Mistari Maarufu ya Biblia kutoka Mark 13

Shirikisha

Whanga apalluqlunga qamaglluni yugem ugumiilleqiisi. Iwernga kina alngunak nuqenneghtuqaq kenlemun yugulillengyaghqaaguq.”

Kelengatek, waaknanighpenasi qayughllak nallukaghsi qakun tagilleghqaa.

Tugulusi aglaaskangisi nanqigtivigmun sumeghtaghaqestaghpenasi akuzitkaghqameng. Pilleghqaq kaataqegkan akuziiqnaaghtusi pisqelleghpesistun, qayughllak elpesingunaanghitut akuzilghiit, Agleghnalghiik Taghneghak elpesigun akuziiqnaaghtuk.

Qilagallu nunallu aviighusaghqaaguk, iwernga whanga akuzitenka aviighusagqaanghitut.

“Iwernga kitum alngunak nallukaa nani aghneghmillu aflumillu tagiyaghqaatanga. Talwa yaqulget qilagmelnguut nallukaat, Ighneghemllu nallukaa, Atanginaghhaam liisimakaa.

Nagaququfsiki pilluwat, akusqaghtaatkellghetlu pilluwat, alingegpenasi. Tamaana piyaghqaaguq, salin iquggnaqngunghituq.

Enkaam elpesi kelengatek, qayughllak nallukaghsi qakun mangteghalek uteghnighyaghqaatanga. Walluumllu tagiiqli ighivgaghmi, unugem qukaani, aghtaghaqestami, nalighmeng unaanguluku. Enkaangam kelengatek luuraq kaatqaghtekumi qavaalusi angunayukangisi. Aapqegka una elpesinun, tamaghhaghllaganun pingwaaqa: Kelengalusi!”

Nunam ramkengi pilluwutullequt, nunamllu ataneghpagullghi sughugaallequt, nunatlu nani alngunak tuyepeghtaghaqluteng piyaghqaagut, neqangisagllagaqlunillu piyaghqaaguq. Qamaglluteng tamaakut aghnam ighniyukestallghatun ayuqut.

Pinilghiit Ungipat ungipaqsaghqaagut tamanganun ramkenun sivungani iqugtellghem.

Uglaapiglleghhii tagiyaghqaaguq atuqluku aatqa, whaten piiqluteng, ‘Ellnganguunga!’ Enkaam uglaapiglleghhii puughqughyaghqaqaat.

“Iwernga elpesi kelengalusi. Tugulusi agghistenun aglaalleqiisi. Synagogue‑ni kagsagmiglleqiisi. Whanga apalluqlunga nekevellequsi sivungitni igleghutistetlu umiilgetlu ungipaghtengulusi Pinilghiineng Ungipaneng.

Christ‑asighwaaghetlu uuknaliqistesighwaaghetlu allgeghtuusaghqaagut. Allaaghlluwhaghtighllagaataghyaghqaagutlu, saghiighanaghqeghllagaataghyaghqaagutlu puughqughnaluki yuget, talwa Kiyaghneghem nakmikegkii puughsaqlegukumegteki pilleqiit.

“‘Kingunganeng taam seghleliilleghllagem siqineq mamlegllequq, tanqiq nighugunnanighllequq, ighaleqetaaghet ifkaquullequt qilagameng, aghtughyaghqaanghillghet qilagamelnguut igleghallghit alngunaghqeslequt.’