ᐁᑭᓴᑕᔅ 19
19
ᐃᔅᕒᐃᔭᓬᐊᒃ ᑮᐊᔮᐙᒡ ᑭᒋᐗᒌᕽ ᓵᐃᓇᐃ ᐁᒋᑳᑌᓂᒃ
1ᓂᓱᑮᓯᔅ ᐃᑕᔥ ᐁᐊᓂ ᐃᔑᓭᓂᒃ ᐊᐲ ᐃᔅᕒᐃᔭᓬᐊᒃ Israel ᑮᐃᔥᒀ ᓇᑲᑕᒧᐙᒡ ᐃᐃ ᐄᒋᐸᑮᓂ Egypt, ᐃᐃᔥ ᐁᑮᔑᑲᓂᓂᒃ ᑮᑲᐯᔑᐗᒃ ᐃᐃᒫ ᐱᑾᑕᑲᒥᒃ ᓵᐃᓇᐃ Sinai ᐁᔑᓂᑳᑌᓂᒃ᙮ 2ᐊᐲ ᑕᔥ ᐅᕒᐁᐱᑎᒻ Rephidim ᑳᐱᐅᒋ ᑯᓯᐙᒡ, ᐃᐃᒫ ᓴ ᑮᐱᔑ ᑕᑯᔑᓅᒃ ᐱᑾᑕᑲᒥᒃ ᓵᐃᓇᐃ᙮ ᒦᑕᔥ ᐃᐃᒫ ᑳᐃᔑ ᑲᐯᔑᐙᒡ, ᐁᑮ ᐃᔑᑖᐙᒡ ᐁᑾᑎᓈᓂᒃ ᐃᐃ ᑭᒋ ᐗᒋᐤ ᓵᐃᓇᐃ᙮ 3ᒨᓯᔅ Moses ᑕᔥ ᑮᐊᒀᒪᒋᐌ ᐁᑮ ᐊᑕ ᐙᐸᒫᒡ ᑭᔐᒪᓂᑑᓐ᙮
ᒦᔥ ᐅᐅ ᑳᐃᑯᒡ, ᒦ ᓴ ᐅᐌᓂ ᑫᐃᓇᑣ ᐃᔅᕒᐃᔭᓬᐊᒃ ᒉᑲᐳᕽ Jacob ᐌᑕᑳᓀᓯᐙᒡ᙮ 4ᑮᓇᐙ ᐄᑐᒃ ᑭᑮ ᐙᐸᑖᒻ ᐋᓃᓐ ᑳᑑᑕᐗᒀ ᐄᒋᑉ ᑳᑎᓄᐎᐙᒡ, ᐋᓃᓐ ᑲᔦ ᑳᑮ ᐃᔑ ᐱᒥᐎᓂᓇᑰᒃ ᑖᐱᔥᑰ ᒥᑭᓯ ᑳᑑᑕᐙᒡ ᐅᒥᑭᓰᓭᓯᒪᐞ, ᓃᓐ ᐃᓴ ᐱᑯ ᐁᑮ ᐲᓂᓇᑰᒃ ᐁᔑᐊᔮᔮᓐ᙮ 5#1Pe 2.9. ᑮᔥᐱᓐ ᐃᑕᔥ ᐐᑫ ᓇᐃᑕᐎᔦᒃ, ᑲᓇᐌᑕᒣᒃ ᑲᔦ ᑳᑮ ᐅᓇᑑᔮᓐ ᓂᑕᔓᑕᒫᑫᐎᓐ, ᑮᓇᐙ ᓴᑯ, ᓃᓐ ᓂᐱᒫᑎᓰᒪᒃ ᑭᑲᐃᓂᓂᓂᒻ ᐋᓇᐐᓐ ᐁᐹᑏᓉᐙᓇᑭᓯᐙᒡ ᑲᑭᓇ ᐯᒫᑎᓯᐙᒡ᙮ ᐋᓇ ᑯᑕ ᒥᓯᐌ ᐊᑭ ᐁᑎᐯᑕᒫᓐ᙮ #Deu 4.20; 7.6; 14.2; 26.18; Tit 2.14. 