ᐁᑭᓴᑕᔅ 2
2
ᒨᓯᔅ ᐅᓂᑖᐎᑭᐎᓐ ᐁᑕᔑᑌᓂᒃ
1ᐃᐃ ᑕᔥ ᐊᐲ ᑮᐊᔮ ᐃᓂᓂ ᓬᐄᐹᐃᕽ Levi ᐁᑮ ᐅᑕᑳᓀᓯᒡ, ᐁᑮ ᐐᐎᒡ ᐃᑴᐗᓐ ᑳᑮ ᐐᒋ ᐅᑕᑳᓀᓰᒫᒡ᙮ 2#Act 7.20; Heb 11.23. ᒦᑕᔥ ᐊᐊ ᐃᑴ ᑳᑮ ᐊᓂ ᑭᑭᔥᑲᐙᐗᓱᒡ ᐁᑮ ᐊᔮᐙᒡ ᑸᐎᓭᓴᓐ᙮ ᐁᑮ ᐙᐸᒫᒡ ᐃᑕᔥ ᐁᒥᓄᓈᑯᓯᓂᒡ, ᐅᑮ ᑳᓈᓐ ᓂᓱᑮᓯᔅ 3 ᒥᓂᒃ᙮ 3ᐊᐲ ᑕᔥ ᑳᑲᔥᑭᑑᓯᒃ ᐊᐗᔑᒣ ᒋᑳᓈᒡ ᐃᓂ ᐊᐱᓅᒌᔕᓐ, ᒦ ᓴ ᒪᔥᑯᓰ ᒪᑲᑯᕽ ᑳᐃᔑ ᐲᓇᐙᒡ᙮ ᐅᑮ ᐃᔑᑑᓐ ᐃᐃ ᒪᑲᑯᓂ ᒋᐅᓯᑳᓯᓂᓂᒃ, ᐱᑭᐗᓐ ᐁᑮ ᐋᐸᒋᐋᒡ᙮ ᒦᑕᔥ ᑳᐃᔑ ᐸᑯᐲᐊᕽ ᒌᑫᐤ ᑳᑮ ᐃᔑ ᒪᔥᑯᓰᑳᓂᒃ ᐃᐃᒫ ᓈᔭᓬ Nile ᓰᐱᕽ᙮ 4ᐅᑕᐌᒫᓐ ᐃᑕᔥ ᐊᐊ ᑸᐎᓭᔅ ᐙᓴ ᑮᐅᓵᐱᐗᓐ ᐁᐐ ᐙᐸᒥᑯᒡ ᐋᓃᓐ ᑫᐃᔑᓭᒡ᙮
5ᑭᒋᐅᑭᒫ ᑕᔥ ᐅᑖᓂᓴᓐ ᑮᓈᓯᐲᐗᓐ ᐃᐃᒫ ᓰᐱᕽ ᐁᐐ ᑭᓰᓯᐸᓱᓂᒡ᙮ ᒣᒀ ᑕᔥ ᐊᐊ ᐅᑖᓂᓯᒫ ᐁᐱᒫᔕᑳᒣᒡ ᑳᐐᒌᐎᑯᒡ ᐅᔥᑭᓃᑭᑴᐗᐞ ᑳᑮ ᐸᒦᑖᑯᒡ, ᐅᑮ ᐅᒋ ᐙᐸᑖᓐ ᒪᔥᑯᓰ ᒪᑲᑯᓂ ᐁᐊᑾᑌᓂᒃ ᐁᔑ ᒪᔥᑯᓰᑳᓂᒃ᙮ ᒦᔥ ᑳᑮ ᐊᓅᓈᒡ ᐯᔑᒃ ᑳᐸᒦᑖᑯᒡ ᒋᓈᓯᑲᒥᓂᒡ᙮ 6ᐊᐲ ᑕᔥ ᐁᐹᑭᓇᕽ ᐃᐃ ᒪᑲᒃ, ᐊᐱᓅᒌᔕᓐ ᐅᑮ ᐙᐸᒫᓐ ᐁᒪᐎᓂᒡ᙮ ᒦᔥ ᑳᐃᔑ ᑰᐹᑌᓂᒫᒡ ᐁᑮ ᐃᑭᑐᒡ, ᒦ ᓴ ᐗᐊ ᐯᔑᒃ ᐄᐸᕒᐆᐎ ᐊᐱᓅᒌᔥ, ᑮᐃᑭᑐ᙮
