᒧᐃᑯᓐ᙮
Iliyochaguliwa sasa
ᒉᓂᓯᔅ 42: OJBS
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Ojibwe Shorter Bible (Syllabic Script) © 2008 Canadian Bible Society
ᒉᓂᓯᔅ 42
42
ᒎᓴᑉ ᐐᒋᑭᐌᔭᐞ ᑮᐃᔑᓂᔕᐅᒥᓐᒡ ᐄᒋᐸᑮᕽ ᒋᓈᒋᒦᒋᒣᓂᒡ
1ᒉᑲᑉ Jacob ᐃᑕᔥ ᑮᓅᑕᒻ ᐁᐊᔮᓂᒃ ᒦᒋᒻ ᐄᒋᐸᑮᕽ Egypt, ᒦᔥ ᑳᐃᓈᒡ ᐅᑯᓯᓴᐞ, ᐌᑯᓀᓐ ᐃᑕᔥ ᐌᒋ ᒥᒋ ᑲᑲᓇᐙᐸᑎᔦᒃ, ᐅᑮᐃᓈᐞ᙮ 2#Act 7.12. ᒦᑕᔥ ᑳᐊᓂᐃᓈᒡ, ᐃᓇᔥᑫ ᓂᓅᑕᒻ ᐁᐊᔮᒃ ᐄᓴᓐ ᒦᒋᒻ ᐄᒋᐸᑮᕽ; ᒫᒑᒃ ᐃᔖᒃ ᐌᑎ ᒋᐊᐎ ᐊᑖᐌᔦᒃ, ᒋᐱᒫᑎᓯᔭᕽ, ᒋᑲᐗᔅᑲᑌᓯᐗᕽ, ᐅᑮᐃᓈᐞ᙮ 3ᒎᓴᑉ Joseph ᐃᑕᔥ ᐐᒋᑭᐌᔭᐞ ᑳᑮ ᒥᑖᒋᓂᒡ ᑮᐃᔖᐗᐞ ᐄᒋᐸᑮᕽ ᐁᑮ ᐊᑕ ᐊᑖᐌᓂᒡ ᒦᒋᒻ᙮ 4ᒉᑲᑉ ᑕᔥ ᑳᐐᓐ ᐅᑮ ᐸᑭᑎᓈᓰᓐ ᐯᒋᒪᓇᓐ Benjamin ᒎᓴᐴᓐ ᑳᑮ ᐅᐐᒋᑭᐌᒥᑯᓂᒡ, ᒋᐐᒌᐙᓂᒡ ᐐᒋᑭᐌᔨᓂ᙮ ᒦ ᓴ ᑳᐃᑭᑐᒡ, ᓂᓇᓃᓵᓀᓂᒫ ᑫᑰᓂᓂ ᒋᔑ ᒫᔑᓭᒡ, ᑮᐃᑭᑐ᙮
