Mistari Maarufu ya Biblia kutoka ROOMU SOKKA 1

Shirikisha

Danchu Duduwi amma'nitinore baala balaxe Ayihude, aancheno daga gatisate Maganu wolqaati. Kunnira, ani Danchu Duduwinni disaalfateemmo.

«Keeraanchu amma'natenni heeshsho afi'ranno» yine borreessinoonninte gede, Danchu Duduwi Maganu manna uminni kayise goofimarchu geeshsha amma'natenni keereensannota kulanno.

Alame kalaqantuhunni kayise mannaho leellannokkihu Maganu dani, hegere wolqasinna Maganimmasi, isi kalaqino kalaqami aana xabbe leeltanno. Kunnira, affanni heedhe assitanno bunshera ku'lite gattannori dinonsa.

Insa Magano affe heedhenni, Maganimmasira malino ayirrinyenna galata diuyitinosi. Hedonsa haafa ikkite gattu; jallaagu wodaninsano tunsi.

Hatto assinohu, Maganu halaale kaphunni soorritinohura, kalaqinoha agurte kalaqamaho kumbuultinohuranna soqqantino daafiraati. Maganu kayinni hegere geeshsha galataminoho! Hamii'ni.

Bunshensanni halaalu leellannokki gede assanno mannira, cubbinsanna bunshensanni kainohunni Maganu hanqi gordunni dirranno.

Konne coye assitinohura, Maganu saalsiissanno yorto giddo facci asse agurinsa. Meentinsa nafa siimu xaadooshshira rosamino gara agure ronsoonnikki gara ikkanno. Labballuno rosaminoha labbaahunna meyate xaado agure, insa insanaawa siimu xaadooshshe assate yortonni giirantu. Kunnira labballu labballu ledo saalsiisanno coye assitu; assitino so'rorano bisinsara malino qoricha adhitanno. Mannu Magano afate hasi'rinokki daafira, saalsiisanno coye assanno gede, tidhitinokki hedo giddo facci asse agurinsa.

«Ninke egennaammaho» yitanni heedhenni gowwoota ikkitu. Hegere Magano ayirrisa agurte, mannu, ceatenni, saadatenninna godowunni ha'ranno kalaqami suudinni seekkinoonni misillara ba'annotera ayirrinye uyitu.