Mistari Maarufu ya Biblia kutoka Genesis 50

Shirikisha

Yosili one kwa rugana nge yoyidona, nye Karunga kwa yi gazarera momuwa pokurugana moomu yina kara ntaantani, asi a parure mbunga zonene.

Nye Josefa ta va limburura asi: “Mwa ha tjira. Ame nyame nani gepevega lyaKarunga?

Nye ntaantani gwa ha mu pwaga! Ame tani mu rere novana veni.” Yimo nye ga va hengagwidire ngoso, makura tadi va dama.

‘Ngomu tantere Josefa ngesi asi: Yingasi va dongwenena po vakuru woge epuko nonzo zawo, yeeyi awo kwa ku rugana yoyidona.’ Nye ntaantani, tuna kanderere, dongonona po nzo zetu zovaruganeni vaKarunga goguhwo.” Ano Josefa makura ta lili apa ga zuvhire nonkango dawo odo.

Josefa makura ta tantere vakuru vendi asi: “Tani fu, nye Karunga nga mu pakera mbili, nga mu guse mo omu mosirongo, nga mu tware kosirongo esi ga tumbwidira oAbirahamu naIsaka naJakopo nomugano.”

Josefa makura ta ganesa vana vaIsraeli asi: “Nsene Karunga nye nga mu pakera mbili nawa‐nawa, ngomu yi guse mo omu yisupa yange, mu yi piture.”

Josefa makura ta fu, age ana kara nonomumvho efere nonomumvho murongo. Awo makura tava mu barusema, makura tava mu tura mosikesa moEgipite.