ᒉᓂᓯᔅ 44
44
ᒥᓂᒀᑲᓐ ᑮᐗᓂᓯᕽ
1ᒎᓴᑉ Joseph ᐃᑕᔥ ᐅᑮ ᐊᓅᓈᓐ ᐯᒦᑖᑯᒡ ᑳᑮ ᓈᓈᑲᒋᑑᓂᒡ ᐅᐙᑳᐃᑲᓐ ᐁᑮᐃᓈᒡ, ᒨᔥᑭᓇᑖᐤ ᐃᑭ ᐃᓂᓂᐗᒃ ᐅᒪᔥᑭᒧᑎᐙᓐ ᒦᒋᒻ ᒥᓂᒃ ᐃᑯ ᑫᑲᔥᑭᐎᑑᐙᒡ, ᐅᔔᓂᔮᒥᐙᓐ ᑲᔦ ᑲᑭᓇ ᑯ ᑮᐌ ᐲᓇᐅᒻ ᑳᔑ ᐹᑮᑭᓂᑳᑌᓂᑭᓐ ᐅᒪᔥᑭᒧᑎᐙᓐ᙮ 2ᐃᐃ ᑕᔥ ᓂᒥᓂᒀᑲᓐ ᑳᐙᐹᐱᑯ ᔔᓂᔮ ᐙᐱᑯᐗᒃ, ᐅᒪᔥᑭᒧᑖᕽ ᑳᔑ ᐹᑮᑭᓂᑳᑌᓂᒃ ᐃᔑ ᐲᓇᐊᒧᐤ ᐊᐊ ᒫᐗᒡ ᐌᔒᒣᔑᒫᐎᒡ, ᒋᑕᑯᔥᑭᓀᓂᒃ ᑳᔑ ᐲᓱᓂᒡ ᔔᓂᔮᓐ, ᒦᒋᒻ ᑲᔦ ᑳᔑ ᐲᑌᓂᒃ, ᐅᑮᐃᓈᓐ᙮ ᒦᑕᔥ ᐃᐃ ᑳᐃᔑᒋᑫᓂᒡ᙮ 3ᐊᐲ ᑕᔥ ᐃᑯ ᐁᐊᓂ ᐲᑖᐸᓂᓂᒃ, ᐐᒋᑭᐌᔨᒫᒃ ᑮᒫᒋᓂᔕᐃᑲᓂᐎᐗᒃ, ᐃᐃ ᑲᔦ ᐅᒫᔑᒥᑕᑎᒨᒥᐙᐞ᙮ 4ᐊᐲ ᑕᔥ ᑳᐊᓂ ᒫᒑᓂᒡ ᐃᐃᒫ ᐆᑌᓈᕽ, ᒎᓴᑉ ᐅᑮ ᑲᓅᓈᓐ ᐃᓂ ᐯᒦᑖᑯᒡ ᑳᑮ ᓈᑲᒋᑑᓂᒡ ᐅᐙᑳᐃᑲᓐ ᐁᑮᐃᓈᒡ, ᐌᔩᑉ, ᐱᒥᓂᔕᐅ ᐃᑭ ᐃᓂᓂᐗᒃ, ᐊᐲ ᑕᔥ ᐊᑎᒪᑣ ᐅᐅ ᓴ ᐃᓈᑲᑣᓂᒃ, ᐌᑯᓀᓐ ᐃᑕᔥ ᒪᒋᑫᑰᓐ ᐌᒋ ᑎᐸᐃᑳᑫᔦᒃ ᐅᒋ ᑫᑰᓐ ᑳᐅᓂᔑᔑᕽ? 5ᒦᓇᐅᐌᓂ ᓂᑑᑭᒫᒻ ᐅᒥᓂᒀᑲᓐ ᑳᓂᑖ ᒥᓂᒀᑫᒡ, ᑳᓂᑖ ᐋᐸᒋᑑᒡ ᒋᐊᑕ ᑭᑫᒋᑫᒡ᙮ ᐁᑕᑕᐌ ᐅᔕ ᑭᑭᒋ ᒪᒫᔒᒻ ᐅᐅ ᑳᐃᔑᒋᑫᔦᒃ! ᑭᑲᐃᓈᒃ, ᐅᑮᐃᓈᓐ᙮
6ᐊᐲ ᑕᔥ ᐅᐸᒦᑖᑫ ᑳᐊᑎᒫᒡ, ᒦ ᐃ ᑳᐃᓈᒡ ᑳᑮᐃᓂᓐᒡ ᒌᑭᑐᒡ᙮ 7ᐅᐅ ᑕᔥ ᑮᐃᔑ ᓇᑴᑕᒨᐞ, ᐌᑯᓀᓂᓂ ᑕᔥ ᓂᑑᑭᒫᒥᓈᓐ ᐃᐃ ᐌᒋ ᐃᑭᑐᒡ? ᑳᐐᓐ ᐐᑳᐃ ᓃᓇᐎᓐᑦ ᑭᑕᓄᑮᐋᑲᓇᒃ ᓂᑖ ᐃᔑᒋᑫᓰᒥᓐ᙮ 8ᐃᓇᔥᑫ ᐊᐊ ᔔᓂᔮ ᑳᑮ ᒥᑲᐗᑭᑎᐸᓐ ᑳᐃᔑ ᐹᑮᑭᓂᑳᑌᑭᓐ ᓂᒪᔥᑭᒧᑎᓈᓂᓐ, ᓂᑮ ᐱᑮᐌᐎᓈᓈᓐ ᐁᑮ ᒦᓂᑰᔦᒃ ᑫᓇᓐ Canaan ᐊᑮᕽ ᐁᑮ ᐅᒋᐎᓇᑭᒡ᙮ ᐋᓃᓐ ᐃᑕᔥ ᐃᓈ ᑫᐅᒋ ᑮᒨᑎᔮᑭᐸᓐ ᐅᐙᐹᐱᑯ ᔔᓂᔮ ᐙᐱᑯᒪᓐ, ᑯᒫ ᑲᔦ ᐅᑑᓵᐎ ᔔᓂᔮ ᐙᐱᑯᒪᓐ ᑭᑑᑭᒫᒻ ᐅᐙᑳᐃᑲᓂᕽ? 9ᑮᔥᐱᓐ ᓴ ᑯ ᐊᐌᓀᓐ ᑳᑕᔑᔮᕽ ᒥᑲᐎᓐᒡ ᒋᐊᔮᑴᓐ, ᐱᓵᓐ ᓴ ᑕᓂᐳ᙮ ᓃᓇᐎᓐᑦ ᐃᑕᔥ ᑯᑕᒃ ᑫᐸᒦᑕᐎᒀ ᓂᑲ ᑎᓄᐎᒥᓐ, ᑮᐃᑭᑐᐗᒃ᙮
