Mistari Maarufu ya Biblia kutoka Гъэсэпэтхыдэхэр 3

Shirikisha

ГущӀэ лъащӀэ псомкӀи Тхьэуэ Зиусхьэным дзыхь егъэз, уи акъылым ущымыгугъыщэ; кӀуапӀэу хэпшхэми Тхьэр къыщылъыхъуэ, уи гъуэгур занщӀэ мис Абы ищӀынщ.

ЦӀыху Ӏущу зыкъыпфӀэщӀыжыным щыщтэ, Тхьэуэ Зиусхьэным фӀэлӀыкӀ зэпыт, бзаджэм зыпыӀудз

Къыпхэхъуэм щыщкӀэ Тхьэуэ Зиусхьэным фӀыщӀэ хуэщӀ, гъаващхьэ тыхьри лъыгъэс; уи гуэн я лъащӀэ унэмыплъысыфу хъунщ, санэхури санэщӀэхухэм къащхьэпрыжынщ.

ФӀылъагъуныгъэмрэ пэжыгъэмрэ пэӀэщӀэ уахуэмыхъукӀэ, гъащӀэ гъуэмылэу ахэр зехьэ, гущӀагъщӀэлъыбзэуи къехьэкӀ.

УемыпэгэкӀ, си щӀалэ, Тхьэуэ Зиусхьэным ущиузэхужкӀэ, Абы и гие псалъэри зоумыусыгъуэджэ: зэрыхуэхъущӀэм ещхьу фӀыуэ илъагъу быным адэр Тхьэуэ Зиусхьэнри и щӀасэхэм йогие.

Ущиеу узыщӀэзгъэдэӀухэр, си щӀалэ, зыщумыгъэгъупщэ, унафэу пхуэсщӀхэри къренэ уигу: абы уи гъащӀэр илъэс куэдкӀэ яшэщӀынущ, ехъулӀэныгъи гупсэхугъуи къыпхуахьынущ.

Ежьащ гъуэгу махуэ Ӏущыгъэр къэзыгъуэтыр, ехъулӀащ зиӀэр зэхэщӀыкӀ; Ӏущыгъэр йолъэпӀэкӀ дыжьыным, дыщэ плъыжьым хуэмыдэуи и хэхъуэр инщ. Налкъутналмэсхэм нэхъри ар нэхъ лъапӀэщ, уи гум фӀэӀэфӀхэм ящыщу абы пэхъуни зы щымыӀэ.

ФӀыр зыхуэфащэм епэс, ар уи ӀэмыщӀэ илъмэ.

Мы дунеижьыр Тхьэуэ Зиусхьэным и Ӏущыгъэщ къызэригъэщӀар, и акъылщ уафэгури зэрыхуищӀыжар