Mistari Maarufu ya Biblia kutoka LOMA 1

Shirikisha

I a au e se ma i te tala 'lei: i te mea ko te mana o te Atua e fakaola i ei a latou katoa kola e fakatuanaki, e muamua te Iutaia, kae tafa atu te Eleni.

Ne fakaasi mai ne te tala 'lei te auala ne fai ne te Atua ko tino ke amiotonu. E auala i te fakatuanaki mai te kamataga ki te fakaotiga. E pela mo muna a te Tusi, “E maua ne te tino te ola tonu i te talitonu i te Atua ko oti ne fai ne ia te tino tena ke 'lei te la va.”

A te uiga se lavea o te Atua, tela ko tona mana mo tona uiga fakaatua, ko oti eiloa ne fakaasi faka'lei mai e alatu i te faitega o te lalolagi. Tela la, ko se mafai ne tino o fai ne olotou fakasako me ko matea 'lei ne latou te Atua i ana mea ne fai.

E iloa foki eiloa ne latou te Atua, kae se fia āva ki a ia e pela mo se Atua io me 'viki atu ki a ia, kae ne 'fonu olotou manatu i mafaufauga se 'lei, mo olotou mafaufauga 'masa ko 'fonu foki i te pouliga.

Ne sui ne latou te mea tonu e uiga ki te Atua ki te mea loi. Ne tapuaki kae tavini foki ki mea ne faite ne te Atua i lo te tapuaki ki a ia. E 'tau o vikia te Atua ki te se gata mai. Amene.

Ne fakaasi mai ei foki te fakasalaga a te Atua mai te lagi ki te se amio Atua mo te amio ma'sei o tino, i te mea ko tekeia ne te lotou amio masei ke se iloa ne latou te mea tonu.

Tenei te pogai ne tuku atu ei latou ne te Atua ki amioga fakalumaluma. Ke oko foki ki olotou fafine, ne fakaaoga 'se ne latou faifaiga tonu o te foitino ki faifaiga se tonu; kae pena foki tagata, ne tiakina ne latou faifaiga tonu i te va o tagata mo fafine, kae ne 'ka olotou loto i te manako o te sua tagata ki te sua tagata, me ne fai ne tagata kona amioga fakalumaluma mo nisi tagata, kae ka maua ne latou te lotou fakasalaga i olotou mea 'se. I te mea e ita latou o puke mau i olotou mafaufau a te poto o te Atua, tela tuku atu ei olotou mafaufau mo fai amioga se 'lei.

Ne manatu ifo latou me i a latou e 'poto, kae tela la e va'lea fua. Ne sui foki ne latou te 'malu o te Atua ola tumau ki fakatusa o te tino, manu eva, manu vaefa mo manu 'tolo kola e oko ki ei te mate.