5ᐃᔅᕒᐃᔭᓬ Israel ᑕᔥ ᐅᑯᓯᓴᐞ ᑮᐱ ᑕᑸᐗᐞ ᐃᐃᒫ ᒣᑴᔭᐄ ᐃᐃ ᑳᑮ ᐱ ᑕᑯᔑᓂᓂᒡ ᑳᐱ ᐊᑕ ᐊᑖᐌᓂᒡ ᒦᒋᒻ, ᐋᓃᔥ ᑲᔦ ᑫᓇᓐ Canaan ᐊᑮᕽ ᑳᐐᓐ ᑮᐊᔮᓯᓅᓐ ᒦᒋᒻ᙮ 6ᒎᓴᑉ ᐃᑕᔥ ᐅᑮ ᑎᐯᑖᓐ ᐃᐃ ᒥᓯᐌ ᐊᑮᓂ; ᐐᓐ ᑲᔦ ᑳᑮ ᐊᑖᒥᑯᒡ ᑲᑭᓇ ᐃᐃᒫ ᐊᑮᕽ ᑳᑮ ᐊᔮᓂᒡ᙮ ᐊᐲ ᑕᔥ ᒎᓴᑉ ᐐᒋᑭᐌᔭᐞ ᑳᐱ ᑕᑯᔑᓂᓂᒡ, ᒥᑕᑲᒥᒃ ᑮᐃᔑ ᐊᓂᒥᑯᑖᐗᐞ ᐁᔑᐊᔮᒡ᙮ 7ᔐᒫᒃ ᐃᑕᔥ ᐃᑯ ᐁᐙᐸᒫᒡ ᐐᒋᑭᐌᔭᐞ ᐅᑮ ᓂᓯᑕᐎᓇᐙᐞ᙮ ᑳᐐᓐ ᐃᑕᔥ ᐐᓐ ᐅᑮ ᓂᓯᑕᐎᓈᑯᓰᐞ᙮ ᑮᐃᔑᒋᑫᑳᓱ ᑕᔥ ᐁᑭᑫᓂᒫᓯᒃ, ᒦᔥ ᑳᐃᔑ ᓂᔥᑭ ᑲᓅᓈᒡ, ᐋᓃᑎ ᑮᓇᐙ ᐌᒌᔦᒃ, ᐁᑮᐃᓈᒡ᙮
ᒦᔥ ᑳᐃᑯᒡ, ᑫᓇᓐ ᐊᑮᕽ ᓂᑑᒌᒥᓐ, ᐁᐐ ᐱ ᐊᑖᐌᔮᕽ ᒦᒋᒻ, ᐅᑮᐃᑰᐞ᙮
8ᐋᓇ ᑕᔥ ᒎᓴᑉ ᐁᑮ ᓂᓯᑕᐎᓇᐙᒡ ᐐᒋᑭᐌᔭᐞ, ᑳᐐᓐ ᐃᑕᔥ ᐐᓐ ᐅᑮ ᓂᓯᑕᐎᓈᑯᓰᐞ᙮ 9#Gen 37.5-10. ᒦᑕᔥ ᑳᐃᔑ ᒫᒥᑲᐎᒡ ᑳᑮ ᐃᔑ ᐸᐙᓈᐸᓐ, ᒦᔥ ᑳᐃᓈᒡ, ᑮᓇᐙ ᐅᔕ ᐅᑮᒨᓵᐲᒃ! ᑭᐲᔖᒻ ᐁᐐ ᐙᐸᑕᒣᒃ ᐋᑎ ᐁᔑ ᑲᓇᐌᒋᑳᑌᓯᓄᒃ ᓂᑕᑮᒥᓈᓐ, ᐅᑮᐃᓈᐞ᙮
10ᒦᑕᔥ ᑳᐃᔑ ᓇᑴᑖᑯᒡ, ᑳᐐᓐ ᐅᔕ, ᓂᑑᑭᒫᒥᓈᓐ! ᓃᓇᐎᓐᑦ ᓴ ᑭᑕᓄᑮᐋᑲᓇᒃ ᓂᐲᔖᒥᓐ ᐁᐐ ᐊᑖᐌᔮᕽ ᒦᒋᒻ᙮ 11ᓃᓇᐎᓐᑦ ᓴ ᑲᑭᓇ ᐯᔑᒃ ᐃᓂᓂ ᓂᑑᑯᓯᓯᒥᑯᓈᓐ; ᐌᐌᓂ ᓴ ᓂᑎᔑᐊᔮᒥᓐ, ᑳᐐᓐ ᐐᓐ ᐅᑮᒨᓵᐲᒃ ᓂᑎᓄᐎᓰᒥᓐ᙮