7ᐊᐊ ᑕᔥ ᑸᐎᓭᔅ ᑳᑮ ᐅᑕᐌᒫᒡ ᐅᑮᐃᓈᓂ ᑭᒋᐅᑭᒫᓐ ᐅᑖᓂᓯᓂ, ᓂᑖ ᐃᔖ ᓇ ᒋᐊᐎ ᑲᓅᓇᒃ ᐄᐸᕒᐆᐎᑴ ᑫᓅᓂᐋᑕᒪᐎᒃ ᐃᓂ ᐊᐱᓅᒌᔕᓐ, ᐅᑮᐃᓈᓐ᙮
8ᒦᔥ ᑭᒋᐅᑭᒫᑴᔅ ᑳᐃᓈᒡ ᐃᓂ ᐃᑴᓭᓴᓐ, ᐊᐤ, ᒫᒑᓐ᙮ ᐊᐊ ᑕᔥ ᐃᑴᓭᔅ ᐅᑮ ᐊᐎ ᑲᓅᓈᓐ ᐅᒫᒫᓂ ᐃᓂ ᐊᐱᓅᒌᔕᓐ᙮ 9ᑭᒋᐅᑭᒫᑴᔅ ᓴ ᐅᑮᐃᓈᓐ ᐃᓂ ᐃᑴᐗᓐ ᑳᑮ ᐊᑐᒥᒥᓐᒡ, ᒫᒌᔥ ᐊᐊ ᐊᐱᓅᒌᔥ ᒋᓅᓂᐋᑕᒪᐎᔭᓐ, ᑭᑲ ᑎᐸᐊᒪᐎᓐ ᐃᑕᔥ ᑲᔦ, ᐅᑮᐃᓈᓐ᙮ ᒦᑕᔥ ᐃᓂ ᐃᑴᐗᓐ ᑳᐃᔑ ᐅᑖᐱᓈᓂᒡ ᐃᓂ ᐊᐱᓅᒌᔕᓐ ᐁᑮ ᓅᓂᐋᑕᒫᑯᒡ᙮ 10#Act 7.21. ᐊᐲ ᑕᔥ ᑳᑌᐊᐲᑖᑎᓯᓂᒡ ᐃᓂ ᐊᐱᓅᒌᔕᓐ, ᐊᐊ ᓴ ᐃᑴ ᐅᑮ ᐃᔑᐎᓈᓐ ᑳᑮ ᐃᔑᐊᔮᓂᒡ ᑭᒋᐅᑭᒫ ᐅᑖᓂᓴᓐ᙮ ᒦᑕᔥ ᐊᐊ ᐅᑖᓂᓯᒫ ᑳᐃᔑ ᐃᓇᑭᒫᒡ ᐃᓂ ᑸᐎᓭᓴᓐ ᐐᓐ ᐃᑯ ᐁᑮ ᐅᑯᓯᓯᒡ᙮ ᒦᑕᔥ ᑳᐃᑭᑐᒡ, ᓂᐲᕽ ᐃᑕᔥ ᐁᑮ ᐅᒋ ᐊᒀᓯᐱᓇᒃ, ᒨᓯᔅ #2.10 ᒨᓯᔅ Moses: ᐃᐃᐌ ᐃᔑᓂᑳᓱᐎᓐ ᒨᓯᔅ ᑳᐃᒋᑳᑌᒃ, ᐁᑮ ᐅᒋ ᐐᑯᐱᓈᑲᓂᐎᒡ, ᒦ ᐃᐌ ᐁᓂᑖᑾᓂᓂᒃ ᑳᐃᔑᑮᔗᐙᒡ ᐄᐸᕒᐆᐗᒃ ᓴ ᓂᑲ ᐃᔑᓂᑳᓈ, ᑮᐃᑭᑐ᙮
ᒨᓯᔅ ᑮᐊᐸᐃᐌᒡ ᒥᑎᔭᓐ Midian ᐊᑮᕽ
