Mistari Maarufu ya Biblia kutoka Málkus 12

Shirikisha

Yésuse uwondinye yɔ́ áneé: «Giá busió gínyɛ áneé: “Bídɔ́lígɛ́n, Íslayɛ́l, Ɔgúná Uhaluá wásɔ unyɛ Ɔgúná pɛ́ŋ úmuanyɛ omoómi, ɔnɔ́ya Ɔgúná Uhaluá wahɔ na ɔdɛ́m huáhɔ gidigid na bɔndɔ buáhɔ gidigid na nugedie nuáhɔ gidigid na bugaga buáhɔ gidigid.” Ndé giá gáandɛ igiɛ: “Ɔyá sɔ́gá mɔndɔ hana aŋuá mbánan.” Gigodi gímodi gídibá hɔ́ giandá gudɔ́mb ibigányɛ.»

Uwɔdɔ́ŋɛ́ɛn bebinene bég úmuanyɛ gɔ́b áneé: «Mmɔ́núɔyídɛ́n buɔ́, asúgasuga wa gisí giá ugándɔ uyɔ umág giod giá ŋŋúme uguá nsad gudɔ́mb bandɔ bem, gá giagiá bem bámándáguágan umbégié huɔ́b huá bunɛ́m, úmuanyɛ gɔg, umɔ́gɔ́l buég buá gusɔ́g gidigid, ubúnya buá dúgún yɔ́ gá guág.»

Yésuse uwedugumin nsíndisindia na nsad ya nusámb, ubíyigan haná bámabá bágan ŋŋúme guɔ́. Giod giá nnuɛ́m gíágan giod giá ŋŋúme. Gisí giá ugándɔ igíónoól, igíág baán bá mbámbá bá ŋŋúme báandɛ.

Guɔya yɔ́ na ɔdɛ́m huáhɔ gidigid na nugedie nuáhɔ gidigid na bugaga buáhɔ gidigid na guɔya sɔ́gá mɔndɔ hana aŋuá mbánan, búmuanyɛ búnyɛ andá beseé gudɔ́mb hana gudóŋonye nusámb, gusúmba na begesenye manyam.»

Yésuse uwondinye bɔ́ gɔg áneé: «Ánaá núóndinye ofuŋ uhugɔ́n huá Lóm ubúnya buég, gá Uhaluá núóndinye yɔ́ ubúnya buég.» Gúu biondínyi ibígányɛ bímadɔ́mb bɔ́, abáyíka guyíka.