12ᔖᑰᒡ ᐃᑕᔥ ᐅᑮᐃᓈᐞ, ᑳᐐᓐ ᐄᑐᒃ! ᒦ ᓴ ᐃ ᑳᐅᒋ ᐲᔖᔦᒃ ᐁᐐ ᐙᐸᑕᒣᒃ ᐋᑎ ᐁᔑ ᑲᓇᐌᒋᑳᑌᓯᓄᒃ ᓂᑕᑮᒥᓈᓐ! ᐅᑮᐃᓈᐞ᙮
13ᐅᐅ ᑕᔥ ᐅᑮᐃᑰᐞ, ᓃᓇᐎᓐᑦ ᓴ ᑭᑕᓄᑮᐋᑲᓇᒃ ᓂᑮ ᒥᑖᔑᓃᔑᒥᓐ ᐁᐅᐐᒋᑭᐌᑎᔮᕽ, ᐁᑮ ᐯᔑᑯᒡ ᓂᑌᑌᓈᓐ ᑳᐃᔑᑖᒡ ᑫᓇᓐ ᐊᑮᕽ᙮ ᒫᐗᒋ ᐅᔑᒣᔑᒫ ᑕᔥ ᐅᐐᑕᐱᒫᓐ ᓂᑌᑌᓈᓂᓐ, ᑯᑕᒃ ᐃᑕᔥ ᐊᐊ ᓃᒋᑭᐌᔨᓈᓐ ᑳᐐᓐ ᐱᒫᑎᓯᓰ, ᑮᐃᑭᑐᐗᐞ᙮
14ᒎᓴᑉ ᐃᑕᔥ ᐅᑮᐃᓈᐞ, ᒦᐄᑐᒃ ᐃᐃᓇᑫ ᑳᐃᓂᓇᑰᒃ, ᐅᑮᒨᓵᐲᒃ ᐁᑎᓄᐎᔦᒃ! 15ᒦᑕᔥ ᐅᐅ ᓇᑫ ᑫᔑ ᐊᑕ ᑭᑫᓂᒥᑰᔦᒃ, ᑫᒋᓈᒡ ᐃᑯ ᑳᐃᔑ ᑭᒋᐅᑭᒫᐎᒡ ᐯᕒᐆ Pharaoh, ᒦ ᐃᒫ ᑫᐅᒋ ᑫᒋᓈᐁᑖᑾᒃ ᐅᐅᒫ ᒋᐅᒋ ᒫᒑᓯᐌᒃ ᐹᓂᒫ ᒫᐗᒡ ᑭᔒᒣᔑᐙ ᐲᔖᒡ ᐅᐅᒫ᙮ 16ᐯᔑᒃ ᓴ ᑮᐌᓂᔕᐅᒃ ᑳᑕᔑᔦᒃ ᒋᓈᓯᑲᐙᒡ ᐃᓂ ᑮᒋᑭᐌᔨᐙᓐ, ᑮᓇᐙ ᑕᔥ ᐐᓐ ᑭᑲ ᑭᐸᐅᑰᒻ᙮ ᒦᑕᔥ ᐃᐃ ᓇᑫ ᑫᔑ ᐊᑕ ᑭᑫᒋᑳᑌᒃ ᐁᑭᑐᔦᒃ ᑕᑲ ᒋᑌᐺᐌᑴᓐ᙮ ᑮᔥᐱᓐ ᐃᑕᔥ ᐃᐃ ᐃᔑᓭᓯᓄᒃ, ᑖᐱᔥᑰ ᑳᐃᔑ ᑫᒋᓈᐁᑕᒫᓐ ᐊᐊ ᐯᕒᐆ ᐁᑭᒋᐅᑭᒫᐎᒡ, ᒦ ᐯᔑᑾᓐ ᑫᐊᐲᒋ ᑫᒋᓈᐁᑕᒫᓐ ᐅᑮᒨᓵᐲᒃ ᐄᓴᓐ ᐁᑎᓄᐎᔦᒃ! ᐅᑮᐃᓈᐞ᙮ 17ᒦᑕᔥ ᑳᐃᔑ ᑭᐸᐙᒡ ᑲᑭᓇ ᓂᓱᑮᔑᒃ ᒥᓂᒃ᙮
