ᐁᑭᓴᑕᔅ 1
1
ᐃᔅᕒᐃᔭᓬᐊᒃ ᑮᑲᒀᑕᑭᐃᑣ ᐄᒋᐸᑮᕽ
1 # Gen 46.8-27. ᒦ ᓴ ᐅᐌ ᒉᑲᑉ Jacob ᑳᐃᔑᓂᑳᓱᓂᒡ ᐅᑯᓯᓴᐞ ᑳᑮ ᐃᔑ ᐐᒌᐎᑯᒡ ᐄᒋᐸᑮᕽ Egypt ᑮᐃᔖᑯᐸᓀᓐ᙮ ᐁᑕᓱ ᐯᔑᑯᓂᒡ ᓴ ᑯ ᑮᐃᔖᓂᑯᐸᓐ, ᑕᑯ ᑲᔦ ᑳᑮ ᑕᔑᓂᒡ ᐅᑖᐎᓂᓃᕽ᙮ ᒦᔥ ᐅᐅ ᑳᐃᔑᓂᑳᓱᓂᒡ: 2ᐅᕒᐆᐸᓐ Reuben, ᓯᒥᔭᓐ Simeon, ᓬᐄᐹᐃ Levi, ᒎᑕ Judah, 3ᐃᓴᑳᕒ Issachar, ᓭᐱᔪᓬᐊᓐ Zebulun, ᐯᒋᒪᓐ Benjamin, 4ᑌᓐ Dan, ᓇᐱᑕᓬᐋᐃ Naphtali, ᑲᑦ Gad, ᐋᔕᕒ Asher᙮ 5ᓃᔣᓯᒥᑕᓇ 70 ᓴ ᒫᒪᐤ ᑮᑕᔑᐗᒃ ᒉᑲᐳᕽ ᑳᑮ ᐅᑕᑳᓀᓯᐙᒡ᙮ ᐃᓂ ᓴ ᐐᓐ ᐅᑯᓯᓴᓐ ᒎᓴᑉ Joseph ᐁᔑᓂᑳᓱᓂᒡ ᐋᔕ ᐌᑎ ᑮᐊᔮᐗᓐ ᐄᒋᐸᑮᕽ᙮ 6ᒎᓴᑉ ᐃᑕᔥ ᑳᐐᓐ ᑫᔮᐱ ᑮᐱᒫᑎᓯᓰ, ᐐᒋᑭᐌᔭᐞ ᑲᔦ᙮ ᐃᐃ ᑲᔦ ᑲᑭᓇ ᑳᑮ ᐐᒋ ᐊᐲᑖᑎᓰᒫᐸᓐ᙮ 7#Act 7.17. ᐅᐲᐌᓰᒥᐙᐞ ᐃᔅᕒᐃᔭᓬᐊᐞ Israel ᑮᐊᓂ ᓂᑖᐎᑭᐗᐞ, ᑮᐊᓂ ᐹᑏᓄᐗᐞ ᑲᔦ᙮ ᐋᐱᒋ ᑲᔦ ᑮᐊᓂ ᓲᑫᑖᑯᓯᐗᐞ᙮ ᐐᑫ ᓴ ᑯ ᑮᐊᓂ ᒥᓯᑌᔩᓄᐗᐞ ᐃᐃᒫ ᐄᒋᐸᑮᕽ᙮
8 # Act 7.18. ᑮᐊᔮ ᑕᔥ ᐅᔥᑭ ᑭᒋᐅᑭᒫ ᑳᑮ ᑎᐯᑕᕽ ᐄᒋᐸᑮᓂ, ᑳᐐᓐ ᐃᑕᔥ ᐋᐲᓐᒡ ᐃᑯ ᐅᑮ ᑭᑫᓂᒫᓰᓐ ᒎᓴᐴᓐ ᐋᓃᓐ ᑳᐱ ᐃᔑᒋᑫᓂᒡ᙮ 9ᒦᑕᔥ ᑳᐃᓈᒡ ᐅᐱᒫᑎᓰᒪᐞ, ᐃᓇᔥᑫ ᐃᔅᕒᐃᔭᓬᐊᒃ Israel ᐋᐱᒋ ᐹᑏᓄᐗᒃ, ᓇᐗᒡ ᑲᔦ ᐐᓇᐙ ᓲᑫᑖᑯᓯᐗᒃ ᐊᐲᒡ ᑮᓇᐎᓐᑦ᙮ 10#Act 7.19. ᑕᑲ ᓴ ᑲᑴ ᑭᐱᑎᓈᑖᓂᒃ ᐊᐗᔑᒣ ᒋᐊᓂ ᐹᑏᓄᓯᒀ᙮ ᒫᑭᔖ ᓴ ᐅᑖ ᐐᒋᐋᐙᐞ ᐱᐊᑕ ᒦᑳᔑᔭᒥᑣ ᑳᔒᑫᓂᒥᓇᑭᑣ᙮ ᒦᑕᔥ ᐅᐅᒫ ᐊᑮᕽ ᒋᐅᒋ ᑕᐸᓰᐙᒡ, ᑮᐃᑭᑐ᙮ 11ᒦᑕᔥ ᐄᒋᑉ ᑳᑎᓄᐎᐙᒡ ᑳᑮ ᐅᓇᓵᐙᒡ ᑫᑲᒀᑕᑲᓄᑮᐋᓂᒡ ᐃᔅᕒᐃᔭᓬᐊᐞ᙮ ᐁᑮ ᑑᑕᐙᐙᒡ ᐗᐐᑫ ᐱᑯ ᒋᑲᒀᑕᑲᓄᑮᓂᒡ᙮ ᒦᔥ ᑳᑮ ᐅᔑᑕᒪᐙᓂᒡ ᑭᒋᐅᑭᒫᓐ ᑭᒋ ᐆᑌᓇᐗᓐ ᑫᔑ ᐊᑖᓱᓂᒡ᙮ ᐹᐃᑕᒻ Pithom, ᐅᕒᐁᒪᓰᔅ Rameses ᑮᐃᔑᓂᑳᑌᓂᐗᓐ ᐃᓂ ᑭᒋ ᐆᑌᓇᐗᓐ᙮ 12ᐋᒋᑯ ᑕᔥ ᐁᑮ ᑲᒀᑕᑭᐋᐙᒡ, ᒦ ᐃ ᐋᒋᑯ ᑳᐊᓂᔑ ᐹᑏᓄᓂᒡ, ᒥᓯᐌ ᑲᔦ ᐁᑮ ᐃᔑ ᒥᓯᑌᔥᑳᓂᒡ ᐃᐃᒫ ᐊᑮᕽ᙮ ᐄᒋᐸᑮᕽ ᑳᐅᒌᐙᒡ ᐃᑕᔥ ᐐᑫ ᐅᑮ ᑭᒋ ᑯᓵᐙᐞ ᐃᔅᕒᐃᔭᓬᐊᐞ᙮ 13ᐐᑫ ᓴ ᐅᑮ ᑲᒀᑕᑭ ᒥᑕᓄᑮᐋᐙᐞ᙮ 14ᒦᑕᔥ ᑳᐊᐲᒋ ᑲᒀᑕᑭ ᒥᑕᓄᑮᐋᐙᒡ, ᑳᐐᓐ ᐌᐌᓂ ᑮᐱᒫᑎᓯᓰᐗᐞ᙮ ᐁᑮ ᑑᑕᐙᐙᒡ ᒋᐅᔑᐋᓂᒡ ᑳᑲᑲᑫᔮᐱᑭᓯᓂᒡ ᐊᓯᓃᐞ, ᒋᐅᔑᐋᓂᒡ ᑲᔦ ᑫᐅᒋ ᑭᒋ ᐙᐱᑭᔑᓂᓂᒡ ᐃᐃ ᐊᓯᓃᐞ᙮ ᑲᑭᓇ ᓴ ᑯ ᑫᑰᓐ ᐅᑮ ᐃᓇᓄᑮᐋᐙᐞ ᒥᔕᐗᑲᒥᒃ, ᒫᐗᒡ ᐃᑯ ᐁᑮ ᑲᒀᑕᑲᓄᑮᐋᐙᒡ᙮ ᑳᐐᓐ ᐊᐙᒡ ᐸᑮ ᒋᑰᐹᑌᓂᒫᐙᒡ᙮
15ᐊᐊ ᑕᔥ ᑭᒋᐅᑭᒫ ᐃᐃᒫ ᐄᒋᐸᑮᕽ ᐅᑮ ᐃᓈᐞ ᓃᔑᓐ 2 ᐄᐸᕒᐆ Hebrew ᐃᑴᐗᐞ ᑳᑮ ᐅᑖᐱᓈᐗᓱᓂᒡ᙮ ᐊᐊ ᐯᔑᒃ ᐃᑴ ᔑᐸᕒᐊ Shiphrah ᑮᐃᔑᓂᑳᓱ, ᐊᐊ ᑯᑕᒃ ᐱᔫᐊ Puah ᑮᐃᔑᓂᑳᓱ᙮ 16ᒦᔥ ᐅᐅ ᑳᐃᓈᒡ, ᐊᐲ ᓴ ᑮᐐᒋᐁᒀ ᐄᐸᕒᐆᐎᑴᐗᒃ ᑮᓂᑖᐎᑭᓈᐗᓱᐙᒡ, ᑮᔥᐱᓐ ᑸᐎᓭᓴᓐ ᐊᔮᐙᐙᒡ, ᔐᒫᒃ ᓴ ᑭᑲ ᓂᓯᒫᐙᓐ᙮ ᑮᔥᐱᓐ ᑕᔥ ᐐᓐ ᐃᑴᓭᓴᓐ ᐊᔮᐙᐙᒡ, ᐱᓵᓐ ᓴ ᑕᐱᒫᑎᓯᐗᓐ, ᐅᑮ ᐃᓈᐞ᙮ 17ᐃᑭ ᑕᔥ ᐃᑴᐗᒃ ᐌᑖᐱᓈᐗᓱᐙᒡ ᐅᑮ ᑯᑖᓀᓂᒫᐙᓐ ᑭᔐᒪᓂᑑᓐ, ᑳᐐᓐ ᑕᔥ ᑮᐃᔑᒋᑫᓰᐗᒃ ᑳᑮ ᐃᔑ ᐊᓅᓂᑯᐙᒡ ᑭᒋᐅᑭᒫᓐ, ᐱᓵᓐ ᓴ ᑯ ᑲᔦ ᐅᑮ ᐸᑭᑎᓈᐙᐞ ᑸᐎᓭᓴᐞ ᒋᐱᒫᑎᓯᓂᒡ᙮ 18ᒦᑕᔥ ᐊᐊ ᑭᒋᐅᑭᒫ ᐃᐃᒫ ᐄᒋᐸᑮᕽ ᑳᑮ ᐊᑐᒫᒡ ᐃᐃ ᐃᑴᐗᐞ ᐌᑖᐱᓈᐗᓱᓂᒡ ᐁᑮ ᐃᔑ ᑲᑴᒋᒫᒡ, ᐌᑯᓀᓐ ᑕᔥ ᐅᐅ ᐌᒋ ᐃᔑᒋᑫᔦᒃ, ᐁᐸᑭᑎᓀᒀ ᑸᐎᓭᓴᒃ ᒋᐱᒫᑎᓯᐙᒡ? ᐅᑮ ᐃᓈᐞ᙮ 19ᒦᔥ ᐅᐅ ᑳᐃᔑ ᓇᑴᑖᑯᒡ, ᐄᐸᕒᐆᐎᑴᐗᒃ ᓴ ᑳᐐᓐ ᐃᔑᐊᔮᓰᐗᒃ ᑳᐃᔑᐊᔮᓂᒡ ᐄᒋᐲᐎᑴᐗᐞ᙮ ᐁᑕᑕᐌ ᐅᔕ ᐐᓇᐙ ᐅᐌᒋᑑᓈᐙ ᐁᓂᑖᐎᑭᓈᐗᓱᐙᒡ᙮ ᑳᐐᓐ ᑕᔥ ᓂᑌ ᑕᑯᔑᓰᒥᓐ, ᒦ ᐃ ᐋᔕ ᑮᐃᔥᒀ ᓂᑖᐎᑭᓈᐗᓱᐙᒡ, ᐅᑮᐃᑰᐞ᙮ 20ᑭᔐᒪᓂᑑ ᑕᔥ ᐅᑮ ᒥᓄᑑᑕᐙᐞ ᐃᐃ ᐃᑴᐗᐞ ᐌᑖᐱᓈᐗᓱᓂᒡ᙮ ᒦᑕᔥ ᐃᔅᕒᐃᔭᓬᐊᒃ ᐋᒋᑫ ᑳᑮ ᐊᓂ ᐹᑏᓄᐙᒡ, ᐐᑫ ᑲᔦ ᑮᐊᓂ ᓲᑫᑖᑯᓯᐗᒃ᙮ 21ᐃᑭ ᓴ ᐃᑴᐗᒃ ᐁᑯᑖᓀᓂᒫᐙᒡ ᑭᔐᒪᓂᑑᓐ, ᒦ ᐃ ᑳᑮ ᒦᓂᑯᐙᒡ ᐐᓇᐙ ᐱᑯ ᒋᐅᑕᐱᓅᒌᔑᒥᐙᒡ᙮ 22#Act 7.19. ᒦᑕᔥ ᑭᒋᐅᑭᒫ ᐯᕒᐆ Pharaoh ᑳᐃᓈᑯᓈᒡ ᐯᒫᑎᓯᓂᒡ ᑳᑮ ᑎᐯᓂᒫᒡ ᐁᑮᐃᓈᒡ, ᐁᑕᔑᐙᒡ ᓴ ᐄᐸᕒᐆᐎ ᑸᐎᓭᓴᒃ ᑫᓂᑖᐎᑭᐙᒡ, ᑭᑲ ᐸᑯᐲ ᐌᐱᓈᐙᒃ ᐃᐃᒫ ᓈᔭᓬ Nile ᓰᐱᕽ᙮ ᐃᑭ ᑕᔥ ᐐᓐ ᑲᑭᓇ ᑳᐃᑴᓭᓯᐎᐙᒡ ᐱᓵᓐ ᐃᑯ ᑕᐱᒫᑎᓯᐗᒃ, ᑮᐃᑭᑐ᙮
Iliyochaguliwa sasa
ᐁᑭᓴᑕᔅ 1: OJBS
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Ojibwe Shorter Bible (Syllabic Script) © 2008 Canadian Bible Society
