ᐁᑭᓴᑕᔅ 22
22
ᐋᓃᓐ ᑫᔑᑎᐸᐃᑫᕽ ᐁᐅᓇᔓᐙᑌᒃ
1ᑮᔥᐱᓐ ᐃᓴ ᐃᓂᓂ ᑮᒨᑎᒡ ᐱᔑᑭᐗᓐ, ᑯᒫ ᑲᔦ ᒫᓇᒑᓂᔕᓐ, ᓂᓵᒡ ᐃᑕᔥ ᑯᒫ ᑲᔦ ᐊᑖᐙᑫᒡ, ᒦ ᓴ ᐃ ᐁᔑᓈᑾᓂᓂᒃ ᓈᓇᓐ 5 ᐱᔑᑭᐗᐞ ᒋᑮᐌ ᑎᐸᐃᑳᑫᒡ ᐃᓂ ᐅᒋ ᐱᔑᑭᐗᓐ ᑳᑮ ᑮᒨᑎᐸᓐ᙮ ᓈᓇᓐ ᑲᔦ ᒫᓇᒑᓂᔕᐞ ᒋᑮᐌ ᑎᐸᐃᑳᑫᒡ ᐃᓂ ᐅᒋ ᒫᓇᒑᓂᔕᓐ ᑳᑮ ᑮᒨᑎᐸᓐ᙮ 2ᑮᔥᐱᓐ ᐃᓴ ᐅᑭᒨᒋᔥᒃ ᑳᒋᑎᓂᓐᒡ ᒣᒀ ᐁᑮᒨᑎᒡ ᐸᑭᑌᐅᓐᒡ ᐃᑕᔥ, ᒦᔥ ᐃᔑ ᓂᐳᒡ, ᐃᓂ ᓴ ᑳᑮ ᓈᑕᒫᓱᓂᒡ ᑳᐐᓐ ᑕᐃᓇᑭᒫᓰᐗᓐ ᐁᑮ ᓂᔑᐌᓂᒡ᙮ 3ᑮᔥᐱᓐ ᐃᑕᔥ ᐐᓐ ᐃᐃ ᑳᐃᔑᓭᓂᒃ ᐁᑮᔑᑲᓂᓂᒃ, ᒦ ᓴ ᐃ ᒋᐃᒋᑲᓂᐎᓂᒡ ᐁᑮ ᓂᔑᐌᓂᒡ᙮ ᒦ ᓴ ᐃ ᐁᔑᓈᑾᓂᓂᒃ ᐅᑭᒨᒋᔥᒃ ᒋᓈᐱᓇᕽ ᑳᑮ ᑮᒨᑎᐸᓐ᙮ ᑮᔥᐱᓐ ᐃᑕᔥ ᑫᑰᓐ ᐊᔮᓯᒃ, ᒦᔥ ᒋᐊᑖᐙᑳᓱᒡ ᑫᐅᒋ ᑎᐸᐃᑫᓯᑕᒪᐎᓐᒡ ᐅᑭᒨᑎᐎᓇᓐ᙮ 4ᑮᔥᐱᓐ ᐃᑕᔥ ᒥᑲᐎᒥᓐᒡ ᐊᔮᐙᐙᒡ ᐅᑭᒨᑎᐎᓇᓐ ᐁᐱᒫᑎᓯᓂᒡ, ᐱᔑᑭᐗᓐ, ᒫᔑᒥᑕᑎᒨᓐ, ᑯᒫ ᑲᔦ ᒫᓇᒑᓂᔕᓐ ᒦ ᓴ ᐃ ᐁᔑᓈᑾᓂᓂᒃ ᒋᓇᐳ ᑮᐌ ᑎᐸᐃᑳᑫᒡ ᑳᑮ ᑮᒨᑎᐸᓐ᙮
5ᑮᔥᐱᓐ ᐃᓴ ᐃᓂᓂ ᑕᔑ ᐊᔕᒫᒡ ᐅᑕᐗᑳᓇᐞ ᒥᔕᐗᑲᒥᒃ, ᐃᐃᒫ ᑲᔦ ᐁᔑ ᓂᑖᐎᑭᓂᒡ ᔔᒥᓇᐞ, ᑮᔥᐱᓐ ᐊᓂ ᐃᔖᓂᒡ ᐌᑎ ᐊᓂ ᐅᑕᒋᑫᓂᒡ ᐸᑳᓐ ᐊᐎᔭᓐ ᐁᔑ ᑎᐯᑕᒥᓂᒡ ᒥᔕᐗᑲᒥᒃ, ᒦ ᓴ ᐃ ᐁᔑ ᓈᑾᓂᓂᒃ ᒋᐅᒋ ᑎᐸᐊᒪᐙᒡ ᐃᓂ ᑯᑕᒃ ᐃᓂᓂᐗᓐ ᒫᐗᒡ ᐁᔑ ᐅᓂᔑᔑᓂᓂᒃ ᐅᒥᔕᐗᑲᒥᑯᒻ, ᑲᔦ ᑕᔥ ᐁᔑ ᓂᑖᐎᑭᓂᒡ ᔔᒥᓇᐞ᙮
6ᑮᔥᐱᓐ ᐃᓴ ᐃᓂᓂ ᓴᑲᐊᕽ ᐅᒥᔕᐗᑲᒥᑯᒻ, ᒪᔥᑯᓰᑳᕽ ᐃᑕᔥ ᐊᓂ ᐃᓈᑭᑌᓂᒃ ᐲᓂᔥ ᐌᑎ ᐅᑎᑖᑭᑌᓂᒃ ᑯᑕᒃ ᐃᓂᓂᐗᓐ ᐁᔑ ᑭᑎᑫᓂᒡ, ᒑᑭᓴᒪᐙᒡ ᐃᑕᔥ ᓀᑖᐎᑭᓂᓂᑭᓐ, ᐋᔕ ᑲᔦ ᑳᑮ ᒪᓂᔕᒥᓂᐸᓐ ᐁᑮ ᐅᑯᓯᑑᓂᐸᓐ, ᐊᐊ ᓴ ᑳᑮ ᓴᑲᐃᑫᒡ ᑕᑎᐸᐃᑫ᙮
7ᑮᔥᐱᓐ ᐃᓴ ᐊᐎᔭ ᑲᓇᐌᑕᐋᒡ ᐅᐐᒋᑖᒫᑲᓇᓐ ᒦᓈᒡ ᐙᐹᐱᑯ ᔔᓂᔮᓐ, ᑯᒫ ᑲᔦ ᐅᑕᔭᐄᒪᓐ, ᐅᒋ ᑮᒨᑎᓈᓂᐗᓂᓂᑭᓐ ᐃᑕᔥ ᐃᐃᒫ ᐅᐙᑳᐃᑲᓂᓃᕽ, ᑮᔥᐱᓐ ᐃᓴ ᑕᔥ ᒥᑲᐎᒥᓐᒡ ᑳᑮ ᑮᒨᑎᓂᒡ ᑕᓇᐳ ᑎᐸᐃᑫᐋᐗᓐ ᑳᑮ ᐃᔑ ᑮᒨᑎᓂᐸᓐ᙮ 8ᑮᔥᐱᓐ ᐃᑕᔥ ᐐᓐ ᒥᑲᐎᒫᓯᐎᓐᒡ ᑳᑮ ᑮᒨᑎᓂᒡ, ᐊᐊ ᓴ ᑳᑮ ᑲᓇᐌᑕᐃᓐᒡ ᐊᔭᐄᒪᓐ ᑕᐲᒋᑲᓂᐎ ᐁᔑᐊᔮᓂᒡ ᐅᑎᐹᑯᓂᐌᐞ ᒋᐊᑕ ᑭᑫᒋᑲᓂᐎᒡ ᑕᑲ ᐐᓐ ᒋᑮ ᐅᑖᐱᓇᒧᑴᓐ ᐅᑲᓇᐌᑕᐃᑰᐎᓇᓐ ᑯᑕᒃ ᐊᐎᔭᓐ ᑌᐯᑕᒥᓂᒡ᙮
