Mistari Maarufu ya Biblia kutoka Marku 12

Shirikisha

Yeesu aamwaakhula: “Noopwaha ootheene ti nna: ‘Mwiiwe aYixrayeli, Apwiya Mulukwaahu ti Apwiya amoharu. Mwaasivele Apwiya Mulukwaanyu ni murimaanyu wootheene, okumaanyu wootheene, wuupuwelawanyu wootheene ni ikurusanyu sootheene.’ Nanaaveeli ti nna: ‘Munsivele mukhwiinyu ntoko muniisivelaanyu.’ Khaawowo malamulo makina oopwaha yaala.”

Awiitthanaka wa Yoowo oohuseraawe, Yeesu aaweerela: “Kinooleelani weera naamukhweli ola oohaawa oohela mmaalani a soovaha vancipale woowaapwaha akina. Ootheene aavonyera mwemmo paahi mpatta wa musurukhwaaya mwincipale, vaheera ola oovonyeramo moohaawanimwawe sootheene aarinaawe weera akhale.”

Yeesu aakilaathi ohoolo wa maala mwemmwe saaheliwaaya soovaha. Aahaaweha atthu ancipale ehelaka musurukhu mmaalani mwa soovaha. Anamapuha ancipale yaavonyeramo musurukhu mwincipale. Vano naamukhweli mmoha oohaawa aaphiya, anahela makhoobiri meeli ooyevaxa, eyo tiiyo, waari musurukhu vakhaani woohitthuneyaxa.

Omusivela Muluku ni murimaanyu wootheene, wuupuwelawanyu wootheene ni ikurusanyu sootheene, ni omusivela mukhwiinyu ntoko muniisivelaanyu, ti wootthuneyaxa oopwaha sooveleela soohisiwa ni soovaha sootheene.”

Vano Yeesu aaweerela: “Ya Seesari, mumvahe Seesari, ni ya Muluku, mumvahe Muluku.” Ni yaatikhina mwaha wa Yoowo.