Mistari Maarufu ya Biblia kutoka Marku 13

Shirikisha

Mmwithanyiwe ni atthu ootheene niwoko na Nsinanaka, mene yoowo anaavilele mpaka ommaleloni onoovuluxiwa.

Nnene! Mwiipasoope! Nyuwo khamusuwenle eneeraaya erwe ehuhuweene yeeyo.

Imaara sootheene muneeraanyu muvonyeriwe okaliposo ni muronghiwe woothorihiwani, muheeteteele yeeyo muneeraanyu mwahime. Mwahime paahi yeeyo muneeraanyu mwavahiwe ehuhuweene yeeyo, niwoko khamuhiyono nyuwo muneera muulume, mene Munepa Wootteela.

Wiirimu ni vathi onuuvire; maswaakatho kheerwa evira.

Mwaha wa nihuku nno ni ewoora eyo khaawo onsuwela, hata andyelo a wiirimu, hata Mwaana, ehikhanle Atiithi paahi.

Mwiiwaka sa ikhotto ni suulummwaka sa ikhotto, muhoove. Ontthuneya weera itthu iyo seereiye, mene nlelo khoohiyono ommaleloni.

Tivawo, mulipelele, niwoko khamusuwenle ewoora heeni mwaneene a vaate aneeraawe awe – hata okhalaka wiilaka, naari ohiyu eriyari, naari oyaaka ni oxa, hata oxeexelo. Owo awa Wootutuxereya, ahoophwanyeni mukonaka! Yeeyo kinooleelaakani, kinaaleelatho ootheene: mwiipasoope!”

Elapo ni elapo eniiwane, aani omwene ni omwene. Onuukhale otetereiya mmapuroni makina, nitho etala. Itthu iyo siri epacerero ya ovoreiya wa oyara.

Ni ontthuneya toko weera masu ooreeraxa ekhale oolaleiwa wa miloko sootheene.

Ancipale animoowa mwa Nsinanaka yeeraka: ‘Ti miyo,’ ni eniyaalokotthe ancipale.

Nnene, niwoko munoovahereriwa wa alipa oowuuluma milattu ni munoomaniwa muSinagogani*. Nyuwo munooronghiwa ohoolo wa asitokweene ni mamwene niwoko na Miyo weera mwaakhalele onamoona yaawo.

Vano, eniikhumelele akristu ni maprofeeti oowootha eneera epake ineneero ni sootikhiniha weera, wawereya, yaalokotthe mpaka oothanliwa.

Wa mahukweene yaawo, waamalaka ohaawaxa iwo, ‘nsuwa khanirwa noopa, ni mweeri khoorwa waaratho. Ithenyeeri nsimore wiirimu, ni ikuru sa wiirimu nsittikinyeye.’