Mistari Maarufu ya Biblia kutoka Atus 1

Shirikisha

Tane nherẽ, te za asimiroti nhiptede hã iwaibui wa'wa, 'Re ihâimana u'âsi mono Pẽ'ẽzani we atẽme te te si'ra za'ra wa'aba wamhã. Tawap si, te za ĩzadawa wasu'u'wa na ĩma 're aihâimana za'ra wa'aba mo, Zeruzalẽ 'remhã, ropâ Zudéa ãma duré Samaria ãmab zama. Uburé ti'ai mono bâ te za duré dama ĩzadawa wasu'u za'ra wa'aba mo.

Tawamhã Zezusi hã ma ãma sada'âbâ za'ra, ãne: — A norĩ wa'wa hã sadai õ di, 're iwaihu'u za'ra wa'aba mono da hã, bâtâ za'ratazé duré wahu hã marĩ da, Ĩmama te te sima 're i'apisutu mono hã tizadawa para.

Tawamhã nimahã bâtâ na hã isiré sa za'ra ré, te tãma roti pese za'ra, ãne: — Aiwairébé aba tõ, Zeruzalẽ hawimhã. A'â sapari za'ra wa'aba, Ĩmama te te ãma iropisutuzé, te aima iwasu'u za'ra wa'wa hã. Zuwã Batista hã â na si, ma tô â dawabzuri hã te te dama 're a'manharĩ. Tazahã, a norĩ wa'wa hã bâtâ umro na te za oto 'Re ihâimana u'âsi mono hã Tipẽ'ẽzani na aihâiba ubu za'ra wa'wa.

Tawamhã te te robzépata za'ẽtẽ parimhã, Zezusi hã ma tô sihâi'ré hâiba uptabi na, tizadawa wasu'u'wa norĩ ma. Ahâ na ma tô tãma sihâi'ré za'ra, sena na hâiba ré ihâimana na, te te waihu'u za'ra da. 40 na bâdâ isi'utõrĩ 'remhã, ma tô nasi tãma sihâi'ré za'ra. 'Re ihâimana u'âsi mono da'ãma 're isib'a'uwẽ mono zém na te nasi tãma rowasu'u za'ra.

Tawamhã ãne te te tãma rowasu'u za'ra pari, Zezusi hã ma tô Imama tiwi âri za'ra, isõ'a za'ra. Te te siwi 'madâ'â mono ré, ma tô hâiwa'a hã tiwi rob'upsibi za'ra. Tahawa te te oto siwi 'madâ'â waihu'u õ di.

Tawamhã Zezusi hã hâiwa u morĩ ré, hâimo te te siwi 'madâ'â pese mono ré, ma tô rosa'rese õ ré, aibâ norĩ maparane i'uza ihâirã zahuré hã aima'wa, isababab za'ra. Ta norĩ hã te ãne tãma nharĩ za'ra: — Galiléia ãma 're i'aihâimana za'ra wa'aba mono norĩ, e marĩ wa, te hâimo irob'madâ'â za'ra wa'wa. Tô ã hã Zezusi hã 'Re ihâimana u'âsi mono, hâiwa u te te aihawi i'âri za'ra wa'wa hã te za we apâ mo, hâiwa u morĩ ré asiwi i'madâ'â aba ne.