Mistari Maarufu ya Biblia kutoka Efesus 5

Shirikisha

Hintimiu anaꞌino Lahataꞌala nemoasiꞌaono. Dadiꞌanomo weo dadimiu angkafiomu sandaha nefotiwohano Lahataꞌala. Dadimiu tabeano nakumabhintie kanini kaasi, peda wutono Kristus nofomoasiꞌao. Nofotawakalamo Wutono so intaodiomu sampe dopongkoe. Anoa nembali kapopanga mowondu nefoampe ne Lahataꞌala, mekaꞌianomo lalono Lahataꞌala.

Dadiꞌanomo ondofaane fekataa-taaꞌe dadimiu. Koe dadi ngkabhohe-bhoheomu, tamaka dadiomu peda mie mande. Kotika bhe kasalawa, pake metaaꞌeomu, kapaꞌamo dhamani aini dhamani modai.

Koise mololanuomu, kapaꞌamo kalolanu neowa nafusuu fodai-daino, tamaka naetaa umulei lalomiu sadhia nakumabhintikoomu Rohino Lahataꞌala. Ane potula-tulaomu, pakeomu lagu mazmur ne Kitabino Daud, lagu-laguno kapudhi bhe lagu-lagu lumebeno. Melagu bhe moꞌiaꞌomu so Ompu sampuu-mpuuno lalomiu. Sadhia mefoampeomu katumpuno lalo ne Lahataꞌala Amantoomu weo neano Omputo Yesus Kristus, o ae maka dua neꞌawamiu.

Kanandooꞌanomo koise kabhohe-bhoheomu, tamaka uleiꞌeomu lalomiu ondofiomu kapoindalono Ompu.

Hintimiu moꞌane, moasianeomu hobhinemiu pedamo Kristus noasiꞌao umatino, nofotawakalaanda Wutono sampe nomateanda.

Daanumo endefiꞌini hintimiu meateomu weo kahohondo, tamaka ampa aitu pesuamoomu we mentaleaꞌano, seꞌisemoomu bhe Ompu. Dadiꞌanomo dadiomu peda mie meateno ne mentaleaꞌano.

Potuhu-tuhupiomu hampano kafosibhalamiu ne Kristus.

Hintimiu hobhine, tuhupieꞌomu moꞌanemiu peda katuhumiu ne Ompu.

Mahinggamo nada amai, hintimiu moꞌane seemie-seemie tetewei moasiane hobhinemu nameda kaasimu ne wutomu; hintimiu hobhine fosibhalaeꞌomu moꞌanemiu.

⸤ Notibuhi weo Kitabi,⸥ “Dadiꞌanomo o moꞌane tetewei nahumunsa inano bhe amano maka naseꞌise bhe hobhineno, sampe kohoduando daembalimo seemie.”

Koise kaangka-angkaomu ne habundo mie meateno weo kahohondo, kapaꞌamo habundo miina nakofahalaaꞌa. Tamaka podiu modaindo itu fekantaleaꞌieꞌomu te wisendo mie bhahi.