10ᐅᐅ ᑕᔥ ᐅᑮᐃᓈᐞ, ᑕᑲ ᓴ ᒦ ᐃ ᓅᑯᒻ ᑫᐃᔑᓈᑾᒃ ᑳᐃᑭᑐᔦᒃ; ᐊᐌᓀᓐ ᓴ ᑯ ᑫᒥᑲᐎᓐᒡ ᐁᔮᑴᓐ ᐃᐃ ᒥᓂᒀᑲᓐ, ᒦ ᓴ ᐊᐌ ᓂᑕᓄᑮᐋᑲᓐ ᑫᑎᓄᐎᒡ᙮ ᑮᓇᐙ ᑕᔥ ᐐᓐ ᑯᑕᒃ ᑳᐐᓐ ᑫᑰᓐ ᑭᑲ ᐃᔑ ᐊᓈᒣᑖᑯᓯᓰᒻ, ᐅᑮᐃᓈᐞ᙮ 11ᑲᑭᓇ ᑕᔥ ᐁᑕᔑᐙᒡ ᐅᑮ ᐱᓇᐋᓈᐙᓐ ᐅᒪᔥᑭᒧᑎᐙᓐ ᒥᑕᑲᒥᒃ ᐁᑮ ᐃᔑ ᐊᑑᐙᒡ, ᐁᑮ ᐹᑮᑭᓇᒧᐙᒡ᙮ 12ᒎᓴᑉ ᐃᑕᔥ ᐅᐸᒦᑖᑫᒪᓐ ᑮᒫᒌ ᓇᓈᑐᓂᑫᐗᓐ, ᐁᑮ ᐅᒋ ᒫᒋᑖᓂᒡ ᒫᐗᒡ ᑳᓴᓰᑭᓯᓂᒡ ᐅᒪᔥᑭᒧᑎᓃᕽ, ᐲᓂᔥ ᐌᑎ ᐃᓂ ᒫᐗᒡ ᐌᔒᒣᔑᒫᐎᓂᒡ ᐅᒪᔥᑭᒧᑎᓃᕽ ᐁᑮ ᐃᔑ ᐴᓂᒋᑫᓂᒡ᙮ ᐃᐃ ᑕᔥ ᒥᓂᒀᑲᓐ ᐯᒋᒪᓐ Benjamin ᐅᒪᔥᑭᒧᑎᕽ ᑮᐃᔑ ᒥᑭᑳᑌᓂ᙮ 13ᐃᑭ ᑕᔥ ᐐᒋᑭᐌᔨᒫᒃ ᐅᑮ ᑖᔥᑮᑭᐱᑑᓈᐙᓐ ᐅᑭᑭᔥᑭᑲᓂᐙᓐ ᑳᐊᐲᒋ ᒫᓀᑕᒧᐙᒡ᙮ ᒦᔥ ᑳᐃᔑ ᑮᐌ ᐱᒋᐗᓀᐋᐙᒡ ᒫᔑᒥᑕᑎᒨᐞ, ᐆᑌᓈᕽ ᒦᓇᐙ ᐁᑮ ᑮᐌ ᐃᔖᐙᒡ᙮
14ᐊᐲ ᑕᔥ ᒎᑕ Judah ᐃᐃ ᑲᔦ ᐐᒋᑭᐌᔭᐞ ᑳᑕᑯᔑᓄᐙᒡ ᒎᓴᐴᓐ ᐅᐙᑳᐃᑲᓂᓃᕽ, ᑫᔮᐱ ᐌᑎ ᑮᐊᔮᐗᓐ, ᒦᑕᔥ ᑳᐃᔑ ᐊᓂᒥᑯᐸᓂᐅᐙᒡ ᒥᑕᑲᒥᒃ᙮ 15ᒎᓴᐴᓐ ᐃᑕᔥ ᐅᑮᐃᑯᐙᓐ, ᐋᓃᓐ ᐃᑕᔥ ᐁᔑᒋᑫᔦᒃ ᐅᐅ ᑳᐃᓇᑲᒥᑭᓯᔦᒃ? ᑳᐐᓐ ᐃᓇ ᑭᑭᑫᑕᓰᒻ, ᓃᓐ ᑎᓄ ᐃᓂᓂ ᐁᑲᔥᑭᑑᔮᓐ ᒋᐊᑕ ᑭᑫᒋᑫᔮᓐ, ᐅᑮᐃᑯᐙᓐ᙮
16ᐅᐅ ᑕᔥ ᒎᑕ ᑮᐃᑭᑐ, ᓂᑑᑭᒫᒻ, ᐋᓃᓐ ᐃᑕᔥ ᐃᓈ ᑫᐃᑰᔭᐸᓐ? ᐋᓃᓐ ᐃᑕᔥ ᑫᐃᑭᑐᔮᑭᐸᓐ? ᐋᓃᓐ ᐃᑕᔥ ᐃᓈ ᑫᐅᒋ ᑾᔭᑯᓈᑯᐃᑎᓱᔮᑭᐸᓐ? ᑭᔐᒪᓂᑑ ᐅᔕ ᐅᒧᔐᓈᓐ ᓂᒪᒫᔒᐎᓂᓈᓐ᙮ ᒦ ᓴ ᑕᔥ ᐃᐃ ᒋᑎᓄᐎᔮᕽ ᓂᑑᑭᒫᒥᓈᓐ ᐅᑕᓄᑮᐋᑲᓇᐞ᙮ ᓃᓇᐎᓐᑦ ᑳᑕᔑᔮᕽ, ᐊᐊ ᑲᔦ ᑳᑮ ᒥᑲᐎᓐᒡ ᐁᐊᔮᒡ ᒥᓂᒀᑲᓐ, ᑮᐃᑭᑐ᙮
