Mistari Maarufu ya Biblia kutoka Mark 12

Shirikisha

Jesus‑em kiimsiqaa, “Megnunallegpigaq unanguuq: ‘Nagatek, Israel‑eghmiini! Ataneq Kiyaghneghput taananginaghhaaguq Ataneq. Ataneq Kiyaghneghen piniqsaghqaqan tamaghhaakun ilugpegun, tamaghhaakun unguvasighpegun, tamaghhaakun umyugaghpegun, qamagllukullu iknaqelleghpegun.’ Tuunglighha whatetuq: ‘Piniqsaghqaqaten yulguteten, piniqelleghpetun elpeneng katam.’ Alla Liilightuusiituq taakugetun megnunaghtutkalghiimeng.”

Jesus‑em maligsaaghteni tuqlughluki pikii, “Ipa ungipaatamsi, uum aklumalghiim ugingigham tuunegkakek qaayghutinguuk aklungilnguut tuunegkiitneng. Yuget kanaghtinguut aklungimeggneng, iwernga uum aghnam kanaghtaa qamaglluku maningiighhani, akluknguyaqanga ellminun kiyaghusighqaaluku.”

Temple‑mi, Jesus‑em aqumgatkelluku tungangakun manilghutam, esghapakii yulghutet kanaghtiighaatalghiit manimeggneng. Aklungilnguut yulghutet manilghutmeng kanaghquqat. Taagken aklumalghii ugingighaq iteghluni kanaghtekakek maalghuk maningiighhaak, qerngaagmek penny‑nguftuk.

Enkaam yugem piniqsaghqaqaa Kiyaghneq tamaghhaakun ilumi, tamaghhaakun umyugagmi, tamaghhaakunllu iknaqelleghmi. Piniqsaghqaqiillu yulgutni katam ellmineng piniqelleghmitun. Taakuk Liilightuusak megnunaghataghaghtuk paneghlluku tunusaqegkaneng, nalighmeng aghqutkegkaneng.”

Jesus‑em pikii, “Tuuniteki Caesar‑mun tamaakut Caesar‑em pingi. Tuuniteki Kiyaghneghmun tamaakut Kiyaghneghem pingi.” Enkaam saghiighayagutkaat Jesus.