ᐁᑭᓴᑕᔅ 13
13
ᑳᑎᐯᒋᑫᒡ ᑮᒦᓂᓐᒡ ᒋᑎᐱᓇᐌᐎᓯᒡ ᓂᑕᒻ ᓀᑖᐎᑭᓂᒡ
1ᒦᑕᔥ ᒨᓯᔅ ᑳᐃᑯᒡ ᑳᑎᐯᒋᑫᓂᒡ, 2#Num 3.13; Luk 2.23. ᐸᑳᓀᑖᑯᓰᑕᒪᐎᔑᒃ ᒋᑎᐱᓇᐌᐎᓰᒪᒀ ᑲᑭᓇ ᒫᐗᒡ ᐃᑯ ᓂᑕᒻ ᑫᓂ ᓂᑖᐎᑭᐙᒡ ᐁᓂᓃᐎᐙᒡ᙮ ᐁᑕᔑᐙᒡ ᓴ ᓂᑕᒻ ᐃᓂᓂᐗᒃ ᓀᑖᐎᑭᐙᒡ, ᐁᑕᔑᐙᒡ ᑲᔦ ᑲᑭᓇ ᐊᔮᐯ ᐊᔭᐋᐎᔕᒃ, ᓃᓐ ᓴ ᓂᑲ ᑎᐱᓇᐌᐎᔅ, ᐅᑮᐃᑰᓐ᙮
ᑮᐊᒧᓐᒡ ᐸᑴᔑᑲᓐ ᐁᐐᑾᑏᐗᑲᒥᑭᓯᕽ
3ᒨᓯᔅ Moses ᐃᑕᔥ ᐅᑮ ᐃᓈᐞ ᐯᒫᑎᓯᓂᒡ, ᒫᒥᑲᐎᒃ ᐅᐅ ᓅᑯᒻ ᑳᑮᔑᑲᒃ, ᑳᑎᐯᒋᑫᒡ ᑳᑮ ᓵᑭᒋᐎᓂᓀᒃ ᐃᐃᒫ ᐄᒋᐸᑮᕽ Egypt ᑳᑮ ᐃᔑ ᑲᒀᑕᑭ ᒥᑕᓄᑮᐃᑰᔦᑭᐸᓐ᙮ ᑳᑎᐯᒋᑫᒡ ᓴ ᐅᒪᔥᑲᐎᓰᐎᓐ ᐅᑮ ᐋᐸᒋᑑᓐ ᐅᐅᒫ ᐁᐅᒋ ᓵᑭᒋᐎᓂᓀᒃ᙮ ᑫᑯ ᑕᔥ ᒦᒋᑫᒃ ᑫᑰᓐ ᑌᑯᓯᒃ ᐅᐱᓯᑲᓀᔅ᙮ 4ᓅᑯᒻ ᓴ ᑳᑮᔑᑲᒃ ᐗᐊ ᑮᓯᔅ ᐊᐱᑉ Abib ᑳᐱᒪᑭᓱᒡ, ᒦ ᓴ ᐃ ᐋᔕ ᐁᐐ ᒫᒑᔦᒃ᙮ 5ᐊᐲ ᑕᔥ ᑳᑎᐯᒋᑫᒡ ᐃᔑᐎᓂᓀᒃ ᐊᑮᕽ ᐁᔑᐊᔮᓂᒡ ᑫᓇᓐ Canaanites ᑳᑎᓄᐎᓂᒡ, ᐁᑦ Hittites ᑳᑎᓄᐎᓂᒡ, ᐁᒧᕒᐄ Amorites ᑳᑎᓄᐎᓂᒡ, ᑭᐲ Hivites ᑳᑎᓄᐎᓂᒡ, ᐃᐃ ᑲᔦ ᒌᐸᔅ Jebusites ᑳᑎᓄᐎᓂᒡ, ᑳᑮ ᐊᐱᒧᒡ ᑮᑲᓅᓈᒡ ᑭᑫᑌᔭᐋᒥᐙᐸᓃᐞ ᐁᐐ ᒦᓂᓀᒃ᙮ ᒦ ᐃ ᐄᑐᒃ ᐃᐃ ᐊᑭ ᑳᐌᓅᑕᒃ, ᑳᔑ ᐌᒋ ᓂᑖᐎᑭᒃ ᑲᔦ ᑫᑰᓐ᙮ ᒦᑕᔥ ᐌᑎ ᐅᐅ ᑫᐃᔑᒋᑫᔦᒃ ᒋᑑᑕᒣᒃ ᐐᑾᑏᐗᑲᒥᑭᓯᐎᓐ ᐗᐊ ᑮᓯᔅ ᐱᒪᑭᓱᒡ᙮ 6ᓃᔣᓱᑮᔑᒃ ᓴ ᑭᑲ ᐊᒸᐙ ᐸᑴᔑᑲᓐ ᐌᐱᓯᑲᓂᐎᓯᒃ; ᓃᔣᓱᑮᔑᒃ ᐃᑕᔥ ᐃᔑᓭᒃ ᑭᑲ ᐐᑾᑏᐗᑲᒥᑭᓯᒻ ᒋᑭᑌᓂᒣᒃ ᑳᑎᐯᒋᑫᒡ᙮ 7ᓃᔣᓱᑮᔑᒃ ᐃᑕᔥ ᑭᑲ ᐊᒸᐙ ᐸᑴᔑᑲᓐ ᐌᐱᓯᑲᓂᐎᓯᒃ, ᑳᐐᓐ ᐃᑕᔥ ᑫᑰᓐ ᐌᐱᓯᑲᓂᐗᕽ ᑕᐊᔮᓯᓅᓐ ᐁᔑᐊᔮᔦᒃ, ᑳᐐᓐ ᑲᔦ ᐅᐱᓯᑲᓀᔅ ᑕᐊᔮᓯᓅᓐ ᐁᑯᓭᒃ ᑭᑕᑮᐙ᙮ 8ᐃᐃ ᑕᔥ ᐊᐲ ᑮᔑᑲᓂᓂᒃ ᐅᐅᓇᑫ ᑭᑲ ᐃᔑ ᐐᑕᒪᐙᐙᒃ ᑭᑯᓯᓯᐙᒃ, ᒦ ᐅᔕ ᐃ ᑳᐅᒋ ᐃᔑᒋᑫᔮᓐ ᐁᒫᒥᑲᐎᔮᓐ ᐋᓃᓐ ᑳᑎᐯᒋᑫᒡ ᑳᑮ ᐃᔑᒋᑫᐃᒡ ᐊᐲ ᐄᒋᐸᑮᕽ ᑮᐅᒋ ᓵᑭᒋᐎᔑᒡ᙮ 9ᐅᐅ ᑕᔥ ᐃᔑᒋᑫᐎᓐ ᒦ ᐃ ᑫᐃᓍᑕᒣᒃ ᑫᐅᒋ ᒫᒥᑲᐎᔦᒃ ᑖᐱᔥᑰ ᑫᑰᓐ ᐁᑾᐱᑌᒃ ᑭᓂᒌᐙᕽ, ᑯᒫ ᑲᔦ ᑭᔅᑲᑎᑯᐙᕽ ᑫᐅᒋ ᒫᒥᑲᐎᔦᒃ ᑳᑎᐯᒋᑫᒡ ᐅᑎᓈᑯᓂᑫᐎᓐ ᒋᐙᐐᑕᒣᑭᐸᓐ᙮ ᐐᓐ ᐄᑐᒃ ᑳᑮ ᐋᐸᒋᑑᒡ ᐅᒪᔥᑲᐎᓰᐎᓐ ᑮᓵᑭᓯᐃᓀᒃ ᐄᒋᐸᑮᕽ᙮ 10ᒦᑕᔥ ᐁᔑᓈᑾᒃ ᒋᑲᓇᐌᑕᒣᒃ ᐅᐅ ᐊᓇᒥᐁᒋᑫᐎᓐ ᐁᔮᑕᓱ ᐱᐴᓐ ᐊᐲ ᐁᔑ ᐅᓇᒋᑳᑌᒃ ᒋᐃᔑᒋᑫᓈᓂᐗᕽ᙮
ᐁᓀᑖᑯᓯᒡ ᓂᑕᒻ ᑳᓂᑖᐎᑭᒡ
