Mistari Maarufu ya Biblia kutoka Marcos 12

Shirikisha

Si Jesus nagsabat, “Amo ini ang labing importante nga sugo: ‘Pamati ka, O Israel, ang Ginoo nga aton Dios amo lamang ang Ginoo. Higugmaa ang Ginoo nga imo Dios sa bug-os mo nga tagipusoon, sa bug-os mo nga kalag, sa bug-os mo nga hunahuna, kag sa bug-os mo nga kusog.’ Ang ikaduha amo ini: ‘Higugmaa ang imo isigkatawo subong sang imo kaugalingon.’ Wala na sing iban pa nga sugo nga mas labi pa ka importante sang sa sining duha.”

Gintipon ni Jesus ang iya mga gintuton-an kag nagsiling sia sa ila, “Dumdoma ninyo ini, ining imol nga balo naghatag sing mas madamo sa kolektahan sang sa tanan. Kay ang iban naghatag gikan sa sobra sang ila manggad, pero ang balo, sa iya kaimulon, naghatag sang tanan niya nga pangabuhian.”

Sang nagapungko si Jesus sa tupad sang kolektahan sa Templo, nagbantay sia sang paghulog sang mga tawo sang ila kwarta. Madamo nga mga manggaranon ang naghulog sing madamo nga kwarta. Dayon may nagpalapit nga isa ka imol nga babayi nga balo kag naghulog sing duha gid lang ka sentimos.

Kag dapat higugmaon sang tawo ang Dios sa bug-os niya nga tagipusoon, sa bug-os niya nga hunahuna, kag sa bug-os niya nga kusog, kag dapat niya higugmaon ang iya isigkatawo subong sang iya kaugalingon. Labi pa ka importante ang pagtuman sining duha ka sugo sang sa tanan nga halad nga sinunog kag halad nga inihaw.”

Gani si Jesus nagsiling sa ila, “Ti, kon amo, ihatag ninyo sa Emperador ang iya sang Emperador kag sa Dios ang iya sang Dios.” Kag natingala gid sila sa kay Jesus.