17ᒎᓴᐴᓐ ᐃᑕᔥ ᐅᑮᐃᑰᓐ, ᑳᐐᓐ ᐃᐃ ᐐᑳ ᓂᑖ ᐃᔑᒋᑫᓰ! ᐊᐊ ᓴ ᐃᓂᓂ ᑳᑮ ᒥᑲᐎᓐᒡ ᐁᐊᔮᒡ ᒥᓂᒀᑲᓐ, ᒦ ᓴ ᐊᐌ ᑫᐅᑕᓄᑮᐋᑲᓂᒥᔮᓐ᙮ ᑮᓇᐙ ᑕᔥ ᐐᓐ ᑯᑕᒃ, ᐱᓵᓐ ᐊᓂ ᒫᒑᒃ ᒋᑮᐌᓄᑕᐌᒃ ᑭᑌᑌᐙ, ᐅᑮᐃᑰᓐ᙮
ᒎᑕ ᑮᑲᑴᓈᑕᒪᐙᒡ ᐯᒋᒪᓇᓐ
18ᒎᑕ Judah ᑕᔥ ᐅᑮ ᓈᓯᑲᐙᓐ ᒎᓴᐴᓐ Joseph ᐁᑮᐃᓈᒡ, ᐆ ᓂᑑᑭᒫᒻ, ᑕᑲ ᓃᓐ ᑭᑕᓄᑮᐋᑲᓐ ᐸᑭᑎᓂᔑᓐ ᑫᑰᓐ ᐁᐐᐃᓂᓈᓐ, ᑫᑯ ᑕᔥ ᓂᔥᑳᑎᓰᑲᑕᐙᑫᓐ ᑭᑕᓄᑮᐋᑲᓐ; ᐯᕒᐆ Pharaoh ᐄᑐᒃ ᑭᐐᒋ ᐊᐲᑌᑖᑯᓰᒫ᙮ 19ᑭᑮ ᑲᑴᒋᒥᔑᓈᒻ ᐄᑐᒃ ᐁᑮᐃᔑᔮᕽ, ᑭᑕᔮᐙᐙ ᓇ ᑮᒋᑭᐌᔨᐙ, ᑯᒫ ᑲᔦ ᑭᑌᑌᐙ ᐁᑮᐃᔑᔮᑭᐸᓐ᙮ 20ᐅᐅ ᑕᔥ ᑭᑮᐃᑰ, ᓂᑕᔮᐙᓈᓐ ᐃᓴ ᓂᑌᑌᓈᓐ ᐐᑫ ᐁᐊᑭᐌᓰᐎᒡ, ᐁᐅᔥᑳᑎᓯᒡ ᑲᔦ ᓃᒋᑭᐌᔨᓈᓐ, ᒦᐗᓐ ᓴ ᐃᓂ ᑳᑮ ᓂᑖᐎᑭᓂᒡ ᑮᐊᓂ ᐊᑭᐌᓰᐎᒡ᙮ ᓂᔑᒣᔑᓈᓐ ᐃᑕᔥ ᐐᒋᑭᐌᔭᓐ ᑳᐐᓐ ᐱᒫᑎᓯᓰᐗᓐ, ᒦ ᐁᑕ ᐁᒥᒋᐯᔑᑯᒡ ᐅᒫᒫᐙᓐ ᑳᑮ ᐊᔮᐎᑯᐙᒡ, ᐅᑌᑌᓐ ᐃᑕᔥ ᑲᔦ ᐅᓵᑭᐃᑰᓐ, 21ᒦᓇᐙ ᑕᔥ ᐅᐅ ᑭᑮ ᐃᔑᓈᒻ, ᓃᓇᐎᓐᑦ ᑭᑕᓄᑮᐋᑲᓇᒃ, ᐲᓈᑫᒃ ᐅᐅᒫ ᐁᔑᐊᔮᐗᒃ, ᓃᓐ ᐃᑯ ᐁᐐ ᐙᐸᒪᒃ᙮ 22ᐅᐅ ᑕᔥ ᑭᑮᐃᑰᓈᐸᓐ ᓂᑑᑭᒫᒥᓈᓐ, ᐊᐊ ᓴ ᑸᐎᓭᔅ ᑳᐐᓐ ᐅᑖ ᓇᑲᓈᓰᓐ ᐅᑌᑌᓐ, ᑮᔥᐱᓐ ᓴ ᓇᑲᓈᐸᓐ ᐃᓂ ᐅᑌᑌᓐ, ᒦ ᓴ ᐃ ᒋᓂᐳᓂᐸᓐ᙮ 23ᐅᐅ ᑕᔥ ᑭᑮ ᐃᔑᓈᒻ, ᑮᔥᐱᓐ ᓴ ᐊᐊ ᑳᒫᐗᒋ ᐅᔒᒣᔑᒫᐎᒡ ᑮᒋᑭᐌᔨᐙ ᐱᐐᒌᐎᓯᓄᐌᒃ, ᑳᐐᓐ ᓴ ᒦᓇᐙ ᑭᑲ ᐙᐸᒥᓰᒻ᙮
24ᐊᐲ ᑕᔥ ᑳᐃᔖᔮᕽ ᐁᔑᐊᔮᒡ ᓂᑌᑌᓈᓐ ᑭᑕᓄᑮᐋᑲᓐ, ᓂᑮ ᐐᑕᒪᐙᓈᓐ ᐃᑕᔥ ᐋᓃᓐ ᑳᑮ ᐃᑭᑐᐗᒡ, ᑮᓐ ᓂᑑᑭᒫᒥᓈᓐ᙮ 25ᓂᑌᑌᓈᓐ ᐃᑕᔥ ᐅᐅ ᓂᑮᐃᑯᓈᓐ, ᒫᒑᒃ ᒦᓇᐙ ᑮᐌ ᐃᔖᒃ, ᐊᑕᐎ ᐊᑖᐌᒃ ᐸᑮ ᒦᒋᒻ᙮ 26ᐅᐅ ᑕᔥ ᓂᑮ ᐃᑭᑐᒥᓐ, ᑳᐐᓐ ᓂᑖ ᐃᔖᓰᒥᓐ᙮ ᑮᔥᐱᓐ ᐁᑕ ᐐᒌᐎᔭᒥᓐᒡ ᓂᔒᒣᔑᓈᓐ ᓂᑲ ᐃᔖᒥᓐ, ᐋᓃᔥ ᒦ ᐁᑕ ᐃ ᑫᔑ ᐙᐸᒪᑭᒡ ᐊᐊ ᐃᓂᓂ ᐱᐐᒌᐎᒪᑭᒡ ᓂᔒᒣᔑᓈᓂᓐ᙮ 27ᓂᑌᑌᓈᓐ ᐃᑕᔥ ᐅᐅ ᓂᑮᐃᑯᓈᓐ, ᑭᑭᑫᑖᒻ ᐄᑐᒃ ᑳᑮ ᐐᐎᔮᓐ ᐅᕒᐁᒐᓬ Rachel ᓃᔑᓐ ᐃᐃᒫ ᓂᑯᓯᓴᐞ ᐁᑮ ᐅᒋ ᓂᑖᐎᑭᓂᒡ᙮ 28ᐯᔑᒃ ᐃᑕᔥ ᓂᑮ ᓇᑲᓂᒃ ᐁᑮ ᐁᔕᑲᔑᒡ, ᒦᔥ ᑳᐃᑭᑐᔮᐹᓐ, ᑫᒋᓈᒡ ᐃᓴ ᑮᐲᓯᐱᒋᑲᓂᐎᐎᑐᒃ, ᑳᐐᓐ ᐃᑕᔥ ᒪᔑ ᓂᑑᒋ ᐙᐸᒫᓰ᙮ 29ᑮᔥᐱᓐ ᒫᒌᓀᒃ ᐗᐊ ᑲᔦ, ᑫᑰᓐ ᐃᑕᔥ ᐃᔑ ᒫᔑᓭᒡ, ᑫᔑ ᒫᓀᑕᒥᐃᔦᒃ ᓴ ᐅᐅ ᐁᐊᐲᑕᑭᐌᓰᐎᔮᓐ, ᒦ ᓴ ᐃ ᒋᑲᐌᓂᒧᔮᐹᓐ, ᓂᑮᐃᑯᓈᓐ᙮
30ᑫᔮᐱ ᑮᐊᓂ ᑲᑮᑭᑐ ᒎᑕ, ᐃᓇᔥᑫ ᑕᔥ ᐊᐲ ᐅᑎᓴᒃ ᓂᑌᑌ ᑭᑕᓄᑮᐋᑲᓐ, ᐊᐊ ᑕᔥ ᑸᐎᓭᔅ ᐐᒌᐎᓯᔭᒥᓐᒡ, 31ᑮᔥᐱᓐ ᐃᑕᔥ ᐙᐸᒥᔭᒥᓐᒡ ᐐᒌᐙᓯᐎᒪᑭᒡ, ᒦ ᐅᔕ ᐃ ᒌᔥᒀ ᐱᒫᑎᓯᒡ᙮ ᐃᐃ ᑕᔥ ᐁᐊᐲᑕᑭᐌᓰᐎᒡ ᒦ ᐃ ᒋᓂᐳᐸᓐ ᑫᐊᐲᒋ ᒫᓀᑕᕽ, ᐐᑫ ᐋᓃᔥ ᓂᑌᑌ ᒦ ᐃ ᐁᔑᓈᑾᓂᓂᒃ ᐅᐱᒫᑎᓯᐎᓐ ᑖᐱᔥᑰ ᐁᓃᔓᐱᑌᓂᑭᓐ ᐅᐱᒫᑎᓯᐎᓂᐙᓐ᙮ 32ᓃᓐ ᐃᑕᔥ ᑭᑕᓄᑮᐋᑲᓐ, ᓂᑌᑌ ᐅᔕ ᓂᑮ ᐊᐱ ᐸᑭᑎᓇᒪᐙ ᓂᐱᒫᑎᓯᐎᓐ ᐊᐊ ᐅᒋ ᑸᐎᓭᔅ, ᐅᐅ ᐁᑮ ᐃᓇᑭᐸᓐ ᓂᑌᑌ, ᑮᔥᐱᓐ ᓴ ᐱᑮᐌᐎᓈᓯᐗᒃ ᐁᔑᐊᔮᐗᒡ, ᑕᑲ ᓴ ᓃᓐ ᓀᐱᒡ ᓂᑲ ᐊᓈᒣᑖᑯᔅ ᐁᓈᓴᒦᔭᓐ, ᒦ ᐃ ᑳᐃᓇᑭᐸᓐ ᓂᑌᑌ᙮ 33ᑕᑲ ᓴ ᓃᓐ ᐃᑕᐙ ᑭᑕᓄᑮᐋᑲᓐ ᐅᐅᒫ ᓂᑲ ᐊᔮ ᒋᑎᐯᓂᒥᔭᓐ ᓂᑑᑭᒫᒻ, ᒣᔥᑾᒡ ᐃᑕᔥ ᐊᐊ ᑸᐎᓭᔅ ᐅᑲ ᑮᐌ ᐐᒌᐙᐞ ᐐᒋᑭᐌᔭᐞ᙮ 34ᐋᓃᓐ ᐃᑕᔥ ᑫᔑ ᑲᔥᑭᑑᔮᐹᓐ ᒋᑮᐌᔮᐹᓐ ᐁᔑᐊᔮᒡ ᓂᑌᑌ ᑮᔥᐱᓐ ᐐᒌᐎᓯᒃ ᐊᐊ ᑸᐎᓭᔅ᙮ ᑳᐐᓐ ᐃᐃ ᓂᑖ ᐃᔑᒋᑫᓰ᙮ ᑳᐐᓐ ᓂᓇᑕᐌᑕᓰᓐ ᒋᐙᐸᑕᒧᐗᑭᐸᓐ ᓂᑌᑌ ᐊᐙᒡ ᐄᑐᒃ ᑫᔑ ᑲᒀᑕᑭᓭᐸᓐ, ᑮᐃᑭᑐ ᒎᑕ Judah᙮
Iliyochaguliwa sasa
ᒉᓂᓯᔅ 44: OJBS
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Ojibwe Shorter Bible (Syllabic Script) © 2008 Canadian Bible Society