11 # Act 7.23-28. ᐊᐲ ᓴ ᒨᓯᔅ Moses ᑮᑮᔖᐯᐎᒡ, ᑮᐃᔖ ᐁᑮ ᐊᑕ ᐙᐸᒫᒡ ᐅᐐᒋ ᐅᑖᑎᓰᒫᑲᓇᐞ ᐃᔅᕒᐃᔭᓬᐊᐞ Israel᙮ ᒦᔥ ᑳᑮ ᐙᐸᑕᕽ ᐋᓃᓐ ᑳᐊᐲᒋ ᑲᒀᑕᑭᐃᒥᓐᒡ᙮ ᐅᑮ ᐙᐸᒫᓐ ᐃᑕᔥ ᐄᒋᐲᐎᓂᓂᐗᓐ Egyptian ᐁᐸᐸᑭᑌᐙᓂᒡ ᐯᔑᒃ ᐄᐸᕒᐆᐎᓂᓂᐗᓐ Hebrew ᑳᑮ ᐐᒋ ᐅᑖᑎᓰᒫᒡ᙮ #Heb 11.24. 12ᒥᓯᐌ ᓴ ᑕᔥ ᑮᐊᔨᓈᐱ, ᐁᑭᑫᑕᕽ ᐃᑕᔥ ᐊᐎᔭᓐ ᐃᐃᒫ ᐁᐊᔮᓯᓂᒃ, ᒦ ᓴ ᑳᐃᔑ ᓂᓵᒡ ᐃᓂ ᐄᒋᐲᐎᓂᓂᐗᓐ᙮ ᒦᔥ ᑳᐃᔑ ᓂᒀᐗᑲᐙᒡ ᐁᑮ ᑳᓈᒡ᙮ 13ᒦᓇᐙ ᑕᔥ ᐁᐊᓂ ᐙᐸᓂᓂᒃ ᑮᐃᔖ ᐌᑎ᙮ ᐅᑮ ᐙᐸᒫᐞ ᓃᔑᓐ ᐄᐸᕒᐆᐎᓂᓂᐗᐞ Hebrews ᐁᒦᑳᑎᓂᒡ᙮ ᒦᑕᔥ ᑳᑮᐃᓈᒡ ᐃᓂ ᒪᔮ ᑳᒪᒫᔒᓂᒡ, ᐌᑯᓀᓐ ᐌᒋ ᒦᑳᓇᒡ ᐊᐊ ᑭᐐᒋ ᐅᑖᑎᓰᒫᑲᓐ? ᐅᑮᐃᓈᓐ᙮
14ᒦᔥ ᐅᐅ ᑳᐃᔑ ᓇᑴᑖᑯᒡ, ᐊᐌᓀᓐ ᑳᐃᓇᑭᒥᒃ ᒋᑎᐯᓂᒥᔮᕽ, ᒋᐅᓈᑯᓂᔮᕽ ᑲᔦ? ᑭᐐ ᓂᔑᔥ ᐃᓇ ᑖᐱᔥᑰ ᑳᑮ ᐃᔑ ᓂᓴᒡ ᐊᐊ ᐄᒋᐲᐎᓂᓂ, ᐅᑮᐃᑰᓐ᙮ ᒦᑕᔥ ᒨᓯᔅ ᑳᐃᔑ ᓭᑭᓯᒡ ᐁᑮ ᐃᑭᑐᒡ, ᑌᐺ ᐄᓴᓐ ᑭᑫᒋᑳᑌ ᐋᓃᓐ ᑳᐃᔑᒋᑫᔮᓐ᙮ 15ᐊᐲ ᑕᔥ ᑭᒋᐅᑭᒫ ᐯᕒᐆ Pharaoh ᑳᓅᑕᕽ ᐋᓃᓐ ᑳᐃᓇᑲᒥᑲᓂᓂᒃ, ᒦᑕᔥ ᐁᑮ ᓇᓈᑐᓀᐊᕽ ᐋᑎ ᑫᐅᒋ ᓂᓯᒥᓐᒡ᙮ ᒦᑕᔥ ᒨᓯᔅ ᑳᑮ ᐅᒋ ᒫᒌᐸᐃᐌᒡ ᐁᔑᐊᔮᓂᒡ ᑭᒋᐅᑭᒫᓐ᙮ ᐌᑎ ᑕᔥ ᒥᑎᔭᓐ Midian ᐊᑮᕽ ᑮᐃᔑ ᐊᑕ ᑲᐯᔑ᙮