9ᑲᑭᓇ ᓴ ᐱᑯ ᑫᑰᓐ ᐌᒋ ᑭᒋ ᑲᑲᓅᓂᑎᓈᓂᐗᕽ, ᑯᒫ ᐱᔑᑭᐗᒃ, ᑯᒫ ᒫᔑᒥᑕᑎᒨᒃ, ᑯᒫ ᒫᓇᒑᓂᔕᒃ, ᑯᒫ ᑭᑭᔥᑭᑲᓇᓐ, ᑫᑰᓐ ᐃᓴ ᐱᑯ ᑳᐗᓂᒋᑳᑌᒃ, ᓃᔑᓐ 2 ᐊᐎᔭᒃ ᐃᑭᑐᐙᒡ ᐐᓇᐙ ᐃᓂᐌᓂᐗᓐ ᐁᑎᐱᓇᐌᐎᓯᐙᒡ᙮ ᒦᐗᒃ ᐃᓴ ᐅᑯ ᑫᐲᑑᐙᒡ ᐅᑎᑭᑐᐎᓂᐙᓐ ᐁᔑᐊᔮᓂᒡ ᐅᑎᐹᑯᓂᐌᐞ᙮ ᐊᐌᓀᓐ ᐃᑕᔥ ᑫᐃᑯᒡ ᑭᔐᒪᓂᑑᓐ ᐁᑌᐱᒥᓐᒡ ᐁᑮᐗᓂᒧᒡ, ᒦ ᓴ ᐊᐌ ᑫᓇᐳ ᑎᐸᐊᒪᐙᒡ ᑯᑕᒃ ᐃᓂᓂᐗᓐ᙮
10ᑮᔥᐱᓐ ᐃᓂᓂ ᑲᓇᐌᑕᐋᒡ ᐅᐐᒋᑖᒫᑲᓇᓐ ᒫᔑᒥᑕᑎᒨᓐ, ᑯᒫ ᐱᔑᑭᐗᓐ, ᑯᒫ ᒫᓇᒑᓂᔕᓐ, ᑯᒫ ᑲᔦ ᑯᑕᒃ ᐊᔭᐋᐎᔕᓐ, ᐃᔑ ᓂᐳᓂᒡ ᐃᑕᔥ, ᑯᒫ ᑲᔦ ᐐᓴᑭᔑᓂᓂᒡ, ᑯᒫ ᑲᔦ ᑮᒨᑎᓈᓂᐎᓂᒡ ᐊᐎᔭᓐ ᐃᑕᔥ ᑮᐅᒋ ᐙᐸᑫᓯᓂᒃ 11ᐃᓂ ᓴ ᐃᓂᓂᐗᓐ ᑕᐃᔖᐗᓐ ᐁᔑ ᐊᓇᒥᐋᐎᓐᒡ ᒋᐊᐱᒧᓂᒡ ᐁᑮ ᑮᒨᑎᒥᑯᓯᒃ ᐅᑕᐗᑳᓇᐞ᙮ ᑮᔥᐱᓐ ᐃᑕᔥ ᐄᓴᓐ ᑳᑮᒨᑎᒥᑯᓯᒃ, ᒦ ᓴ ᐃ ᐱᓵᓐ ᒋᐃᓀᑕᕽ ᐁᐗᓂᒋᑫᒡ, ᑳᐐᓐ ᒣᒬᒡ ᐅᑲ ᑮᐌ ᑎᐸᐊᒫᑯᓰᓐ᙮ 12ᑮᔥᐱᓐ ᐃᑕᔥ ᑳᑮᒨᑎᒥᑯᓂᒡ, ᒦ ᐃ ᐁᔑᓈᑾᓂᓂᒃ ᒋᑮᐌ ᑎᐸᐊᒫᑯᒡ᙮ 13ᑮᔥᐱᓐ ᐃᑕᔥ ᐐᓐ ᐸᑾᒋ ᐊᔭᐋᐎᔕᐞ ᑳᓂᓯᑯᓂᒡ, ᐃᓂ ᓴ ᐃᓂᓂᐗᓐ ᐲᑑᓂᒡ ᐁᔑ ᐃᔥᑾᒥᒥᓐᒡ ᐅᑕᐗᑳᓇᐞ, ᑳᐐᓐ ᒣᒬᒡ ᑕᑎᐸᐃᑫᓰᐗᓐ ᑳᐃᔑᒋᑫᓂᒡ ᐱᑾᒋ ᐊᔭᐋᐎᔕᐞ᙮
14ᑮᔥᐱᓐ ᐃᓴ ᐃᓂᓂ ᐊᐎᐋᓱᒫᒡ ᐅᐐᒋᑖᒫᑲᓇᓐ ᐊᐗᑳᓇᓐ, ᐐᓴᑭᔑᓂᓂᒡ ᐃᑕᔥ, ᑯᒫ ᑲᔦ ᓂᐳᓂᒡ, ᐊᔮᓯᓂᒃ ᐃᑕᔥ ᐃᐃᒫ ᑌᐯᓂᒥᑯᓂᒡ, ᒦ ᓴ ᒋᑎᐸᐃᑫᒡ᙮ 15ᑮᔥᐱᓐ ᐃᑕᔥ ᐃᐃ ᐃᔑᓭᓂᒃ ᐊᔮᓂᒡ ᐃᐃᒫ ᑌᐯᓂᒥᑯᓂᒡ, ᑳᐐᓐ ᒣᒬᒡ ᑕᑎᐸᐃᑫᓰ᙮ ᑮᔥᐱᓐ ᑯᑕ ᑳᑎᐸᐃᑫᑯᐸᓀᓐ ᐁᐋᐸᒋᐋᒡ ᐃᓂ ᐊᐗᑳᓇᓐ, ᒦ ᐃᒫ ᑫᐅᒋ ᑎᐸᐃᑫᓭᓂᒃ᙮
ᐊᓇᒥᐋᐎᐅᓇᔓᐌᐎᓇᓐ
16 # Deu 22.28,29. ᑮᔥᐱᓐ ᐃᓴ ᐃᓂᓂ ᐗᓂᒫᒡ ᐯᑭ ᐅᔥᑭᓃᑭᑴᓐ ᒋᐱᔑᒀᒋᐋᒡ ᐁᐊᔓᑕᒪᐙᑳᓂᐎᓯᓂᒃ ᒋᐐᑎᑫᓂᒡ, ᒦ ᓴ ᐃ ᐁᔑᓈᑾᓂᓂᒃ ᐅᒋᑕ ᑯ ᒋᒨᔥᑭᓀ ᑎᐸᐃᑫᒡ ᒥᓂᒃ ᑳᑎᐸᐃᑫᕽ ᑮᑭᒋ ᐐᑎᑫᒥᒥᓐᒡ ᐃᑴᐗᓐ᙮ ᒦᑕᔥ ᑫᔑ ᐐᐎᒡ᙮ 17ᑮᔥᐱᓐ ᐃᑕᔥ ᐅᑌᑌᓂ ᐃᓀᑕᓯᓂᒃ ᒋᐐᑎᑫᒫᒡ ᐃᓂ ᐃᑴᐗᓐ, ᒦ ᓴ ᑯ ᐃ ᐅᒋᑕ ᐁᔑᓈᑾᓂᓂᒃ ᒋᑎᐸᐃᑫᐸᓐ ᒥᓂᒃ ᑳᑎᐸᐃᑫᕽ ᑮᑭᒋ ᐐᑎᑫᒥᒥᓐᒡ ᐯᑭ ᐅᔥᑭᓃᑭᑴᐗᓐ᙮
18 # Deu 18.10,11. ᑫᑯ ᐸᑭᑎᓈᑫᒃ ᑳᒪᒫᑖᐎᒋᑫᒡ ᐃᑴ ᒋᐱᒫᑎᓯᒡ᙮ 19#Lev 18.23; 20.15,16; Deu 27.21. ᐊᐌᓀᓐ ᐃᓴ ᐱᑯ ᑫᐐᒋ ᐱᔑᒀᒋᒋᑫᒫᒡ ᐊᔭᐋᐎᔕᓐ ᐃᔑᓈᑾᓂᓂ ᒋᓂᓯᑎᐸᓐ᙮