ᒉᓂᓯᔅ 44
44
ᒥᓂᒀᑲᓐ ᑮᐗᓂᓯᕽ
1ᒎᓴᑉ Joseph ᐃᑕᔥ ᐅᑮ ᐊᓅᓈᓐ ᐯᒦᑖᑯᒡ ᑳᑮ ᓈᓈᑲᒋᑑᓂᒡ ᐅᐙᑳᐃᑲᓐ ᐁᑮᐃᓈᒡ, ᒨᔥᑭᓇᑖᐤ ᐃᑭ ᐃᓂᓂᐗᒃ ᐅᒪᔥᑭᒧᑎᐙᓐ ᒦᒋᒻ ᒥᓂᒃ ᐃᑯ ᑫᑲᔥᑭᐎᑑᐙᒡ, ᐅᔔᓂᔮᒥᐙᓐ ᑲᔦ ᑲᑭᓇ ᑯ ᑮᐌ ᐲᓇᐅᒻ ᑳᔑ ᐹᑮᑭᓂᑳᑌᓂᑭᓐ ᐅᒪᔥᑭᒧᑎᐙᓐ᙮ 2ᐃᐃ ᑕᔥ ᓂᒥᓂᒀᑲᓐ ᑳᐙᐹᐱᑯ ᔔᓂᔮ ᐙᐱᑯᐗᒃ, ᐅᒪᔥᑭᒧᑖᕽ ᑳᔑ ᐹᑮᑭᓂᑳᑌᓂᒃ ᐃᔑ ᐲᓇᐊᒧᐤ ᐊᐊ ᒫᐗᒡ ᐌᔒᒣᔑᒫᐎᒡ, ᒋᑕᑯᔥᑭᓀᓂᒃ ᑳᔑ ᐲᓱᓂᒡ ᔔᓂᔮᓐ, ᒦᒋᒻ ᑲᔦ ᑳᔑ ᐲᑌᓂᒃ, ᐅᑮᐃᓈᓐ᙮ ᒦᑕᔥ ᐃᐃ ᑳᐃᔑᒋᑫᓂᒡ᙮ 3ᐊᐲ ᑕᔥ ᐃᑯ ᐁᐊᓂ ᐲᑖᐸᓂᓂᒃ, ᐐᒋᑭᐌᔨᒫᒃ ᑮᒫᒋᓂᔕᐃᑲᓂᐎᐗᒃ, ᐃᐃ ᑲᔦ ᐅᒫᔑᒥᑕᑎᒨᒥᐙᐞ᙮ 4ᐊᐲ ᑕᔥ ᑳᐊᓂ ᒫᒑᓂᒡ ᐃᐃᒫ ᐆᑌᓈᕽ, ᒎᓴᑉ ᐅᑮ ᑲᓅᓈᓐ ᐃᓂ ᐯᒦᑖᑯᒡ ᑳᑮ ᓈᑲᒋᑑᓂᒡ ᐅᐙᑳᐃᑲᓐ ᐁᑮᐃᓈᒡ, ᐌᔩᑉ, ᐱᒥᓂᔕᐅ ᐃᑭ ᐃᓂᓂᐗᒃ, ᐊᐲ ᑕᔥ ᐊᑎᒪᑣ ᐅᐅ ᓴ ᐃᓈᑲᑣᓂᒃ, ᐌᑯᓀᓐ ᐃᑕᔥ ᒪᒋᑫᑰᓐ ᐌᒋ ᑎᐸᐃᑳᑫᔦᒃ ᐅᒋ ᑫᑰᓐ ᑳᐅᓂᔑᔑᕽ? 5ᒦᓇᐅᐌᓂ ᓂᑑᑭᒫᒻ ᐅᒥᓂᒀᑲᓐ ᑳᓂᑖ ᒥᓂᒀᑫᒡ, ᑳᓂᑖ ᐋᐸᒋᑑᒡ ᒋᐊᑕ ᑭᑫᒋᑫᒡ᙮ ᐁᑕᑕᐌ ᐅᔕ ᑭᑭᒋ ᒪᒫᔒᒻ ᐅᐅ ᑳᐃᔑᒋᑫᔦᒃ! ᑭᑲᐃᓈᒃ, ᐅᑮᐃᓈᓐ᙮
6ᐊᐲ ᑕᔥ ᐅᐸᒦᑖᑫ ᑳᐊᑎᒫᒡ, ᒦ ᐃ ᑳᐃᓈᒡ ᑳᑮᐃᓂᓐᒡ ᒌᑭᑐᒡ᙮ 7ᐅᐅ ᑕᔥ ᑮᐃᔑ ᓇᑴᑕᒨᐞ, ᐌᑯᓀᓂᓂ ᑕᔥ ᓂᑑᑭᒫᒥᓈᓐ ᐃᐃ ᐌᒋ ᐃᑭᑐᒡ? ᑳᐐᓐ ᐐᑳᐃ ᓃᓇᐎᓐᑦ ᑭᑕᓄᑮᐋᑲᓇᒃ ᓂᑖ ᐃᔑᒋᑫᓰᒥᓐ᙮ 8ᐃᓇᔥᑫ ᐊᐊ ᔔᓂᔮ ᑳᑮ ᒥᑲᐗᑭᑎᐸᓐ ᑳᐃᔑ ᐹᑮᑭᓂᑳᑌᑭᓐ ᓂᒪᔥᑭᒧᑎᓈᓂᓐ, ᓂᑮ ᐱᑮᐌᐎᓈᓈᓐ ᐁᑮ ᒦᓂᑰᔦᒃ ᑫᓇᓐ Canaan ᐊᑮᕽ ᐁᑮ ᐅᒋᐎᓇᑭᒡ᙮ ᐋᓃᓐ ᐃᑕᔥ ᐃᓈ ᑫᐅᒋ ᑮᒨᑎᔮᑭᐸᓐ ᐅᐙᐹᐱᑯ ᔔᓂᔮ ᐙᐱᑯᒪᓐ, ᑯᒫ ᑲᔦ ᐅᑑᓵᐎ ᔔᓂᔮ ᐙᐱᑯᒪᓐ ᑭᑑᑭᒫᒻ ᐅᐙᑳᐃᑲᓂᕽ? 9ᑮᔥᐱᓐ ᓴ ᑯ ᐊᐌᓀᓐ ᑳᑕᔑᔮᕽ ᒥᑲᐎᓐᒡ ᒋᐊᔮᑴᓐ, ᐱᓵᓐ ᓴ ᑕᓂᐳ᙮ ᓃᓇᐎᓐᑦ ᐃᑕᔥ ᑯᑕᒃ ᑫᐸᒦᑕᐎᒀ ᓂᑲ ᑎᓄᐎᒥᓐ, ᑮᐃᑭᑐᐗᒃ᙮
