Mistari Maarufu ya Biblia kutoka ARomo 1

Shirikisha

Bambiko zee amanga nga re na wene pangbanga te; bambiko si nga ga Mbori tandu sa bata fu agu yo dũ ka idi pase; fu aYudo mbata, fu aGiriki a.

Bambiko rogo wene pangbanga Mbori ayugo waĩ ko nasa aboro ni ruru yo; si mbiko kina idapase, ti tonatona ha ki da ti digida ha: wa du he rogo Ziazia Kekeapai, ya, “Ono ruru boro ará mbiko idapase.”

Bambiko gu gako apai ka i abi nga ya nga gako nyenye tanau na sino Mbori i nabi ne abi ziazia, tona kina ho rago aenge ni. I nabi he kina rogo agu ahe yo ko amangi; si du zanga ti birĩ ti ni ti yo te!

Bambiko, wa i naini Mbori, i ataasa nga rimoko wa Mbori te, i atambua nga ko a te; ono i namanga kina ruka rogo gayo berã yo, mumungo kpotoyo yo ki du na bitimo.

bambiko i aunda ga Mbori rengo na zire, ki niirisi úzegino nimangi pa ha bakere ti Bafuahe, i nasambua ko nye anye kindi! Amina.

Bambiko ga Mbori zinga ni yuguyugu ne ngbangbaturũ yo sa gu zangasinombori na irairapai dũ nga ga agu aboro nagbingbida rengo ni irairapai

Si du Mbori ahe yo ti ni sa gbegberẽ dinga ngbaduse; bambiko gayo ade asa sinoyo ni gu pai dũ akia ti sino; wa akumba a, nihe sino gu pai nga ga ade, ki nifoi afaa be gayo nyemuhe kuti akura yo, kina akumba naamanga pa wasiro na akumba, gu pai ki da kpotoyo yo rengbe na gayo ingapai nga mosoro ho. Wa i aka berã pa Mbori, Mbori ahe yo sa gbegberẽ berã, ka manga agu apai aru nga ya

I niya tipa tiyo tatamana aboro, i ki niye ka du ni kina mumungo aboro, ki sa gu taarimo nga ga gu Mbori ka zirã nga ya fu kpia zirĩ boro, na ga azire, na agu anya du ndura ni ba biama, na agu agbiro nagbe tira agbe.