Mistari Maarufu ya Biblia kutoka Galatas 3

Shirikisha

Jaxa Kajwaltik Jesusi, ye'n ya' a sb'aj yuj ja ke'ntik b'a oj yi' ja wokol it wax a'ji yi ja ma' mi sk'u'an ja mandar jawi. Jach' jastal jaw b'ob' skoltayotik. Ja b'a ts'ijb'anub'al ja yab'al ja Dyosi, jach' wax yala jastal iti: —Ja Dyosi, mi lek wax yila, chikan ma' ti oj cham lokan b'a jun te'i.

Ja'yuj mi t'ilanuk ta judio ma mi judio'ukex, yib' k'ab'al ayex ma miyuk, winik ma ixuk. Ta yuj k'a ti ayex sok ja Kajwaltik Jesusi, junxtani a wab'alexa.

Ta yuj k'a ti ayex sok ja Kajwaltik Jesusi, yujni ti cho ti' ayex sok spetsanil ja yuntikil jumasa ja Abrahami, cho ojni b'ob' a wi'ex ja jas yalunej oj ya' ja Dyosi.

Ja'yuj ja slekil sk'ujol ja Dyos yal yab' oj ya' yi ja Abrahami, ja slekil jawi, cho ja'ni oj a'juk yi ja ma mi judio'uki. Ja'yuj ta wan k'ax k'u'antik ja Kajwaltik Jesusi, ojni ya'ki'tik ja Espiritu it yaloj kab'tiki.

Mini jun ma' oj b'ob' yal yuj wa sk'u'an ja Dyos yuj ja wa sk'u'an ja mandar it a'ji yi ja Moisesi, ja b'a ts'ijb'anub'al ja yab'al ja Dyosi, jach' wax yala jastal iti: —Ja ma' sk'u'anta ja Dyosi sok ja'ni niwan lek sk'ujola, ojni sta' ja sak'anil b'a mi oj ch'akuki.