Mistari Maarufu ya Biblia kutoka Yohana 14

Shirikisha

“Omulembe evalekhera, omulembe kwange evaweresa, sikuli ngokusialo sivaweresa ta. Muchava neenda mwoyo, nundi mucharia ta.

Yesu Kamuwolera, “Nise engira, nowung'ali, nowulamu, awumao owicha khu Papa, nachavichiye mwise ta.

“Emioyo kienywe kichaveyaveya tawe, suvire mu Nyasaye, suvire nundi mwise.

Nausa Omukeraki, Roho Muchwenufu, oyundi okhuchuma mulicha liange, alikhuvekesa evinju viosi, ne avechulise viosi vinakhavawolera.

Oyo oli nende amalako kange nakalonda, oyo njowasima, noyo owasima, Papa alikhumusima, nese ndikhumusima nendikhweyekesa khuniye.”

Nendi khusava Papa, nalikhuvaweresa Omukeraki wundi, okhuva ninanywe wuli lwosi, ata Roho wowung'ali, oyusialo sisinyala okhunyola ta, sikira sisimuwona namwe sisimumanyire ta, Enywe mumumanyire sikira amenyire mwinywe, nalikhuva mwinywe.

Ne siosisiosi esimucheva mulicha liange, endikhukhola, mbo Papa anyole oluyali mu Omwana; nimusava siosisiosi mulicha liange, endikhukhola.

“Nimusima, mulikhulonda amalako kange.

Munju mwa Papa wange khuli nevikoro evingi, kava nikachali kachio, mba vawoleye mbo njia okhuvalombera awunju?

Ninakhachia ne navalombera awunju, ndikhukoola nundi evawukule, mbo aandi ata mwesi muveo.

Tomasi kamuwolera, “Omwami, sikhumanyire eyi ochia ta, khwakhamanya khuchie engira?”