18ᓂᓱᑮᔑᒃ ᐃᑕᔥ ᐁᑮ ᐃᔑᓭᓂᒃ, ᒎᓴᑉ ᐅᑮᐃᓈᐞ, ᐅᐅ ᐃᔑᒋᑫᒃ, ᒦᔥ ᒋᐱᒫᑎᓯᔦᒃ, ᐋᓃᔥ ᓂᑯᑖᓀᓂᒫ ᑭᔐᒪᓂᑑ᙮ 19ᑮᔥᐱᓐ ᐃᑕᔥ ᐌᐌᓂ ᐁᓂᓃᐎᐌᑴᓐ, ᐯᔑᒃ ᓴ ᐅᐅᒫ ᑕᐊᔮ ᑭᐸᐅᑏᐎᑲᒥᑯᕽ᙮ ᑯᑕᒃ ᐃᑕᔥ ᑮᓇᐙ ᒋᑮᐌᔦᒃ, ᒌᔑᐎᑕᒪᐌᒀ ᒦᒋᒻ ᑳᓅᑌᔅᑲᑌᐙᒡ ᐁᔮᐙᒡ ᑭᑖᐎᓂᐙᕽ᙮ 20ᐲᑕᒪᐎᔒᑫᒃ ᐃᑕᔥ ᑳᒫᐗᒋ ᐅᔒᒣᔑᒫᐎᒡ ᑮᒋᑭᐌᔨᐙ, ᑭᑎᑭᑐᐎᓂᐙ ᑫᐅᒋ ᑭᑫᒋᑳᑌᒃ ᒋᐱᒫᑎᓯᔦᒃ ᐃᑕᔥ, ᐅᑮᐃᓈᐞ᙮
ᒦᑕᔥ ᐅᐅ ᑳᐃᔑᒋᑫᓂᒡ᙮ 21ᐅᐅ ᑕᔥ ᑮᐊᔨᓂᑎᐗᐞ, ᑫᒋᓈᒡ ᒫᐐᓐ ᒦ ᐃ ᐁᑎᐸᐊᒫᑰᔭᕽ ᐊᐊ ᐅᒋ ᑮᒋᑭᐌᔨᓈᐸᓐ, ᐋᓃᔥ ᑭᑮ ᐙᐸᒫᓈᓐ ᐋᓃᓐ ᑳᐊᐲᒋ ᑲᒀᑕᑫᑕᕽ ᑮᑲᓅᓂᓇᕽ ᒋᐸᐹᒣᓂᒫᓯᐗᑭᐸᓐ; ᑳᐐᓐ ᐃᑕᔥ ᑭᑮ ᐸᐹᒥᑕᐙᓯᐙᓈᓐ᙮ ᒦᑕᔥ ᐅᐅ ᓅᑯᒻ ᑳᐅᒋ ᑲᒀᑕᑭᓭᔭᕽ, ᑮᐊᔨᑭᑐᐗᐞ᙮
22 # Gen 37.21,22. ᐅᕒᐆᐸᓇᓐ Reuben ᑕᔥ ᑮᐃᑭᑐᐗᓐ, ᑭᑖᓇᑮ ᑲᓅᓂᓂᓂᒻ ᐄᑐᒃ ᐃᑕᔥ ᒋᒪᒋᑑᑕᐙᓯᐌᒃ ᐊᐊ ᑸᐎᓭᔅ, ᑳᐐᓐ ᐃᑕᔥ ᑭᑮ ᐸᐹᒥᑕᐎᓰᒻ᙮ ᒦᑕᔥ ᐅᐅ ᐌᒋ ᐃᔑᓭᔭᕽ ᐁᑎᐸᐊᒫᑰᐎᓯᔭᕽ, ᑮᐃᑭᑐᐗᓐ᙮ 23ᑳᐐᓐ ᐃᑕᔥ ᐅᑮ ᑭᑫᓂᒥᑯᓰᐞ ᒎᓴᑉ ᐁᓂᓯᑐᑕᐙᒡ, ᐋᓃᔥ ᐊᐎᔭᓐ ᐅᑮ ᐋᓂᑲᓅᑕᒫᑯᐙᓐ ᐁᑲᑲᓅᓂᑎᐙᒡ᙮ 24ᓂᑯᒋ ᑕᔥ ᑮᐅᒋ ᐃᔖ ᐱᓇᒫ ᐁᔑᐊᔮᓂᒡ ᐁᑮ ᐊᐎ ᒪᐎᒡ᙮ ᒦᓇᐙ ᑕᔥ ᐅᑮ ᐱᑮᐌ ᓈᓯᑲᐙᐞ ᐁᑮ ᑲᑲᓅᓈᒡ᙮ ᓯᒥᔭᓇᓐ Simeon ᑕᔥ ᐅᑮ ᐅᑖᐱᓈᓐ, ᐁᑮ ᒪᒫᒋᑾᐱᓈᒡ ᑲᑭᓇ ᐁᑮ ᐙᐸᒥᑯᒡ᙮