ᒦᑕᔥ ᐃᐃᒫ ᐅᑕᐃᐹᓂᕽ ᑳᑮ ᐃᔑ ᐅᓇᐱᒡ᙮ 16ᑮᐊᔮ ᑕᔥ ᐊᓇᒥᐁᐎᑭᒫ ᐃᐃᒫ ᒥᑎᔭᓐ ᐊᑮᕽ, ᐁᑮ ᓃᔣᒋᓂᒡ 7 ᐅᑖᓂᓴᐞ᙮ ᒨᓯᔅ ᐃᑕᔥ ᐃᐃᒫ ᐁᓇᒪᑕᐱᒡ, ᑮᐱ ᑕᑯᔑᓅᐞ ᐃᐃ ᐅᑖᓂᓯᒫᐞ ᐁᑮ ᐱ ᒨᔥᑭᓀᐸᑑᓂᒡ ᐊᑑᐹᓇᓐ ᑳᐅᒋ ᒥᓂᑴᓂᒡ ᐅᑌᑌᓂ ᐅᒫᓇᒑᓂᔑᒥᓂ, ᐅᒫᓇᑎᑯᒥᓂ ᑲᔦ᙮ 17ᑮᐱ ᑕᑯᔑᓅᒃ ᑕᔥ ᑯᑕᒃ ᐅᑲᓇᐎ ᒫᓇᒑᓂᔑᐌᒃ ᐃᑯᒋ ᐁᑮ ᐃᓈᒶᐙᓂᒡ ᐃᐃ ᐃᑴᐗᐞ᙮ ᒦᔥ ᒨᓯᔅ ᑳᑮ ᓈᑕᒪᐙᒡ ᐃᐃ ᐃᑴᐗᐞ, ᐅᑮ ᐐᒋᐋᐞ ᑲᔦ ᐁᒥᓇᐋᓂᒡ ᐅᑌᑌᓂ ᐅᒫᓇᒑᓂᔑᒥᓂ, ᐅᒫᓇᑎᑯᒥᓂ ᑲᔦ᙮ 18ᐊᐲ ᑕᔥ ᐃᑭ ᐃᑴᐗᒃ ᐁᑮ ᑕᑯᔑᓄᐙᒡ ᐅᑌᑌᐙᓐ ᒉᑕᕒᐆᓐ Jethro ᐁᔑᐊᔮᓂᒡ ᐅᐅ ᐅᑮᐃᑯᐙᓐ, ᐌᑯᓀᓐ ᑕᔥ ᓅᑯᒻ ᑳᑮᔑᑲᒃ ᐌᒋ ᑭᑖᑕᐲᔦᒃ? ᐅᑮᐃᑯᐙᓐ᙮
19ᒦᔥ ᐅᐅ ᑳᐃᔑ ᓇᑴᑕᐙᐙᒡ, ᐄᒋᐲᐎᓂᓂ ᓴ ᓂᑮ ᓈᑕᒫᑯᓈᓐ ᐅᑲᓇᐎ ᒫᓇᒑᓂᔑᐌᒃ ᐃᑯᒋ ᐁᑮ ᑲᑴ ᐃᓈᒧᐅᓇᑭᑣ᙮ ᐐᓐ ᑕᔥ ᐃᑯ ᑲᔦ ᓂᑮ ᒀᐸᐃᐲᑕᒫᑯᓈᓐ ᐁᑮ ᒥᓇᐋᒡ ᒫᓇᒑᓂᔕᐞ᙮
20ᒦᑕᔥ ᐅᐅ ᑳᐃᓈᒡ ᐅᑖᓂᓴᐞ, ᐋᓃᑎ ᑕᔥ ᐁᔮᒡ? ᐌᑯᓀᓐ ᑕᔥ ᐌᑎ ᑳᐅᒋ ᓇᑲᓀᒃ? ᐊᑐᒥᒃ ᒋᐐᒋ ᐐᓯᓃᒥᓇᕽ, ᐅᑮ ᐃᓈᐞ᙮
21ᒨᓯᔅ ᓴ ᑮᐃᓀᑕᒻ ᐃᐃᒫ ᒋᐃᔑ ᑲᐯᔑᒡ᙮ ᒦᔥ ᒉᑕᕒᐆᓐ ᑳᑮ ᒦᓂᑯᒡ ᐅᑖᓂᓯᓂ ᓯᐴᕒᐊᐗᓐ Zipporah ᒋᐐᐎᒡ᙮ 22ᒦᐗᓐ ᐃᑕᔥ ᐃᓂ ᐃᑴᐗᓐ ᑳᑮ ᐊᔮᐙᓂᒡ ᑸᐎᓭᓴᓐ᙮ ᒨᓯᔅ ᓴ ᑕᔥ ᑫᕒᔕᒻ#2.22 ᑫᕒᔕᒻ: ᐃᐃᐌ ᐃᔑᓂᑳᓱᐎᓐ ᑫᕒᔕᒻ ᑳᐃᒋᑳᑌᒃ, ᐊᐎᔭ ᑳᐲᐎᑌᐎᒡ, ᒦ ᐃᐌ ᐁᓂᑖᑾᓂᓂᒃ ᑳᐃᔑᑮᔗᐙᒡ ᐄᐸᕒᐆᐗᒃ᙮ Gershom ᐅᑮ ᐃᔑᓂᑳᓈᓐ ᐃᓂ ᐅᑯᓯᓴᓐ᙮ ᒦᔥ ᐅᐅ ᑳᐃᑭᑐᒡ, ᐋᓃᔥ ᐁᐲᐎᑌᐎᔮᓐ ᐅᐅᒫ ᐊᑮᕽ ᐃᐃ ᑳᐅᒋ ᐃᔑᓂᑳᓇᒃ, ᑮᐃᑭᑐ᙮
23ᓈᓈᑫ ᑕᔥ ᐁᑮ ᐊᓂ ᐃᔑᓭᓂᒃ ᑭᒋᐅᑭᒫ ᐄᒋᐸᑮᕽ Egypt ᑮᓂᐳ᙮ ᒦᑕᔥ ᐃᔅᕒᐃᔭᓬᐊᒃ Israel ᑳᑮ ᒨᑯᓀᐙᒡ ᐅᓵᒻ ᐁᑮ ᑲᒀᑕᑭ ᒥᑕᓄᑮᐃᑣ ᐁᑮ ᐸᒦᑖᑫᐙᒡ᙮ ᐅᑮ ᔖᑯᐙᓈᐙᓐ, ᐁᑮ ᒪᐎᐙᒡ ᑭᔐᒪᓂᑑᓐ ᒋᓈᑕᒫᑯᐙᒡ᙮ ᐅᓵᒻ ᐄᑐᒃ ᑮᑕᑯᓂᑳᓱᐗᒃ᙮ 24#Gen 15.13,14. ᒦᑕᔥ ᑭᔐᒪᓂᑑᓐ ᑳᑮ ᓅᑖᑯᐙᒡ ᐁᔑ ᒨᑯᓀᐙᒡ, ᐁᑮ ᒫᒥᑲᐎᓂᒡ ᑲᔦ ᑳᑮ ᐃᔑ ᐊᔓᑕᒪᐙᓂᑯᐸᓀᓐ ᐁᐸᕒᐊᐋᒪᓐ Abraham, ᐋᐃᓯᑰᓐ Isaac, ᐃᓂ ᑲᔦ ᒉᑲᐴᓐ Jacob᙮ 25ᑭᔐᒪᓂᑑ ᐅᑮ ᐙᐸᒫᐞ ᐃᔅᕒᐃᔭᓬᐊᐞ ᐋᓃᓐ ᐁᔑ ᑲᒀᑕᑭᑑᓂᒡ, ᒦᔥ ᑳᑮ ᑰᐹᑌᓂᒫᒡ᙮
Iliyochaguliwa sasa
ᐁᑭᓴᑕᔅ 2: OJBS
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Ojibwe Shorter Bible (Syllabic Script) © 2008 Canadian Bible Society
