ᐁᑭᓴᑕᔅ 31
31
ᐊᓉᐲᐎ ᑮᔑᑲᓐ ᐁᑕᔑᑌᒃ
12ᒦᑕᔥ ᒨᓯᔅ Moses ᑳᐃᑯᒡ ᑳᑎᐯᒋᑫᓂᒡ, 13ᐅᐅ ᓴ ᑭᑲᐃᓈᒃ ᐃᔅᕒᐃᔭᓬᐊᒃ, ᒦ ᓴ ᐃ ᐁᔑᓈᑾᒃ ᒋᑲᓇᐌᑕᒣᒃ ᑳᐊᓉᐲᐎ ᑮᔑᑲᑭᓐ ᑌᐱᓇᐌᐎᓯᔮᓐ, ᐋᓃᔥ ᒦ ᐃᐌ ᑫᑭᑭᓇᐙᒋᒋᑳᑫᔭᕽ ᑮᓇᐎᓐᑦ ᒥᓂᒃ ᐃᑯ ᑫᓂ ᐊᔮᓂᑫ ᓂᑖᐎᑭᐃᑎᔦᒃ, ᒋᐅᒋ ᑭᑫᑕᒣᒃ ᓃᓐ ᑳᑎᐯᒋᑫᒡ ᑳᑎᐯᓂᒥᓇᑰᒃ᙮ 14ᐃᔑᓈᑾᓐ ᓴ ᒋᑲᓇᐌᑕᒣᒃ ᑳᐊᓉᐲᐎ ᑮᔑᑲᒃ ᐋᓃᔥ ᑭᒋ ᐃᓀᑖᑾᓐ᙮ ᑲᑭᓇ ᑕᔥ ᐃᑯ ᐊᐎᔭ ᑫᐲᑯᓈᑯᑑᒡ, ᑌᐺ ᓴ ᑕᓂᓵ᙮ ᐊᐌᓀᓐ ᐃᑕᔥ ᐃᑯ ᑲᔦ ᑫᐊᓄᑮᒡ ᐊᓉᐲᐎ ᑮᔑᑲᓂᓂᒃ, ᒦ ᓴ ᐊᐌ ᑫᓵᑭᒋᐌᐱᓂᑲᓂᐎᒡ ᐁᔑᐊᔮᓂᒡ ᐅᐐᒋ ᐅᒌᒫᑲᓇᐞ᙮ 15#Exo 20.8-11; 23.12; 34.21; 35.2; Lev 23.3; Deu 5.12-14. ᓂᑯᑣᓱᑮᔑᒃ ᓴ ᑕᐊᓄᑮᓈᓂᐗᓐ, ᓃᔣᓱᑮᔑᒃ ᐃᑕᔥ ᐃᔑᓭᒃ ᐊᓉᐲᐎ ᑮᔑᑲᒃ ᐋᐱᒋ ᑭᒋ ᐃᓀᑖᑾᓐ ᐃᐃ ᑮᔑᑲᓐ᙮ ᐊᐌᓀᓐ ᐃᑕᔥ ᐃᑯ ᑫᐊᓄᑮᒡ ᐊᓉᐲᐎ ᑮᔑᑲᓂᓂᒃ ᐃᔑᓈᑾᓂᓂ ᒋᓂᓯᑎᐸᓐ᙮ 16ᐃᔅᕒᐃᔭᓬᐊᒃ ᓴ ᐅᑲ ᑲᓇᐌᑖᓈᐙ ᑳᐊᓉᐲᐎ ᑮᔑᑲᓂᓂᒃ ᒥᓂᒃ ᐃᑯ ᑫᓂ ᐊᔮᓂᑫ ᓂᑖᐎᑭᐃᑎᐙᒡ ᒋᐃᓍᑕᒧᐙᒡ ᑫᓀᐱᒋ ᐊᔮᓂᒃ ᐁᔑ ᐊᔓᑕᒫᐗᒀ᙮ 17#Exo 20.11. ᒦ ᓴ ᐃᐌ ᑫᔑ ᑭᑭᓇᐙᒋᑕᒫᑎᔭᕽ ᑮᓇᐎᓐᑦ ᐃᑭ ᐃᔅᕒᐃᔭᓬᐊᒃ ᓀᐱᒡ ᐃᑯ, ᐋᓃᔥ ᓃᓐ ᑌᐯᒋᑫᔮᓐ ᓂᑯᑣᓱᑮᔑᒃ 6 ᓂᑮ ᐅᔑᑑᓐ ᐅᐅ ᐊᑭ᙮ ᓃᔣᓱᑮᔑᒃ 7 ᐃᑕᔥ ᐁᐃᔑᓭᒃ ᓂᑮ ᑭᐱᒌ ᐁᐊᓄᑮᔮᓐ, ᐁᑮ ᐊᓉᐱᔮᓐ, ᐅᑮᐃᑰᓐ᙮
18ᐊᐲ ᑕᔥ ᒨᓯᔅ ᑳᐃᔥᒀ ᑲᑲᓅᓂᑯᒡ ᑳᑎᐯᒋᑫᓂᒡ ᐌᑎ ᐗᒌᕽ ᓵᐃᓇᐃ Sinai ᐁᒋᑳᑌᓂᒃ, ᐅᑮ ᒦᓂᑰᓐ ᓃᔑᓐ ᓇᐸᑳᐱᑲᓯᓃᐞ ᑭᔐᒪᓂᑑᓐ ᐐᓐ ᐃᑯ ᐃᐃ ᑳᑮ ᐃᔑ ᐅᔑᐲᐊᒥᓂᒡ ᐅᓇᔓᐌᐎᓐ᙮
Iliyochaguliwa sasa
ᐁᑭᓴᑕᔅ 31: OJBS
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Ojibwe Shorter Bible (Syllabic Script) © 2008 Canadian Bible Society