ᒎᓴᑉ ᐐᒋᑭᐌᔭᐞ ᑮᔑᑮᐌᓂᒡ ᑫᓇᓐ ᐊᑮᕽ
25ᒎᓴᑉ Joseph ᐃᑕᔥ ᑮᐊᓅᑮ ᒋᒨᔥᑭᓇᒋᑳᑌᓂᑭᓐ ᐅᒦᒋᒥ ᒪᔥᑭᒧᑎᓂ ᒋᐲᓇᐃᑳᑌᓂᒃ ᒦᒋᒻ᙮ ᑮᐊᓅᑮ ᑲᔦ ᐁᑕᓱᐯᔑᑯᓂᒡ ᒋᑮᐌᒦᓂᒥᓐᒡ ᐅᔔᓂᔮᒥᓂ ᐅᒪᔥᑭᒧᑖᓃᕽ ᒋᔑ ᐲᓇᐅᒥᓐᒡ᙮ ᐅᑮ ᒦᓈᐞ ᑲᔦ ᑫᒦᒋᓂᒡ ᐊᓂ ᐱᒥ ᐊᔮᓂᒡ᙮ ᒦᑕᔥ ᐃᑯ ᐃ ᑳᑑᑕᐎᒥᓐᒡ᙮ 26ᒦᑕᔥ ᑳᐃᔑ ᐱᒋᐗᓀᐋᓂᒡ ᐅᒫᔑᒥᑕᑎᒨᒥᓂ ᒋᐱᒥᐎᑑᓂᒡ ᐃᐃ ᒦᒋᒻ᙮ ᒦᔥ ᑳᐊᓂᔑ ᒫᒑᓂᒡ᙮ 27ᐁᑭᐱᒌᐙᒡ ᐃᑕᔥ ᑳᑮ ᐃᔑ ᑎᐱᑭᔑᐙᒡ, ᐯᔑᒃ ᓴ ᐊ ᐅᑮ ᐹᑭᓈᓐ ᐅᒪᔥᑭᒧᑦ ᐁᐐ ᐊᔕᒫᒡ ᐅᒫᔑᒥᑕᑎᒨᒪᓐ᙮ ᒦᑕᔥ ᑳᑮ ᐙᐸᒫᒡ ᐅᔔᓂᔮᒪᓐ ᐁᐊᐱᓂᒡ ᑳᔑ ᐹᑮᑭᓂᑳᑌᓂᒃ ᐅᒪᔥᑭᒧᑦ᙮ 28ᒦᔥ ᑳᐃᓈᒡ ᐐᒋᑭᐌᔭᐞ, ᓂᔔᓂᔮᒻ ᐃᓴ ᓈ ᓂᑮ ᑮᐌ ᒦᓂᑰ, ᐃᓇᔥᑫ ᓂᒪᔥᑭᒧᑎᕽ ᐲᓱ, ᑮᐃᑭᑐ᙮ ᐐᑫ ᑕᔥ ᑮᑭᒋ ᑯᔥᑯᑌᐁᐗᒃ᙮ ᒦᑕᔥ ᐁᓭᑭᓯᐙᒡ ᐁᑮ ᐊᔨᓂᑎᐙᒡ, ᐋᓃᓐ ᐃᑕᔥ ᐃᓈ ᐅᐅ ᐌᒋ ᑑᑕᐎᓇᕽ ᑭᔐᒪᓂᑑ, ᐁᑮ ᐃᑭᑐᐙᒡ᙮
