Mistari Maarufu ya Biblia kutoka Málkus 13

Shirikisha

Bandɔ bem bánánúbina gámɛ gá busió, gɔgaá mɔndɔ uwenésímbénú ambanɔ áneé weneg agá nsúgúdinye ya muand umugányɛ, ugányɛ wanábá aháŋánɔ.»

Ánaá núgúle, nudiɛ́d gá dunɔ́ gá giagiá nudiényi bugisigɛl buáguɔ́.

Uguá ginɛŋ igiɛ́ bénénúgimbeneé gá guɛ́d naánanɔ uguá giansɛ giá bisan, nudibísésényé gá guamba dugálɔ duá gálɛ́ɛd gɔgaá, dugálɔ udúónónúólíne uguá ginɛŋ giáguɔ́ igigányɛ, nuhémie duɔ́ gá giagiá búdibá banuá nuanágálgalaá, búnyɛ Gileénde giá Budányɛ.

Guísi na gumɔn múánádɔ́mb, gɔgaá dugálɔ duámɛ dúdianádɔ́mb.»

«Ta mɔndɔ udiényi gɔg buɔ́sɛ, ta ginɛŋ, ta bilúna ibínya ugumɔn, ta muɔ́n pɛ́ŋ Baba.

Uguá ginɛŋ igiɛ́ núɔ́nɔ́bɔnaá gindɔmdɔm giá bidí mɔdɔg na ndán siá nsɔ́m siá bidí guonoólónín hádɛ, nudibiá bumbíla, búáguamba áneé ubugányɛ búésieg, búdibá gɔg búbúánábánɔ́ guman guá guísi.

Ánaá núgíga mpunyá gá gueleé nudiálinsan ginɛŋ igiɛ́ mɔndɔ wa nihiá únya wa guólósiond: Búnyɛ búábá na ginɛŋ lí? Na ɔdɛ́m huá budúg lí? Uguá dádɛ́d guá gidédi giá busió lí? Ugúnya ana na giámádá? Búdibá beseé áneé uménúsuluŋenye, unugégie gá dunɔ́. Buand ubuɔ́ yɔ́yɔnɔ́ ubuɔ yɔɔ́guɔya buɔ́ gánɔ banuá gidigid: Ánaá núgíga mpunyá!»

Buán búsogidie sɔ́gá buán gá bidí, bidɔŋ bíánánuanan bímuanyɛ na bímuanyɛ guísi gúénéyiŋkime uguá bidɔŋ bímodi, gúu nsan yánábánɔ́. Búánábá magunsa má giɔ́bíga giá bíén.»

gá giagiá búáguamba áneé Ginɔ́g giá Nsɔ́m gíbue gíbíŋín uguá idú siá maán mem.

Giod giá bandɔ igíónóloneé na ɔhɛ́n huámɛ gíɔ́ya áneé: “Nnyɛ Bémeyíde!” Nɔ́ bénéfumenyeé giod giá bandɔ anagányɛ.

«Banuá gɔg nubídédínye, bénénúfudenye uguá biansɛ biá bisan naá uguá bigúl, bénúnúbe na bifáfína. Bénúfudenye agá eŋís ya ŋŋɔ́mɔna naá ya ifuŋ gámɛ gá busió, agányɛ núánábánɔ́ bamaáná bámɛ ɔgɔ́b gá busió

Babánbán bónólon bɔ́bídɔ́ŋɔn áneé bémeyíde na bilɔg biá bebunebúné bánádigan, bála biseyi na melélíe, gá gueleé alaála béfumie ta bebémeyíde.

«Uguá mɔɔ́sɛ máguɔ́ amagányɛ gɔg, egélém gá ginɛŋ giá giɔ́bíga, ɔhɛ́nyɛ húénéhué, ohóli húdianándabunya, Muódódi múénétúlúgen ugumɔn múguan eguísi, gúu súsɔ́n maŋaŋa amányá ugumɔn ménélígímineé.