Mistari Maarufu ya Biblia kutoka Kutendeka 3

Shirikisha

Mwanakazi lu-aamwene nangue mazabo a ku kekio kimuti aali aweme kuliiwa, ni aweme mu kumoneka, kabili apalilile kumuletela mulangue, waakunwineko buzabo, walia, wamupeelako mulume wakue, ni ye walia.

Kizoka kyaali kyakengeele kukila nama yonse ya mu kisonso yaalengelue na Yawe Leza. Kizoka kyaamwipuziizie mwanakazi, “Ati, ni kiine Leza waamikaniizie kulia mazabo a ku bimuti byonse bya mu bukaba?”

Ndikubiika bulwani pakati kobe ni mwanakazi, ni pakati ka luvyalo lobe ni lwa mwanakazi. Luvyalo lwa mwanakazi lwaakasyesyeta mutue obe, ni we waakasuma kasinghino kakue.”

Kabili Yawe waamwanine mwanakazi nangue, “Naakakizia maavia mu kuvyala kobe, pa kuvyala baana waakaba wakisua. Kutona kobe kwaakaba kwali ku mulume obe, kabili i waakaba wakuteekele.”

Mu kubombesia ni mu kusulwila kobe i muwaakaba wasangila bilio, mpaka paukabwelela ku bulongo kuwaafumine. Uli lufunko, waakabwelela ku lufunko.”

Yawe waamwanine mwalalume nangue, “Pantu waitabilanga bintu byalandanga mukazi obe ni kulia buzabo bwa ku kimuti kinakikukaania kuliako, bulongo bwatiipua pa mulandu obe. Mu bukose bobe bonse waakaba wabombesia na maka pa kusanga bilio.

Leza waamwipuziizie evi, “Eba! Nani wakwananga nangue wiile wali bwamba? Eba! Walyanga buzabo bwa ku kimuti kinakikukaania kuliako?”

Leza lu-aamukumbile Adamu mu bukaba, waabiikile makerubi pa nghingililo ya ku kabanga ka bukaba bwa mu Edeni, ni kipanga kya mulilo kyaali kyazyunguluka konse konse kusakilila nzila ya kuya ku kimuti kya bukose.

Mwalalume, liina lyakue Adamu, waamwinikile mukazi wakue liina lya Eva, pantu ozo i wa-alukile nghina wa bantu bonse.