10ᐅᐅ ᑕᔥ ᐅᑮᐃᓈᐞ, ᑕᑲ ᓴ ᒦ ᐃ ᓅᑯᒻ ᑫᐃᔑᓈᑾᒃ ᑳᐃᑭᑐᔦᒃ; ᐊᐌᓀᓐ ᓴ ᑯ ᑫᒥᑲᐎᓐᒡ ᐁᔮᑴᓐ ᐃᐃ ᒥᓂᒀᑲᓐ, ᒦ ᓴ ᐊᐌ ᓂᑕᓄᑮᐋᑲᓐ ᑫᑎᓄᐎᒡ᙮ ᑮᓇᐙ ᑕᔥ ᐐᓐ ᑯᑕᒃ ᑳᐐᓐ ᑫᑰᓐ ᑭᑲ ᐃᔑ ᐊᓈᒣᑖᑯᓯᓰᒻ, ᐅᑮᐃᓈᐞ᙮ 11ᑲᑭᓇ ᑕᔥ ᐁᑕᔑᐙᒡ ᐅᑮ ᐱᓇᐋᓈᐙᓐ ᐅᒪᔥᑭᒧᑎᐙᓐ ᒥᑕᑲᒥᒃ ᐁᑮ ᐃᔑ ᐊᑑᐙᒡ, ᐁᑮ ᐹᑮᑭᓇᒧᐙᒡ᙮ 12ᒎᓴᑉ ᐃᑕᔥ ᐅᐸᒦᑖᑫᒪᓐ ᑮᒫᒌ ᓇᓈᑐᓂᑫᐗᓐ, ᐁᑮ ᐅᒋ ᒫᒋᑖᓂᒡ ᒫᐗᒡ ᑳᓴᓰᑭᓯᓂᒡ ᐅᒪᔥᑭᒧᑎᓃᕽ, ᐲᓂᔥ ᐌᑎ ᐃᓂ ᒫᐗᒡ ᐌᔒᒣᔑᒫᐎᓂᒡ ᐅᒪᔥᑭᒧᑎᓃᕽ ᐁᑮ ᐃᔑ ᐴᓂᒋᑫᓂᒡ᙮ ᐃᐃ ᑕᔥ ᒥᓂᒀᑲᓐ ᐯᒋᒪᓐ Benjamin ᐅᒪᔥᑭᒧᑎᕽ ᑮᐃᔑ ᒥᑭᑳᑌᓂ᙮ 13ᐃᑭ ᑕᔥ ᐐᒋᑭᐌᔨᒫᒃ ᐅᑮ ᑖᔥᑮᑭᐱᑑᓈᐙᓐ ᐅᑭᑭᔥᑭᑲᓂᐙᓐ ᑳᐊᐲᒋ ᒫᓀᑕᒧᐙᒡ᙮ ᒦᔥ ᑳᐃᔑ ᑮᐌ ᐱᒋᐗᓀᐋᐙᒡ ᒫᔑᒥᑕᑎᒨᐞ, ᐆᑌᓈᕽ ᒦᓇᐙ ᐁᑮ ᑮᐌ ᐃᔖᐙᒡ᙮
14ᐊᐲ ᑕᔥ ᒎᑕ Judah ᐃᐃ ᑲᔦ ᐐᒋᑭᐌᔭᐞ ᑳᑕᑯᔑᓄᐙᒡ ᒎᓴᐴᓐ ᐅᐙᑳᐃᑲᓂᓃᕽ, ᑫᔮᐱ ᐌᑎ ᑮᐊᔮᐗᓐ, ᒦᑕᔥ ᑳᐃᔑ ᐊᓂᒥᑯᐸᓂᐅᐙᒡ ᒥᑕᑲᒥᒃ᙮ 15ᒎᓴᐴᓐ ᐃᑕᔥ ᐅᑮᐃᑯᐙᓐ, ᐋᓃᓐ ᐃᑕᔥ ᐁᔑᒋᑫᔦᒃ ᐅᐅ ᑳᐃᓇᑲᒥᑭᓯᔦᒃ? ᑳᐐᓐ ᐃᓇ ᑭᑭᑫᑕᓰᒻ, ᓃᓐ ᑎᓄ ᐃᓂᓂ ᐁᑲᔥᑭᑑᔮᓐ ᒋᐊᑕ ᑭᑫᒋᑫᔮᓐ, ᐅᑮᐃᑯᐙᓐ᙮
16ᐅᐅ ᑕᔥ ᒎᑕ ᑮᐃᑭᑐ, ᓂᑑᑭᒫᒻ, ᐋᓃᓐ ᐃᑕᔥ ᐃᓈ ᑫᐃᑰᔭᐸᓐ? ᐋᓃᓐ ᐃᑕᔥ ᑫᐃᑭᑐᔮᑭᐸᓐ? ᐋᓃᓐ ᐃᑕᔥ ᐃᓈ ᑫᐅᒋ ᑾᔭᑯᓈᑯᐃᑎᓱᔮᑭᐸᓐ? ᑭᔐᒪᓂᑑ ᐅᔕ ᐅᒧᔐᓈᓐ ᓂᒪᒫᔒᐎᓂᓈᓐ᙮ ᒦ ᓴ ᑕᔥ ᐃᐃ ᒋᑎᓄᐎᔮᕽ ᓂᑑᑭᒫᒥᓈᓐ ᐅᑕᓄᑮᐋᑲᓇᐞ᙮ ᓃᓇᐎᓐᑦ ᑳᑕᔑᔮᕽ, ᐊᐊ ᑲᔦ ᑳᑮ ᒥᑲᐎᓐᒡ ᐁᐊᔮᒡ ᒥᓂᒀᑲᓐ, ᑮᐃᑭᑐ᙮