11ᑳᑎᐯᒋᑫᒡ ᓴ ᑕᔥ ᑭᑲ ᐃᔑᐎᓂᑯᐙ ᐊᑮᕽ ᐁᔑᐊᔮᓂᒡ ᑫᓇᓐ Canaanites ᑳᑎᓄᐎᓂᒡ, ᑳᑮ ᐋᔩᒋ ᐊᔓᑕᒪᐙᑯᐸᓀᓐ ᑭᑫᑌᔭᐋᒥᐙᐸᓃᐞ᙮ ᐊᐲ ᓴ ᑕᔥ ᒦᓂᓀᒃ, 12#Exo 34.19,20; Luk 2.23. ᒦ ᓴ ᐃ ᐁᔑᓈᑾᓂᓂᒃ ᒋᒦᓀᒃ ᒋᐸᑳᓀᓂᒫᒡ ᒋᑎᐱᓇᐌᐎᓯᒡ ᑳᑎᐯᒋᑫᒡ ᑲᑭᓇ ᒫᐗᒡ ᐃᑯ ᓂᑕᒻ ᓀᑖᐎᑭᓂᒡ ᐁᓂᓃᐎᓂᒡ, ᐃᐃ ᑲᔦ ᐊᔮᐯ ᐊᔭᐋᐎᔕᐞ ᓂᑕᒻ ᑫᓂᑖᐎᑭᓂᒡ ᐐᓐ ᒋᑎᐱᓇᐌᐎᓯᒡ᙮ 13ᐊᐊ ᑕᔥ ᐐᓐ ᒫᔑᒥᑕᑎᒻ ᒫᐗᒡ ᐃᑯ ᓂᑕᒻ ᑫᓂᑖᐎᑭᒡ ᒦ ᐃ ᐁᔑᓈᑾᒃ ᒫᓇᒑᓂᔐᓴᓐ ᒋᐋᐸᑎᓯᓂᒡ ᒋᑮᐌ ᒣᔥᑯᑑᓂᑲᓂᐎᒡ᙮ ᑮᔥᐱᓐ ᐃᑕᔥ ᐐᓐ ᐐᑎᐸᐙᓯᐌᒃ, ᑭᑲ ᐴᑯᑴᓈᐙ ᓴ ᒫᔑᒥᑕᑎᒻ᙮ ᑲᑭᓇ ᓴ ᓂᑕᒻ ᓀᑖᐎᑭᐙᒡ ᑭᑯᓯᓯᐙᒃ ᑭᑲ ᑎᐸᐙᐙᒃ᙮ 14ᐊᐲ ᑕᔥ ᐊᓂ ᑲᑮᔑᑲᒃ ᑭᑯᓯᔅ ᐅᐅᓇᑫ ᐃᔑ ᑲᑴᒋᒥᒃ, ᐋᓃᓐ ᐃᑕᔥ ᐅᐅ ᐁᓍᑌᒃ? ᐅᐅᔥ ᑭᑲ ᐃᓈ, ᐅᒪᔥᑲᐎᓰᐎᓐ ᓴ ᑳᑎᐯᒋᑫᒡ ᐅᑮ ᐋᐸᒋᑑᓐ ᑮᓵᑭᓯᐃᓈᕽ ᐃᐃᒫ ᐄᒋᐸᑮᕽ Egypt ᑳᑮ ᐃᔑ ᑲᒀᑕᑭ ᒥᑕᓄᑮᐃᑰᔮᑭᐸᓐ᙮ 15ᐊᐲ ᓴ ᐯᕒᐆ ᑮᓀᐱᒋ ᔕᔒᐱᑕᕽ ᑮᐃᓀᑕᓯᒃ ᒋᐸᑭᑎᓂᓇᑭᒡ ᒋᒫᒑᔮᕽ, ᒦᑕᔥ ᑳᑎᐯᒋᑫᒡ ᑳᑮ ᓂᓵᒡ ᑲᑭᓇ ᓂᑕᒻ ᑳᑮ ᓂᑖᐎᑭᓂᒡ ᐁᓂᓃᐎᓂᒡ ᐃᐃᒫ ᐄᒋᐸᑮᕽ, ᐊᔭᐋᐎᔕᐞ ᑲᔦ᙮ ᒦᑕᔥ ᐅᐅ ᑳᐅᒋ ᐸᑭᑎᓈᓲᑕᒪᐗᑭᒡ ᑳᑎᐯᒋᑫᒡ ᑳᐊᔮᐯᐎᓂᒡ ᓂᑕᒻ ᓀᑖᐎᑭᓂᒡ ᐊᔭᐋᐎᔕᐞ, ᐁᐐ ᒣᔥᑯᑑᓂᑫᔮᕽ ᒋᑮᐌ ᒦᓂᑰᔮᕽ ᐁᑕᔑᐙᒡ ᓂᑕᒻ ᓀᑖᐎᑭᐙᒡ ᓂᑯᓯᓯᓈᓂᒃ᙮ 16ᒦᔥ ᐁᓍᑌᒃ ᐅᐅ ᐃᔑᒋᑫᐎᓐ ᑖᐱᔥᑰ ᑫᑰᓐ ᑳᐊᑾᐱᑌᒃ ᑭᓂᒌᐙᕽ ᑯᒫ ᑲᔦ ᑭᔅᑲᑎᑯᐙᕽ ᑫᐅᒋ ᒫᒥᑲᐎᔮᕽ ᑳᑎᐯᒋᑫᒡ᙮ ᐐᓐ ᐄᑐᒃ ᑳᑮ ᐋᐸᒋᑑᒡ ᐅᒪᔥᑲᐎᓰᐎᓐ ᑮᓵᑭᓯᐃᓈᕽ ᐄᒋᐸᑮᕽ᙮
ᐋᓃᓐ ᐃᓇᑫ ᑳᑎᐯᒋᑫᒡ ᑳᐃᔑᐱᒥᐎᓈᒡ ᐃᔅᕒᐃᔭᓬᐊᐞ
17ᐊᐲ ᓴ ᐯᕒᐆᓐ Pharaoh ᑮᐸᑭᑎᓈᓂᒡ ᐃᔅᕒᐃᔭᓬᐊᐞ ᒋᒫᒑᓂᒡ, ᑳᐐᓐ ᑭᔐᒪᓂᑑ ᐅᑮ ᐃᔑᐎᓈᓰᐞ ᐃᓇᑫ ᒥᑲᓈᕽ ᑳᑮ ᔖᑄᒧᓂᓂᒃ ᐱᓬᐃᔅᑎᔭᐗᑮᕽ Philistines, ᐋᓇᐐᓐ ᐃᐃ ᓇᑫ ᐁᑮ ᐃᔑ ᐯᔓᐗᓂᓂᒃ᙮ ᑭᔐᒪᓂᑑ ᐋᓃᔥ ᑮᐃᑭᑐ, ᒫᑭᔖ ᒦᑳᓂᑣ ᑕᐋᑌᑕᒨᒃ, ᐄᒋᐸᑮᕽ Egypt ᐃᑕᔥ ᑕᔑ ᑮᐌᐗᒃ, ᑮᐃᑭᑐ᙮ 18ᒦᑕᔥ ᑭᔐᒪᓂᑑ ᑌᑾᒡ ᐅᑮ ᐃᔑ ᑌᑎᐹᐎᓈᐞ ᐱᑾᑕᑲᒥᒃ ᐃᓇᑫ ᒋᐊᓂ ᐃᔖᓂᒡ ᒥᔅᑯ ᑭᒋᑲᒦᕽ᙮ ᐃᔅᕒᐃᔭᓬᐊᐞ Israel ᐃᑕᔥ ᑮᐅᒋ ᒫᒑᐗᐞ ᐄᒋᐸᑮᕽ, ᐁᑮ ᐁᐯᒦᓂᒡ ᐁᑮ ᑮᔒᓂᒡ ᑲᔦ ᒋᒦᑳᓱᓂᒡ᙮ 19#Gen 50.25; Jos 24.32. ᒦᑕᔥ ᒨᓯᔅ Moses ᑳᑮ ᒫᒌᑑᒡ ᒎᓴᐴᓐ Joseph ᐅᑑᑲᓂᓂ᙮ ᒎᓴᐴᓐ ᐄᑐᒃ ᑮᐃᔑᐋᓂᑯᐸᓐ ᐃᔅᕒᐃᔭᓬᐊᐞ ᒋᐋᔩᒋ ᐊᔓᑕᒥᓂᒡ ᐅᐅ ᒋᐃᔑᒋᑫᓂᒡ ᐅᐅ ᐁᑮᐃᓈᑯᐸᓀᓐ, ᑭᔐᒪᓂᑑ ᓴ ᑌᐺ ᑭᑲ ᓈᓈᑲᒋᐃᑯᐙ; ᑭᑲ ᒫᒌᑑᒻ ᐃᑕᔥ ᓂᑲᓇᓐ ᐅᐅᒫ ᐅᒋ ᒫᒑᔦᒃ, ᑮᐃᑭᑐᑯᐸᓐ᙮
ᐗᑶ ᑳᑮᐸᑕᑭᑌᐙᓇᑾᒃ, ᐃᔥᑯᑌ ᑳᑮᐸᑕᑯᑯᓀᒃ
20ᐃᔅᕒᐃᔭᓬᐊᒃ ᐃᑕᔥ ᑮᐅᒋ ᒫᒑᐗᒃ ᐃᐃᒫ ᓴᑲᑦ Succoth, ᐌᑎ ᑕᔥ ᐄᑕᒻ Etham ᐁᒋᑳᑌᓂᒃ ᑮᐃᔑ ᑲᐯᔑᐗᒃ ᑳᑮ ᐃᔑ ᒫᒋ ᐊᔮᓂᒃ ᐱᑾᑕᑲᒥᒃ᙮ 21ᐁᑮᔑᑲᓂᓂᒃ ᓴ ᑕᔥ ᑳᑎᐯᒋᑫᒡ ᐅᑮ ᓃᑳᓃᑕᒪᐙᐞ ᐃᔅᕒᐃᔭᓬᐊᐞ ᑳᑮ ᐃᔑ ᐸᑕᑭᑌᐙᓇᑾᓂᓂᒃ ᐁᑮ ᐃᔑᐊᔮᒡ ᐁᑭᑭᓄᐎᓈᒡ ᐋᓃᑎ ᑫᐃᔖᓂᒡ᙮ ᐁᑎᐱᑲᓂᓂᒃ ᐃᑕᔥ ᐐᓐ ᐁᓃᑳᓃᑕᒪᐙᒡ ᐃᔥᑯᑌᕽ ᑳᑮ ᐸᑕᑯᑯᓀᓂᒃ ᑮᐃᔑᐊᔮ ᐯᑭᔥ ᐁᑮ ᐙᓭᔥᑲᒪᐙᒡ, ᐱᓵᓂᑯ ᒋᐱᒥ ᐊᔮᓂᒡ ᐁᑎᐱᑲᓂᓂᒃ, ᐁᑮᔑᑲᓂᓂᒃ ᑲᔦ᙮ 22ᐃᐃ ᑕᔥ ᑳᑮ ᐸᑕᑭᑌᐙᓇᑾᓂᓂᒃ ᒨᔕᒃ ᐃᑯ ᐅᑮ ᓃᑳᓃᑕᒫᑯᓈᐙ ᐃᔅᕒᐃᔭᓬᐊᒃ ᐁᑮᔑᑲᓂᓂᒃ᙮ ᐁᑎᐱᑲᓂᓂᒃ ᐃᑕᔥ ᐃᐃ ᐃᔥᑯᑌ ᑳᑮ ᐸᑕᑯᑯᓀᓂᒃ ᐅᑮ ᓃᑳᓃᑕᒫᑯᓈᐙ᙮
Iliyochaguliwa sasa
ᐁᑭᓴᑕᔅ 13: OJBS
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Ojibwe Shorter Bible (Syllabic Script) © 2008 Canadian Bible Society
