Mistari Maarufu ya Biblia kutoka Marcos 11

Shirikisha

Gani nagasiling ako sa inyo: Ang bisan ano nga inyo ginapangayo sa pangamuyo, magtuo kamo nga inyo na ina nabaton, kag ini tanan ihatag gid sa inyo.

Dumdoma ninyo ini! Ang bisan sin-o nga magsiling sa sining bukid, ‘Halin ka diri kag maglukso sa dagat,’ kag wala sia nagaduhaduha sa iya tagipusoon, kundi nagatuo nga ang iya ginasiling mahanabo, matuman ina sa iya.

Kag kon kamo nagatindog nga nagapangamuyo, patawara ninyo ang mga nakasayop sa inyo, agod nga ang inyo Amay sa langit magpatawad man sang inyo mga sala.

Si Jesus nagsabat sa ila, “Magtuo kamo sa Dios.

Dayon nagpanudlo sia sa mga tawo nga nagasiling: “Nasulat na sa mga Kasulatan, ‘Ang akon Templo pagatawgon nga balay nga palangamuyoan para sa mga tawo sang tanan nga mga pungsod.’ Pero inyo ini ginhimo nga isa ka palanaguan sang mga makawat!”

Ang mga nagauna kag nagasunod sa iya nagsilinggit, “Dayawon ang Dios! Dayawon ang nagaabot sa ngalan sang Ginoo!

Dayawon ang palaabuton nga ginharian sang isa sang aton mga katigulangan nga si Haring David! Dayawon ang Dios sa kahitaasan!”