Mistari Maarufu ya Biblia kutoka Yohane 5

Shirikisha

“Nowalongela ghendo, imunu wowose iyohulika ghamalonga ghangu na kumtoghola ayula iyanitumile kana ugima wa ghamatsuwa ghose ing'aghohupa; naye ng'atsohighighwa baye, mana ayo kaloka lifwa kengila mna ugima.

Yesu hayamwonile imtamu ayo kawasa ahala, aku kamanya ka yang'ali yoghula kwa matsuwa mengi, baho kamghutsa, “Pfii kwobama uhone?”

Mwosoma kwa kughalolesa Ghamaandiko kwaapfila mwofikitsa ka mghati mwake mtsopata ugima wa ghamatsuwa ghose. Lekeni agho Ghamaandiko ghagho igholonga tsimbuli tsangu! Hata apfo, ng'ambama baye ukutsa kuna nene ili muwe na ugima.

Yesu kamlongela, “Winuke! Sola ichilagho chako uke.” Bahala imunu yula kahona, kasola ichilagho chake, koka. Ichinu achino tsachilawila mna Litsuwa lya Sabato.

Yesu kaghendelela ukulonga, “Nowalongela ghendo, Imwana ng'odaha baye kutenda chinu chochose imwenyego, ila kutenda achila chayomwona Aba wake kotenda, kwa apfila chayotenda Baba, chicho Imwana naye chayotenda.