17ᒎᓴᐴᓐ ᐃᑕᔥ ᐅᑮᐃᑰᓐ, ᑳᐐᓐ ᐃᐃ ᐐᑳ ᓂᑖ ᐃᔑᒋᑫᓰ! ᐊᐊ ᓴ ᐃᓂᓂ ᑳᑮ ᒥᑲᐎᓐᒡ ᐁᐊᔮᒡ ᒥᓂᒀᑲᓐ, ᒦ ᓴ ᐊᐌ ᑫᐅᑕᓄᑮᐋᑲᓂᒥᔮᓐ᙮ ᑮᓇᐙ ᑕᔥ ᐐᓐ ᑯᑕᒃ, ᐱᓵᓐ ᐊᓂ ᒫᒑᒃ ᒋᑮᐌᓄᑕᐌᒃ ᑭᑌᑌᐙ, ᐅᑮᐃᑰᓐ᙮
ᒎᑕ ᑮᑲᑴᓈᑕᒪᐙᒡ ᐯᒋᒪᓇᓐ
18ᒎᑕ Judah ᑕᔥ ᐅᑮ ᓈᓯᑲᐙᓐ ᒎᓴᐴᓐ Joseph ᐁᑮᐃᓈᒡ, ᐆ ᓂᑑᑭᒫᒻ, ᑕᑲ ᓃᓐ ᑭᑕᓄᑮᐋᑲᓐ ᐸᑭᑎᓂᔑᓐ ᑫᑰᓐ ᐁᐐᐃᓂᓈᓐ, ᑫᑯ ᑕᔥ ᓂᔥᑳᑎᓰᑲᑕᐙᑫᓐ ᑭᑕᓄᑮᐋᑲᓐ; ᐯᕒᐆ Pharaoh ᐄᑐᒃ ᑭᐐᒋ ᐊᐲᑌᑖᑯᓰᒫ᙮ 19ᑭᑮ ᑲᑴᒋᒥᔑᓈᒻ ᐄᑐᒃ ᐁᑮᐃᔑᔮᕽ, ᑭᑕᔮᐙᐙ ᓇ ᑮᒋᑭᐌᔨᐙ, ᑯᒫ ᑲᔦ ᑭᑌᑌᐙ ᐁᑮᐃᔑᔮᑭᐸᓐ᙮ 20ᐅᐅ ᑕᔥ ᑭᑮᐃᑰ, ᓂᑕᔮᐙᓈᓐ ᐃᓴ ᓂᑌᑌᓈᓐ ᐐᑫ ᐁᐊᑭᐌᓰᐎᒡ, ᐁᐅᔥᑳᑎᓯᒡ ᑲᔦ ᓃᒋᑭᐌᔨᓈᓐ, ᒦᐗᓐ ᓴ ᐃᓂ ᑳᑮ ᓂᑖᐎᑭᓂᒡ ᑮᐊᓂ ᐊᑭᐌᓰᐎᒡ᙮ ᓂᔑᒣᔑᓈᓐ ᐃᑕᔥ ᐐᒋᑭᐌᔭᓐ ᑳᐐᓐ ᐱᒫᑎᓯᓰᐗᓐ, ᒦ ᐁᑕ ᐁᒥᒋᐯᔑᑯᒡ ᐅᒫᒫᐙᓐ ᑳᑮ ᐊᔮᐎᑯᐙᒡ, ᐅᑌᑌᓐ ᐃᑕᔥ ᑲᔦ ᐅᓵᑭᐃᑰᓐ, 21ᒦᓇᐙ ᑕᔥ ᐅᐅ ᑭᑮ ᐃᔑᓈᒻ, ᓃᓇᐎᓐᑦ ᑭᑕᓄᑮᐋᑲᓇᒃ, ᐲᓈᑫᒃ ᐅᐅᒫ ᐁᔑᐊᔮᐗᒃ, ᓃᓐ ᐃᑯ ᐁᐐ ᐙᐸᒪᒃ᙮ 22ᐅᐅ ᑕᔥ ᑭᑮᐃᑰᓈᐸᓐ ᓂᑑᑭᒫᒥᓈᓐ, ᐊᐊ ᓴ ᑸᐎᓭᔅ ᑳᐐᓐ ᐅᑖ ᓇᑲᓈᓰᓐ ᐅᑌᑌᓐ, ᑮᔥᐱᓐ ᓴ ᓇᑲᓈᐸᓐ ᐃᓂ ᐅᑌᑌᓐ, ᒦ ᓴ ᐃ ᒋᓂᐳᓂᐸᓐ᙮ 23ᐅᐅ ᑕᔥ ᑭᑮ ᐃᔑᓈᒻ, ᑮᔥᐱᓐ ᓴ ᐊᐊ ᑳᒫᐗᒋ ᐅᔒᒣᔑᒫᐎᒡ ᑮᒋᑭᐌᔨᐙ ᐱᐐᒌᐎᓯᓄᐌᒃ, ᑳᐐᓐ ᓴ ᒦᓇᐙ ᑭᑲ ᐙᐸᒥᓰᒻ᙮
24ᐊᐲ ᑕᔥ ᑳᐃᔖᔮᕽ ᐁᔑᐊᔮᒡ ᓂᑌᑌᓈᓐ ᑭᑕᓄᑮᐋᑲᓐ, ᓂᑮ ᐐᑕᒪᐙᓈᓐ ᐃᑕᔥ ᐋᓃᓐ ᑳᑮ ᐃᑭᑐᐗᒡ, ᑮᓐ ᓂᑑᑭᒫᒥᓈᓐ᙮ 25ᓂᑌᑌᓈᓐ ᐃᑕᔥ ᐅᐅ ᓂᑮᐃᑯᓈᓐ, ᒫᒑᒃ ᒦᓇᐙ ᑮᐌ ᐃᔖᒃ, ᐊᑕᐎ ᐊᑖᐌᒃ ᐸᑮ ᒦᒋᒻ᙮ 26ᐅᐅ ᑕᔥ ᓂᑮ ᐃᑭᑐᒥᓐ, ᑳᐐᓐ ᓂᑖ ᐃᔖᓰᒥᓐ᙮ ᑮᔥᐱᓐ ᐁᑕ ᐐᒌᐎᔭᒥᓐᒡ ᓂᔒᒣᔑᓈᓐ ᓂᑲ ᐃᔖᒥᓐ, ᐋᓃᔥ ᒦ ᐁᑕ ᐃ ᑫᔑ ᐙᐸᒪᑭᒡ ᐊᐊ ᐃᓂᓂ ᐱᐐᒌᐎᒪᑭᒡ ᓂᔒᒣᔑᓈᓂᓐ᙮ 27ᓂᑌᑌᓈᓐ ᐃᑕᔥ ᐅᐅ ᓂᑮᐃᑯᓈᓐ, ᑭᑭᑫᑖᒻ ᐄᑐᒃ ᑳᑮ ᐐᐎᔮᓐ ᐅᕒᐁᒐᓬ Rachel ᓃᔑᓐ ᐃᐃᒫ ᓂᑯᓯᓴᐞ ᐁᑮ ᐅᒋ ᓂᑖᐎᑭᓂᒡ᙮ 28ᐯᔑᒃ ᐃᑕᔥ ᓂᑮ ᓇᑲᓂᒃ ᐁᑮ ᐁᔕᑲᔑᒡ, ᒦᔥ ᑳᐃᑭᑐᔮᐹᓐ, ᑫᒋᓈᒡ ᐃᓴ ᑮᐲᓯᐱᒋᑲᓂᐎᐎᑐᒃ, ᑳᐐᓐ ᐃᑕᔥ ᒪᔑ ᓂᑑᒋ ᐙᐸᒫᓰ᙮ 29ᑮᔥᐱᓐ ᒫᒌᓀᒃ ᐗᐊ ᑲᔦ, ᑫᑰᓐ ᐃᑕᔥ ᐃᔑ ᒫᔑᓭᒡ, ᑫᔑ ᒫᓀᑕᒥᐃᔦᒃ ᓴ ᐅᐅ ᐁᐊᐲᑕᑭᐌᓰᐎᔮᓐ, ᒦ ᓴ ᐃ ᒋᑲᐌᓂᒧᔮᐹᓐ, ᓂᑮᐃᑯᓈᓐ᙮
30ᑫᔮᐱ ᑮᐊᓂ ᑲᑮᑭᑐ ᒎᑕ, ᐃᓇᔥᑫ ᑕᔥ ᐊᐲ ᐅᑎᓴᒃ ᓂᑌᑌ ᑭᑕᓄᑮᐋᑲᓐ, ᐊᐊ ᑕᔥ ᑸᐎᓭᔅ ᐐᒌᐎᓯᔭᒥᓐᒡ, 31ᑮᔥᐱᓐ ᐃᑕᔥ ᐙᐸᒥᔭᒥᓐᒡ ᐐᒌᐙᓯᐎᒪᑭᒡ, ᒦ ᐅᔕ ᐃ ᒌᔥᒀ ᐱᒫᑎᓯᒡ᙮ ᐃᐃ ᑕᔥ ᐁᐊᐲᑕᑭᐌᓰᐎᒡ ᒦ ᐃ ᒋᓂᐳᐸᓐ ᑫᐊᐲᒋ ᒫᓀᑕᕽ, ᐐᑫ ᐋᓃᔥ ᓂᑌᑌ ᒦ ᐃ ᐁᔑᓈᑾᓂᓂᒃ ᐅᐱᒫᑎᓯᐎᓐ ᑖᐱᔥᑰ ᐁᓃᔓᐱᑌᓂᑭᓐ ᐅᐱᒫᑎᓯᐎᓂᐙᓐ᙮ 32ᓃᓐ ᐃᑕᔥ ᑭᑕᓄᑮᐋᑲᓐ, ᓂᑌᑌ ᐅᔕ ᓂᑮ ᐊᐱ ᐸᑭᑎᓇᒪᐙ ᓂᐱᒫᑎᓯᐎᓐ ᐊᐊ ᐅᒋ ᑸᐎᓭᔅ, ᐅᐅ ᐁᑮ ᐃᓇᑭᐸᓐ ᓂᑌᑌ, ᑮᔥᐱᓐ ᓴ ᐱᑮᐌᐎᓈᓯᐗᒃ ᐁᔑᐊᔮᐗᒡ, ᑕᑲ ᓴ ᓃᓐ ᓀᐱᒡ ᓂᑲ ᐊᓈᒣᑖᑯᔅ ᐁᓈᓴᒦᔭᓐ, ᒦ ᐃ ᑳᐃᓇᑭᐸᓐ ᓂᑌᑌ᙮ 33ᑕᑲ ᓴ ᓃᓐ ᐃᑕᐙ ᑭᑕᓄᑮᐋᑲᓐ ᐅᐅᒫ ᓂᑲ ᐊᔮ ᒋᑎᐯᓂᒥᔭᓐ ᓂᑑᑭᒫᒻ, ᒣᔥᑾᒡ ᐃᑕᔥ ᐊᐊ ᑸᐎᓭᔅ ᐅᑲ ᑮᐌ ᐐᒌᐙᐞ ᐐᒋᑭᐌᔭᐞ᙮ 34ᐋᓃᓐ ᐃᑕᔥ ᑫᔑ ᑲᔥᑭᑑᔮᐹᓐ ᒋᑮᐌᔮᐹᓐ ᐁᔑᐊᔮᒡ ᓂᑌᑌ ᑮᔥᐱᓐ ᐐᒌᐎᓯᒃ ᐊᐊ ᑸᐎᓭᔅ᙮ ᑳᐐᓐ ᐃᐃ ᓂᑖ ᐃᔑᒋᑫᓰ᙮ ᑳᐐᓐ ᓂᓇᑕᐌᑕᓰᓐ ᒋᐙᐸᑕᒧᐗᑭᐸᓐ ᓂᑌᑌ ᐊᐙᒡ ᐄᑐᒃ ᑫᔑ ᑲᒀᑕᑭᓭᐸᓐ, ᑮᐃᑭᑐ ᒎᑕ Judah᙮
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Ojibwe Shorter Bible (Syllabic Script) © 2008 Canadian Bible Society