Mistari Maarufu ya Biblia kutoka ይዃንስት ወንጌል 14

Shirikisha

ዲግተ ክታግል በጭር፤ ይዲግተድየንትም ነቅጭር፤ ያን ክታጭስ ነቀውድ ኣልምድ ነየውድ ተከውም ኣየው፤ ክታእዘንድ ጨጝቅሺነ፤ ጐውቲነም።

እየሱስም፦ «ጒደነድ፣ እማንድ፣ ርዅየድም ያን የጝ፤ ይጐቱ ኣየውዝየ ኣይርትል ተረው እጀውም።

እየሱስም ጝክንደጢዝ፦ «ክታዘንድ ጨጝቅሺነ፤ እደረት ኣምንጥን፤ ይትም ኣምንጥን።

ኣይር ይሽዝ እፃቐው ዲብሰተ ኣቐው መንፈስ ቅዱስ ግን እጝቅትቅ ክታጭስ ክንስጡ፤ ያን ክታጭስ ድቈውድየንትም ኣጅስጡ።

ይት ቀነውድ ይትዛዝድ ለምር ሊሚደውድ የጝ፤ ይት ቀነውድየንትም ይር ቀንጡ፤ ያንም ቀንጭር፤ ይቕምትም ጝጭስ ጋልፅጭር።»

ያን ኣይርት ጨውጭር፤ ጘጝም ዘላልም ክታጅቅ ፅበው ላየ ዲብሰተ ክታጭስ ነይጡ። ጘጝም እማንዙ መንፈስ የጝ፤ ኣልምድ ጝት ቓላው ኣቓንስቅ፣ ኣርቓው ኣቓንስቅም ጝት ለምርጠ ቸላውም፤ ክትን ግን ጘጝ ክታጅቅ ኣቓንስቅ፣ ክታኣቒልም ፅበው ኣቓንስቅ ጝት ኣርቕትርንቅ።

ኣይርም ዅርት ምላሰንዝ ኪብራንስ ማጥን ይሽⶔዝ ጨውርነውድየንትቅ ያን ፃቭጭር። ኣውማው ዊገድቅ ይሽⶔዝ ጨውርነውዝየ ያን ጝት ፃቭጭር።»

«ይት ቀንድርነቅ ኣርነውዝየ ይትዛዝድ ሊሚድጥን።

ይርት ጝኒል ንቕፀው ስፍረ እኩ፤ እኒን ኣየው ኣቓንመ ድቍጨ ዊኑን፤ ፊጠውድም ክታጭስ ስፍረ ኣስልጨ የጝ።

ፊጥ ክታጭስ ስፍረ ኣስለት ግረ ያን ፅበዊል ክትንም ፅብርናንስ ማጥን እንደ ገነ ተጥ ፊስጭር።

ተውማስም፦ «ኣደረወ! ኣውል ፊርተጘ ኣርቒነቅም፤ እደስለ ኣወይን የጝ ክት ፊትረው ጒደነድየንት ኣርቕነውድ?» ዩ።