Mistari Maarufu ya Biblia kutoka KA ʻEUANELIO I KĀKAU ʻIA AI E MATAIO 16

Shirikisha

A laila, ʻī maila ʻo Iesū i kāna poʻe haumāna, “ʻO ka mea makemake e hele ma muli oʻu, e hōʻole kēlā iā ia iho, e hāpai hoʻi ia i kona keʻa, a e hahai mai iaʻu.

“Ke ʻōlelo aku nei hoʻi au iā ʻoe, ʻo ʻoe nō ʻo Petero, a ma luna o kēia pōhaku e kūkulu ana au i koʻu ʻekalesia, ʻaʻole hoʻi e lanakila mai nā ʻīpuka o ka pō ma luna ona.

“E hāʻawi aku hoʻi au iā ʻoe i nā kī o ke aupuni o ka lani; a ʻo ka mea e hoʻopaʻa ʻia e ʻoe ma ka honua nei, e hoʻopaʻa ʻia hoʻi ʻo ia ma ka lani; a ʻo ka mea e kuʻu ʻia e ʻoe ma ka honua nei, e kuʻu ʻia hoʻi ʻo ia ma ka lani.”

“No ka mea, ʻo ka mea e manaʻo ana e mālama i kona ola, e lilo ana ia mea; akā, ʻo ka mea e haʻalele i kona ola noʻu, e loaʻa iā ia ke ola.

“He aha ka pōmaikaʻi no ke kanaka ke loaʻa iā ia kēia ao a pau, a lilo aku kona ʻuhane? He aha hoʻi kā ke kanaka e hāʻawi aku ai i uku no kona ʻuhane?

Nīnau maila ʻo ia iā lākou, “ʻO wai hoʻi wau i kā ʻoukou nei ʻōlelo?” ʻŌlelo akula ʻo Simona Petero, ʻī akula, “ʻO ʻoe nō ka Mesia, ke Keiki a ke Akua ola.”

ʻŌlelo maila ʻo Iesū, ʻī maila iā ia, “Pōmaikaʻi ʻoe, e Simona ke keiki a Iona; no ka mea, ʻaʻole na ke kanaka ia i hōʻike mai iā ʻoe; akā na koʻu Makua nō i loko o ka lani.