20 # Deu 17.2-7. ᐊᐌᓀᓐ ᐃᓴ ᑯᑫᐸᑭᑎᓈᓲᑕᒪᐙᒡ ᑯᑕᒃ ᒪᓂᑑᓐ ᐃᔑᓈᑾᓂᓂ ᒋᓂᓯᑎᐸᓐ᙮ ᑳᑎᐯᒋᑫᓂᒡ ᐄᑐᒃ ᐃᐃ ᒋᑮ ᐃᔑᒋᑫᑕᒪᐙᐸᓐ᙮
21 # Exo 23.9; Lev 19.33,34; Deu 24.17,18; 27.19. ᑫᑯ ᒫᔑᑑᑕᐙᑫᓐ, ᑫᑯ ᑲᔦ ᑭᑎᒪᐋᑫᓐ ᑳᒪᔭᑭᓯᒡ, ᑫᑮᓇᐙ ᐄᑐᒃ ᑭᑮ ᒪᔭᑭᓯᒻ ᐌᑎ ᐄᒋᐸᑮᕽ Egypt᙮ 22ᑫᑯ ᑲᔦ ᑲᒀᑕᑭᐋᑫᓐ ᑮᐙᒋᑴ, ᑸᐗᔑᔖᓇᒃ ᑲᔦ᙮ 23ᑮᔥᐱᓐ ᐃᑕᔥ ᐃᐃ ᐃᔑᒋᑫᔭᓐ ᔖᑯᐙᔑᐙᒡ ᐃᑕᔥ ᒋᐐᒋᐊᒀ, ᑫᒋᓈᒡ ᐃᓴ ᑯ ᓂᑲ ᓅᑕᐙᒃ᙮ 24ᒦᔥ ᒋᓂᔥᑳᑎᓯᔮᓐ, ᑳᑕᔑ ᒦᑳᑎᓈᓂᐗᕽ ᑭᑲ ᐅᒋ ᓂᓯᓂᓂᒻ᙮ ᑭᐐᐎᐙᒃ ᐃᓴ ᑕᑮᐙᒋᑴᐎᐗᒃ, ᑭᓃᒑᓂᓯᐙᒃ ᑲᔦ ᑳᐐᓐ ᐊᐗᔑᒣ ᑕᐅᑌᑌᓰᐗᒃ᙮
25 # Lev 25.35-38; Deu 15.7-11; 23.19,20. ᑮᔥᐱᓐ ᐊᐎᐋᒡ ᔔᓂᔮᓐ ᐯᔑᒃ ᐊᐎᔭ ᑳᑭᑎᒫᑭᓯᓂᒡ ᓂᐱᒫᑎᓰᒪᓐ ᒣᑴᐊᔭᐄ ᐁᔮᒡ, ᑫᑯ ᐃᔑᒋᑫᑫᓐ ᐁᔑᒋᑫᐙᒡ ᑳᒪᓯᓇᐃᑫ ᒦᑭᐌᐙᒡ ᔔᓂᔮᓐ᙮ ᑫᑯ ᐊᑭᑕᒪᐙᑫᓐ ᐊᐗᔑᒣ ᒋᑮᐌ ᑎᐸᐊᒪᐎᒃ᙮ 26#Deu 24.10-13. ᑮᔥᐱᓐ ᐅᑖᐱᓇᒪᐗᒡ ᐅᑲᔥᑮᑮᐎᓐ ᑳᐊᐱ ᑎᐸᐃᑳᑫᒡ, ᑮᐌ ᒦᓈᑲᓐ ᒋᑆ ᐸᑭᔑᒧᓂᒡ ᑮᓯᓲᓐ᙮ 27ᒦ ᐄᑐᒃ ᐃᐃᐌᓂ ᐁᑕ ᐁᔮᒡ ᑫᐅᒋ ᑮᔔᓯᒡ᙮ ᐌᑯᓀᓂᓂ ᑕᔥ ᑫᑲᔥᑮᑭᔑᑭᐸᓐ ᓂᐹᒡ? ᐊᐲ ᓴ ᔖᑯᐙᔑᒡ ᓂᑲ ᓅᑕᐙ ᓴ ᐋᓃᔥ ᓂᑭᔐᐙᑎᔅ᙮