29ᐊᐲ ᑕᔥ ᑳᐅᑎᓵᐙᒡ ᐅᑌᑌᐙᓐ ᒉᑲᐴᓐ Jacob ᐁᔑᐊᔮᓂᒡ ᑫᓇᓐ Canaan ᐊᑮᕽ, ᐅᑮ ᐐᑕᒪᐙᐙᓐ ᑲᑭᓇ ᐋᓃᓐ ᑳᑮ ᐃᔑᓭᐙᒡ᙮ 30ᐅᐅ ᐁᑮᐃᓈᐙᒡ, ᐊᐊ ᓴ ᐃᓂᓂ ᑳᑎᐯᑕᕽ ᐃᐃ ᐊᑮᓂ ᓂᑮ ᓂᔥᑭ ᑲᓅᓂᑯᓈᓐ, ᐁᑮ ᐃᓇᑭᒥᓇᑭᒡ ᐅᑮᒨᓵᐲᒃ ᐁᐙᐸᑕᒧᐗᑭᒡ ᐃᐃ ᐊᑭ᙮ 31ᐅᐅ ᑕᔥ ᓂᑖᓇᑮ ᐃᔑ ᓇᑴᑕᐙᓈᓐ, ᐌᐌᓂ ᐅᔕ ᓂᑎᓂᓃᐎᒥᓐ, ᑳᐐᓐ ᐅᑮᒨᓵᐲᒃ ᓂᑎᓄᐎᓰᒥᓐ᙮ 32ᓂᒥᑖᔑᓃᔑᒥᓐ ᐅᔕ ᐁᐅᐐᒋᑭᐌᓰᑎᔮᕽ, ᐁᒥᒋ ᐯᔑᑯᒡ ᓂᑌᑌᓈᓐ᙮ ᐯᔑᒃ ᐃᑕᔥ ᑳᐐᓐ ᑫᔮᐱ ᐊᔮᓰ ᓃᒋᑭᐌᔨᓈᓐ ᐊᐊ ᓴ ᐐᓐ ᒫᐗᒡ ᑳᐅᔒᒣᔑᒫᐎᒡ ᐅᐐᑕᐱᒫᓐ ᓂᑌᑌᓈᓂᓐ ᓅᑯᒻ ᑳᑮᔑᑲᓂᓂᒃ ᐌᑎ ᑫᓇᓐ ᐊᑮᕽ᙮ 33ᐊᐊ ᑕᔥ ᑳᑎᐯᑕᕽ ᐃᐃ ᐊᑮᓂ ᐅᐅ ᓂᑮᐃᑯᓈᓐ, ᒦ ᓴ ᐅᐅᓇᑫ ᑫᐅᒋ ᑭᑫᑕᒫᓐ ᑌᐺ ᐌᐌᓂ ᐁᓂᓃᐎᐌᑴᓐ: ᓇᑲᓂᒃ ᐯᔑᒃ ᐅᐅᒫ ᑮᒋᑭᐌᔨᐙ ᐁᔑᐊᔮᐗᒃ᙮ ᒫᒑᒃ ᐃᑕᔥ ᐃᔑᐎᑕᐎᑾᒃ ᒦᒋᒻ ᑳᓅᑌᔅᑲᑌᐙᒡ ᑭᑖᐎᓂᐙᕽ᙮ ᒦᑕᔥ ᐃᐃ ᐊᓂᔑ ᒫᒑᒃ᙮ 34ᐲᑕᒪᐎᔒᑫᒃ ᐃᑕᔥ ᒫᐗᒡ ᑭᔒᒣᔑᐙ ᒋᑭᑫᑕᒫᓐ ᐅᑮᒨᓵᐲᒃ ᐁᑎᓄᐎᓯᐌᒃ, ᐌᐌᓂ ᑕᔥ ᒌᓂᓃᐎᐌᑴᓐ᙮ ᑭᑲ ᑮᐌ ᒦᓂᓂᓂᒻ ᐃᑕᔥ ᑮᒋᑭᐌᔨᐙ, ᒦᑕᔥ ᐱᓵᓐ ᒋᐊᑖᐌᔦᒃ, ᒋᐊᑖᒥᑰᔦᒃ ᑲᔦ ᑫᑰᓇᓐ ᐅᐅᒫ ᐊᑮᕽ, ᑮᐃᓈᒋᒧᐗᒃ᙮
