Mistari Maarufu ya Biblia kutoka ᒉᓂᓯᐢ 50

Shirikisha

ᒫᑲ ᑭᔭᐋᐧᐤ, ᑭ ᑭ ᐃᑌᔨᑌᓈᐋᐧᐤ ᑭᑕ ᒫᔨᑐᑕᐃᐧᔦᐠ; ᒫᑲ ᑭᓭᒪᓂᑐ ᑭ ᒥᔪᐸᔨᑖᐤ, ᑭᑕ ᐅᑎᐦᒋᐸᔨᑖᐟ, ᑳ ᐃᐦᑭᕽ ᐊᓄᐦᐨ ᑳ ᑭᓯᑳᐠ ᑭᑕ ᐱᒫᒋᐦᐊᑭᐠ ᒥᐦᒉᐟ ᐊᔨᓯᔨᓂᐊᐧᐠ.

ᒍᓯᑊ ᒫᑲ ᐅᒥᓯ ᑭ ᐃᑌᐤ, ᐁᑳᐃᐧᔭ ᓭᑭᓯᐠ, ᓂ ᑕᐱᑲᐸᐃᐧᐢᑕᒪᐋᐧᐤ ᒋ ᑭᓭᒪᓂᑐ?

ᐁᑲᐧ ᒫᑲ ᐁᑳᐃᐧᔭ ᓭᑭᓯᐠ; ᑭ ᑲ ᐊᓴᒥᑎᓈᐋᐧᐤ ᒥᓇ ᑭᐟ ᐊᐋᐧᓯᒥᓯᐋᐧᐊᐧᐠ. ᑭ ᒥᔪᑌᐦᐁᐁᐤ ᒫᑲ, ᒥᓇ ᐁ ᑭ ᑳᑭᒋᐋᐟ.

ᐅᒥᓯ ᑭ ᑲ ᐃᑖᐋᐧᐤ ᒍᓯᑊ, ᐳᓀᔨᑕ, ᑭ ᐸᑯᓭᔨᒥᑎᐣ ᐁᑲᐧ, ᐅ ᐊᐧᓂᑐᑕᒧᐃᐧᓂᐋᐧᐤ ᑭᒋᐋᐧᒪᐠ, ᒥᓇ ᐅ ᒪᒋᐃᑎᐃᐧᓂᐋᐧᐤ; ᒋᑫᒫ ᑭ ᑭ ᒪᒋᑐᑖᑲᐧᐠ; ᐁᑲᐧ ᒫᑲ ᑭ ᐸᑯᓭᔨᒥᑎᓈᐣ. ᐳᓀᔨᑕ ᐅᐟ ᐊᐧᓂᑐᑕᒧᐃᐧᓂᐋᐧᐤ ᐅᐟ ᐊᑐᐢᑫᔮᑲᓇ ᐅ ᑭᓭᒪᓂᑐᒪ ᑯᑖᐃᐧ. ᒍᓯᑊ ᒫᑲ ᑭ ᒫᑐ ᐃᐢᐱ ᐁᔭᒥᐃᑯᐟ.

ᒍᓯᑊ ᒫᑲ ᑭ ᐃᑌᐤ ᐅᒋᐋᐧᒪ, ᓂᔭ ᐃᐧᔭ ᓂ ᐳᓂ ᐱᒫᑎᓯᐣ; ᑭᓭᒪᓂᑐ ᒫᑲ ᑫᐦᒋᓈ ᑭ ᑲ ᐯ ᓇᑕᐋᐧᐯᓈᑯᐋᐧᐤ, ᒥᓇ ᑭ ᑲ ᐊᐧᔭᐃᐧᑕᐦᐃᑯᐋᐧᐤ ᐅᑕ ᐊᐢᑭᕽ ᑭᑕ ᐃᑐᐦᑕᐦᐃᑯᔦᐠ ᐊᐢᑭᕽ ᑳ ᑭ ᐊᓱᑕᒪᐋᐧᐟ ᐁᑊᕒᐁᐋᒪ, ᐋᐃᓴᑲ, ᒥᓇ ᒉᑲᐸ.

ᒍᓯᑊ ᒫᑲ ᑭ ᑭᐦᒋᐃᑌᐧᐁᐤ ᐃᐢᕒᐁᐃᓬᐊ ᐅᐟ ᐊᐋᐧᓯᒥᓯᔨᐊᐧ, ᐁ ᐃᑖᐟ, ᑭᓭᒪᓂᑐ ᑫᐦᒋᓈ ᑭ ᑲ ᐯ ᓇᑕᐋᐧᐯᓈᑯᐋᐧᐤ, ᑭ ᑲ ᓯᐯᐧᑕᑖᓈᐋᐧᐤ ᒫᑲ ᓂᐢᑲᓇ ᐅᑕ ᐅᐦᒋ.

ᐁᑯᓯ ᒫᑲ ᒍᓯᑊ ᑭ ᐳᓂ ᐱᒫᑎᓯᐤ, ᒥᑖᐦᑐᒥᑕᓇᐤ ᒥᑖᑕᐦᐟ ᐊᔨᐋᐧᐠ ᐁ ᑭ ᑕᐦᑐᐱᐳᓀᐧᐟ; ᑭ ᒪᐢᑭᑭᐃᐧᐁᐊᐧᐠ ᒫᑲ, ᒥᓇ ᑭ ᓇᐦᐃᓈᐤ ᒥᐢᑎᑯᐊᐧᑎᑳᓂᕽ ᐃᒋᑊᑎᕽ.