28 # Act 23.5. ᑫᑯ ᒪᒐᑭᒫᑫᓐ ᑭᔐᒪᓂᑑ; ᑫᑯ ᑲᔦ ᒪᒋᐃᓈᑫᓐ ᑳᓃᑳᓂᓰᑲᑕᐎᓀᒀ᙮
29ᑫᑯ ᑕᔥ ᑆᑕᐐᑫᒃ ᒋᐅᒋ ᐸᑭᑎᓈᓲᑕᒪᐎᔦᒃ ᑳᑮ ᐅᒋ ᒪᓂᔕᒣᒃ ᑭᑭᑎᑫᐎᓂᐙᕽ, ᑭᔔᒥᓈᐴᒥᐙᕽ ᑲᔦ, ᐋᓬᐃᑉ ᑎᓄ ᐱᒥᑌᕽ ᑲᔦ ᐊᐲ ᐃᔑᓭᒃ ᒋᐸᑭᑎᓇᒣᑭᐸᓐ᙮
ᒦᔑᔑᒃ ᑸᐎᓭᓴᒃ ᓂᑕᒻ ᑳᓂᑖᐎᑭᐁᒀ᙮
30ᐸᑭᑎᓇᒪᐎᔑᒃ ᑲᔦ ᒫᐗᒡ ᐃᑯ ᓂᑕᒻ ᐌᒋ ᓂᑖᐎᑭᐙᒡ ᑭᐱᔑᑮᒥᐙᕽ, ᑭᒫᓇᒑᓂᔑᒥᐙᕽ ᑲᔦ᙮ ᒫᓄ ᐃᑭ ᐊᔮᐯᓴᒃ ᐅᑲ ᐐᒋ ᐊᔮᒫᐙᐞ ᐅᒫᒫᐙᐞ ᓃᔣᓱ 7 ᑮᔑᒃ᙮ ᒦᔥ ᑫᔑ ᐸᑭᑎᓈᔂᓀᒀ ᒋᒦᔑᔦᒃ᙮
31 # Lev 17.15. ᑮᓇᐙ ᐄᑐᒃ ᓂᐱᒫᑎᓰᒪᒃ ᑳᑎᐱᓇᐌᐎᓰᒥᓇᑰᒃ᙮ ᑫᑯ ᐃᓴ ᑕᔥ ᒦᒋᑫᒃ ᐐᔮᔅ ᐊᔭᐋᐎᔕᒃ ᑳᑮ ᓂᑑᐙᒡ᙮
Iliyochaguliwa sasa
ᐁᑭᓴᑕᔅ 22: OJBS
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Ojibwe Shorter Bible (Syllabic Script) © 2008 Canadian Bible Society