6#Rev 1.6; 5.10. ᑮᓇᐙ ᓴ ᑭᑲ ᑎᓄᐎᒻ ᑫᑎᐯᓂᒪᒀ ᐊᓇᒥᐁᐎᑭᒫᒃ, ᐯᒫᑎᓯᐙᒡ ᑫᑎᐱᓇᐌᐎᓰᒥᓇᑰᒃ, ᒦ ᓴ ᐅᐌᓂ ᑫᐃᓇᑣ ᐃᔅᕒᐃᔭᓬᐊᒃ, ᐅᑮᐃᑰᓐ᙮ 7ᒦᑕᔥ ᒨᓯᔅ ᑳᑮ ᓃᓴᒋᐌᒡ ᐁᑮ ᐊᑐᒫᒡ ᑳᓃᑳᓂᓯᓂᒡ ᐯᒫᑎᓯᓂᒡ᙮ ᒦᔥ ᑳᐃᔑ ᐐᑕᒪᐙᒡ ᑲᑭᓇ ᑳᑮᐃᑯᒡ ᑳᑎᐯᒋᑫᓂᒡ ᒋᐃᑭᑐᒡ᙮ 8ᑲᑭᓇ ᑕᔥ ᐯᒫᑎᓯᓂᒡ ᐅᐅ ᐅᑮ ᐃᔑ ᒫᒪᐎ ᓇᑴᑖᑰᐞ, ᑲᑭᓇ ᓴ ᑫᑰᓐ ᓂᑲ ᐃᔑᒋᑫᐙᒥᓐ ᑳᐃᑭᑐᒡ ᑳᑎᐯᒋᑫᒡ, ᐅᑮᐃᑰᐞ᙮ ᒦᔥ ᒨᓯᔅ ᑳᐃᔑ ᐐᑕᒪᐙᒡ ᑳᑎᐯᒋᑫᓂᒡ ᐋᓃᓐ ᑳᑮ ᐃᑭᑐᓂᒡ ᐯᒫᑎᓯᓂᒡ᙮
9ᑳᑎᐯᒋᑫᓂᒡ ᐃᑕᔥ ᒨᓯᔅ ᐅᑮᐃᑰᓐ, ᑭᐸᑭ ᐗᑸᕽ ᓴ ᓂᑲ ᐱ ᐊᔮ ᐁᐐ ᐱ ᐊᑕ ᐙᐸᒥᓈᓐ, ᐯᒫᑎᓯᐙᒡ ᒋᓅᑕᐎᐙᒡ ᑲᑲᓅᓂᓈᓐ, ᒨᔕᒃ ᐃᑕᔥ ᐃᑯ ᒋᐊᓂ ᑌᐺᔦᓂᒥᒀ, ᐅᑮᐃᑰᓐ᙮
ᒦᑕᔥ ᑳᐃᔑ ᐐᑕᒪᐙᒡ ᑳᑎᐯᒋᑫᓂᒡ ᐋᓃᓐ ᑳᐃᑯᒡ ᐯᒫᑎᓯᓂᒡ᙮ 10ᒦᔥ ᑳᑎᐯᒋᑫᓂᒡ ᑳᐃᑯᒡ, ᒫᒑᓐ ᐊᑕ ᐙᐸᒻ ᐯᒫᑎᓯᐙᒡ ᒋᐯᑭᐊᑣ ᓅᑯᒻ ᑳᑮᔑᑲᓂᓂᒃ, ᐙᐸᓂᓂᒃ ᑲᔦ᙮ ᐅᑲ ᑭᓰᓯᐸᑑᓈᐙᓐ ᐅᑭᑭᔥᑭᑲᓂᐙᓐ, 11ᒋᑾᔮᒌᐙᒡ ᐃᑕᔥ ᓂᓱᑮᔑᒃ ᐃᔑᓭᓂᒃ, ᐋᓃᔥ ᐃᐃ ᐊᐲ ᑮᔑᑲᒃ ᓃᓐ ᑌᐯᒋᑫᔮᓐ ᓂᐐ ᐱ ᓈᔒ ᐃᐃᒫ ᐗᒌᕽ ᓵᐃᓇᐃ ᐁᒋᑳᑌᒃ ᑲᑭᓇ ᐯᒫᑎᓯᐙᒡ ᒋᐙᐸᑕᒧᐙᒡ ᑳᐱᐃᔑ ᑕᑯᔑᓈᓐ᙮ 12#Heb 12.18-20. ᒥᓯᐌ ᑕᔥ ᐙᑳᔭᐄ ᐗᒌᕽ ᑭᑲ ᐃᔑ ᑭᑭᓇᐙᒋᑕᒪᐙᒃ ᐯᒫᑎᓯᐙᒡ ᐅᐅ ᒋᐃᓇᑣ, ᐊᔮᒀᒥᓯᒃ ᒋᐊᒀᒪᒋᐌᓯᐌᒃ ᐗᒋᐤ, ᒪᓈ ᐹᔑᒋᔥᑳᒃ ᐃᐃ ᑳᑮ ᑭᑭᓇᐙᒋᑑᔮᓐ᙮ ᐊᐌᓀᓐ ᓴ ᑯ ᑫᓵᒥᔥᑲᕽ ᐃᐃ ᐗᒌᓂ, ᑫᒋᓈᒡ ᓴ ᑕᓂᒋᑲᓂᐎ᙮ 13ᐊᓯᓃᐞ ᐃᓴ ᑕᐋᐸᑎᓯᐗᐞ, ᑯᒫ ᑲᔦ ᐱᑾᑰᓐ ᑕᐋᐸᑕᓂᓂᐗᓐ ᐊᐲ ᓂᓯᓐᒡ, ᑫᐊᐲᒋ ᒪᓈ ᓵᒥᓂᓐᒡ᙮ ᐊᐎᔭᒃ ᓴ ᐅᐅ ᑳᐃᓂᑣ, ᐃᑭ ᑲᔦ ᐊᔭᐋᐎᔕᒃ, ᑳᐐᓐ ᓴ ᑕᐸᑭᑎᓈᓰ ᒋᐱᒫᑎᓯᒡ᙮ ᐹᓂᒫ ᑕᔥ ᐴᑖᒋᑳᑌᒃ ᐃᐃ ᒫᓇᒑᓂᔑᐎ ᐁᔥᑲᓂ ᐴᑖᒋᑲᓐ, ᒦ ᓴ ᐃ ᐸᔦᔥ ᐯᔓ ᒋᐱ ᓈᓯᑲᒧᐙᒡ ᐃᐃ ᐗᒌᓂ, ᐅᑮ ᐃᓈᐞ᙮
14ᒦᑕᔥ ᒨᓯᔅ ᑳᑮ ᐱ ᓃᓵᒪᒋᐌᒡ ᐁᑮ ᐊᑕ ᐙᐸᒫᒡ ᐯᒫᑎᓯᓂᒡ ᐁᑮ ᐯᑭᐋᒡ᙮ ᒦᔥ ᑳᐃᔑ ᑭᓰᓯᐸᑑᓂᒡ ᐅᑭᑭᔥᑭᑲᓂᓂ᙮ 15ᒦᔥ ᑳᐃᓈᒡ, ᐊᔛᑫᒃ ᐃᑕᔥ ᓂᓱᑮᔑᒃ ᐃᔑᓭᒃ, ᑫᑯ ᐯᔓ ᓈᓯᑲᐙᑫᒀᓂᒃ ᐃᑴᐗᒃ ᒋᒥᓉᓂᑎᔦᒃ, ᐅᑮ ᐃᓈᐞ᙮ 16#Rev 4.5. ᓂᓱᑯᓐ ᐃᑕᔥ ᐁᐊᓂ ᐃᔑᓭᒃ ᐁᑭᔐᐹᐗᑲᒃ, ᒦ ᐃ ᑳᑮ ᑭᒋ ᐱᓀᓰᐗᕽ, ᐗᐐᑫ ᑲᔦ ᐁᑮ ᑭᒋ ᐊᔨᓈᑌᓭᒃ᙮ ᒦᑕᔥ ᐗᑶ ᐐᑫ ᑫᐸᑳᓇᑾᒃ ᑳᑮ ᓈᑾᒃ ᐃᐃᒫ ᑭᒋ ᐗᒌᕽ᙮ ᑭᒋ ᐴᑖᒋᑲᓐ ᑲᔦ ᑮᑭᔒᐌ ᐁᓅᑖᑾᒃ᙮ ᑲᑭᓇ ᓴ ᑕᔥ ᐯᒫᑎᓯᐙᒡ ᐃᐃᒫ ᐁᔮᐙᒡ ᑳᑮ ᐃᔑ ᑲᐯᔑᓈᓂᐗᓂᓂᒃ ᑮᓂᓂᑳᓂᒥᓯᐗᒃ᙮ #Deu 4.11,12. 17ᒦᔥ ᒨᓯᔅ ᑳᑮ ᓵᑭᒋᐎᓈᒡ ᐯᒫᑎᓯᓂᒡ ᐃᐃᒫ ᐁᔑ ᑲᐯᔑᐎᓐᒡ ᒋᓇᑭᔥᑲᐙᓂᒡ ᑭᔐᒪᓂᑑᓐ᙮ ᐃᐃᒫ ᑕᔥ ᑳᑮ ᐊᑾᑎᓈᓂᒃ ᑮᐃᔑ ᐅᔑᑳᐸᐎᐗᐞ᙮ 18ᐃᐃ ᑕᔥ ᑭᒋ ᐗᒌᓂ ᓵᐃᓇᐃ Sinai ᒥᓯᐌ ᑮᐋᒀᐸᑌᓂ ᐋᓃᔥ ᑳᑎᐯᒋᑫᓂᒡ ᑮᐱ ᓈᔒᐗᓐ ᐃᔥᑯᑌᕽ ᐁᑮ ᐱ ᐊᔮᓂᒡ᙮ ᐐᑫ ᑲᔦ ᑮᑭᒋ ᐅᐹᐸᑌ ᑖᐱᔥᑰ ᑭᒋ ᐴᑕᐙᓈᐱᒃ ᑳᔑ ᐅᐹᐸᓯᑫᒪᑲᒃ᙮ ᐐᑫ ᑕᔥ ᑲᔦ ᑮᑭᒋ ᐗᑲᐎᓭ ᐃᐃ ᒥᓯᐌ ᑭᒋ ᐗᒋᐤ᙮ 19ᐗᐐᑫ ᓴ ᑯ ᑭᒋ ᐴᑖᒋᑲᓐ ᑮᐊᓂ ᑭᒋ ᐋᑯᑖᑾᓐ᙮ ᒦᑕᔥ ᒨᓯᔅ ᐁᑮᑭᑐᒡ, ᑭᔐᒪᓂᑑᓐ ᐅᑮ ᓇᑴᑖᑰᓐ ᐁᑮ ᐱᓀᓰᐎᑖᑯᓯᓂᒡ᙮ 20ᑳᑎᐯᒋᑫᓂᒡ ᑕᔥ ᑮᐱ ᓈᔒᐗᓐ ᐃᐃᒫ ᐗᑭᒋ ᑭᒋ ᐗᒌᕽ ᓵᐃᓇᐃ, ᐁᑮ ᑲᓅᓂᑯᒡ ᒨᓯᔅ ᒋᐊᒀᒪᒋᐌᒡ᙮ ᒦᔥ ᒨᓯᔅ ᑳᐃᔑ ᐊᒀᒪᒋᐌᒡ᙮ 21ᒦᑕᔥ ᑳᑎᐯᒋᑫᒡ ᑳᐃᑯᒡ, ᓃᓵᒪᒋᐌᓐ, ᒋᐊᐎ ᑲᓅᓇᑣ ᐯᒫᑎᓯᐙᒡ ᒋᓇᓃᓵᓀᑕᒧᐙᒡ ᒋᒪᓈ ᐅᓵᒥᔥᑳᐙᒡ ᐃᐃᒫ ᑳᑮ ᐅᓇᑕᒪᐗᒀ᙮ ᑳᐐᓐ ᑲᔦ ᓂᓇᑕᐌᓂᒫᓰᒃ ᒋᑲᓇᐙᐸᒥᐙᒡ, ᒦ ᓴ ᐃ ᓃᐱᐗᐞ ᒋᓂᐳᐙᒡ᙮ 22ᐃᑭ ᓴ ᑯ ᑲᔦ ᑳᐊᓇᒥᐁᐎᑭᒫᐎᐙᒡ ᐯᔓ ᑳᐲᔖᐙᒡ ᐅᒋᑕᑯ ᐃᔑᓈᑾᓂᓂ ᑫᐐᓇᐙ ᒋᐯᑭᐃᑎᓱᐙᐸᓐ ᒋᓇᓇᐊᓵᓯᐗᒀ, ᐅᑮᐃᑰᓐ᙮ 23ᒦᑕᔥ ᒨᓯᔅ ᑳᐃᓈᒡ ᑳᑎᐯᒋᑫᓂᒡ, ᐯᒫᑎᓯᐙᒡ ᐄᑐᒃ ᑳᐐᓐ ᑕᐱ ᐊᒀᒪᒋᐌᓰᐗᒃ ᐅᐅ ᐗᒌᓂ ᓵᐃᓇᐃ ᐁᒋᑳᑌᓂᒃ ᐋᓃᔥ ᑮᓐ ᐃᑯ ᑭᑮ ᐊᔮᒀᒥᒥᓈᒻ ᐅᐅ ᐁᑮᐃᔑᔮᑭᐸᓐ, ᐙᑳ ᑭᑭᓇᐙᒋᑑᒃ ᐃᐃ ᐗᒋᐤ, ᒋᐃᓇᑭᑕᒣᒃ ᐁᑭᑌᑖᑾᒃ, ᐅᑮᐃᓈᓐ᙮ 24ᒦᔥ ᐅᐅ ᑳᑎᐯᒋᑫᓂᒡ ᑳᐃᑯᒡ, ᒫᒑᓐ, ᓃᓵᒪᒋᐌᓐ, ᐁᕒᐊᓐ ᐃᑕᔥ ᐱᐊᒀᒪᒋᐌ ᐐᒌᐙᑲᓐ᙮ ᐃᑭ ᑕᔥ ᐐᓐ ᐊᓇᒥᐁᐎᑭᒫᒃ, ᐯᒫᑎᓯᐙᒡ ᑲᔦ ᑫᑯ ᑲᑳᒋᒡ ᑕᐱ ᐊᒀᒪᒋᐌᓰᐗᒃ, ᒋᓇᓇᐊᓵᓯᐗᒀ, ᐅᑮᐃᑰᓐ᙮ 25ᒦᑕᔥ ᒨᓯᔅ ᑳᑮ ᓃᓵᒪᒋᐌᒡ ᐁᔑᐊᔮᓂᒡ ᐯᒫᑎᓯᓂᒡ, ᐁᑮ ᐐᑕᒪᐙᒡ ᐋᓃᓐ ᑳᐃᑯᒡ ᑳᑎᐯᒋᑫᓂᒡ᙮
Iliyochaguliwa sasa
ᐁᑭᓴᑕᔅ 19: OJBS
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Ojibwe Shorter Bible (Syllabic Script) © 2008 Canadian Bible Society