35ᐊᐲ ᑕᔥ ᑳᔒᑯᓇᒧᐙᒡ ᐅᒪᔥᑭᒧᑎᐙᓐ, ᒦ ᐃ ᑳᑮ ᒥᑲᐙᐙᒡ ᑲᑭᓇ ᐁᑕᔑᐙᒡ ᐅᔔᓂᔮᒥᐙᓐ ᐲᒋ ᒪᔥᑭᒧᑌᓯᕽ ᐁᐹᐲᓱᓂᒡ ᐲᒐᔭᐄ ᒦᒋᒥ ᒪᔥᑭᒧᑎᑳᕽ᙮ ᐊᐲ ᐁᐙᐸᒫᐙᒡ, ᐅᑌᑌᐙᓐ ᑲᔦ ᐁᐙᐸᒫᓂᒡ ᐃᓂ ᔔᓂᔮᓐ ᒪᔥᑭᒧᑌᓯᕽ ᐁᐹᐲᓱᓂᒡ ᔔᓂᔮᓐ, ᐐᑫ ᓴ ᑮᑯᔥᑴᑕᒨᒃ᙮ 36ᐅᑌᑌᐙᓐ ᐃᑕᔥ ᒉᑲᐴᓐ ᐅᑮᐃᑯᐙᓐ, ᐁᑕᑕᐌ ᓴ ᑭᒣᑎᓇᒪᐎᒻ ᓂᓃᒑᓂᓴᒃ: ᒎᓴᑉ ᑳᐐᓐ ᑫᔮᐱ ᐊᔮᓰ, ᓯᒥᔭᓐ Simeon ᑕᔥ ᑲᔦ, ᐁᐐ ᒫᒌᓀᒃ ᐃᑕᔥ ᐯᒋᒪᓐ Benjamin; ᑲᑭᓇ ᓴ ᑫᑰᓐ ᓂᐸᑲᒥᔥᑳᑰᓐ, ᑮᐃᑭᑐ᙮
37ᐅᕒᐆᐱᓐ Reuben ᐅᑮᐃᓈᓐ ᐅᑌᑌᓐ, ᐱᓵᓐ ᓴ ᓂᓵᑲᓐ ᓃᔑᓐ ᓂᑯᓯᓴᒃ, ᑮᔥᐱᓐ ᐱᑮᐌᐎᓈᓯᐗᒃ ᐯᒋᒪᓐ᙮ ᑌᐺᔦᓂᒥᔑᓐ ᒋᑲᓇᐌᓂᒪᒃ, ᑭᑲ ᑮᐌ ᐲᑕᒪᐎᓐ ᐃᑕᔥ ᐊᐲ, ᐅᑮᐃᓈᓐ᙮
38ᒉᑲᑉ ᐃᑕᔥ ᑮᐃᑭᑐ, ᑳᐐᓐ ᓴ ᓂᑯᓯᔅ ᑭᑲᔑ ᐐᒌᐎᑯᓰᐙ ᐌᑎ; ᐃᓇᔥᑫ ᐐᒋᑭᐌᔭᓐ ᑳᐐᓐ ᐱᒫᑎᓯᓰᐗᓐ, ᐐᓐ ᐁᑕ ᒥᒋ ᐯᔑᑯ᙮ ᑮᔥᐱᓐ ᑫᑰᓐ ᐃᔑᓭᒡ ᐊᓂ ᐱᒥ ᐊᔮᔦᒃ, ᐁᐊᑭᐌᓰᐎᔮᓐ ᐃᑕᔥ, ᑫᐊᐲᒋ ᒫᓀᑕᒥᐃᔦᒃ ᑫᒋᓈᒡ ᓂᑖ ᓂᓭᑕᒧᐃᑯᓐ᙮
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Ojibwe Shorter Bible (Syllabic Script) © 2008 Canadian Bible Society